ਡਾਇਰੈਕਟੋਰੇਟ ਆਫ਼ ਰੈਵੇਨਿਊ ਇੰਟੈਲੀਜੈਂਸ (ਡੀਆਰਆਈ) ਨੇ ਸੰਗਠਿਤ ਸੋਨੇ ਦੀ ਤਸਕਰੀ ਸਿੰਡੀਕੇਟਾਂ 'ਤੇ ਆਪਣੀ ਕਾਰਵਾਈ ਜਾਰੀ ਰੱਖਦੇ ਹੋਏ, ਦੇਸ਼ ਭਰ ਵਿੱਚ ਕਈ ਖੁਫੀਆ-ਅਧਾਰਿਤ ਅਭਿਆਨ ਚਲਾਏ ਹਨ, ਜਿਸ ਦੇ ਨਤੀਜੇ ਵਜੋਂ ਵਿਦੇਸ਼ੀ ਮੂਲ ਦਾ 27 ਕਿਲੋਗ੍ਰਾਮ ਤੋਂ ਵੱਧ ਤਸਕਰੀ ਕੀਤਾ ਗਿਆ ਸੋਨਾ ਜ਼ਬਤ ਕੀਤਾ ਗਿਆ ਹੈ ਅਤੇ 12 ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਨ੍ਹਾ ਕਾਰਵਾਈਆਂ ਨੇ ਸੋਨੇ ਨੂੰ ਛੁਪਾਉਣ ਦੇ ਗੁੰਝਲਦਾਰ ਤਰੀਕਿਆਂ ਦਾ ਖੁਲਾਸਾ ਕੀਤਾ, ਜਿਸ ਵਿੱਚ ਜਹਾਜ਼ਾਂ ਦੇ ਪਖਾਨਿਆਂ ਦੇ ਅੰਦਰ, ਵਾਹਨਾਂ ਅਤੇ ਭਾਂਡਿਆਂ ਵਿੱਚ ਵਿਸ਼ੇਸ਼ ਤੌਰ 'ਤੇ ਬਣਾਏ ਗਏ ਖੋਖਲੇਪਣ ਅਤੇ ਸਰੀਰ ਦੇ ਉੱਪਰ/ਹੇਠਾਂ ਛੁਪਾਉਣਾ ਸ਼ਾਮਲ ਹੈ। ਇਹ ਸੰਗਠਿਤ ਤਸਕਰੀ ਸਿੰਡੀਕੇਟਾਂ ਦੁਆਰਾ ਵਰਤੀਆਂ ਜਾਂਦੀਆਂ ਵਿਕਸਿਤ ਰਣਨੀਤੀਆਂ ਦਾ ਖੁਲਾਸਾ ਕਰਦਾ ਹੈ।

ਖਾਸ ਖੁਫੀਆ ਜਾਣਕਾਰੀ 'ਤੇ ਕਾਰਵਾਈ ਕਰਦੇ ਹੋਏ, ਮੁੰਬਈ ਵਿਖੇ ਡੀਆਰਆਈ ਅਧਿਕਾਰੀਆਂ ਨੇ 23-24 ਜੁਲਾਈ 2026 ਨੂੰ ਅਦੀਸ ਅਬਾਬਾ ਤੋਂ ਆ ਰਹੇ ਤਿੰਨ ਯਾਤਰੀਆਂ ਨੂੰ ਰੋਕਿਆ ਅਤੇ ਜਹਾਜ਼ ਦੀ ਵਿਆਪਕ ਤਲਾਸ਼ੀ ਲੈਣ ਤੋਂ ਬਾਅਦ, ਜਹਾਜ਼ ਦੇ ਪਿਛਲੇ ਟਾਇਲਟ ਦੇ ਛੱਤ ਪੈਨਲਾਂ ਦੇ ਅੰਦਰ ਛੁਪੇ ਹੋਏ ਲਗਭਗ 12 ਕਿਲੋਗ੍ਰਾਮ ਭਾਰ ਦੇ 6 ਵਿਦੇਸ਼ੀ ਮੂਲ ਦੇ ਸੋਨੇ ਦੀਆਂ ਛੜਾਂ ਬਰਾਮਦ ਕੀਤੀਆਂ। ਜਾਂਚ ਤੋਂ ਪਤਾ ਲੱਗਾ ਕਿ ਯਾਤਰੀਆਂ ਨੇ ਹਵਾਈ ਅੱਡੇ ਦੇ ਸਟਾਫ ਦੁਆਰਾ ਬਾਅਦ ਵਿੱਚ ਪ੍ਰਾਪਤ ਕਰਨ ਲਈ ਸੋਨਾ ਛੁਪਾਇਆ ਸੀ। ਸੋਨਾ ਜ਼ਬਤ ਕਰ ਲਿਆ ਗਿਆ ਅਤੇ ਤਿੰਨੋਂ ਯਾਤਰੀਆਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। 

