প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা ২০২৬-২৭তগী ২০৩০-৩১ ফাওবা প্রধান মন্ত্রী কিসান সম্মান নিধি (পি.এম.-কিসান) স্কিম মখা চত্থনবা অয়াবা পীখ্রে। হায়রিবা মতম অসিগী মনুংদা স্কিম অসিগীদমক্তা লুপা করোর লাখ ৩.১৫গী অপুনবা শেনফম অয়াবা পীখ্রে।

অয়াবা পীখিবা অসিনা লৌমীশিংগী চাউখৎপা অসিনা লৈবাক অসিগী চাউখৎপগী য়ুম্ফম ওই হায়বা সরকারগী অচেৎপা ফিরেপ অদু অমুক হন্না ফোংদোক্লি। পি.এম.-কিসান স্কিমগী খুত্থাংদা, ইলিজিবল ওইবা লৌমীগী ইমুংশিংদা দাইরেক্ত বেনিফিৎ ত্রান্সফর (দি.বি.তি.) সিস্তেমগী খুত্থাংদা মতম চানা, মনুং-মপান ফাওনা উবা ঙম্বা মওংদা ইনকম সপোর্ত পীদুনা লৌমীশিংবু লৌউ-শিংউদা শেল থাদবা হেনগৎহল্লি অমসুং মখোয়গী পুন্সি মহিং মপাঙ্গল কনখৎহল্লি।

পি.এম.-কিসান: মনুং মপান ফাওনা উবা ঙম্বা অমসুং তেক্নোলোজী-দ্রিভন ওইবা লৌমীগী য়াইফ-থৌরাংগী মায় পাক্লবা মোদেল অমা

পি.এম.-কিসান স্কিম অসি ফেব্রুৱারী ২০১৯দা হৌদোকখি। স্কিম অসিগী মখাদা, ইলিজিবল ওইবা লৌমী ইমুংশিংনা চহি অমদা লুপা ৬,০০০গী শেলগী তেংবাং ফংই। মসি মখোয়গী বেঙ্ক একাউন্তশিংদা চপ মান্নবা ইন্সতোলমেন্ত অহুমদা হকথেংননা ত্রান্সফর তৌগনি। আধার ওথেন্তিকেসন, দিজিতেল ভেরিফিকেসন অমসুং দি.বি.তি.গী মপাঙ্গল লৈরবা পথাপকী খুত্থাংদা স্কিম অসিনা ত্রান্সপরেন্সী, ইফিসেন্সী অমসুং একাউন্তেবিলিতীগী ইফেক্তিব ওইবা খুদম অমা শেম্লে।

পি.এম.-কিসান স্কিমগী মরু ওইবা মায় পাকপশিং:

• স্কিম অসিগী মখাদা ইন্সতোলমেন্ত ২৩গী খুত্থাংদা লৌমীশিংগী বেঙ্ক একাউন্তশিংদা লুপা করোর লাখ ৪.৪৭ হেন্না হকথেংননা ত্রান্সফর তৌখ্রে।
• ২৩শুবা ইন্সতোলমেন্তকী মখাদা, লৌমী করোর ৯.৪৯ হেনবনা কান্নবা ফংখি, লোয়ননা লুপা করোর ১৮,৯৮৪ হেন্না রিলিজ তৌখি।
• কোবিদ-১৯ লাইচৎ মনুংদা, লৌমীশিংদা শেলগী তেংবাং পীনবা লুপা করোর লাখ ১.৭১ হেন্না কাইথখি।
• নুপী লৌমীশিংনা পি.এম.-কিসানগী মখাদা লুপা করোর লাখ ১.০৬ হেন্না ফংখ্রে, অমসুং কান্নবা ফংলবা মীওই মরিগী মনুংদা অমদি নুপী লৌমীনি।

লৌউ-শিংউদা ইনভেস্তমেন্ত তৌবা অমসুং লৌমীশিংগী ইনকম হেনগৎহনবদা মরু ওইবা থৌদাং:

পি.এম.-কিসানগী মখাদা পীরিবা মতেং অসিনা লৌমীশিংদা মতম চানা মরু, ফর্তিলাইজর, ইরিগেসন, এগ্রিকলচরেল মেছিনরী অমসুং অতোপ্পা লৌউ-শিংউগী মথৌ তাবশিংদা শেল থাদবা ঙমহল্লে। মসিনা লৌমীশিংগী প্রদক্তিব কেপাসিতী হেনগৎহল্লে, ইনফোর্মেল ক্রেদিৎকী মখা পোনবগী চাং হন্থহল্লে অমসুং খুঙ্গংগী ইমুংশিংগী ফাইনান্সিএল স্তেবিলিতী মপাঙ্গল কনখৎহল্লে।

