বিকসিত ভারত-গরেন্তি ফোর রোজগার এন্দ অজিবিকা মিসন (গ্রামিন): ভি.বি-জি রাম জি (বিকসিত ভারত-জি রাম জি ) এক্ত, ২০০৫ মপুংফানা পায়খৎনবা অমসুং পঞ্চয়তি রাজ ইন্সতিতুসনশিংগী মীয়ামগী মীহুৎশিং খঙহন্নবা লৈবাক শীনবা থুংবগী জিলা থাক্কী পঞ্চ সম্মেলনশিং শিংথাবা য়ানা মাইপাক্লে। এক্ত অসিগী প্রোবিজনশিংগা লোয়ননা পঞ্চয়তি রাজ ইন্সতিতুসনশিংগী থাক অহুমদা মীয়ামগী মীহুৎশিং অমসুং ওফিসিএলশিং খঙহন্নবা অমসুং মখোয়গী থৌদাংশিং খঙনবা পঞ্চ সম্মেলনশিং পাংথোক্নবা রুরেল দিবলপমেন্ত মিনিষ্ট্রিনা রাজ্যশিং অমসুং য়ু.তিশিংদা হায়জখ্রে।

হৌজিক ফাওবদা লৈবাক শীনবা থুংনা পঞ্চ সম্মেলনশিং ১,৩৩৮ পাংথোকখ্রে। থৱায় য়াওনা শরুক য়াবা, এক্ত অসি মপুংফানা চৎন্নবা রাজ্যশিং অমসুং য়ু.তিশিংনা হোৎনবা অসিদা মসিগী মাইপাকপগী মমি তারে।

পঞ্চ সম্মেলন ১,৩৩৮ দা পঞ্চয়তি রাজগী মীহুৎশিং, ফঙ্কসন্নরিশিং অমসুং ওফিসিএলশিং লাখ ৫.২৬ হেন্না শরুক য়াখ্রে।  মীয়াম শরুক য়াদুনা থৌরাং তৌবা, খুঙ্গং চাউখৎহনবা অমসুং খুঙ্গংগী লৈঙাক্ত গ্রাম পঞ্চয়তশিংগী থৌদাংগী মতাংদা মীয়ামগী মীহুৎশিংগী মরক্ত ৱাখল তাবা অমসুং থৱায় য়াওবা হেনগৎলকপা অদু মশিং য়াম্না শরুক য়াবা অসিনা ফোঙদোক্লে।

হৌজিক ফাওবদা রাজ্যশিং অমসুং য়ু.তি ২৩ না মখোয়গী পঞ্চ সম্মেলনশিং পাংথোকখ্রে। মখোয়গী মনুংদা অন্ধ্র প্রদেস, অসাম, বিহার, ছত্তিশগর, গৱা, গুজরাত, হরিয়ানা, হিমাচল প্রদেশ, কর্নতকা, কেরালা, মিজোরাম, নাগালেন্দ, পঞ্জাব, সিকিম, তামিলনাদু, তেলেঙ্গানা, ত্রিপুরা, উত্তরাখণ্ড, নোংচুপ বেঙ্গল, আন্দামান অমসুং নিকোবর ইথৎশিং, দাদরা অমসুং নগর হাভেলি অমসুং দমন অমসুং দিউ, জম্মু অমসুং কাশ্মীর অমসুং পুদুচেরি য়াওরি। মতম চানা অমসুং মপুংফানা থবক পাংথোকপদা হায়রিবা রাজ্যশিং অমসুং য়ু.তিশিং শিংথাবা য়াবা খুদম অমা ওইরে।

পঞ্চ সম্মেলনশিং অসিদা ই-পাউ য়ৌবা হেনগৎহন্নবা রাজ্য কয়ানা অনৌবা থবক কয়া পায়খৎখি। গুজরাত, জম্মু অমসুং কাস্মির অমসুং নোংচুপ বেঙ্গলনা জিলা থাক খক্তদা নত্তনা অতোপ্পা লৈঙাক্কী থাকশিংদসু পঞ্চ সম্মেলনশিং পাংথোকখি, মরম অদুনা পঞ্চয়তি রাজ ইন্সতিতুসনশিংগী মীয়ামগী মীহুৎশিং অমসুং ফঙ্কসন্নরিশিংদা হেন্না খঙহনবা ঙম্লে। মসিনা মীয়ামদা এক্ত অসিগী মরমদা ৱাখল তাহনবা অমসুং কেপাসিতি হেনগৎহনবগী থবকশিং শিংথাবা য়ানা ফগৎলে।

ভি.বি-জি রাম জি (বিকসিত ভারত-জি রাম জি ) এক্ত, ২০০৫ না গ্রাম পঞ্চয়তশিং খুঙ্গং চাউখৎনবা থবকশিংগী ময়াইদা থম্লে অমসুং থৌরাং তৌবা, থবক পায়খৎপা, য়েংশিনবা, অরোন-অথুপ লৈহন্দবা অমসুং মরম চানা থবক তৌবগা মরী লৈনবা মরুওইবা থৌদাংশিং মখোয়দা শীন্নরে। বিকসিত গ্রাম পঞ্চয়ত প্লান, রুরেল রোজগার গরেন্তি কার্দ, থবক শুবা, পুনশিনবা, সোসিএল ওদিৎ অমসুং খুদোংচাদবশিং কোকহন্নবা থবকশিং য়াওনা এক্ত অসিগী প্রোবিজনশিং মীয়ামগী মীহুৎশিং অমসুং ফঙ্কসন্নরিশিংদা খঙহন্নবা অফবা মফম অমা পঞ্চ সম্মেলনশিংনা ওইরে।

লৈবাক শীনবা থুংনা পুক্নিং থৌগৎপগা লোয়ননা পঞ্চ সম্মেলনগী থবকশিং খুমাঙচাউশিল্লি। রাজ্যশিং, য়ু.তিশিং অমসুং মরী লৈনবশিং থৱায় য়াওনা শরুক য়াদুনা, খুঙ্গং চাউখৎনবা, অফবা লৈঙাক লৈনবা, মীয়াম শরুক য়াদুনা থৌরাং তৌনবা অমসুং পি.আর.আইশিং ফগৎহন্নবা অকনবা য়ুম্ফম অমা থোল্লে।

***