23 ਜੁਲਾਈ 2026 ਨੂੰ, ਖਾਸ ਖੁਫੀਆ ਜਾਣਕਾਰੀ 'ਤੇ ਕਾਰਵਾਈ ਕਰਦੇ ਹੋਏ, ਡੀਆਰਆਈ ਦੇ ਅਧਿਕਾਰੀਆਂ ਨੇ ਉੱਤਰ ਪ੍ਰਦੇਸ਼ ਵਿੱਚ ਬ੍ਰਹਮਪੁੱਤਰ ਮੇਲ 'ਤੇ ਯਾਤਰਾ ਕਰ ਰਹੀ ਇੱਕ ਮਹਿਲਾ ਯਾਤਰੀ ਨੂੰ ਰੋਕਿਆ ਅਤੇ ਉਸ ਦੇ ਕਮਰ ਦੀ ਪੱਟੀ ਅਤੇ ਹੈਂਡਬੈਗ ਦੇ ਅੰਦਰ ਛੁਪਾਏ ਗਏ ਲਗਭਗ 5 ਕਿਲੋ ਭਾਰ ਦੇ 42 ਵਿਦੇਸ਼ੀ ਮੂਲ ਦੇ ਸੋਨੇ ਦੀਆਂ ਛੜਾਂ ਬਰਾਮਦ ਕੀਤੀਆਂ। ਯਾਤਰੀ ਨੇ ਮੰਨਿਆ ਕਿ ਇਹ ਸੋਨਾ ਬੰਗਲਾਦੇਸ਼ ਰਾਹੀਂ ਭਾਰਤ ਵਿੱਚ ਤਸਕਰੀ ਕੀਤਾ ਗਿਆ ਸੀ। ਸੋਨਾ ਜ਼ਬਤ ਕਰ ਲਿਆ ਗਿਆ ਅਤੇ ਯਾਤਰੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

22-23 ਜੁਲਾਈ 2026 ਦੌਰਾਨ ਮੁੰਬਈ ਹਵਾਈ ਅੱਡੇ 'ਤੇ ਇੱਕ ਹੋਰ ਖੁਫੀਆ ਜਾਣਕਾਰੀ ਦੀ ਅਗਵਾਈ ਵਾਲੀ ਕਾਰਵਾਈ ਵਿੱਚ, ਡੀਆਰਆਈ ਅਧਿਕਾਰੀਆਂ ਨੇ ਮੋਮ ਦੇ ਰੂਪ ਵਿੱਚ ਸੋਨੇ ਦੀ ਡਸਟ ਨੂੰ ਛੁਪਾਉਣ ਲਈ ਜਹਾਜ਼ਾਂ ਦੇ ਟਾਇਲਟਾਂ ਦੀ ਵਰਤੋਂ ਕਰਦੇ ਹੋਏ ਇੱਕ ਤਸਕਰੀ ਸਿੰਡੀਕੇਟ ਦਾ ਫਿਰ ਤੋਂ ਪਰਦਾਫਾਸ਼ ਕੀਤਾ, ਜਿਸਨੂੰ ਬਾਅਦ ਵਿੱਚ ਮਿਲੀਭਗਤ ਵਿੱਚ ਸ਼ਾਮਲ ਕੀਤੇ ਗਏ ਜਹਾਜ਼ ਦੇ ਸਫਾਈ ਸਟਾਫ ਦੁਆਰਾ ਕੱਢ ਲਿਆ ਜਾਂਦਾ ਸੀ। ਇਸ ਕਾਰਵਾਈ ਦੇ ਨਤੀਜੇ ਵਜੋਂ ਮੋਮ ਦੇ ਰੂਪ ਵਿੱਚ 3.7 ਕਿਲੋਗ੍ਰਾਮ ਸੋਨੇ ਦੀ ਡਸਟ ਜ਼ਬਤ ਕੀਤੀ ਗਈ ਅਤੇ ਕੈਰੀਅਰ, ਸਫਾਈ ਸਟਾਫ, ਹੈਂਡਲਰ ਅਤੇ ਪ੍ਰਾਪਤਕਰਤਾ ਸਮੇਤ ਪੰਜ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।

