প্রধান মন্ত্রী শ্রী নরেন্দ্র মোদীনা ২০২৬গী ওগস্ত ১দা অন্ধ্র প্রদেশ অমসুং কর্নাতকাদা চৎকনি। অয়ুক্কী পুং ১১ রোম তাবদা, প্রধান মন্ত্রীনা অন্ধ্র প্রদেশকী বিজয়নগরম জিলাগী ভোগাপুরমদা লৈবা অল্লুরি সিতারামা রাজু ইন্তর্নেস্নেল এয়রপোর্তকী পেসেঞ্জর তর্মিনেল বিল্দিংদা চৎতুনা য়েংগনি। অয়ুক্কী পুং ১১.৩০ রোম তাবদা, মহাক্না এয়রপোর্ত শঙ্গাগনি অমসুং ভোগাপুরমদা লুপা করোর ১৭,৯০০ হেনবগী চাউখৎ-থৌরাংগী প্রোজেক্ত কয়া উরেপ উয়ুং তমগনি অমসুং লৈবাক মীয়ামদা কত্থোক্কনি। থৌরম অদুদা মহাক্না মীয়ামদা ৱা ঙাংগনি। মতুংদা, নুংথিল পুং ৩:৩০ রোম তাবদা, প্রধান মন্ত্রীনা মৈসুরুগী শ্রী রামাকৃষ্ণ আশ্রমদা স্বামী বিবেকানন্দ কলচরেল য়ুথ সেন্তর - বিবেকা স্মারক শঙ্গাগনি। মহাক্না থৌরম অদুদা তিল্লিবা মীয়ামদা ৱা ঙাংগনি।

অন্ধ্র প্রদেশতা পি.এম.

প্রধান মন্ত্রী শ্রী নরেন্দ্র মোদীনা অন্ধ্র প্রদেশকী ভোগাপুরমদা অল্লুরি সিতারামা রাজু ইন্তর্নেস্নেল এয়রপোর্ত শঙ্গাগনি। পব্লিক-প্রাইবেৎ পার্তনরশিপ (পি.পি.পি.) মোদকী মখাদা লুপা করোর ৫,৬৪০ হেনবগী শেনফমগা লোয়ননা শেমগৎখিবা, গ্রীনফিল্দ এয়রপোর্ত অসি চহি খুদিংগী পেসেঞ্জর মিলিয়ন ৬ হেন্দল তৌনবা দিজাইন তৌখি।

পেসেঞ্জর তর্মিনেল বিল্দিং অসি মতমগা চুনবা, অপনবা লৈতবা অমসুং ইফিসিএন্ত ওইনা চৎথোক চৎশিন তৌবগী এক্সপরিয়েন্স অমা ফংহন্নবা দিজাইন তৌখি। এয়রপোর্ত অসিদা ওপরেস্নেল ইফিসিএন্সী হেনগৎহন্নবা অমসুং তুংগী এভিএসনগী মথৌ তাবশিং ফংহন্নবা অৱাংবা থাক্কী ইনফ্রাস্ত্রকচর, অৱাংবা থাক্কী তেক্নোলোজীশিং অমসুং তুং কোইনা চৎকদবা ফিচরশিং য়াওরি।

এয়রপোর্ত অসি আর্তিফিসিএল ইন্তেলিজেন্স (এ.আই.), বিল্দিং ইনফোর্মেসন মোদেলিং (বি.আই.এম.), এয়রসাইদ ৪.০ তেক্নোলোজীশিং, এয়রপোর্ত প্রেদিক্তিব ওপরেসন্স সেন্তর (এ.পি.ও.সি.), বাইওমেত্রিক পেসেঞ্জর প্রোসেসিং, ওতোমেতেদ বেগেজ হেন্দলিং সিস্তেমশিং অমসুং ইন্তেলিজেন্ত ওপরেস্নেল মোনিতরিং সোলুসনশিং অসিগুম্বা এদভান্স তেক্নোলোজীশিং লৈরি। সিস্তেমশিং অসিনা ওপরেস্নেল ইফিসিএন্সী হেনগৎহনগনি, পেসেঞ্জরশিংগী খুদোংচাবা অমসুং সেফতী হেনগৎহনগনি, অমসুং রিসোর্স শীজিন্নবা ওপ্তিমাইজ তৌগনি হায়না পানরি।

