উপ-রাস্ত্রপতিগী লোইশঙ
উপ রাস্ত্রপতিনা অন্ধ্র প্রদেশতা ভারতকি অহানবা নন-জি.এম.ও.গী হায়-এক্সপান্সন পোপকোর্ন মায়জ হায়ব্রিদ মরু লোঞ্চ তৌখ্রে
উপ রাস্ত্রপতিনা ভারতকি লৌউ-শিংউদা অহোঙবা পুরক্নবা তেক্নোলোজি, অনৌবা পুথোকপা অমসুং মশা-মরোমদোম লেপচবা ঙম্ননবা হায়রি
ইন্দিজেনস পোপকোর্ন চুজাক্কী হায়ব্রিদ অসিনা মরোমদোম লেপচবা ভারতকি মপূঙ ফাবা মওংদা মমি তারি: উপ-রাস্ত্রপতি
“পিক্না হৌরকপা অমনা অচৌবা মীত্য়েং অমা অমসুং অচৌবা মংলান অমা পুরকপা তাই”: অন্ধ্র প্রদেশতগী মালেমগী কৈথেলশিংদা গৌর্মেৎ পোপকোর্নিকাগী খোঙচৎ অসি উপ-রাস্ত্রপতিনা থাগত্খ্রে
থাগৎখিবা:
24 AUG 2026 2:05PM by PIB Imphal
উপ রাস্ত্রপতি শ্রী সি.পি.রাধাকৃষ্ণন্না ঙসি অন্ধ্র প্রদেশকি ইলুরু জিলাগী মুসুনুরুদা ভারতকি অহানবা নন-জি.এম.ও., হায়-এক্সপান্সন পোপকোর্ন মায়জ হায়ব্রিদ শিদা হৌদোকখ্রে, মশি লৌউ-শিংউদা আৎমনিরভর ভারতকি মায়কৈদা মরুওইবা খোঙথাং অমনি হায়না ফোঙদোকখ্রে। মহাক্না অন্ধ্র প্রদেশ অমসুং অতোপ্পা রাজ্য ৭কি খ্বাইদগী ফবা লৌমীশিং অমসুং গৌরমেৎ পোপকোরনিকাগা মরি লৈনবা পার্ত্নরশিংবুসু থাগত্পা ফোঙদোকখি।
মীয়াম তিনখিবা অদুদা ৱা ঙাংলদুনা উপ রাস্ত্রপতিনা হায়খি লৌমীশিং অসি জাতি অসিগী মকোক থোঙবনি অমসুং লৌউ-শিংউবনা ভারতকি সিভিলাইজেসন অমসুং কলচরেল লাইফতা শমজিন্নহল্লে। মহাক্না ভারতকি লৌউ-শিংউ মপাঙ্গল কনখৎহনবদা তেক্নোলোজি, ইনোবেসন অমসুং ইন্দিজেনস মরু পুথোকপগী মরুওইবা অদুদা অকনবা ৱাফম থমখি।
লোঞ্চ তৌবগী মতাংদা পল্লদুনা শ্রী সি.পি.রাধাকৃষ্ণন্না হায়খি ভারতনা চহি কয়াদগী অৱাংবা থাক্কী পোপকোর্ন চুজাক্কীদমক মপান্দগী পুশিল্লকপা হায়ব্রিদ তেক্নোলোজিদা মখা পোল্লি। অনৌবা ইন্দিজিনস হায়ব্রিদ অসিনা অসিগুম্বা মখা পোনবা হন্থহন্নবা অমসুং ফোরেন একচেঞ্জ কঞ্জর্বেসনগী মায়কৈদা মরুওইবা খোঙথাং অমা ওইরি হায়না মহাক্না হায়খি। মহাক্না গৌরমেৎ পোপকোরনিকা অমসুং লৌমীশিংবু মালেমগী কৈথেলশিংদা চাংদম্নবা য়াবগী পোতেন্সিয়েল লৈবা ভারতকি লৈহাওদা থাবা ভারতকি সোলুসন অমা পুথোকপগীদমক্তা থাগৎখি৷
