শেনমিৎলোন্দা মন্ত্রীমন্দলগী মীফম (সি.সি.ই.এ.)
মন্ত্রীমন্দলনা ওরিশা অমসুং ঝারখন্দগী জিলা মরিদা মল্তি-ত্রেক প্রোজেক্ত অনিদা অয়াবা পীখ্রে, মসিনা ইন্দিয়ন রেলৱেজগী হৌজিক লৈরিবা নেতৱার্ক অসি কিলোমীতর ১৪৫ হেনগৎহনগনি
প্রোজেক্তশিং অসিগী অপুনবা শেনফম অসি লুপা করোর ৩,৯০৭নি (চাউরাকপা) অমসুং মসি ২০৩০-৩১ ফাওবদা লোইশিনগনি
प्रविष्टि तिथि:
15 JUL 2026 3:40PM by PIB Imphal
প্রধান মন্ত্রী, শ্রী নরেন্দ্র মোদীনা লুচিংবা মন্ত্রীমন্দলগী ইকোনোমিক এফিয়র্সকী কমিতীনা ঙসি রেলৱেজ মন্ত্রালয়গী প্রোজেক্ত ০২ (অনি) অয়াবা পীখ্রে। মসিগী অপুনবা শেনফম লুপা করোর ৩,৯০৭ (চাউরাকপা) ওইগনি। প্রোজেক্তশিং অসিগী মনুংদা মখাগীশিং অসি য়াউরি:
- পরাদীপ - হরিদাসপুর - দবলিং
- রাজখারসাৱনন - দোংগোৱাপোসি - ৪শুবা লাইন
হেনগৎলবা লাইন কেপাসিতী অসিনা মোবিলিতীদা চাউনা হেনগৎহনগনি, মসিনা ইন্দিয়ন রেলৱেজগীদমক্তা ওপরেস্নেল ইফিসিয়েন্সী অমসুং সর্বিস রিলাইয়েবিলিতী হেনগৎহনগনি। মল্তি-ত্রেকিংগী প্রোপোজলশিং অসিনা ওপরেসনশিং অসি স্ত্রীমলাইন তৌনবা অমসুং কঞ্জেসন হন্থহল্লগনি। প্রোজেক্তশিং অসি প্রধান মন্ত্রী, শ্রী নরেন্দ্র মোদীজীগী অনৌবা ভারতকী ভিজনগী মতুং ইন্না ওইরি। মসিগী পান্দমদি লমদম অসিদা পাক শন্না চাউখৎহন্দুনা লমদম অসিগী মীয়াম্বু "আত্মনির্ভর" ওইহন্নবা অমসুং মখোয়গী থবক ফংহন্নবা অমসুং মশানা মশাবু থবক পীজবগী কুদোংচাবা হেনগৎহনবনি।
প্রোজেক্তশিং অসি ইন্তিগ্রেতেদ প্লান্নিং অমসুং স্তেকহোল্দরশিংগী খন্ন-নৈনবগী খুত্থাংদাদা মল্তি-মোদেল কনেক্তিবিতী অমসুং লোজিস্তিক ইফিসিয়েন্সী হেনগৎহনবদা মীৎয়েং থমদুনা পি.এম.-গতি শক্তি নেস্নেল মাস্তর প্লানগী মখাদা থৌরাং তৌরি। প্রোজেক্তশিং অসিনা মীওইশিং, পোৎলমশিং অমসুং সর্বিসশিং চত্থোক চৎশিন তৌনবগীদমক অথিংবা-অপনবা লৈতনা কনেক্তিবিতী লৈহল্লগনি।
ওরিশা অমসুং ঝারখন্দ রাজ্যগী জিলা মরি কোল্লিবা প্রোজেক্ত ০২ অসিনা হৌজিক লৈরিবা ভারত রেলৱেজগী নেতৱার্ক অসি কিলোমীতর ১৪৫ হেনগৎহল্লগনি।
প্রোপোজ তৌরিবা মল্তি-ত্রেকিং প্রোজেক্ত অসিনা চাউরাক্না লাক্ষ ১৪গী মীশিং লৈবা খুঙ্গং ১,৫২৬গী কনেক্তিবিতী হেঙ্গৎহল্লগনি।
প্রপোজ তৌরিবা কেপাসিতী হেনগৎহনবগী থবক অসিনা লৈবাক অসিগী মরুওইবা তুরিস্ত দেস্তিনেসন কয়া, ললিতগিরি বৌদ্ধ কমপ্লেক্স, শ্রী বালাদেবজ্যু মন্দির, মেঘাহাতুবুরু হিল্স অসিনচিংবদা রেল কনেক্তিবিতী ফগৎহনগনি।
প্রোপোজ তৌরিবা প্রোজেক্তশিং অসি কোইলা, আইরন ওর, দোলোমাইত, লাইমস্তোন, জিপসম অসিনচিংবা পোৎলমশিং পুথোক পুশিন তৌনবগী মরুওইবা লম্বীশিংনি। কেপাসিতী হেঙ্গৎহন্নবগী থবকশিং অসিনা এম.তি.পি.এ. (মিল্লিয়ন তন পর এন্নম) ৪৪গী অহেনবা ফ্রেৎ ত্রাফিক পুরক্লগনি। রেলৱেজ অসি অকোইবগী ফিভমগা চান্নবা অমসুং ইনর্জী এফিসিয়েন্ত ওইবা ত্রান্সপোর্তেসনগী মওং অমা ওইবনা, ক্লাইমেৎকী পান্দমশিং ফংবদা অমসুং লৈবাক অসিগী লোজিস্তিক্সকী অচংবা শেনফম হন্থহনবদা, ওইল ইম্পোর্ত (লিতর করোর ০৬) হন্থহনবদা অমসুং CO2 থাদোকপা (কেজি করোর ২৯) হন্থহনবদা মতেং পাংগনি, হায়রিবা অসি উ-পাম্বী করোর ০১ থাবগা মান্নৈ।
***
(रिलीज़ आईडी: 2285350)
आगंतुक पटल : 3
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam