মন্ত্রীমন্দল
কেমিকেল পার্কস স্কিম “ভারত উদ্যোগিক বিকাস য়োজনা রসায়ন (ভাব্যা রসায়ন) মন্ত্রীমন্দলনা অয়াবা পীরে
प्रविष्टि तिथि:
24 JUL 2026 4:11PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা লৈবাক অসিদা কেমিকেল পার্ক অহুম লিংখৎনবা ভারত উদ্যোগিক বিকাস য়োজনা রসায়ন নত্ত্রগা ভাব্যা-রসায়ন অয়াবা পীখ্রে। স্কিম অসি শেনবা চহি ২০২৬-২৭ গী কেন্দ্রগী বজেত্ত লাউথোকখ্রে।
স্কিম অসিগী অপুনবা শেনফম লুপা করোর ৩,০৩০ ওইগনি, মসিগী মনুংদা লুপা করোর ৩,০০০ না পার্ক মনুংদা কম্মন ইনফ্রাষ্ট্রকচর ফেসিলিতিশিং অমসুং বেসিক য়ুতিলিতিশিং শেমগৎপদা শীজিন্নগনি অমসুং লুপা করোর ৩০ না এদমিনিষ্ট্রেতিপ এক্সপেন্দিচর ওইগনি। স্কিম অসি শেনবা চহি ২০২৬-২৭ দগী শেনবা চহি ২০৩০-৩১ ফাওবা চহি ৫ গী মতমদা পাংথোক্কনি।
স্কিমগী তার্মশিংনা হায়খি, পার্ক অমদা লুপা করোর ১,০০০ ফাওবগী গ্রান্ত অমা কেন্দ্র সরকারনা পীগনি। মসি মরী লৈনবা রাজ্য সরকারনা খ্বাইদগী য়ামদনা পুথোকপা লুপা করোর ৫০০ ফাওবগী মতুংইন্না পীগনি।
ভাব্যা রসায়ন স্কিমনা শেন্মিৎলোন্দা মখাগী কান্নবশিং পীরবা য়াই:
• মসিনা কেমিকেল ইন্দষ্ট্রি, অপষ্ট্রিম অমসুং দাউষ্ট্রিম ভেলু চেনশিং চাউখৎহনগনি অমসুং এন্সিলিারি ইন্দষ্ট্রিশিংনা রিছোর্স কয়া ফজনা শীজিন্নগনি অমসুং পুথোক-পুশিন্দা চঙবা শেনফম হন্থহনগনি।
• পুন্না শীজিন্নবা য়াবা কম্মন ইনফ্রাষ্ট্রকচর ফেসিলিতিশিং অমসুং বেসিক য়ুতিলিতিশিংগী খুৎথাংদা, কেমিকেল ইন্দষ্ট্রিনা দরকার ওইবা অদু য়েংলগা, মসিনা শেন চঙবা হন্থহনগনি অমসুং ভারতকী উদ্যোগ মালেমগী লৈবাকশিংগা চাংদম্নবা ঙমহনগনি।
• মসিনা ভারতকী কেমিকেল ইন্দষ্ট্রি মালেমগী ভেলু চেনশিংদা মপুংফানা শরুক য়াবদা মতেং পাংগনি অমসুং মপান্দা থাদোকপা হেনগৎহনগনি অমসুং মপান্দগী পুশিল্লকপগী মহুৎশীনগনি।
• কম্মন ইফ্লুয়েন্ত ত্রিৎমেন্ত প্লান্ত, ত্রিৎমেন্ত, ষ্টোরেজ অমসুং ফুমজিনবগী খুদোংচাবা অমসুং হকচাং শোকপা য়াবা অমোৎপা লোইশিনবা ইনফ্রাষ্ট্রকচরগুম্বা খুদোংচাবশিং য়াওরবা মহৌশাগী অকোয়বগী ফিবম শোকহন্দবা ভারতকী কেমিকেল ইন্দষ্ট্রি অমা শেমগৎপদা মতেং পাংগনি। মসিনা মহৌশাগী অকোয়বগী ফিবম ঙাক-শেন্নবা চৎন-কাংলোনশিং হেন্না মপুংফানা ঙাকপা ঙমহনগনি অমসুং মহৌশাগী ফিবম শোকহন্দবা উদ্যোগ চাউখৎহনগনি।
• কেমিকেল সেক্তর চাউখৎহনবা অসিনা ইকোনোমিগী দাউনষ্ট্রিম সেক্তরশিং চাউখৎহন্দুনা কান্নবা অমা পীগনি অমসুং মসিনা থবক ফংবা হেনগৎহনগনি অমসুং শেন-থুম হেন্না চাউখৎহনগনি, বিকসিত ভারত @ 2047 গী পান্দম ফংবদা মতেং পাংগনি।
লৌউ-শিংউ, তেক্সতাইলশিং, হিদাক-লাংথকশিং, ন্যুত্রাসিউতিকেলশিং, য়ুম-কৈ শাবা, ওতোমোবাইল, ইলেক্ত্রোনিক্সগুম্বা তোঙান তোঙানবা দাউনষ্ট্রিম ইন্দষ্ট্রিশিংদা শীজিন্নরিবা কেমিকেলশিং অমসুং পেত্রোকেমিকেলশিং সেক্তর অসিনা পুথোক্লিবা অদু খঙলদুনা, ভাব্যা স্কিম হৌদোকপা অসিনা লৈবাক মনুং অমসুং মপানগী ইনভেষ্টরশিংগী পুক্নিং চিংশীন্দুনা সেক্তর অসি চাউখৎহনগনি, লৈবাক অসিদা পোৎথোক পুথোকপা অমসুং থবক ফংহনবা হেনগৎকনি। মসিনা সেক্তর অসি মালেমগী ওইনা চাংদম্নবা ঙম্বা হেনগৎহনগনি, অত্মনির্ভরতা য়োকখৎকনি।
স্কিমগী তার্মশিংদা, চেলেঞ্জ রুতকী মখাদা রাজ্য সরকারশিংনা কেমিকেল পার্ক অহুম লিংখৎপদা কেন্দ্রনা মতেং পাংগনি। পার্ক অমদা য়ামদ্রবদা ইসক্বার কিমি ৮ (য়ামদ্রবদা একর ২,০০০) গী লম লৈগদবনি। কেমিকেল ইন্দষ্ট্রিগীদমক কম্মন ইনফ্রাষ্ট্রকচর ফেসিলিতিশিং অমসুং বেসিক য়ুতিলিতিশিংগী মওংদা পার্কশিং অসিনা অসিগুম্বা প্লগ-এন্দ-প্লে ইনফ্রাষ্ট্রকচর পীগনি:
• কম্মন ইফ্লুয়েন্ত ত্রিৎমেন্ত প্লান্ত(সি ই তি পি),
• ত্রিৎমেন্ত, ষ্টোরেজ অমসুং দিস্পোসেল ফেসিলিতি( তি এস দি এফ),
• ঈশিং ফংহন্নবা থবকশিং,
• সোলভেন্ত রিকভরি অমসুং চুমথোক্নবা খুদোংচাবশিং,
• ঈশিং মনিল পুথোকপা অমসুং ফংহন্নবা নেতৱার্ক,
• অমা অমগা শম্নবা পাইপলাইন নেতৱার্ক,
• পুথোক-পুশিন অমসুং থম্ফমগী খুদোংচাবশিং।
***
(रिलीज़ आईडी: 2289820)
आगंतुक पटल : 6
इस विज्ञप्ति को इन भाषाओं में पढ़ें:
Malayalam
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada