ਡਾਇਰੈਕਟੋਰੇਟ ਜਨਰਲ ਆਫ਼ ਫੋਰੇਨ ਟ੍ਰੇਡ (ਡੀਜੀਐੱਫਟੀ) ਦੇ ਨਿਰਯਾਤਕਾਂ ਲਈ ਵਪਾਰ ਵਿੱਚ ਸਰਲਤਾ ਨੂੰ ਉਤਸ਼ਾਹਿਤ ਕਰਨ ਲਈ ਸਰਕਾਰ ਵੱਲੋਂ ਸਮੇਂ-ਸਮੇਂ ‘ਤੇ ਕੀਤੀਆਂ ਗਈਆਂ ਪਹਿਲਕਦਮੀਆਂ ਦੇ ਕ੍ਰਮ ਵਿੱਚ ਹੁਣ ਆਪਣੇ ਪੋਰਟਲ ‘ਤੇ ਮੁਕਤ ਵਿਕਰੀ ਅਤੇ ਵਣਜ ਸਰਟੀਫਿਕੇਟਾਂ (ਐੱਫਐੱਸਸੀ) ਨੂੰ ਆਟੋਮੈਟਿਕ ਤੌਰ ‘ਤੇ ਜਾਰੀ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਇਹ ਸਰਟੀਫਿਕੇਟ ਵਿਦੇਸ਼ ਵਪਾਰ ਨੀਤੀ ਦੇ ਤਹਿਤ ਉਨ੍ਹਾਂ ਵਸਤੂਆਂ ਦੇ ਨਿਰਯਾਤਕਾਂ ਨੂੰ ਜਾਰੀ ਕੀਤੇ ਜਾਂਦੇ ਹਨ ਜੋ ਡਰੱਗਜ਼ ਅਤੇ ਕਾਸਮੈਟਿਕਸ ਐਕਟ, 1940 ਦੇ ਅਧੀਨ ਨਹੀਂ ਆਉਂਦੀਆਂ ਹਨ। ਮੌਜੂਦਾ ਸਮੇਂ ਵਿੱਚ ਅਜਿਹੇ ਸਰਟੀਫਿਕੇਟ ਡੀਜੀਐੱਫਟੀ ਦੇ ਖੇਤਰੀ ਅਥਾਰਿਟੀਆਂ (ਆਰਏ) ਵੱਲੋਂ ਜਾਂਚ ਅਤੇ ਤਸਦੀਕ ਤੋਂ ਬਾਅਦ ਜਾਰੀ ਕੀਤੇ ਜਾਂਦੇ ਹਨ।

ਹੁਣ ਮੌਜੂਦਾ ਢਾਂਚੇ ਦੇ ਅਨੁਸਾਰ ਯੋਗ ਅਰਜ਼ੀਆਂ ‘ਤੇ ਆਟੋਮੈਟਿਕ ਜਾਰੀ ਕਰਨ ਲਈ ਵਿਚਾਰ ਕੀਤਾ ਜਾਵੇਗਾ, ਉਨ੍ਹਾਂ ਨੂੰ ਸਬੰਧਿਤ ਕਰਮਚਾਰੀਆਂ ਦੇ ਕੋਲ ਸੂਖਮ ਤਸਦੀਕ ਲਈ ਨਹੀਂ ਭੇਜਿਆ ਜਾਵੇਗਾ। ਆਟੋਮੈਟਿਕ ਵਿਧੀ ਤੋਂ ਐੱਫਐੱਸਸੀ ਅਰਜ਼ੀਆਂ ਦੀ ਇੱਕ ਮਹੱਤਵਪੂਰਨ ਸ਼੍ਰੇਣੀ ਲਈ ਉਨ੍ਹਾਂ ਦੇ ਨਿਪਟਾਰੇ ਵਿੱਚ ਲਗਣ ਵਾਲੇ ਸਮੇਂ ਵਿੱਚ ਕਮੀ ਆਉਣ ਅਤੇ ਉੱਤਰ-ਪੂਰਬੀ ਦਫ਼ਤਰ ਸਬੰਧੀ ਪ੍ਰਕਿਰਿਆ ਨਾਲ ਜੁੜੇ ਪਾਲਣਾ ਦੇ ਬੋਝ ਵਿੱਚ ਕਮੀ ਆਉਣ ਦੀ ਉਮੀਦ ਹੈ।

