EBMS (E20 પેટ્રોલ)માં ભેજ અને ક્લોરાઇડ પરના તાજેતરના મીડિયા અહેવાલો વચ્ચે, OMCs એ સમગ્ર EBMS સપ્લાય ચેઇનને આવરી લેતું દેશવ્યાપી વધારાનું સઘન પરીક્ષણ હાથ ધર્યું હતું. તારણો પુષ્ટિ કરે છે કે બળતણની ગુણવત્તા સતત નિર્ધારિત મર્યાદામાં જ રહે છે. વૈજ્ઞાનિક રીતે ડિઝાઇન કરાયેલા પરીક્ષણો દ્વારા વ્યાપક રેન્ડમ ટેસ્ટિંગના આધારે કરવામાં આવી રહેલા કેટલાક દાવાઓથી વિપરીત, પુરાવા દર્શાવે છે કે બળતણના દૂષણને કારણે ચિંતાનું કોઈ કારણ નથી.

OMCs અમારા તમામ આદરણીય ગ્રાહકોને આશ્વાસન આપવા માંગે છે કે અમે બળતણની ગુણવત્તાને સર્વોચ્ચ પ્રાથમિકતાની બાબત ગણીએ છીએ અને વાહનની કામગીરી અથવા ઉપભોક્તાના વિશ્વાસને સંભવિત રીતે અસર કરી શકે તેવા કોઈપણ મુદ્દાને વૈજ્ઞાનિક તપાસ અને સુધારાત્મક કાર્યવાહી દ્વારા તાત્કાલિક ઉકેલવામાં આવે છે.

ભારત સરકારે પેટ્રોલમાં બ્લેન્ડિંગ માટે ઉપયોગમાં લેવાતા ઇથેનોલ માટે કડક ક્લોરાઇડ સ્પેસિફિકેશન નિર્ધારિત કર્યા છે અને સમગ્ર સપ્લાય ચેઇનમાં પાલન સુનિશ્ચિત કરવા માટે ઉચ્ચ-આવર્તન દેખરેખ પદ્ધતિની સ્થાપના કરી છે. દેશભરમાં રિફાઇનરીઓ, ડિસ્ટિલરીઓ, ડેપો/ટર્મિનલ્સ અને રિટેલ આઉટલેટ્સ સહિત સપ્લાય ચેઇનના બહુવિધ પોઇન્ટ પર ક્લોરાઇડનું નિરીક્ષણ કરવામાં આવી રહ્યું છે, જે પુષ્ટિ કરે છે કે સપ્લાય ચેઇન દરમિયાન ગુણવત્તા સતત જાળવવામાં આવી રહી છે.

અગાઉથી સ્થાપિત ગુણવત્તા ખાતરી પ્રોટોકોલ્સ ઉપરાંત, ઓઇલ માર્કેટિંગ કંપનીઓએ દરેક રિટેલ આઉટલેટ પર દરરોજ 8–12 વખત વોટર-ઇંગ્રેસ (પાણીનો પ્રવેશ) અને ડેન્સિટી (ઘનતા) ટેસ્ટ કરીને દેખરેખને વધુ મજબૂત બનાવી છે. ક્વોલિટી એશ્યોરન્સના ઉચ્ચતમ ધોરણો સુનિશ્ચિત કરવા માટે બળતણ પ્રયોગશાળાઓ દ્વારા ટેસ્ટના પરિણામોનું સ્વતંત્ર રીતે મૂલ્યાંકન કરવામાં આવી રહ્યું છે, જ્યારે વિવિધ સ્થળોએ મોબાઇલ ફ્યુઅલ ક્વોલિટી ટેસ્ટિંગ લેબોરેટરીઓ પણ તૈનાત કરવામાં આવી છે.

સપ્લાય ચેઇનમાં અનેક સ્તરે ઉન્નત પરીક્ષણ પ્રોટોકોલે અમારા ઉચ્ચતમ ઇંધણ ગુણવત્તા ધોરણોની પુષ્ટિ કરી છે.

1.રિફાઇનરીમાંથી MS:

પેટ્રોલમાં વાસ્તવિક ક્લોરાઇડ સ્તર 1 ppmની અંદર સારી રીતે છે વિવિધ રિફાઇનરીઓમાં પરીક્ષણ કરાયેલા 100 થી વધુ વધારાના રેન્ડમલી પસંદ કરાયેલા પેટ્રોલ્સ સેમ્પલ પુષ્ટિ કરે છે કે ક્લોરાઇડ સામગ્રી સતત ઓછી રહે છે, જેમાં તમામ સેમ્પલ 1 ppm અથવા તેનાથી નીચે નોંધાયા છે. આ ભારતીય મજબૂત રિફાઇનિંગ અને ડિસ્પેચ પ્રક્રિયામાં સમાવિષ્ટ ગુણવત્તા તપાસની સતત અસરકારકતા દર્શાવે છે.

2.ડિસ્ટિલરીમાંથી શુદ્ધ ઇથેનોલ: 

ડિસ્ટિલરી દ્વારા સપ્લાય કરવામાં આવતા ઇથેનોલ—જે મુખ્ય બ્લેન્ડિંગ ઘટક છે—એ પણ ક્લોરાઇડનું સ્તર નિર્ધારિત સ્પેસિફિકેશન કરતા નોંધપાત્ર રીતે નીચું નોંધાવ્યું છે, જે ઉત્પાદન તબક્કે મજબૂત ગુણવત્તા નિયંત્રણ પદ્ધતિઓ દર્શાવે છે. 

