হৌজিক চত্থরিবা হর ঘর তিরঙ্গা ২০২৬গী শরুক অমা ওইনা, ২০২৬কী গ্রান্দ তিরঙ্গা বাইক রেলী অমা ঙসি ন্যু দিল্লীগী ভারত মান্দপমদগী হৌদোকখ্রে। ভারতকী উপ-রাস্ত্রপতি, শ্রী সি. পি. রাধাকৃষ্ণননা রেলী অদু লমথাখি। থৌরম অদুদা কেন্দ্র কেবিনেত মন্ত্রী অমদি পার্লিয়ামেন্তকী মেম্বর (এম.পি.) কয়ানা শরুক য়াখি, মখোয়গী মনুংদা কেন্দ্রগী কলচর অমসুং তুরিজম মন্ত্রী, শ্রী গজেন্দ্র সিংহ শেখাৱত; কেন্দ্রগী পার্লিয়ামেন্তরী এফিয়র্স অমসুং মাইনোরিতী এফিয়র্সকী মন্ত্রী, শ্রী কিরেন রিজিজু; কেন্দ্রগী কোল অমসুং মাইন্সকী মন্ত্রী, শ্রী জি. কিশন রেদ্দী; কেন্দ্রগী সোসিয়েল জস্তিস অমসুং এম্পাৱারমেন্তকী মন্ত্রী, দা. বিরেন্দ্র কুমার; কেন্দ্রগী সাইন্স অমসুং তেক্নোলোজী অমদি অর্থ সাইন্সকী রাজ্য মন্ত্রী (ইন্দিপেন্দেন্ত চার্জ), অমসুং কেন্দ্রগী প্রাইম মিনিস্তর ওফিসকী রাজ্য মন্ত্রী, দা. জিতেন্দর সিংহ; কেন্দ্রগী পঞ্চায়তী রাজ অমদি ফিসরীজ, এনিমেল হসবেন্দ্রী অমসুং দেরিয়িংগী মন্ত্রী, শ্রী রাজিব রঞ্জন সিংহ এলিয়াস লালন সিংহ; কেন্দ্রগী কঞ্জ্যুমর এফিয়র্স, ফুদ অমদি পব্লিক দিস্ত্রিব্যুসনগী রাজ্য মন্ত্রী, শ্রীমতী নিমুবেন বম্ভানিয়া;  কেন্দ্রগী কলচর অমসুং স্তেতিস্তিক্স, প্রোগ্রাম ইমপ্লিমেন্তেসন অমসুং প্লানিংগী রাজ্য মন্ত্রী (ইন্দিপেন্দেন্ত চার্জ), শ্রী রাও ইন্দর্জিৎ সিংহ; কেন্দ্রগী রেলৱেজ মন্ত্রালয়গী রাজ্য মন্ত্রী, শ্রী ভি. সোমান্না; অমসুং কেন্দ্রগী হোম এফিয়র্সকী রাজ্য মন্ত্রী ওইরিবা শ্রী বান্দি সঞ্জয় কুমার অমসুং শ্রী নিত্যানন্দ রাই অমসুং পার্লিয়ামেন্তকী মেম্বর কয়া অমনা মফম অদুদা শরুক য়াখি।

মীয়ামগী মীফম অদুদা ৱা ঙাংলদুনা, উপ-রাস্ত্রপতি, শ্রী সি. পি. রাধাকৃষ্ণননা 'বন্দে মাতরম'গী চহী ১৫০ মপুং ফাবগী পুৱারী ওইরবা থৌরম অসিদা মহাক্কী থম্মোয়দগী ফাওরকপা ৱাখল্লোন ফোংদোকখি। মহাক্না হায়খি মদুদি অমর ওইরবা ৱাহৈ অনিসিনা ইমা লৈবাকপু বৃতিশকী লৈঙাকতগী নিংতম্বা ফংহন্নবা হোৎনখিবা ইহৌ মনুংদা ভারতমচাশিংগী থম্মোয় অমদি ৱাখলদা লৈবাক নিংবগী অচৌবা ইথিল অমা পোকহনখি। মহাক্না ফোংদোকখি মদুদি অতোপ্পা ৱাহৈ অমত্তনা অসিগুম্বা শক্তি অমসুং খোন্থাংগা লোয়ননা লৈবাক অমা হৌগৎলকপগী থৌওংবু শন্দোক্না তাকপা ঙমখিদে। বঙ্কিম চন্দ্র চত্তোপাধ্যায়না অমর ওইরবা ৱাহৈশিং অসি ইখিবনি হায়বা নিংশিংলদুনা,  ৱাহৈশিং অসিনা লৈবাক অসিগী অশেংবা থৱায়গী খোঞ্জেল ওইখি হায়না মহাক্না হায়খি।

