৮০শুবা নীংতম্বা নুমিৎতা লাল কিলাগী লানবনদগী লৈবাক মীয়ামদা ৱা ঙাংবদা, প্রধান মন্ত্রী শ্রী নরেন্দ্র মোদীনা আর্তিফিসিএল ইন্তেলিজেন্স, এজুকেসন, স্পোর্তস, সিবিল দিফেন্স, সেমিকন্দক্তর মেন্যুফেকচরিং, ন্যুক্লিয়র ইনর্জী অমসুং নুপীনা লুচিংবা দিবেলপমেন্ত য়াওনা খোঙথাং অমসুং পান্দম কয়া অমা লাউথোকখি।

প্রধান মন্ত্রীগী ৱারোলদগী মরুওইবা লাউথোকখিবশিং মখাদা পীরি:

১. নহারোল করোর অমবু এ.আই. স্কিল্লিং তৌবা: লাক্লিবা চহি অমদা নহারোল করোর অমা এ.আই. স্কিল্লিংদা ত্রেনিং পীরগনি হায়না প্রধান মন্ত্রীনা লাউথোকখি। আর্তিফিসিএল ইন্তেলিজেন্সকী খোঙজেল য়াংনা পাকথোক চাউথোরকপগী মতাংদা পল্লদুনা মহাক্না হায়খি মদুদি খোঙথাং অসিনা ভারতকী নহারোলশিংদা এ.আই.গী মালেম অসিদা লুচিংবা ওইবগী মপাঙ্গল পীবদা মতেং পাংগনি।

২. তোঙান-তোঙানবা একজামিনেসনশিংগীদমক্তা লেম্না ওনলাইন কোচিং ফংহনবা: প্রধান মন্ত্রীনা তোঙান-তোঙানবা একজামিনেসনশিংগীদমক্তা শেম-শারিবা নহাশিংগীদমক্তা লেম্না ওনলাইন কোচিং ফংহন্নবা লাউথোকখি। কোচিং ক্লাসশিংনা লায়রবা অমসুং মিদল ক্লাসকী ইমুংশিংদা শেন-থুমগী পোৎলুম পীবগী মতাংদা পল্লদুনা মহাক্না হায়খি মদুদি দিজিতেল পব্লিক ইনফ্রাস্ত্রকচর, লৈরিবা তেলেন্ত অমসুং ওজাশিং অসি পুনশিন্নদুনা লৈবাক অসিগী নহাশিংদা লেম্না কোচিং পীবগী মপুং ফাবা নেৎৱার্ক অমা শেমগনি।

৩. চহি ৫দগী ১৫ ফাওবগী মনুংদা লৈবা অঙাংশিংগীদমক লৈবাক শীনবা থুংনা স্পোর্তস তেলেন্ত হন্ত: চহি ৫দগী ১৫ ফাওবগী মনুংদা লৈবা অঙাংশিংগী মরক্তা স্পোর্তস তেলেন্তশিং মশক খঙদোক্নবা খুঙ্গং, সহর অমসুং স্কুলশিংদা তেলেন্ত হন্ত কেম্পেন অমা প্রধান মন্ত্রীনা লাউথোকখি। মশক খঙদোক্লবা অঙাংশিং অদু লৈবাক অসিগী মহুৎ শিনবা ঙম্বা শান্নরোয় ওইহন্নবা অখন্নবা ত্রেনিং পীগনি। ভারতনা হৌজিক্কী ওইনা শরুক য়াদবা নৎত্রগা ক্বালিফাই তৌদবা ওলিম্পিক দিসিপ্লিনশিংগী মতাংদা পল্লদুনা, প্রধান মন্ত্রীনা হায়খি মদুদি অসিগুম্বা স্পোর্তশিং অসিদা কেপাসিতী শেমগৎপদা অহেনবা মীৎয়েং থমগনি।