মরোমদোম ইভাল্যুএসনশিং তৌবগী খুত্থাংদা পোজিতিব ইম্পেক্ত লৈহনবা:

পি.এম.-কিসান স্কিমগী ইম্পেক্ত অসি তোঙান-তোঙানবা ইন্দিপেন্দেন্ত ইন্সতিত্যুসনশিংনা এসেস তৌখ্রে। নিতি আয়োগকী দিবেলপমেন্ত মোনিতরিং এন্দ ইভাল্যুএসন ওফিস (দি.এম.ই.ও.) না পাংথোকপা ইভালুএসনগী মতুং ইন্না:

• বেনিফিসরীশিংগী ৯২% হেনবনা মখোয়না লৌউ-শিংউগী থবকশিং অমসুং লৌউ-শিংউগী ইনভেস্তমেন্তগীদমক তেংবাংগী শেনফম শীজিন্নখি হায়না পাউদমখি।
• চাউরাক্না বেনিফিসরীশিংগী ৮৫%না লৌউ-শিংউগী ইনকম ফগৎলকপা অমসুং ইনফোর্মেল ক্রেদিৎকী মখা পোনবগী চাং হন্থরকপা কনফর্ম তৌখি।

২০২০-২১দগী ২০২৫-২৬ ফাওবগী মনুংদা, চেং-হৱাই পুথোকপদা চাউনা হেনগৎলকখি। হায়রিবা মতম অসিদা, লৌউ উরিবা মফম অসি চাউরাক্না ৯.৬৫% হেনগৎখি, পোত্থোক পুথোকপা অসি চাউরাক্না ১০.৫৩% হেনগৎখি অমসুং অপুনবা চেং-হৱাও পুথোকপা অসি চাউরাক্না ২১.১৮% হেনগৎখি। মসিনা পি.এম.-কিসানগী মখাদা লৌমীশিংদা মপুং ফানা তেংবাং পীরকপা অমসুং লৌউ-শিংউগী সেক্তরগী হেনগৎলক্লিবা কেপাসিতী অদু উৎলি।

দিজিতেল ইন্দিয়াগী খুত্থাংদা লৌমীশিংদা ফংহল্লিবা দাইরেক্ত বেনিফিৎশিং

পি.এম.-কিসান স্কিম অসি দিজিতেল ইন্দিয়াগী ইফেক্তিব ওইবা শীজিন্নবগী অফবা খুদম অমনি। আধারদা য়ুম্ফম ওইবা ওথেন্তিকেসন, দিজিতেল বেনিফিসরী ভেরিফিকেসন অমসুং দি.বি.তি.গী সিস্তেমগী খুত্থাংদা শেলগী তেংবাং অসি লৌমীশিংদা হকথেংননা ত্রান্সফর তৌরি। স্কিম অসিনা শেলগী তেংবাং পীনবা খক্তদা অকক্নবা ওইদে। মসিনা লৌমীশিংগী থাজবা, মশা-মরোমদোম লেপচবা অমসুং লৌউ-শিংউদা শেল থাদনবগী তৌবা ঙম্ববুসু মপাঙ্গল কনখৎহল্লি।

আত্মনির্ভর ভারত অমসুং চাউখৎপা লৌমীশিংগী মাইকৈদা মরু ওইবা খোঙথাং অমা:

পি.এম.-কিসান স্কিম মখা তানা পাকথোক চাউথোকহনবনা লৌউ-শিংউদা শেল থাদনবগী লৌমীশিংগী তৌবা ঙম্বগী চাং হেনগৎহল্লগনি, পোত্থোক হেনগৎহল্লগনি, লৌউ-শিংউগী রিস্ক হন্থহল্লগনি অমসুং খুঙ্গংগী শেন্মিৎলোনবু মপাঙ্গল কনখৎহল্লগনি। সুভাশিতাগী পাউজেলদি থৌনাগী নুমিৎ কৈদৌনুংদা চংখিদে হায়বসিনি। নুমিৎনা অমুক্কা হন্না থোরকপগা লোয়ননা মপুং ফাবা মশেক মঙাল ফংহল্লি, থৌনা ফরবা মীওই অমনা মহাক্কী থৌনাগী খুত্থাংদা অৱাবা খুদিংমক্তা মায়থীবা পী।

পি.এম.-কিসান স্কিম অসি সরকারগী ফার্মর সেন্ত্রিক পোলিসীশিংগী মরুওইবা য়ুম্বী অমনি। স্কিম অসিনা লৈবাক অসিগী চিঞ্জাক পুথোকপা মীওই করোর কয়াদা শক্তি পীনবা পান্দম থম্লি। মসিনা ভারতকী বিক্সিৎ ভারতকী খোঙচৎতা মখোয়গী থৌদাং অদু মপাঙ্গল কনখৎহল্লগনি।

****