OMCs અને CHTના સભ્યો ધરાવતી એક સમર્પિત ટાસ્ક ફોર્સે છેલ્લા 10 દિવસમાં દેશભરની 80 ડિસ્ટિલરીઓમાંથી ઇથેનોલ સેમ્પલ તપાસ્યા છે અને તમામ સેમ્પલમાં ક્લોરાઇડ સામગ્રી 3 ppm કરતા ઓછી હતી.

3.OMCs ના માર્કેટિંગ ઇન્ફ્રાસ્ટ્રક્ચર દ્વારા વિતરિત ઇથેનોલ બ્લેન્ડેડ MS (E20): 

ડેપો / ટેન્ક ટ્રક: ડેપો અને ટર્મિનલ્સ પર પરીક્ષણ કરાયેલા ઇથેનોલ અને E20 સેમ્પલ નિર્ધારિત ક્લોરાઇડ મર્યાદાઓને પૂર્ણ કરવાનું ચાલુ રાખે છે, આ તબક્કે નિયમિત દેખરેખ સુનિશ્ચિત કરે છે કે બળતણ સ્ટોરેજ અને વિતરણ નેટવર્ક દ્વારા આગળ વધે તેમ ગુણવત્તા જાળવવામાં આવે છે. વિવિધ OMC ટર્મિનલ્સ પરથી એકત્રિત કરવામાં આવેલા દેશભરના 80 થી વધુ સેમ્પલમાં ક્લોરાઇડ સામગ્રી 3 ppm થી નીચે દર્શાવવામાં આવી હતી.

રિટેલ આઉટલેટ્સ (RO): 1000 થી વધુ સેમ્પલના સઘન મોનિટરિંગ પ્રોગ્રામ હેઠળ, અત્યાર સુધી છેલ્લા કેટલાક દિવસોમાં ક્લોરાઇડ સામગ્રી માટે 160 ટેસ્ટ રિપોર્ટ્સનું વિશ્લેષણ કરવામાં આવ્યું છે અને કેટલાક સો ppm ના દાવાઓથી વિપરીત સ્તર 0-3 ppm ની રેન્જમાં છે. સર્વેલન્સ સિસ્ટમે માત્ર ચાર અલગ અલગ ઘટનાઓની ઓળખ કરી જ્યાં ક્લોરાઇડનું પ્રમાણ વધુ જોવા મળ્યું હતું. આને તાત્કાલિક સ્થગિત કરવામાં આવ્યા હતા, ત્યારબાદ સપ્લાય પુનઃસ્થાપિત કરતા પહેલા વિગતવાર રૂટ-કોઝ એનાલિસિસ (મૂળ કારણ વિશ્લેષણ) અને યોગ્ય સુધારાત્મક પગલાં લાગુ કરવામાં આવ્યા હતા.

4.વોટર ઇંગ્રેસ ટેસ્ટિંગ (પાણીના પ્રવેશનું પરીક્ષણ): 

લગભગ 90,000 ROs એ ભૂગર્ભ સ્ટોરેજ ટેન્કોનું ફરજિયાત નિરીક્ષણ અને દેખરેખ શરૂ કરી છે. ROs પરની ભૂગર્ભ ટેન્કોનું દરરોજ 8–12 વખત નિરીક્ષણ કરવામાં આવી રહ્યું છે અને અત્યાર સુધી કોઈ પાણીનો પ્રવેશ થયો હોવાનું બહાર આવ્યું નથી.
ઉપરોક્ત પરીક્ષણોનો કોષ્ટક સારાંશ CHT ની સત્તાવાર વેબસાઇટ @ www.cht.gov.in  પર ઉપલબ્ધ છે. જેમ જેમ વધુ ટેસ્ટ પરિણામો ઉપલબ્ધ થશે તેમ આ અપડેટ કરવામાં આવશે. 

ઓઇલ માર્કેટિંગ કંપનીઓ ગ્રાહકોને આશ્વાસન આપવા માંગે છે કે બળતણની ગુણવત્તા તેમની સર્વોચ્ચ પ્રાથમિકતા રહે છે. સમગ્ર સપ્લાય ચેઇનમાં ગુણવત્તાની દેખરેખ સતત હાથ ધરવામાં આવે છે, અને જ્યાં પણ કોઈ વિચલન જણાય છે, ત્યાં તાત્કાલિક અને નિર્ણાયક સુધારાત્મક કાર્યવાહી શરૂ કરવામાં આવે છે.

ઉપરોક્ત સાથે, ગ્રાહકોએ આત્મવિશ્વાસ સાથે E20 પેટ્રોલનો ઉપયોગ ચાલુ રાખવો જોઈએ, કારણ કે OMC નેટવર્ક દ્વારા સપ્લાય કરવામાં આવતું બળતણ નિર્ધારિત ગુણવત્તા વિશિષ્ટતાઓને અનુરૂપ છે અને સપ્લાય ચેઇનના દરેક તબક્કે ગ્રાહકના હિતોનું રક્ષણ કરવા માટે રચાયેલ મજબૂત ગુણવત્તા ખાતરી અને દેખરેખ પ્રણાલીઓ દ્વારા સમર્થિત છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com