રાષ્ટ્રીય માનવ અધિકાર પંચ
NHRC, ભારતે CRPF દ્વારા તૈયાર કરવામાં આવેલા સત્તાવાર ડેટા મુજબ જાન્યુઆરીથી મે 2026 વચ્ચે 19 CRPF કર્મચારીઓના મૃત્યુના અહેવાલનું સુઓ મોટો સંજ્ઞાન લીધું
અહેવાલ મુજબ, 2025માં CRPFના કર્મચારીઓ દ્વારા સૌથી વધુ 59 આત્મહત્યાના બનાવો નોંધાયા હતા
કમિશને ગૃહ મંત્રાલયના ગૃહ સચિવ અને CRPFના ડાયરેક્ટર જનરલને નોટિસ પાઠવીને બે અઠવાડિયાની અંદર આ બાબતે વિસ્તૃત અહેવાલ માંગ્યો છે
પોસ્ટેડ ઓન:
14 AUG 2026 12:45PM by PIB Ahmedabad
નેશનલ હ્યુમન રાઇટ્સ કમિશન (NHRC), ભારતે મીડિયા અહેવાલની સુઓ મોટો સંજ્ઞાન લીધી છે કે જાન્યુઆરી અને 22 મે 2026 વચ્ચે પાંચ મહિનાથી ઓછા સમયમાં 19 સેન્ટ્રલ રિઝર્વ પોલીસ ફોર્સ (CRPF)ના કર્મચારીઓ આત્મહત્યાથી મૃત્યુ પામ્યા છે. CRPF ડેટા અનુસાર, દળે 2025માં આત્મહત્યાના કારણે 59 કર્મચારીઓ ગુમાવ્યા હતા. અહેવાલ મુજબ, આ છેલ્લા પાંચ વર્ષમાં નોંધાયેલી આત્મહત્યાની સૌથી વધુ સંખ્યા હતી.
કમિશને અવલોકન કર્યું છે કે સમાચાર અહેવાલની સામગ્રી, જો સાચી હોય, તો દેશના સૌથી મોટા સેન્ટ્રલ આર્મ્ડ પોલીસ ફોર્સ સાથે કામ કરતા કર્મચારીઓના જીવવાના અધિકારના ઉલ્લંઘનના ગંભીર મુદ્દાઓ ઉભા કરે છે. તેથી, તેણે ગૃહ મંત્રાલયના ગૃહ સચિવ અને CRPFના ડાયરેક્ટર જનરલને નોટિસ પાઠવીને બે અઠવાડિયાની અંદર આ બાબતે વિસ્તૃત અહેવાલ માંગ્યો છે.
11 ઓગસ્ટ 2026ના રોજ પ્રકાશિત મીડિયા અહેવાલ મુજબ, છેલ્લા પાંચ વર્ષમાં કુલ 281 CRPF કર્મચારીઓ આત્મહત્યાથી મૃત્યુ પામ્યા છે. જેમાંથી આશરે 216 ફરજ પર હતા. CRPF એ 2021માં 57, 2022માં 43, 2023માં 57, 2024માં 46 અને 2025માં 59 આત્મહત્યા નોંધાવામાં મામલે આવી હતી.
SM/DK/GP/JT
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(રીલીઝ આઈડી: 2299363)
મુલાકાતી સંખ્યા : 67