صدر جمہوریہ ہند محترمہ دروپدی مرمو نے رکشا بندھن کے موقع پر اپنے پیغام میں کہا ہے:

’’رکشا بندھن کے موقع پر، میں بھارت اور بیرونِ ملک سکونت پذیر تمام بھارتیوں کو دل کی گہرائیوں سے مبارکباد پیش کرتی ہوں ۔

رکشا بندھن کا تہوار قدیم زمانے سے ہماری ثقافت اور روایت کا جزو لاینفک رہا ہے۔ عقیدت کے ساتھ کلائی پر باندھا جانے والا راکھی کا دھاگہ تحفظ کا ایک مقدس بندھن مانا جاتا ہے، جسے 'رکشا بندھن' کہتے ہیں۔ کئی شلوکوں اور منتروں میں ہمیں "رکشے، ما چلا، ما چلا" کے الفاظ ملتے ہیں۔ یہ الفاظ اس التجا کا اظہار کرتے ہیں کہ "تحفظ کا یہ بندھن ہمیشہ قائم رہے۔

رکشا بندھن ایک سماجی تہوار کے طور پر مقبول ہو چکا ہے جس میں بہنیں بھائیوں اور اپنے دیگر بہن بھائیوں کی کلائیوں پر راکھی باندھتی ہیں۔ یہ نہ صرف بھائیوں اور بہنوں کے درمیان بلکہ بہن بھائیوں، خاندانوں، دوستوں اور معاشرے کے درمیان بھی گرمجوشی، احترام اور باہمی ذمہ داری کے جذبات کی علامت ہے۔ یہ تہوار ہمیں یاد دلاتا ہے کہ ہر رشتہ بھروسے، حساسیت اور باہمی تعاون کے ستونوں پر ٹکا ہوتا ہے۔

اس مبارک موقع پر، آئیے ہم اپنے خاندانوں اور اپنی برادریوں کے درمیان رشتوں کو مضبوط کرنے کا عہد کریں۔ آئیے ہم اسی جذبے کے ساتھ ایک 'وکست بھارت' کی جانب آگے بڑھیں۔

**********

 (ش ح –ا ب ن)

U.No:2688