بھارتی ریلوے میں ریلوے نیٹ ورک کی برقی کاری مشن موڈ میں شروع کی گئی ہے۔ اب تک براڈ گیج ( بی جی) نیٹ ورک کے تقریباً 99.6 فیصد حصے کی برقی کاری مکمل کی جا چکی ہے۔ باقی ماندہ نیٹ ورک میں برقی کاری کا کام جاری ہے۔ 2014 سے 2026 کے دوران اور 2014 سے پہلے کی گئی برقی کاری کی تفصیلات درج ذیل ہیں:

  اس کے علاوہ تمام نئے لائن/ملٹی ٹریکنگ پروجیکٹوں کو منظوری دی جا رہی ہے اور بجلی کاری کے ساتھ اس کی تعمیر کی جا رہی ہے۔

بھارتی ریلوے (آئی آر) نے دنیا کے تیز ترین ریلوے برقی کاری پروگراموں میں سے ایک کو انجام دیا ہے، جہاں بہت سے ممالک صرف مصروف ترین مسافر اور مال بردار ریلوے راستوں کو برقی بنانے کو ترجیح دیتے ہیں، وہیں بھارت نے اپنے مکمل براڈ گیج نیٹ ورک کو برقی بنانے کا فیصلہ کیا ہے۔ بھارتی ریلوے کی برقی کاری میں کامیابی عالمی سطح پر نمایاں حیثیت رکھتی ہے۔ جون 2025 میں انٹرنیشنل یونین آف ریلویز (یو آئی سی) کی تازہ ترین رپورٹ کے مطابق، اہم ریلوے نظاموں میں برقی کاری کی صورتحال درج ذیل ہے:

نیٹ ورک کوریج کے لحاظ سے، بھارتی ریلوے اب دنیا کے ان بڑے ریلوے سسٹمز میں شامل ہو چکی ہے جہاں سب سے زیادہ برقی کاری مکمل کی جا چکی ہے۔ بھارتی ریلوے نے اپنے براڈ گیج نیٹ ورک کے 99.6 فیصد حصے کی برقی کاری مکمل کر لی ہے، جو کہ ایک دہائی میں انفراسٹرکچر کی تبدیلی کا دنیا کے سب سے بڑے پروگراموں میں سے ایک ہے۔

بجلی پر مبنی ٹرینوں کے آمد ورفت کا نظام نہ صرف ماحول دوست ہے بلکہ توانائی کے لحاظ سے بھی انتہائی موثر ہے۔ سڑک کے مقابلے میں ریلوے کے ذریعے نقل و حمل سے کاربن ڈائی آکسائیڈ  کے اخراج میں کمی کی تفصیلات درج ذیل ہیں (حوالہ:- نیتی آیوگ کی رپورٹ بعنوان ’فاسٹ ٹریکنگ فریٹ ان انڈیا‘، جون 2021):

اس کے علاوہ ریلوے ٹریکس کی برقی کاری سے فوسل فیول پر انحصار کم ہوتا ہے اور ڈیزل کی کھپت میں کمی کے نتیجے میں کاربن کا اخراج گھٹ جاتا ہے۔ برقی کاری سے مال ڈھلائی کی صلاحیت  بہتر ہوتی ہے اور رفتار میں اضافہ ہوتا ہے، جس سے سفر کے وقت میں کمی اور کارکردگی میں بہتری آتی ہے۔

بھارتی ریلوے کی جانب سے ٹرینیں چلانے  کے لیے ڈیزل کی کھپت میں 185 کروڑ لیٹر کی نمایاں کمی آئی ہے۔ سال 16-2015 میں ڈیزل کی کھپت 293 کروڑ لیٹر تھی جو کہ 25-2024 میں کم ہو کر تقریباً 108 کروڑ لیٹر رہ گئی۔ اس کے نتیجے میں حکومت ہند کے قومی خزانے کے اس قیمتی زرمبادلہ کی بچت ہوئی ہے، جو بصورت دیگر ایندھن کی درآمد پر خرچ ہوتا ہے۔

برقی ریلوے نظام شمسی توانائی ، ہوا سے حاصل ہونے والی  توانائی اور دیگر قابل تجدید توانائی کے ذرائع کو اپنے  بجلی کے نظام میں شامل کرنے کا موقع فراہم کرتے ہیں ، جو اسے قابل تجدید بجلی کے استعمال کے لیے سب سے موثر نقل و حمل کا نظام بناتا ہے۔ بھارتی ریلوے توانائی کی حکمت عملی کے منصوبہ بندی کے تحت قابل تجدید توانائی کے ذرائع کے استعمال اور تقریباً تمام ریلوے نیٹ ورک کی برقی کاری کے ذریعے پائیدار طریقوں کے لیے پرعزم ہے، جس سے کاربن کے اثرات کو کم کرنے میں مدد مل رہی ہے۔

بھارتی ریلوے کا مقصد شمسی توانائی، ہواسے حاصل ہونے والی توانائی اور ہائبرڈ سسٹمز (شمسی، ہواپر مبنی اور توانائی ذخیرہ کرنے والے نظام) سمیت قابل تجدید توانائی کے ذرائع سے اپنی الیکٹرک پر مبنی توانائی کی ضروریات کو بتدریج پورا کرنا ہے تاکہ کاربن کے اخراج کو مزید کم کیا جا سکے۔ جون 2026 تک تقریباً 1161 میگاواٹ (ایم ڈبلیو) کے سولر پاور پلانٹس (چھتوں اور زمین دونوں پر) اور تقریباً 103 میگاواٹ کے ونڈ پاور پلانٹس فعال کیے جا چکے ہیں۔

مشن 100فیصد برقی کاری ایک انتہائی چیلنجنگ پروجیکٹ ہے، کیونکہ اس میں ان ریلوے لائنوں کی برقی کاری شامل ہے جو پہلے سے زیراستعمال ہیں اور کام کے دوران غیر متوقع مشکلات کا سامنا کرنا پڑتا ہے۔ ریلوے کی برقی کاری کے کام کو تیز کرنے کے لیے بھارتی ریلوے کی جانب سے مختلف اقدامات کیے گئے ہیں جن میں پروجیکٹ مانیٹرنگ گروپ ( پی ایم جی) پورٹل کا قیام،تاکہ کام کےدوران  درپیش رکاوٹوں کو حل کیا جا سکے، موثر پروجیکٹ  کی نگرانی کا نظام ، فنڈز کی یقینی فراہمی اور فیلڈ یونٹس کو زیادہ مالی اختیارات کی تفویض شامل ہیں۔

زون کے لحاظ  سے برقی کاری کی صورتحال درج ذیل ہے:

بہار ، اتر پردیش ، آندھرا پردیش اور مدھیہ پردیش سمیت بجلی کاری کی ریاست/مرکز کے زیر انتظام علاقوں کے لحاظ سے صورتحال درج ذیل ہے:

یہ معلومات ریلوے، اطلاعات و نشریات اور الیکٹرانکس اور انفارمیشن ٹیکنالوجی کے مرکزی وزیر جناب اشونی ویشنو نے آج لوک سبھا میں ایک سوال کے جواب میں فراہم کیں۔

*****

ش ح۔ م ش  ۔ ص ج

U. No-326