উপ রাস্ত্রপতিনা কেন্দ্র সরকারগী লৌমীশিংদা য়ুম্ফম ওইবা থৌরাংশিং, পি.এম.-কিশান, পি.এম.ফশাল বিমা য়োজনা, নেশ্নেল ফুদ সেক্যুরিতি অমসুং ন্যুত্রিসন মীসন অমসুং নামো দ্রোন দিদি য়াওনা থাগত্পা ফোঙদোকখি। মহাক্না মুখ্য মন্ত্রি শ্রী এন. চবন্দ্রবাবু নায়দুবু লৌউ-সিংউ অমসুং রায়থু বাজারশিং, হোর্তিকলচর অমসুং নেচরেল ফার্মিং অমসুং পার্ম সেন্ত্রিক সপোর্ত সিস্তেম য়াওনা খুঙ্গং চাওখৎহনবদা লৈরিবা মহা্কী অশানবা মীৎয়েংবু থাগৎখি৷
ফার্মর-ইন্তরপ্রাইজ পার্ত্নরশিপকি শ্কেল অদু ফোঙদোক্লদুনা শ্রী শি.পি.রাধাকৃষ্ণন্না হায়খি মদুদি রাজ্য ৮গী মনুংদা লৌমী ১৭,৫০০ হেন্না, চাওরাক্না একর ৪০,০০০দা লৌউবা, গৌরমেৎ পোপকোর্নিকা খোঙচৎকি শরুক অমনি। মহাক্না শ্রী এস.বি.পি. পত্তাভি রামা রাও অমসুং গৌর্মেৎ পোপকোর্নিকা অসি অন্ধ্র প্রদেশকি য়ুমদা শাবা ইন্তরপ্রাইজ অমদগী অচৌবা পোপকোর্ন মেজ প্রোসেশিং ইন্তরপ্রাইজ অমা ওইনা লৌদুনা লৌমী ইমুং লিশিং কয়াগী কৈথেলদা য়ৌবা ঙম্নবা অমসুং সেন্থোক্ লম্বিগী খুদোংচাবশিং মপাঙ্গল কনখৎহল্লি।
উপ-রাস্ত্রপতিনা হায়খি চাওখত্লবা ভারত অমা “লৈমায়দগী” শাগনি- লৌমীশিংনা থাবা লৈমায়দগী, সাইন্তিস্তশিং অমসুং ওন্তর্প্রিনরশিংনা মপূঙ ফাহনবা মহৈ-মরোংশিংদগী, অমসুং মশানা মশাবু থাজবা হেনগৎহনবা একর অমদগী একর অমদা। মহাক্না হায়খি মদুদি মুসুনুরুগী ইনিশিয়েতিবা অসিনা মতৌ করম্নাা ইনোবেসন, ওন্তর্প্রিনরশিপ অমসুং ফার্মর পার্ত্নরশিপনা হেন্না মপাঙ্গল কনবা, হেন্না মশা-মরোমদোম লেপচবা ঙম্বা অমসুং মালেমগী ওইনা চাংদম্নবা য়াবা লৌউ-শিংউগী সেক্তর অমা শেমগত্পা ঙম্বাগে হায়বদু উৎলি।
মহাক্না য়ৌরকপা মতমদা উপ-রাস্ত্রপতিনা গৌর্মেৎ পোপকোর্নিকা ফেক্তরি অমসুং কোল্দ স্তোরেজ ফেসিলিতিদসু চৎখি, মফম অদুদা মহাকপু শঙ্গোম প্রোসেশিং, ক্বালিতি কন্ত্রোল, পেকেজিং অমসুং স্তোরেজগী মতাংদা পাওদমখি।
থৌরম অসিদা অন্ধ্র প্রদেশকী গবর্নর শ্রী এস অব্দুল নজীর, চীফ মীনিস্তর শ্রী. এন. চন্দ্রবাবু নায়দু, অন্দ্র প্রদেশ সরকারগী মীনিস্তর শ্রী. নারা লোকেশ, শ্রী কিংজরাপু অচ্চন্নায়দু অমসুং শ্রী কোলুসু পার্থসারথীগা লোয়ন্না অতৈ শক্নাইরবা মীওই অমসুং গবর্নমেন্ত পোপকোর্নিকাগী মীহুৎশিং য়াওখি৷
***
(রিলিজ আই.দি.: 2302986)
ভিজিতর কাউন্তর : 7