প্রোজেক্ত অসিদা ইনর্জী ইফিসিএন্ত হিতিং, ভেন্তিলেসন অমসুং এয়র কন্দিসন (ঐচ.ভি.এ.সি.) সিস্তেমশিং, ইনর্জী চাদবা লাইতিং, মেগাৱাৎ ৫গী সোলার পৱার প্লান্ত, নোংগী ঈশিং য়োকশিনবা, স্মার্ত বিল্দিং মেনেজমেন্ত সিস্তেমশিং, ৱেস্ত মেনেজমেন্ত ইনিসিএতিবশিং, ইলেক্ত্রিক ভেহিকল চার্জিং ইনফ্রাস্ত্রকচর অমসুং অকোইবগী ফিবম য়েংশিন্নবা থৌরাংশিং য়াওনা সস্তেনেবিলিতীগী ফিচর কয়া য়াওরি। তর্মিনেল অসি গ্রীন বিল্দিং স্তেন্দর্দশিংগী মতুং ইন্না দিজাইন তৌখ্রে অমসুং য়ু.এস. গ্রীন বিল্দিং কাউন্সিল (য়ু.এস.জি.বি.সি.)দা রেজিস্তর তৌরে।

এয়রপোর্ত অসিগী আর্কিতেকচরেল দিজাইন অসি অন্ধ্র প্রদেশকী কলচরেল হেরিতেজদগী ইথিল লৌরকপনি। তর্মিনেলগী য়ুমথক কুপ্পগী মওং অসি ত্রেদিস্নেল চুতিলু কোতেজশিং অমসুং অরাকু ভেলীগী লেন্দস্কেপশিং উৎলি, অদুগা মাগী চেল্লিবা মওং অসিনা ফ্লাইয়িং ফিশ অমগী চীংলেম্লবা লেং-ওৎপগী মওং অদু তাক্লি, মসিনা লমদম অসিগী আর্কিতেকচরেল ইলিমেন্তশিংগা হৌজিক মতমগী এয়রপোর্ত দিজাইনগা পুনশিল্লি। এয়রপোর্ত অসিনা লমদম অসিদা এয়র কন্নেক্তিবিতী মপাঙ্গল কনখৎহন্দুনা অন্ধ্র প্রদেশতা তুরিজম, ললোন-ইতিক, ইনভেস্তমেন্ত অমসুং থবক্কী খুদোংচাবা ফংহনবদা চাউনা মতেং পাংগনি হায়না পানরি।

প্রধান মন্ত্রীনা ভিশাখাপত্নমদা লুপা করোর ৪৬০ হেনবগী শেনফম থাদদুনা শেমগৎলিবা এ.এস.আই.পি. সেমিকন্দক্তর প্রোজেক্তকী উরেপ উয়ুংসু তমগনি। ফেসিলিতী অসি এ.এস.আই.পি. তেক্নোলোজীস প্রাইবেৎ লিমিতেদনা রিপব্লিক ওফ কোরিয়াগী এ.পি.এ.সি.তি.গা খুৎশম্নদুনা শেমগৎলি। মসি ইন্দিয়া সেমিকন্দক্তর মিসনগী মখাদা অয়াবা পীরবা অন্ধ্র প্রদেশকী অহানবা সেমিকন্দক্তর মেন্যুফেকচরিং ফেসিলিতীনি। ফেসিলিতী অসিনা চহিগী ওইনা সেমিকন্দক্তর চিপ মিলিয়ন ৯৬ রোম পুথোক্কনি অমসুং হায়-স্কিল এমপ্লোইমেন্তগী খুদোংচাবশিং শেমগৎকনি, অদুগা সেমিকন্দক্তর পুথোকপদা মতেং পাংনবা মপাঙ্গল লৈরবা এন্সিল্লরী ইকোসিস্তেম অমা শেমগৎকনি।

