04.08.2026দা, M/s এয়র ইন্দিয়া A320 এয়রক্রাফ্ত VT-EXOনা ফুকেততগী দিল্লী ফাওবা AI2379 ফ্লাইত ওপরেৎ তৌরিঙৈদা ক্রুইজ মনুংদা চাউরাক্না ফিৎ 300গী অলতিত্যুত মাংখি। মসিগী মতুংদা এয়রক্রাফ্ত অসি স্তেবিলাইজ তৌখি অমসুং তুংদা দিল্লীদা অসোই-অঙাম য়াওদনা লেন্দ তৌখি।

থৌদোক অদু থোকপা মতমদা, পেসেঞ্জর অমসুং কেবিন ক্রু মেম্বর খরনা অশোক-অপন নংখি। এয়রক্রাফ্ত অসিদা অঙাং 3 য়াওনা পেসেঞ্জর 137 অমসুং পাইলোৎ অনি অমসুং কেবিন ক্রু তরুক য়াওনা ক্রু মেম্বর 08 পুদুনা চৎখি।

অসিগুম্বা থৌদোক অমা থোকখ্রবা মতুংদা স্তেন্দর্দ ওপরেতিং প্রোসিজরশিংগী শরুক অমা ওইনা, ফ্লাইত ক্রু মেম্বর অনিমক্না প্রেস্ক্রাইব তৌরবা সাইকোএক্তিব সবস্তেন্স স্ক্রিনিং তেস্ত অদু পাংথোকখি। কমান্দ পাইলোৎ (PIC)গী স্ক্রীনিং তেস্তনা কনফর্মেতরী তেস্তিং মথৌ তাবা রিজল্ত অমা উৎলে। সেম্পলশিং অদু কনফর্মেতরী এনালাইসিসকীদমক্তা মনুং চনবা লেবোরেতরীদা থাগৎখ্রে, অমসুং অরোইবা রিপোর্ত অদু ঙাইরি।

থৌদোক অসি য়াম্না শাথীবা থৌদোক অমনি হায়না ক্লাসিফাই তৌখ্রে অমসুং এয়রক্রাফ এক্সিদেন্ত ইন্সর্ভেস্তেসন ব্যুরো (AAIB) না থিজিন-হুমজিল্লি।

থিজিন-হুমজিনবা অমসুং প্রেস্ক্রাইব তৌরবা প্রোসেস লোইশিনবা ফাওবদা, ফ্লাইত ক্রু মেম্বর অনিমক DGCAনা রোস্তরদগী লৌথোকখ্রে। থিজিনবগী ফল অমসুং কনফর্মেতরী তেস্তকী ফলশিংদা য়ুম্ফম ওইদুনা মখাতাবা খোঙথাং লৌখৎকনি।

সিভিল এভিয়েসন মন্ত্রালয় অমসুং DGCAনা এভিয়েসন সেফতীগী খ্বাইদগী ৱাংবা স্তেন্দর্দশিং ঙাক্না চৎনবা অমসুং অসিগুম্বা থৌদোক পুম্নমক নিংথিনা থিজিন-হুমজিনবা অমসুং প্রেস্ক্রাইব তৌরবা রেগুলেসনশিং অমসুং প্রোসিদ্যুরশিংগী মতুং ইন্না চুনবা থবক লৌখৎনবা লেপ্পা লৈতনা হোৎনরি।

*****