কমর্স অমসুং ইন্দস্ত্রী মন্ত্রালয়
ইজ ওফ দুইং বিজিনেস প্রমোৎ তৌনবা দি.জি.এফ.তি.না ফ্রী সেল অমসুং কম্মর্স সর্তিফিকেতশিং ওতোমেতেদ ওইনা পীবা য়াহল্লে
থাগৎখিবা:
01 SEP 2026 12:26PM by PIB Imphal
মপান্দা পোৎচৈ থাদোক্লিবশিংদা ইজ ওফ দুইং বিজিনেস প্রমোৎ তৌনবা মতম মতমগী ওইনা সরকারনা লৌখৎলিবা খোঙথাংশিংগী মখা চত্থরকপা ওইনা, দাইরেক্তোরেত জেনরেল ওফ ফোরেন ত্রেদ (দি.জি.এফ.তি.) না দি.জি.এফ.তি.গী পোর্তেলদা ফ্রী সেল এন্দ কম্মর্স সর্তিফিকেত (এফ.এস.সি.) ওতোমেতেদ ওইনা পীবা য়াহল্লে। হায়রিবা সর্তিফিকেতশিং অসি ফোরেন ত্রেদ পোলিসীগী মখাদা এক্সপোর্তরশিংদা দ্রগস এন্দ কোসমেতিক্স এক্ত, ১৯৪০গী মখাদা য়াওদবা পোৎলমশিংগীদমক ইসু তৌরি। হৌজিক্কী ওইনা, অসিগুম্বা সর্তিফিকেতশিং অসি দি.জি.এফ.তি.গী রিজনেল ওথোরিতীশিংনা স্ক্রুতিনী অমসুং ভেরিফিকেসন তৌরবা মতুংদা পীরি।
ইলিজিবল ওইবা এপ্লিকেসনশিং অসি হৌজিক চৎনরিবা ফ্রেমৱার্ককী মতুং ইন্না মেনুএল স্ক্রুতিনীগীদমক রুত তৌদনা ওতোমেতিক ইসু তৌনবগীদমক খন্নগনি। ওতোমেতেদ মেকানিজম অসিনা এফ.এস.সি. এপ্লিকেসনগী মরুওইবা কাংলুপ অমগীদমক প্রোসেসিং মতম হন্থহল্লগনি অমসুং মমাংগী মেনুএল প্রোসেসকা মরী লৈনবা ঙাক্না চৎপদা ৱাবশিংসু হন্থহল্লগনি হায়না পানরি।
ভেরিফিকেসন মথৌ তাবা এপ্লিকেসনশিং, নত্ত্রগা ওতোমেতেদ প্রোসেসিং পেরামিতরশিংদু ফংদবা এপ্লিকেসনশিংদু, মেনুএল প্রোসেসিংগীদমক্তা মরি লৈনবা RA অদুদা মখা তানা রুত তৌবা য়াই।
ওতো ওইনা অয়াবা পীরবা এপ্লিকেসন খরদি সিস্তেমগী রিস্ক মেনেজমেন্ত পেরামিতরশিংগী মখাদা রিভিয়ু তৌনবগীদমক মরি লৈনবা RAদা তুংদা ফ্লেগ তৌবসু য়াই।
খোঙথাং অসিনা এভোইদ তৌবা য়াবা মেনুএল ইন্তরভেন্সন হন্থহল্লগনি, প্রোসেসিং অদু মাংজৌননা উবা ঙমহনগনি অমসুং ইলিজিবল ওইবা এক্সপোর্তরশিংগীদমক এফ.এস.সি.শিং হেন্না থুনা ইসু তৌবদা মতেং পাংগনি, অদুগা স্ক্রুতিনী মথৌ তাবা এপ্লিকেসনশিংগীদমক মতিক চাবা ভেরিফিকেসন অদু মখা তানা থমগনি হায়না পানরি। ওতোমেতেদ, রুলদা য়ুম্ফম ওইবা প্রোসেসিং মপাঙ্গল কনখৎহন্দুনা অমসুং রিস্কদা য়ুম্ফম ওইবা রিভিয়ু শীজিন্নদুনা, ইনিসিএতিব অসিনা এক্সপোর্তরশিং অমসুং এদমিনিস্ত্রেতিব ওথোরিতীশিংগীদমক্তা ফ্রী সেল অমসুং কমর্স সর্তিফিকেত পীবা অসি হেন্না কান্নবা ফংবা, মনুং মপান ফাওনা উবা অমসুং প্রেদিক্তেবল ওইহল্লগনি হায়না পানরি।
মপুং ফাবা নোতিসকীদমক মফম অসিদা নম্বীয়ু
***
(রিলিজ আই.দি.: 2305537)
ভিজিতর কাউন্তর : 4