উপ-রাস্ত্রপতিনা মখা তারদুনা হায়খি মদুদি মতম অমদা মীয়াম্না লৈবাক অসিগী নীংতম্বা ফংনবগীদমক খোঙজং চংশিল্লম্বা অদুগা, ভারতনা হৌজিক্তি ২০৪৭ ফাওবদা বিক্সিত ভারতকীদমক প্রধান মন্ত্রীনা থমখিবা মিসনগী মায়কৈদা খোঙজং চংশিল্লিবা থাজবা অমসুং নৌনা হিংগৎলক্লিবা ভারত অমা উবা ফংলি। মহাক্না মীপুম খুদিংমকপু মখোয়গী কন্সতিত্যুসনশিং, স্তেতশিং, লম্বীশিং অমসুং য়ুমশিংদা হর ঘর তিরঙ্গা কেম্পেনবু থৌনা লৈনা প্রমোত তৌদুনা মসিগী স্পিরিত অসি মাংলোমদা পুখৎনবা হায়খি। মহাক্না ৱারোইশিন পীদুনা হায়খি মদুদি কাংখোংশিং অসিনা উংবা হৌরকপদা, খোঙচৎ অসিবু রেলী অসিগা লোইননা লোইহল্লোইদবনি, অমসুং বন্দে মাতরামগী স্পিরিৎ অসি কুমহৈ খক্তমক ওইহল্লোইদবনি।

কেন্দ্রগী কলচর অমসুং তুরিজম মন্ত্রী, শ্রী গজেন্দ্র সিংহ শেখাৱতনা মহাক্কী তরাম্না ওকপগী ৱারোলদা হায়খি মদুদি মীফম অসি বাইক রেলীগীদমক্তা নত্তে, অদুবু তিরঙ্গাবু ইকায় খুম্নবা অমসুং য়োকখৎপগী খুদমনি। তিরঙ্গাবু ভারতকী নীংতম্বগী খুদম অমসুং লৈবাক অসিবু অমত্তা ওইনা পুন্সিনবগী খুদম অমনি। চহি মঙাগী মমাংদা প্রধান মন্ত্রী, শ্রী নরেন্দ্র মোদীনা ২০৪৭ ফাওবদা ভারতপু চাউখৎপা লৈবাক অমা ওইহন্নবগী পান্দম থমখিবা অদু মহাক্না নিংশিংখি। মহাক্না মখাতানা হায়খি মদুদি নীংতম্বগী অমৃত কাল হৌদ্রিঙৈগী মমাংদা, প্রধান মন্ত্রীনা লৈবাক শিনবা থুংনা অসিগুম্বা তিরঙ্গা য়াত্রাগী মঙলান অসি মঙখি।

রেলী অদুদা সি.এ.পি.এফ., বি.এস.এফ., অসাম রাইফলস য়াওনা সি.এ.পি.এফ. বাইকর ৩৫০ হেন্না থৱায় য়াওনা শরুক য়াখি। স্পিসিয়েল বাইকর গ্রুপ অমসুং নুপী বাইকর ৫০ হেনবনা রেলী অসিদা শরুক য়াখি।

হৌজিক চত্থরিবা হর ঘর তিরঙ্গা ২০২৬ কেম্পেনগী শরুক অমা ওইনা, জাতিগী ঈশৈ 'বন্দে মাতরম'গী স্পিরিত্তা কত্থোক্লদুনা, নাগরিকশিংদা ওগস্ত ৯ অমসুং ১৭কী মরক্তা মখোয়গী য়ুম অমসুং থবক মফমশিংদা লৈবাক্কী ফিরাল চিংখৎনবা অমসুং লৈবাক নিংবা অমসুং জাতিগী অমত্তা ওইবগী লৈবাক শিনবা থুংনা পাংথোকপা থৌরম অসিদা হকথেংননা শরুক য়ানবা পুক্নিং থৌগৎলি।

***