৪. মোদর্ন চেলেঞ্জশিংগীদমক অচৌবা সিভিল দিফেন্স নেৎৱার্ক: লানগী হোংলক্লিবা মওং মতৌ অদু পল্লদুনা প্রধান মন্ত্রীনা লৈবাক অসিদা অচৌবা সিভিল দিফেন্স নেৎৱার্ক অমা শেম্লগনি হায়না লাউথোকখি। মহাক্না হায়খি মদুদি লান অসি হৌজিক্তি ঙমখৈ খক্তদা তৌদ্রে অমসুং মসিনা রিফাইনরীশিং, বেঙ্কিং সেক্তর, দেতা সেন্তরশিং, ফেক্তরীশিং অমসুং অতোপ্পা ইনফ্রাস্ত্রকচরদা শোকহল্লি। প্রধান মন্ত্রীনা হায়খি মদুদি মমাং চহিচাগী লানগী মতুং ইন্না শেমগৎখিবা সিভিল দিফেন্সকী থৌরাংশিং অসি মতমগা চুনদ্রে। মসিনা মরম ওইদুনা, নাগরিকশিংবু মোদর্ন সিস্তেমশিংগী মতাংদা খঙহন্নবা, অমসুং মোদর্ন চেলেঞ্জশিং থেংনবা ঙমগদবা মশিং য়াম্লবা ভোলুন্তরী সিভিল দিফেন্স ফোর্স অমা শেমগৎকনি।

৫. মশা-মরোমদোম লেপচবা হেনগৎহন্নবা সেমিকন্দক্তর প্লান্তশিং হেনগৎহনবা: দিজিতেল অমসুং তেক্নোলোজীগী লমদা সেমিকন্দক্তর চিপশিংগী মরুওইবা থৌদাং অদু প্রধান মন্ত্রীনা পনখি। মহাক্না হায়খি মদুদি ভারত অসি সেক্তর অসিদা মশা-মরোমদোম লেপচবগী মায়কৈদা চংশিল্লি। সেমিকন্দক্তর প্লান্ত অহুম হৌখ্রে অমসুং হায়রিবা প্লান্তশিং অসিদগী পুথোকপা অসি এক্সপোর্ত তৌবা হৌরে হায়না মহাক্না হায়খি। প্রধান মন্ত্রীনা মখা তানা হায়খি মদুদি সেমিকন্দক্তর প্লান্ত মঙা, তরেৎ নৎত্রগা তরা লাক্কদৌরিবা চহি তরেৎ-নিপান অসিদা লিংখৎলগনি। মহাক্না সেমিকন্দক্তরশিংদা মশা-মরোমদোম লেপচবা অসি ভিক্সিৎ ভারতকী লম্বী অমনি হায়না ফোংদোকখি।

৬. ২০৪৭ ফাওবদা ন্যুক্লিয়র পাৱর কেপাসিতী জি.দবল্যু. ১০০: চিপশিং, এ.আই. অমসুং দেতা সেন্তরশিংগী হেনগৎলক্লিবা ইনর্জীগী মথৌ তাবশিং পল্লদুনা প্রধান মন্ত্রীনা ইনর্জী সেক্যুরিতী অমসুং ন্যুক্লিয়র পাৱরগী মরুওইবা অদু পনখি। মহাক্না হায়খি মদুদি ভারতনা ২০৪৭ ফাওবদা ন্যুক্লিয়র পাৱর কেপাসিতীগী জি.দবল্যু. ১০০গী পান্দমগা লোয়ননা মাংলোমদা চংশিল্লি অমসুং চহি তরাগী মনুংদা অনৌবা ন্যুক্লিয়র রিএক্তর মঙা হৌনবা পান্দম থম্লি। প্রধান মন্ত্রীনা হায়খি মদুদি ভারতনা চহি অসিদা ফাস্ত ব্রীদর ন্যুক্লিয়র তেক্নোলোজীদা মরুওইবা মাইলস্তোন অমা ফংখ্রে। মসিনা ন্যুক্লিয়র ফ্যুএলদা মশা-মরোমদোম লেপচবগী মায়কৈদা মরুওইবা খোঙথাং অমা ওইরি।

৭. লাখপতি দিদি করোর তরুক শেমগৎনবা পান্দম থমখ্রে: লৈবাক শেমগৎপদা নুপীশিংনা পীরিবা থৌদাং অদু পল্লদুনা, প্রধান মন্ত্রীনা হায়খি মদুদি লাখপতি দিদি করোর অহুম শেমগৎনবা মমাংগী পান্দম অসি মপুং ফানা থুংখ্রে। মহাক্না হায়খি মদুদি ভারতনা হৌজিক লাখপতি দিদি করোর ৬কী পান্দমগা লোয়ননা মাংলোমদা চংশিল্লগনি। মহাক্না হায়খি মদুদি অতোপ্পা লাখপতি দিদি করোর অহুম শেম্বা অসিনা নুপীশিংগী শক্তিগী খুত্থাংদা খুঙ্গংগী শেন্মিৎলোনদা অচৌবা অহোংবা অমা পুরক্লগনি।

***