19-20 ਜੁਲਾਈ 2026 ਨੂੰ, ਡੀਆਰਆਈ ਦੇ ਅਧਿਕਾਰੀਆਂ ਨੇ ਕੋਲਕਾਤਾ ਰੇਲਵੇ ਸਟੇਸ਼ਨ 'ਤੇ ਇੱਕ ਯਾਤਰੀ ਨੂੰ ਰੋਕਿਆ ਅਤੇ 4.6 ਕਿਲੋਗ੍ਰਾਮ ਵਿਦੇਸ਼ੀ ਮੂਲ ਦਾ ਸੋਨਾ ਬਰਾਮਦ ਕੀਤਾ, ਜੋ ਕਿ ਵਿਸ਼ੇਸ਼ ਤੌਰ 'ਤੇ ਬਣਾਏ ਗਏ ਭਾਂਡਿਆਂ ਦੇ ਅੰਦਰ ਬਹੁਤ ਹੀ ਹੁਸ਼ਿਆਰੀ ਨਾਲ ਛੁਪਾਇਆ ਗਿਆ ਸੀ। ਜਾਂਚ ਤੋਂ ਪਤਾ ਲੱਗਾ ਕਿ ਇਹ ਨਸ਼ੀਲਾ ਪਦਾਰਥ ਮਿਆਂਮਾਰ ਰਾਹੀਂ ਭਾਰਤ ਵਿੱਚ ਤਸਕਰੀ ਕੀਤਾ ਗਿਆ ਸੀ। ਸੋਨਾ ਜ਼ਬਤ ਕਰ ਲਿਆ ਗਿਆ ਅਤੇ ਯਾਤਰੀ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।

ਇਸ ਹਫ਼ਤੇ ਦੌਰਾਨ, ਦੋ ਹੋਰ ਵੱਖ-ਵੱਖ ਕਾਰਵਾਈਆਂ ਵਿੱਚ, ਕੋਚੀਨ ਅਤੇ ਗੁਵਾਹਾਟੀ ਵਿਖੇ ਡੀਆਰਆਈ ਅਧਿਕਾਰੀਆਂ ਨੇ ਲਗਭਗ 2 ਕਿਲੋ ਵਿਦੇਸ਼ੀ ਮੂਲ ਦਾ ਸੋਨਾ ਜ਼ਬਤ ਕੀਤਾ। ਕੋਚੀਨ ਹਵਾਈ ਅੱਡੇ 'ਤੇ, ਦੁਬਈ ਤੋਂ ਆਉਣ ਵਾਲੇ ਇੱਕ ਯਾਤਰੀ ਦੇ ਸਰੀਰ ਦੇ ਅੰਦਰ ਛੁਪਾਇਆ ਗਿਆ ਸੋਨਾ ਬਰਾਮਦ ਕੀਤਾ ਗਿਆ, ਜਦੋਂ ਕਿ ਗੁਵਾਹਾਟੀ ਵਿਖੇ, ਇੱਕ ਕਾਰ ਵਿੱਚ ਇੱਕ ਵਿਸ਼ੇਸ਼ ਤੌਰ 'ਤੇ ਬਣਾਈ ਗਈ ਵਿਸ਼ੇਸ਼ ਫ਼ੈਬਰੀਕੇਟਡ ਕੈਵਿਟੀ (ਗੁਪਤ ਥਾਂ) ਦੇ ਅੰਦਰ ਛੁਪਾਏ ਗਏ ਸੋਨੇ ਦੇ ਬਿਸਕੁਟ ਜ਼ਬਤ ਕੀਤੇ ਗਏ। ਇਨ੍ਹਾਂ ਕਾਰਵਾਈਆਂ ਵਿੱਚ ਦੋ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ।

****

ਐੱਸਆਰ/ਕੇਐੱਮਐੱਨ/ਏਕੇ