ਉੱਥੇ ਹੀ, ਜਿਨ੍ਹਾਂ ਅਰਜ਼ੀਆਂ ਦੀ ਤਸਦੀਕ ਦੀ ਜ਼ਰੂਰਤ ਹੋਵੇਗੀ ਜਾਂ ਜੋ ਆਟੋਮੈਟਿਕ ਤੌਰ ‘ਤੇ ਨਿਪਟਾਰੇ ਦੀਆਂ ਮਿਆਰਾਂ ਨੂੰ ਪੂਰਾ ਨਹੀਂ ਕਰਦੇ ਹਨ ਉਨ੍ਹਾਂ ਨੂੰ ਸਬੰਧਿਤ ਖੇਤਰੀ ਅਥਾਰਿਟੀ (ਆਰਏ) ਦੇ ਕਰਮਚਾਰੀਆਂ ਦੇ ਕੋਲ ਇਸ ਕੰਮ ਲਈ ਭੇਜਿਆ ਜਾ ਸਕਦਾ ਹੈ।

ਕੁਝ ਸਵੈ-ਪ੍ਰਵਾਨਿਤ ਅਰਜ਼ੀਆਂ ਨੂੰ ਵੀ ਪ੍ਰਣਾਲੀ ਦੇ ਜੋਖਮ ਪ੍ਰਬੰਧਨ ਮਾਪਦੰਡਾਂ ਦੇ ਤਹਿਤ ਸਮੀਖਿਆ ਲਈ ਸਬੰਧਿਤ ਖੇਤਰੀ ਅਥਾਰਿਟੀ ਨੂੰ ਭੇਜਿਆ ਜਾ ਸਕਦਾ ਹੈ।

ਇਸ ਕਦਮ ਨਾਲ ਗੈਰ-ਜ਼ਰੂਰੀ ਮਨੁੱਖੀ ਦਖਲਅੰਦਾਜ਼ੀ ਘੱਟ ਹੋਣ, ਪ੍ਰਕਿਰਿਆ ਦੀ ਭਵਿੱਖਬਾਣੀ ਵਿੱਚ ਸੁਧਾਰ ਅਤੇ ਯੋਗ ਨਿਰਯਾਤਕਾਂ ਲਈ ਮੁਕਤ ਵਿਕਰੀ ਅਤੇ ਵਣਜ ਸਰਟੀਫਿਕੇਟ (ਐੱਫਐੱਸਸੀ) ਨੂੰ ਤੇਜ਼ੀ ਨਾਲ ਜਾਰੀ ਕੀਤੇ ਜਾਣ ਦੀ ਉਮੀਦ ਹੈ। ਇਸ ਦੇ ਨਾਲ ਹੀ ਜਾਂਚ ਦੀ ਜ਼ਰੂਰਤ ਵਾਲੀਆਂ ਅਰਜ਼ੀਆਂ ਲਈ ਉੱਚਿਤ ਤਸਦੀਕ ਅਤੇ ਨਿਗਰਾਨੀ ਦੀ ਵਿਵਸਥਾ ਵੀ ਬਣੀ ਰਹੇਗੀ। ਇਸ ਪਹਿਲ ਨਾਲ ਆਟੋਮੈਟਿਕ, ਨਿਯਮ-ਅਧਾਰਿਤ ਪ੍ਰਕਿਰਿਆ ਨੂੰ ਮਜ਼ਬੂਤ ਕਰਕੇ ਅਤੇ ਜੋਖਮ-ਅਧਾਰਿਤ ਸਮੀਖਿਆ ਲਾਗੂ ਕਰਕੇ ਨਿਰਯਾਤਕਾਂ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਲਈ ਮੁਕਤ ਵਿਕਰੀ ਅਤੇ ਵਣਜ ਸਰਟੀਫਿਕੇਟ ਜਾਰੀ ਕਰਨਾ ਵਧੇਰੇ ਕੁਸ਼ਲ, ਪਾਰਦਰਸ਼ੀ ਅਤੇ ਪਹਿਲਾਂ ਤੋਂ ਅਨੁਮਾਨਯੋਗ ਹੋਣ ਦੀ ਉਮੀਦ ਹੈ।

ਪੂਰੀ ਸੂਚਨਾ ਲਈ ਇੱਥੇ ਕਲਿੱਕ ਕਰੋ   

************

ਅਭਿਸ਼ੇਕ ਦਿਆਲ/ਗਰਿਮਾ ਸਿੰਘ/ਇਸ਼ਿਤਾ ਬਿਸਵਾਸ/ਏਕੇ