নুপী অমসুং অঙাংশিংগী চাউখৎ থৌরাং মন্ত্রালয়
প্রধান মন্ত্রীনা ৮০শুবা নীংতম নুমিৎকী লৈবাক্কী মফমদা থমখিবা মহাক্কী ৱারোলদা লৈবাক শেমগৎপদা হেনগৎলক্লিবা নুপীশিংগী থৌদাংগী মরমদা ফোঙদোকখ্রে
प्रविष्टि तिथि:
15 AUG 2026 4:00PM by PIB Imphal
প্রধান মন্ত্রী শ্রী নরেন্দ্র মোদীনা ৮০শুবা নীংতম নুমিৎ থৌরমদা রেদ ফোর্দ মথক্তগী লৈবাক্কী মফমদা মহাক্কী ৱারোল থম্লদুনা লৈবাক্কী চাওখৎ খোঙচত্তা হেনগৎলক্লিবা নুপীশিংগী থৌদাংগী মরমদা ফোঙদোকখ্রে অমসুং লৈবাক্কী খোঙজেলদা মখোয়না শরুক য়াবগী চাং মখা তানা হেনগৎহন্নবা ৱাফম থমখি।
প্রধান মন্ত্রীনা ভারতকী মমোমশিংগী মায় পাকপশিংগী মরমদা ফোঙদোকখি অমসুং ঙসিদি নুপীশিংনা তোঙান তোঙানবা লমশিংদা মখোয়গী খোঙফম কল্লি হায়খি। নুপীশিংগী হোংলক্লিবা শক্লোনগী মতাঙদা পল্লদুনা, লৈবাক্কী মমোম্লোয়শিংনা হৌজিক্তি মমাঙদা চঙবদা খুদোংচারমদবা নৎত্রগা চঙবা ঙম্লমদবা হীরমশিংদা চঙলি অমসুং মীথোয় মীহেনবা ওইরক্লি হায়খি।
খুঙ্গংগী নুপীশিং শেন্মিৎলোন মপাঙ্গল কনখৎহনবগী মতাঙদা পল্লদুনা, প্রধান মন্ত্রীনা লাখপতী দিদি করোর ৩ গী পান্দম থমখিবদু লানবা ঙমখ্রে হায়খি। হৌজিক্তি লৈঙাক অসিনা লাখপতী দিদি করোর ৬ শেমগৎনবা অনৌবা পান্দম অমা থম্লে হায়না মহাক্না লাউথোকখি। অতোপ্পা লাখপতী দিদি করোর ৩ অমগা শেমগৎপনা খুঙ্গংগী শেন্মিৎলোন্দা নুপীশিংগী শেন্মিৎলোনগী মতিংনা মথৌ হাপ্পা অনৌবা অওনবা অমা পুরক্কনি হায়না মহাক্না হায়খি।
প্রধান মন্ত্রীনা মখা তানা তোঙান তোঙানবা লমশিংদা নুপীশিংনা শরুক য়াবা হেনগৎলক্লিববু শিংথাখি অমসুং ভারতকী মমোম্লোয়শিংনা মখোয়গী মায় পাকপতনা অনৌবা বেঞ্চমার্কশিং শেম্লি হায়খি। মখোয়না শরুক য়াবা অমসুং থৌদাং লৌবা হেনগৎলক্লিবা অসিদা নুপীশিংগী হোংলক্লিবা অনিংবা অপামবা অমসুং লৈবাক শেমগৎপদা পাকথোক চাউথোরক্লিবা মখোয়গী থৌদাংশিংগী মমি তারি।
প্রধান মন্ত্রীনা পার্তী পুম্নমক্কী মফমদা পুনশিন্নদুনা লেজিস্লেতিব এসেমব্লী অমসুং লোক সভাদা নুপী মীহুৎ মশিং চাদা ৩৩ য়ৌহন্নবা হোৎনমিন্নসি হায়বা ৱাফম থমখি। লৈবাক অসিগী মমোম, পলেম অমসুং মচে-মচল ওইবশিংনা ফীরেপ লৌবদা অমসুং লৈবাক্কী তুংলমচৎ শেমবদা হেন্না শরুক য়াহনগদবনি হায়বা ৱাফমসু মহাক্না থমখি।
প্রধান মন্ত্রীনা লৈবাক্কী মফমদা থমখিবা ৱারোল অসিনা ভারতকী চাওখৎ খোঙচত্তা অমসুং চাওখৎপা ভারত অমা শেমগৎনবা হোৎনবদা নুপীশিংনা শরুক য়াবা, মপাঙ্গল হাপ্পা অমসুং লুচিংবগী মরুওইবা ৱাফমশিং অমুক্কা হেন্না চেৎশিনহল্লে।
***
(रिलीज़ आईडी: 2300284)
आगंतुक पटल : 4