কেন্দ্ৰীয় গৃহ আৰু সমবায় মন্ত্ৰী শ্ৰী অমিত শ্বাহে আহমেদাবাদত তেওঁৰ সংসদীয় সমষ্টিৰ টাইপ-১ ডায়েবেটিছ ৰোগত আক্ৰান্ত কন্যাসকলৰ সৈতে ৰক্ষা বন্ধনৰ শুভ উৎসৱ উদযাপন কৰে।

কেন্দ্ৰীয় গৃহ আৰু সমবায় মন্ত্ৰীগৰাকীয়ে ‘এক্স’ৰ এটা পোষ্টত তেওঁ কয়, "আজি আহমেদাবাদত মোৰ সংসদীয় সমষ্টিৰ টাইপ-১ ডায়েবেটিছ ৰোগত আক্ৰান্ত কন্যাসকলৰ সৈতে ৰক্ষা বন্ধনৰ শুভ উৎসৱ উদযাপন কৰিলোঁ। টাইপ-১ ডায়েবেটিছত আক্ৰান্ত শিশুসকলক আজীৱন ইনচুলিন বেজীৰ প্ৰয়োজন হয়, যাৰ ফলত তেওঁলোকৰ পৰিয়ালৰ ওপৰত যথেষ্ট আৰ্থিক বোজা পৰে। মোদীজীৰ নেতৃত্বত আমাৰ চৰকাৰে এনে সকলো শিশুকে আজীৱন বিনামূলীয়া ইনচুলিন প্ৰদান কৰি আছে। বৰ্তমান বহু উন্নত ৰাষ্ট্ৰয়ো কাৰ্যকৰী কৰিবলৈ চেষ্টা কৰি থকা এই দূৰদৰ্শী পদক্ষেপটো মোদী চৰকাৰৰ ‘সেৱা, কৰণা  আৰু সুৰক্ষা’ নীতিৰ প্ৰতি থকা দায়বদ্ধতাৰ প্ৰমাণ।"

आज अहमदाबाद में अपने संसदीय क्षेत्र की टाइप-1 डायबिटीज से पीड़ित बेटियों के साथ रक्षाबंधन का पावन पर्व मनाया।

टाइप-1 डायबिटीज से पीड़ित बच्चों को जीवनभर इंसुलिन के इंजेक्शन की आवश्यकता होती है, जो उनके परिवारों पर बड़ा आर्थिक बोझ डालता है। मोदी जी के नेतृत्व में हमारी सरकार… pic.twitter.com/JQCGwPZUD7

— Amit Shah (@AmitShah) August 28, 2026

এই উপলক্ষে কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে সকলো কন্যাশিশুক ৰক্ষা বন্ধন উৎসৱৰ বাবে শুভেচ্ছা জ্ঞাপন কৰাৰ লগতে তেওঁলোকৰ সুস্বাস্থ্য আৰু উজ্জ্বল ভৱিষ্যত কামনা কৰে।

শ্ৰী অমিত শ্বাহৰ নেতৃত্ব আৰু নিৰ্দেশনাত গান্ধীনগৰ সংসদীয় সমষ্টিৰ টাইপ-১ জুভেনাইল ডায়েবেটিছত আক্ৰান্ত ০ৰ পৰা ১৮ বছৰ বয়সৰ শিশুসকলক মোদী চৰকাৰৰ এই দূৰদৰ্শী পদক্ষেপৰ সুফল নিশ্চিত কৰা হৈছে। এইক্ষেত্ৰত গান্ধীনগৰ লোকসভা সমষ্টিৰ টাইপ-১ ডায়েবেটিছত আক্ৰান্ত শিশুসকলক আজীৱন প্ৰয়োজনীয় ইনচুলিন প্ৰদানৰ বাবে "স্ক্ৰীনিং– ডায়েগন'ছিছ– ইনচুলিন/চিকিৎসা– নিৰীক্ষণ-ফ'ল'আপ"কে ধৰি এক সংহত ব্যৱস্থা স্থাপন কৰা হৈছে।

এই উপলক্ষে ভাষণ দি শ্ৰী অমিত শ্বাহে কয়, “মোদী চৰকাৰৰ বাবে জনসেৱা কেৱল এক দায়িত্ব নহয় বৰঞ্চ দয়ালু প্ৰশাসনৰ মৌলিক মন্ত্ৰহে।” যেতিয়া কন্যা সন্তানৰ স্বাস্থ্য সুৰক্ষিত হ’ব তেতিয়াহে পৰিয়াল আৰু সমাজৰ ভৱিষ্যত সুৰক্ষিত হ’ব। ৰক্ষাবন্ধনৰ শুভ দিন উপলক্ষে কন্যা সন্তানক বিনামূলীয়া ইনচুলিন প্ৰদানৰ এই পদক্ষেপ কন্যাৰ সুৰক্ষা আৰু স্বাস্থ্যৰ প্ৰতি আমাৰ দায়বদ্ধতাৰ প্ৰতীকো।

*****

RK/RR/PR/PS/KD