ইন্দিয়ন ইনফোর্মেসন সর্বিস অমসুং ইন্দিয়ন স্তেতিস্তিক্স সর্বিসকী ওফিসর ত্রেনীশিংগী কাংবু অমনা ঙসি (অগস্ত ১৯, ২০২৬) রাস্ত্রপতি ভবন্দা ভারতকী রাস্ত্রপতি শ্রীমতি দ্রৌপদী মুর্মুগা উন্নখ্রে।

ওফিসর ত্রেনীশিংদা ৱা ঙাংলদুনা, রাস্ত্রপতিনা হায়খি মদুদি ইন্দিয়ন ইনফোর্মেসন সর্বিস অমসুং ইন্দিয়ন স্তেতিস্তিক্স সর্বিস অনীমক, মখোয়গী থবকশিং তোঙান-তোঙানবা ওইরবসু, পান্দমদি মান্নৈ, মদুদি লৈঙাক্কী মগুনবু মপাঙ্গল কনখৎহনবা অমসুং লৈবাক্কী মীয়ামগী সেবা তৌবা অসিনি। মতিক চাবা কম্ম্যুনিকেসন অমসুং থাজবা য়াবা ই-পাউ হায়বসি মপাঙ্গল কনবা অমসুং মীয়ামগী ওইবা দেমোক্রেসী অমগী য়াম্না মরুওইবা য়ুম্বীশিংনি।

রাস্ত্রপতিনা হায়খি মদুদি ওফিসর ত্রেনীশিংনা মখোয়গী কেরিয়র হৌরকপা অসিদা, মখোয়না লেপ্তনা তমগদবনি অমসুং মতমগা চুননা অহোংবা পুরকপা মথৌ তাই। তেক্নোলোজি, মীদিয়া, ইকোনোমিক্স অমসুং পব্লিক পোলিসীগী মালেম অসি য়াম্না থুনা হোংলক্লি। মহাক্না মখোয়দা খঙনিংবগী অপাম্বা লৈহন্নবা, অনৌবা হৈ-শিংবশিং শেমগৎনবা অমসুং এক্সপেরিয়েন্সতগী তমনবা পাউতাক পীখি। মহাক্না মখোয়দা মখোয়গী ৱারেপশিংদা অচুম-অরান খঙনবা, মখোয়গী থৌওংশিংদা মীনুংশি লৈহন্নবা অমসুং অনেম-অৱাং খেন্নদবা থম্নবা পাউতাক পীখি। মহাক্না মখোয়দা শিন্নরিবা ওথোরিতী অসি মীয়ামগীদমক অচুম্বা, পোংথোকপা-চাউথোপা য়াওদবা অমসুং কত্থোকপগা লোয়ননা সেবা তৌবগী অচৌবা থৌদাং অমা পুদুনা চৎলি হায়না পনখি।

রাস্ত্রপতীনা হায়খি মদুদি সরকার অমসুং নাগরিকশিংগী মরক্তা লৈনরিবা মরী অসি মপাঙ্গল কনখৎহন্নবা ইন্দিয়ন ইনফোর্মেসন সর্বিসনা য়াম্না মরুওইবা থৌদাং লৌখ্রে। মহাক্না মীয়ামনা পাউ ফংবগী, শিয়র তৌবগী অমসুং পাউখুম পীবগী মওং-মতৌ অদুদা সোসিয়েল মীদিয়ানা অচৌবা অহোংবা অমা পুরকখ্রে হায়না পুখৎখি। মহাক্না ইন্দিয়ন ইনফোর্মেসন সর্বিসকী ওফিসরশিংদা মীয়ামদা পাউ পীনবা অমসুং শরুক য়াহন্নবা খক্তা নত্তনা, মীয়ামগী অৱাবশিং তাবদা, খঙবদা অমসুং পাউখুম পীবদা সোসিয়েল মীদিয়া প্লেতফোর্মশিং শিজিন্ননবা পাউতাক পীখি। মহাক্না হায়খি মদুদি পাউশিং য়াম্না য়াংনা য়ৌবা মতম অসিদা, মখোয়গী কম্ম্যুনিকেসন অসি অচুম্বা, থাজবা য়াবা অমসুং মীয়ামগী কান্নবা ওইগদবনা মতম পুম্নমক্তা লমজিং-লমতাকপীগদবনি ।

রাস্ত্রপতীনা হায়খি মদুদি ভারতনা ২০৪৭ ফাওবগী পান্দমদা মাংলোমদা চংশিল্লিবা অসিদা, ইন্দিয়ন ইনফোর্মেসন সর্বিসকী ওফিসরশিংগী থৌদাং অসি হেন্না মরুওইবা ওইরক্লগনি মরমদি মতিক চানা পাউ ফংলবা নাগরিক অমনা চাউখৎ-থৌরাং অমসুং দেমোক্রেসীগী থৌওংশিংদা থৱায় য়াওনা শরুক য়াবা ঙম্মী।

রাস্ত্রপতীনা হায়খি মদুদি ঙসিগী দেতাদা য়ুম্ফম ওইবা মালেম অসিদা, পব্লিক পোলিসীগী মতিক-মগুন অসি অচুম্বা, মতম চাবা অমসুং থাজবা য়াবা দেতা ফংবদা য়াম্না থাজবা থম্লি। ইন্দিয়ন স্তেতিস্তিক্স সর্বিসনা ঐখোয়গী নাগরিক মিলিয়ন কয়াগী পুন্সিদা চৈথেং পীরিবা ৱারেপশিংগী য়ুম্ফম ওইরিবা ওফিসিয়েল স্তেতিস্তিক্স পুথোকপদা, নৈনবা অমসুং শন্দোক্না তাকপদা য়াম্না মরুওইবা থৌদাং লৌরি। মহাক্না হায়খি মদুদি ইন্দিয়ন স্তেতিস্তিক্স সর্বিসকী ওফিসরশিংগী থবক অসিনা ইকোনোমী অমসুং খুন্নাইগী তোঙান-তোঙানবা সেক্তরশিংদা খুদমদা য়ুম্ফম ওইবা পোলিসী-শেম্বগী থবকশিংদা শৌগৎকনি। মহাক্না মখোয়দা দেতাসেত খুদিংমক্কী তুংদা অচুম্বা মীওইশিং অমসুং মখোয়গী পুন্সি লৈ হায়বা অসি মতম পুম্নমক্তা নিংশিংনবা পাউতাক পীখি। মহাক্না মখোয়দা নাগরিকশিং, রিসর্চরশিং অমসুং পোলিসী-মেকরশিংগীদমক স্তেতিস্তিক্স অসি হেন্না ফংবা ঙম্না শেম্নবা তকশিনখি। মহাক্না হায়খি মদুদি অনৌবা, থাজবা য়াবা অমসুং তেক্নোলোজিনা মতিক চাবা স্তাতিস্তিক ইকোসীস্তেম অমা শেমগৎপদা মখোয়গী থৌদাং অসি বিক্সিত ভারতকী মায়কৈদা ভারতকী খোঙচৎকী য়াম্না মরুওইবা শরুক অমা ওইগনি।

রাস্ত্রপতিগী ৱারোল য়েংনবগীদমক মফম অসিদা ক্লিক তৌবীয়ু

***