ಭಾರತೀಯ ರೈಲ್ವೆಯು ದೇಶದ ಪ್ರಮುಖ ಸರಕು ಸಾಗಣೆ ಕಾರಿಡಾರ್‌ಗಳಲ್ಲಿ ಒಂದಾದ ಆಗ್ನೇಯ ರೈಲ್ವೆಯ ನಿಂಪುರ ಪಶ್ಚಿಮ ಹೊರ ಕ್ಯಾಬಿನ್ ಮತ್ತು ಮಿಡ್ನಾಪುರ ನಡುವೆ ರೈಲು ಸಾಮರ್ಥ್ಯವನ್ನು ಹೆಚ್ಚಿಸುವ ಮಹತ್ವದ ಹೆಜ್ಜೆಯಾಗಿ, ₹440 ಕೋಟಿ ವೆಚ್ಚದಲ್ಲಿ 14.52 ಕಿ.ಮೀ. ಮೂರನೇ ಮಾರ್ಗದ ನಿರ್ಮಾಣಕ್ಕೆ ಅನುಮೋದನೆ ನೀಡಿದೆ.

ಈ ಯೋಜನೆಯು ಹೆಚ್ಚಿನ ದಟ್ಟಣೆಯ ಸಾಂದ್ರತೆಯ ಮಾರ್ಗಗಳಲ್ಲಿ ನೆಟ್‌ವರ್ಕ್ ಸಾಮರ್ಥ್ಯವನ್ನು ಹೆಚ್ಚಿಸುವ ಭಾರತೀಯ ರೈಲ್ವೆಯ ನಿರಂತರ ಪ್ರಯತ್ನಗಳ ಭಾಗವಾಗಿದ್ದು, ಪ್ರಯಾಣಿಕ ಮತ್ತು ಸರಕು ರೈಲುಗಳ ವೇಗದ ಚಲನೆಯನ್ನು ಸುಗಮಗೊಳಿಸುತ್ತದೆ ಮತ್ತು ಕೈಗಾರಿಕೆಗಳು ಹಾಗು ಅಗತ್ಯ ಸರಕುಗಳ ಹೆಚ್ಚುತ್ತಿರುವ ಸಾರಿಗೆ ಅಗತ್ಯಗಳನ್ನು ಬೆಂಬಲಿಸುತ್ತದೆ.

ನಿಂಪುರ ಪಶ್ಚಿಮ ಹೊರ ಕ್ಯಾಬಿನ್ ಮತ್ತು ಮಿಡ್ನಾಪುರ ನಡುವಿನ ಮೂರನೇ ಮಾರ್ಗ

ಅನುಮೋದಿತ ಯೋಜನೆಯು ಆಗ್ನೇಯ ರೈಲ್ವೆಯಲ್ಲಿ ನಿಂಪುರ ಪಶ್ಚಿಮ ಹೊರ ಕ್ಯಾಬಿನ್ ಮತ್ತು ಮಿಡ್ನಾಪುರ ನಡುವಿನ 14.52 ಕಿಮೀ ಮೂರನೇ ಮಾರ್ಗದ ನಿರ್ಮಾಣವನ್ನು ಒಳಗೊಂಡಿದೆ.

ಈ ವಿಭಾಗವು ಹೈ ಯುಟಿಲೈಸೇಶನ್ ನೆಟ್‌ವರ್ಕ್ ಅಂದರೆ ಹೆಚ್ಚು ದಟ್ಟಣೆಯ  (HUN-2) ಮಾರ್ಗದ ಭಾಗವಾಗಿದೆ, ಇಲ್ಲಿ ನಿಂಪುರ ಪಶ್ಚಿಮ ಹೊರ ಕ್ಯಾಬಿನ್-ಗೋಕುಲ್‌ಪುರ ವಿಭಾಗವು ಪ್ರಸ್ತುತ ಒಂದೇ ಮಾರ್ಗವನ್ನು ಹೊಂದಿದೆ, ಜೊತೆಗೆ ದ್ವಿಗುಣಗೊಳಿಸುವ ಕೆಲಸಗಳು ಈಗಾಗಲೇ ಪ್ರಗತಿಯಲ್ಲಿವೆ. ಹೆಚ್ಚುವರಿ ಮೂರನೇ ಮಾರ್ಗವು ಮಾರ್ಗದ ಸಾಮರ್ಥ್ಯವನ್ನು ಗಣನೀಯವಾಗಿ ಹೆಚ್ಚಿಸುತ್ತದೆ ಮತ್ತು ಈ ಕಾರ್ಯತಂತ್ರದ ಪ್ರಮುಖ ಕಾರಿಡಾರ್‌ನಲ್ಲಿ ಕಾರ್ಯಾಚರಣೆಯ ನಮ್ಯತೆಯನ್ನು ಸುಧಾರಿಸುತ್ತದೆ.

