امور  داخلہ کے وزیرِ مملکت جناب نتیا نند رائے نے لوک سبھا میں ایک سوال کے تحریری جواب میں  بتایا کہ حکومت نے مرکزی مسلح پولیس فورسز اور آسام رائفلز(سی اے پی ایف اور اے آر) میں کانسٹیبل (جنرل ڈیوٹی)/رائفل مین کی بھرتی کے لیے سابق اگنی ویروں کی ایک نئی زمرہ بندی تشکیل دی ہے، جس کے تحت ان کے لیے درج ذیل سہولیات فراہم کی گئی ہیں:

(i) خالی آسامیوں میں 50 فیصد ریزرویشن۔

(ii) مقررہ بالائی عمر کی حد میں 3 سال کی رعایت۔ مزید برآں، سابق اگنی ویروں کی پہلی کھیپ کے امیدواروں کو مقررہ بالائی عمر کی حد سے مزید 5 سال کی عمر میں رعایت دی جائے گی۔

(iii) جسمانی معیار  کے ٹیسٹ (پی ایس ٹی)، جسمانی کارکردگی  کے ٹیسٹ (پی ای ٹی) اور تحریری امتحان سے مستثنیٰ قرار دیا گیا ہے۔

مزید برآں، سابق اگنی ویروں کی مزید بہبود کے لیے رابطہ کاری کی غرض سے وزارتِ داخلہ کے تحت  سابق اگنی ویروں کے لیے ایک مخصوص شعبہ(ایکس- انگنی ویر ونگ) قائم کیا گیا ہے۔ فی الحال اگنی ویروں کی پہلی کھیپ نے اپنی ملازمت کی مقررہ مدت مکمل نہیں کی ہے۔

***********

 

ش ح۔م ع ۔ ا ک م

U No. 247

(रिलीज़ आईडी: 2287273) आगंतुक पटल : 8