04.08.2026 ના રોજ, ફૂકેતથી દિલ્હીની ફ્લાઇટ AI2379 ઓપરેટ કરતી મેસર્સ એર ઇન્ડિયા A320 એરક્રાફ્ટ VT-EXO એ ક્રૂઝ દરમિયાન અચાનક આશરે 300 ફીટની ઊંચાઈ ગુમાવવાનો અનુભવ કર્યો હતો, જે પછી વિમાન સ્થિર થઈ ગયું હતું અને ત્યારબાદ દિલ્હી ખાતે સુરક્ષિત રીતે લેન્ડ થયું હતું.

આ ઘટના દરમિયાન, બોર્ડ પરના કેટલાક મુસાફરો અને કેબિન ક્રૂ સભ્યોને ઈજાઓ થઈ હોવાનું જાણવા મળ્યું હતું. એરક્રાફ્ટમાં 03 શિશુઓ સહિત 137 મુસાફરો અને બે પાઇલટ તેમજ છ કેબિન ક્રૂ ધરાવતા 08 ક્રૂ સભ્યો સવાર હતા.

આવી ઘટના પછીની સ્ટાન્ડર્ડ ઓપરેટિંગ પ્રોસિજર્સના ભાગરૂપે, બંને ફ્લાઇટ ક્રૂ સભ્યો નિર્ધારિત નાર્કોટિક્સ/સાયકોએક્ટિવ સબ્સ્ટન્સ સ્ક્રીનિંગ ટેસ્ટમાંથી પસાર થયા હતા. પાઇલટ-ઇન-કમાન્ડ (PIC) ના સંબંધમાં સ્ક્રીનિંગ ટેસ્ટમાં કન્ફર્મેટરી ટેસ્ટિંગની જરૂર હોય તેવું પરિણામ બહાર આવ્યું હતું. તે મુજબ નમૂનાઓ કન્ફર્મેટરી પૃથ્થકરણ માટે નિર્ધારિત પ્રયોગશાળામાં મોકલવામાં આવ્યા છે, અને આખરી અહેવાલની રાહ જોવાઈ રહી છે.

આ ઘટનાને ગંભીર ઘટના (Serious Incident) તરીકે વર્ગીકૃત કરવામાં આવી છે અને એરક્રાફ્ટ અકસ્માત તપાસ બ્યુરો (AAIB) દ્વારા તેની તપાસ કરવામાં આવી રહી છે.

તપાસ અને નિર્ધારિત પ્રક્રિયા પૂર્ણ થાય ત્યાં સુધી, DGCA દ્વારા બંને ફ્લાઇટ ક્રૂ સભ્યોને રોસ્ટર પરથી હટાવી દેવામાં આવ્યા છે. તપાસના પરિણામ અને કન્ફર્મેટરી ટેસ્ટના પરિણામોના આધારે યોગ્ય આગળની કાર્યવાહી કરવામાં આવશે.

નાગરિક ઉડ્ડયન મંત્રાલય અને DGCA એવિએશન સુરક્ષાના ઉચ્ચતમ ધોરણો જાળવી રાખવા અને આવી તમામ ઘટનાઓની સંપૂર્ણ તપાસ કરવામાં આવે અને નિર્ધારિત નિયમો અને પ્રક્રિયાઓ અનુસાર યોગ્ય કાર્યવાહી કરવામાં આવે તે સુનિશ્ચિત કરવા માટે દ્રઢપણે પ્રતિબદ્ધ છે.

SM/JD