প্রধান মন্ত্রীনা কুরনুল-IV রিন্যুএবল ইনর্জী জোন (আর.ই.জেদ.) - ফেজ-১ (জি.দবল্যু.৪) গী ইন্তিগ্রেসন ত্রান্সমিসন সিস্তেমগীদমক লুপা করোর ৫,৫৫০গী শেনফমগা লোয়ননা স্পেসিএল পর্পজ ভেহিকল (এস.পি.ভি.) অমগী খুত্থাংদা পাৱরগ্রিদনা ইমপ্লিমেন্ত তৌরিবা ত্রান্সমিসন সিস্তেমগী উরেপ উয়ুং তমগনি।

প্রধান মন্ত্রীনা কুরনুল ৱিন্দ ইনর্জী জোন/সোলার ইনর্জী জোন (অন্ধ্র প্রদেশ) গী ত্রান্সমিসন সিস্তেম, পার্ত এ অমসুং পার্ত বিসু লুপা করোর ৩,৫৫০ চংনা ইমপ্লিমেন্ত তৌখিবা অমসুং অনন্তপুরম (মেগাৱাৎ ২,৫০০) অমসুং কুরনুল (মেগাৱাৎ ১,০০০) দা পাৱরগ্রিদনা লুপা করোর ৮২০ হেন্না চংনা ইমপ্লিমেন্ত তৌখিবা সোলর ইনর্জী জোনগী ত্রান্সমিসন স্কিমসু উরেপ-উয়ুং তমগনি।

ত্রান্সমিসন প্রোজেক্তশিং অসিনা কুরনুল অমসুং অনন্তপুরমদা রিন্যুএবল ইনর্জী জোনশিংদগী পুথোকপা পাৱর ইভাক্যুএসন তৌবা অমসুং নেস্নেল গ্রিদকী খুত্থাংদা লৈবাক শিনবা থুংনা বেনিফিসরীশিংদা ত্রান্সমিসন তৌবা ঙমহনগনি। মখোয়না রিন্যুএবল ইনর্জী ক্বান্তম কয়া অমা গ্রিদতা পুনশিনবদা মতেং পাংগনি, দিমান্দ সেন্তরশিংগীদমক ক্লিন ইনর্জী ফংহনবদা মতেং পাংগনি অমসুং ফোসিল ফ্যুলদা য়ুম্ফম ওইবা পাৱর পুথোকপদা মীপাল-তাংবা হন্থহন্দুনা ভারতকী ইনর্জী ত্রাঞ্জিসন অমসুং দিকার্বোনাইজেনগী থবকশিংদা মতেং পাংগনি।

প্রধান মন্ত্রীনা লুপা করোর ১৮৮০ হেনবগী নেস্নেল হায়ৱে প্রোজেক্তশিং লৈবাক মীয়ামদা কত্থোক্কনি অমসুং উরেপ উয়ুংসু তমগনি। উরেপ উয়ুং তমগদৌরিবা প্রোজেক্তশিং অদুদি এন.ঐচ.-৩৬৫বি.জি.গী রেচরলাদগী গুরুভায়গুদম সেক্সন ফাওবগী ফোর-লেন এক্সেস-কন্ত্রোল গ্রীনফিল্দ হায়ৱে, এন.ঐচ.-৩৬৫বি.জি.গী গুরুভায়গুদমদগী দেবরাপল্লী সেক্সন ফাওবগী ফোর-লেন এক্সেস-কন্ত্রোল গ্রীনফিল্দ হায়ৱে অমসুং এন.ঐচ.-৬৭দা লৈবা ফোর-লেন তাদিপত্রি বাইপাসনি। প্রধান মন্ত্রীনা এন.ঐচ. ৫৬৫গী পেঞালাকোনা য়েরপেদু সেক্সন্দা লৈবা লিঙ্গাসমুদ্রমদা হাই-লেভেল ব্রিজ অমগী উরেপ উয়ুংসু তমগনি। প্রোজেক্তশিং অসিনা বিজয়ৱাদা অমসুং অতোপ্পা শহর কয়াদা লৈরিবা কঞ্জেসন হন্থহল্লগনি, লম্বীগী সেফতী হেনগৎহল্লগনি, ভিশাখাপত্নম অমসুং হায়দরাবাদকী মরক্তা চৎথোক-চৎশিন তৌবগী অরাপ্পা অমসুং মতম হন্থহল্লগনি, অমসুং রিজনেল কন্নেক্তিবিতী হেনগৎহল্লগনি।

কর্নাতকাদা পি.এম.

