অকোইবগী ফিভম অমসুং ঊমংগী মন্ত্রালয়
গ্লো লেকনা অরুনাচল প্রদেশকী অহানবা রমসার সাইত ওইরে; ভারতকী রমসার সাইত মশীং ১০১ য়ৌরে
কেন্দ্রগী এনভাইরোন্মেন্ত মন্ত্রীনা অনৌবা হাপচিল্লকপগী পাউ অসি লাউথোক্লদুনা ভারতনা ৱেতলেন্দ কন্নবা, বাইওদাইবর্সিতী ঙাক্নবা অমসুং তুং কোইনা চৎকদবা পুন্সি মহিং শেমগৎনবা হোৎনরিবা অসিবু নৌনা নীংশিংখ্রে
प्रविष्टि तिथि:
03 AUG 2026 8:10PM by PIB Imphal
কেন্দ্রগী এনভাইরোনমেন্ত, ফোরেস্ত অমসুং ক্লাইমেত চেঞ্জ মন্ত্রী, শ্রী ভুপেন্দর য়াদবনা ঙসি অরুনাচল প্রদেশকী গ্লো লেকপু ভারতকী ১০১শুবা রামসার সাইত ওইনা শকখঙখিবগী মতাংদা লাউথোকখ্রে। মসিনা রাজ্য অসিদা অহানবা রামসার সাইত ফংলকপদা মশক থোকপা মাইলস্তোন অমা ওইরে। X কী সোসিএল মীদিয়া পোস্ত অমদা, মন্ত্রীনা চাউখৎ-থৌরাং অসি বাইওদাইবর্সিতী কন্নবা ঈশিং অমসুং ক্লাইমেৎ সেক্যুরিতী, অমসুং সস্তেনেবল লাইবলিহুদশিংগীদমক মরু ওইবা খোংথাং অমনি হায়না ফোংদোকখি।
শ্রী য়াদবনা প্রধান মন্ত্রী শ্রী নরেন্দ্র মোদীগী লুচিং মখাদা ভারতকী রমসার নেতৱার্ক পাকথোক চাউথোকহনবগী মতাংদা পনখি। মহাক্না হায়খি, "২০১৪দা রামসার সাইত ২৬ ওইরম্বা অদুদগী ঙসি ১০১ শুরকপা অসি য়াম্না শিংথানীংঙাই ওইরি। মসিনা ঐখোয়গী অকোইবগী ফিভম ঙাক শেন্নবা, বাইওদাইবর্সিতী কন্নবা অমসুং সস্তেনেবল দিবেলপমেন্তকীদমক ঐখোয়গী অচেৎপা ফিরেপ অদু উৎলি।" মন্ত্রীনা মখা তানা হায়খি মদুদি অনৌবা রমসর সাইত খুদিংমক্না মরুওইবা ইকোসিস্তেমশিং অসিদা মখা পোল্লিবা কম্ম্যুনিতীশিংগী কান্নবশিং ঙাক্তুনা থম্বগা লোয়ননা মহৌশা ঙাক্নবা ভারতকী ৱারেপ অদু মপাঙ্গল কনখৎহল্লি।
মায় পাকপা অসি থাগৎলদুনা মন্ত্রীনা হায়খি, "ভারতনা রমসার সাইতশিং মশক তাকপদা চহি চা কয়াদগী লাক্লবা খোঙচৎ মখা চত্থরি।" গ্লো লেক অসি হাপচিনখিবগা লোয়ননা, ভারত্তা রমসার সাইতশিংগী মশিং অসি ১০১ য়ৌখ্রে। মসিনা লৈবাক অসিনা মমল য়াম্লবা ৱেতলেন্দ ইকোসিস্তেমশিং ঙাকশেনবগীদমক লেপ্তনা হোৎনরিবা অদু উৎলি।
কামলাং তাইগর রিজার্ব অমসুং ৱাইল্দলাইফ সেঙ্কচুৱরিগী মনুংদা লৈবা গ্লো লেক অসি নোংপোক থংবা হিমালয়দা লৈবা অশেংবা ঈশিং লৈবা লেক অমনি অমসুং বাইওদাইভর্সিতীগী হোটস্পোৎ অমনি। লেক অসি পেরিনিএল মাউন্তেন ব্রুকশিংনা পীরি অমসুং মসিগী অকোয়বদা লৈহাও মরাং কায়না লৈ, মসিনা পাম্বীগী মখল কয়া অমা হৌহল্লি। মন্ত্রীনা হায়খি মদুদি ৱেতলেন্দ অসিদা গ্লো লেক অমসুং মসিগী অকোইবদা লৈরিবা লমদমগী ইকোলোজিকেলগী মরুওইবা অদু উৎলিবা মফম অমসুং মসিগী অকোইবগী মনুংদা উ পাম্বীগী স্পিসিস ১৫০ হেনবা অমসুং ওর্কিদ স্পিসিস ৪৯ হৌরি।
***
(रिलीज़ आईडी: 2294169)
आगंतुक पटल : 6