આજની તારીખ સુધીમાં નેશનલ આર્ટિફિશિયલ ઇન્ટેલિજન્સ સ્કિલિંગ ઇનિશિયેટિવના ફેઝ I હેઠળ મેળવેલ અરજીઓની કુલ સંખ્યા અને નોંધાયેલા સહભાગીઓની સંખ્યા 60,253 છે.

કાર્યક્રમના ફેઝ I ના 2 મોડ્યુલ પૂર્ણ કરનાર સહભાગીઓની કુલ સંખ્યા 4620 છે અને ફેઝ I ના તમામ 4 મોડ્યુલ પૂર્ણ કરનારની સંખ્યા 552 છે.

કાર્યક્રમના ફેઝ I માં 33 કલાકના કુલ સમયગાળા સાથે ચાર મોડ્યુલનો સમાવેશ થાય છે, જે બે લર્નિંગ પ્લેટફોર્મ્સ મારફતે પહોંચાડવામાં આવે છે. ફેઝ I ના મોડ્યુલની વિગતો નીચે મુજબ છે: -

પ્લેટફોર્મ 1:

• મોડ્યુલ 1: એઆઈ એસેન્શિયલ્સ – દૈનિક ઉત્પાદકતા વધારવા, ડેટાનું સંશ્લેષણ કરવા અને સામગ્રી (કન્ટેન્ટ) બનાવવા માટે વ્યવહારુ કૌશલ્યો મેળવો.
• મોડ્યુલ 2: પ્રોમ્પ્ટિંગ એસેન્શિયલ્સ – વ્યાવસાયિક પ્રોમ્પ્ટ્સ લખવા માટેનું માળખું (ફ્રેમવર્ક).

પ્લેટફોર્મ 2:

• મોડ્યુલ 3: ઇન્ટ્રોડક્શન ટુ જનરેટિવ એઆઈ – લાર્જ લેંગ્વેજ મોડલ (LLM) ના પાયાના સિદ્ધાંતો અને જવાબદાર એઆઈ માર્ગદર્શિકા સમજો.
• મોડ્યુલ 4: જનરેટિવ એઆઈ લીડર – વર્કફ્લો ઓટોમેશન અને વ્યૂહાત્મક જેન એઆઈ સંગઠનાત્મક પરિવર્તનમાં નિપુણતા મેળવો.

અભ્યાસક્રમ, મોડ્યુલ્સ અને કોર્સના સમયગાળા સહિત ફેઝ II ની વિગતોને આખરી ઓપ આપવામાં આવી રહ્યો છે.

પાયાના અને વ્યવહારુ એઆઈ કૌશલ્યો પ્રદાન કરવા માટે IICT અને ખાનગી ક્ષેત્રના ભાગીદારો દ્વારા સંયુક્ત રીતે અભ્યાસક્રમની રચના અને વિકાસ કરવામાં આવ્યો છે. સંયુક્ત પ્રમાણપત્ર માટે IICT દ્વારા એડવાન્સ્ડ સ્કિલિંગ ઘટકનું સંચાલન કરવામાં આવે છે.

સરકારની ભૂમિકા એઆઈ સાક્ષરતા વધારવા અને વિદ્યાર્થીઓને ઉદ્યોગ-સંગત ડિજિટલ કૌશલ્યોથી સજ્જ કરવાના ઉદ્દેશ્ય સાથે IICT મારફતે કાર્યક્રમના અમલીકરણ માટે વ્યૂહાત્મક દિશા અને સુવિધા પૂરી પાડવાની રહી છે.

આ માહિતી માહિતી અને પ્રસારણ અને સંસદીય બાબતોના રાજ્ય મંત્રી ડૉ. એલ. મુરુગન દ્વારા આજે લોકસભામાં એડવોકેટ ગોવાળ કાગડા પાડવી દ્વારા પૂછાયેલા પ્રશ્નના લેખિત જવાબમાં પૂરી પાડવામાં આવી હતી.

SM/BS/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com