প্রধান মন্ত্রী শ্রী নরেন্দ্র মোদীনা কর্নাতকাগী মৈসুরুদা স্বামী বিবেকানন্দ কলচরেল য়ুথ সেন্তর - বিবেকা স্মারক শঙ্গাগনি।

বিবেকা স্মারক অসিনা স্বামী বিবেকানন্দনা ইং ১৮৯২গী নবেম্বরদা ভারত শীনবা থুংনা চৎখিবা মহাক্কী খোঙচৎ মনুংদা মাইসুরুদা চৎখিবা পুৱারী ওইরবা খোঙচৎ অদু নিংশিংলি। মহাক্না মফম অসিদা লৈরিঙৈ মনুংদা, মহাক্না ৱা ঙাংখি, স্কোলরশিং অমসুং ভক্তশিংগা ৱারী শাখি, অমসুং মহারাজা শ্রী চামরাজেন্দ্র ৱাদিয়র এক্সকী পেত্রোনেজ ফংখি। মহাক্কী মতেং অদুনা মহাকপু ইং ১৮৯৩দা চিকাগোদা পাংথোকখিবা পার্লিয়ামেন্ত ওফ রিলিজনসকী খোঙচৎ চৎপা ঙমহনখি।

পুৱারী ওইরবা নিরঞ্জন মথতা লিংখৎখিবা, বিবেকা স্মারক অসি স্ক্বার ফুৎ ৮১,০০০ হেনবগী বিল্ত-অপ এরিয়া অমদা শারি অমসুং মসিদা মপুং ওইবা বিল্দিং অমসুং এনেক্স ব্লোক অমা য়াওই। মসিদা ৪-দি এক্সপিরিএন্স সেন্তর, একজিবিসন হোল, মীওই ৭০০ রোম চনবা এম্পিথিয়েতর, ক্লাসরুম, কনফরেন্স রুম, লাইব্রেরী, রিদিং রুম, মেদিতেসন অমসুং য়োগ হোল, অমসুং বুক স্তোল লৈ। সেন্তর অসিদা কম্পিতিতিব একজামিনেসনগীদমক শেম-শারিবা মহৈরোইশিংগীদমক্তা অখন্নবা ফেসিলিতীশিংসু য়াওরি।

স্বামী বিবেকানন্দগী পুন্সি, পাউজেল অমসুং ৱাখল্লোনশিংদা কত্থোক্লবা, কলচরেল য়ুথ সেন্তর অসিনা ভেল্যুদা য়ুম্ফম ওইবা এজুকেসন, লীদরশিপ দিবেলপমেন্ত অমসুং পর্সনেলিতী বিল্দিংগী অচৌবা হব অমা ওইনবা পান্দম থম্লি। লৈবাক শেমগৎপা অমসুং লমচৎ-শাজৎ শেমগৎপগী স্বামী বিবেকানন্দগী ৱাংঙুলোলনা ইথিল পীরবা লেকচরশিং, ৱার্কশোপশিং, অতেনবা মতমগী কোর্সশিং অমসুং কেপাসিতী বিল্দিং প্রোগ্রামশিংগী খুত্থাংদা মসিদগী মনাক নক্নবা এজুকেস্নেল ইন্সতিত্যুসনশিংদগী মহৈরোই ১০,০০০ হেনবা লোয়ননা শহর অমসুং খুঙ্গংগী নহারোলশিং কান্নবা ফংগনি হায়না পানরি।

***