ಸರಕು ಸಾಗಣೆ ಸಾಮರ್ಥ್ಯ ವರ್ಧನೆ ಮತ್ತು ಪ್ರಯಾಣಿಕರ ಕಾರ್ಯಾಚರಣೆಗೆ ಉತ್ತೇಜನ

ಈ ಮಾರ್ಗವು ಗಣನೀಯ ಪ್ರಮಾಣದ ಪ್ರಯಾಣಿಕರನ್ನು ಮತ್ತು ಸರಕು ಸಾಗಣೆಯನ್ನು ಹೊಂದಿದ್ದು, ಮ್ಯಾಂಗನೀಸ್, ಕಬ್ಬಿಣದ ಅದಿರು, ಪಾತ್ರೆಗಳು, ಕಲ್ಲಿದ್ದಲು, ಕ್ಲಿಂಕರ್, ಪೆಲೆಟ್ ಕಬ್ಬಿಣ, ಕಬ್ಬಿಣ ಮತ್ತು ಉಕ್ಕು, ಗೋಧಿ, ಕಲ್ಲು, ಸ್ಲೀಪರ್‌ಗಳು, ಕಿಟ್ಟ, ಉಪ್ಪು, ಅಕ್ಕಿ, ಪೆಟ್ರೋಲಿಯಂ ಉತ್ಪನ್ನಗಳು, ಸುಣ್ಣದ ಕಲ್ಲು, ಜಿಪ್ಸಮ್, ರಸಗೊಬ್ಬರಗಳು, ಖಾದ್ಯ ತೈಲ, ರಾಸಾಯನಿಕ ಉಪ್ಪು, ಇದ್ದಿಲು, ಸಿಮೆಂಟ್, ಅತಿಯಾದ ಭಾರದ ವಸ್ತುಗಳು ಮತ್ತು ಬೂದಿ ಸೇರಿದಂತೆ ಪ್ರಮುಖ ಸರಕುಗಳನ್ನು ಸಾಗಿಸುತ್ತದೆ, ಒಟ್ಟಾರೆ ಸರಕು ಸಾಗಣೆಯು ವರ್ಷಕ್ಕೆ ಸುಮಾರು 23.80 ಮಿಲಿಯನ್ ಟನ್‌ಗಳ (MTPA) ಲೋಡ್ ಪ್ರಮಾಣ ಹೊಂದಿದೆ.

ಅಸ್ತಿತ್ವದಲ್ಲಿರುವ ವಿಭಾಗವು 115.71% ನಷ್ಟು ಲೈನ್ ಸಾಮರ್ಥ್ಯವನ್ನು  ಬಳಸಿ ಕಾರ್ಯನಿರ್ವಹಿಸುತ್ತಿದೆ, ಇದು ತೀವ್ರ ದಟ್ಟಣೆಯನ್ನು ಸೂಚಿಸುತ್ತದೆ. ಮೂರನೇ ಮಾರ್ಗವು ಕಾರಿಡಾರ್‌ನಾದ್ಯಂತ ಕಾರ್ಯಾಚರಣೆಯ ದಕ್ಷತೆಯನ್ನು ಸುಧಾರಿಸುವಾಗ ಬೆಳೆಯುತ್ತಿರುವ ಪ್ರಯಾಣಿಕರ ಮತ್ತು ಸರಕು ಸಾಗಣೆಯನ್ನು ಸರಿಹೊಂದಿಸಲು ಹೆಚ್ಚುವರಿ ಸಾಮರ್ಥ್ಯವನ್ನು ಸೃಷ್ಟಿಸುತ್ತದೆ.

ಹೆಚ್ಚಿನ ರೈಲು ಸಾಮರ್ಥ್ಯದ ಮೂಲಕ ಆರ್ಥಿಕ ಬೆಳವಣಿಗೆಗೆ ಬೆಂಬಲ

ಯೋಜನೆಯು ಪೂರ್ಣಗೊಂಡ ನಂತರ, ವರ್ಷಕ್ಕೆ 3.52 ಮಿಲಿಯನ್ ಟನ್‌ಗಳ ಹೆಚ್ಚುವರಿ ಸರಕು ಸಾಗಣೆಗೆ (MTPA) ಅನುಕೂಲತೆ ಒದಗಿಸುವ  ನಿರೀಕ್ಷೆಯಿದೆ. ವರ್ಧಿತ ಮೂಲಸೌಕರ್ಯವು ಅಗತ್ಯ ವಸ್ತುಗಳ ಚಲನೆಯನ್ನು ಸುಧಾರಿಸುತ್ತದೆ, ಕಾರ್ಯಾಚರಣೆಯ ಅಡಚಣೆಗಳನ್ನು ಕಡಿಮೆ ಮಾಡುತ್ತದೆ, ನೆಟ್‌ವರ್ಕ್ ವಿಶ್ವಾಸಾರ್ಹತೆಯನ್ನು ಹೆಚ್ಚಿಸುತ್ತದೆ ಮತ್ತು ಈ ಪ್ರಮುಖ ರೈಲು ಕಾರಿಡಾರ್  ಅವಲಂಬಿಸಿರುವ ಕೈಗಾರಿಕೆಗಳು ಮತ್ತು ವ್ಯವಹಾರಗಳಿಗೆ ಸಂಪರ್ಕವನ್ನು ಬಲಪಡಿಸುತ್ತದೆ.

ಈ ಅನುಮೋದನೆಯು ಹೆಚ್ಚಿನ ಸಾಂದ್ರತೆಯ ಮಾರ್ಗಗಳಲ್ಲಿ ಸಾಮರ್ಥ್ಯ ವೃದ್ಧಿಯ ಮೇಲೆ ಭಾರತೀಯ ರೈಲ್ವೆಯ ನಿರಂತರ ಗಮನವನ್ನು ಪ್ರತಿಬಿಂಬಿಸುತ್ತದೆ, ಆಧುನಿಕ, ದಕ್ಷ ಮತ್ತು ಭವಿಷ್ಯಕ್ಕೆ ಸಿದ್ಧವಾದ ರೈಲ್ವೆ ಜಾಲದ ಮೂಲಕ ಆರ್ಥಿಕ ಬೆಳವಣಿಗೆಗೆ ಬೆಂಬಲ ನೀಡುವಾಗ ಸರಕು ಮತ್ತು ಪ್ರಯಾಣಿಕರ ವೇಗದ ಚಲನೆಯನ್ನು ಸಕ್ರಿಯಗೊಳಿಸುತ್ತದೆ.

*****