সর্ভিসেস প্রদক্সনগী ইন্দেক্স: সর্ভিসেস সেক্তরগী পর্ফোমেন্সকী মীৎয়েং অমা

ভারতনা হৌখিবা চহী তরা অসিদা স্তেতিস্তিক অমসুং এদমিনিস্ত্রেতিব দেতা ইকোসিস্তেম অসি মশক থোক্না মপাঙ্গল কনখৎহনখ্রে। মরুওইবা চাউখৎ-থৌরাং খরগী মনুংদা হাই ফ্রিক্বেন্সি জি.এস.তি.গী দেতা ফংহনবা, ইন্কোর্পোরেতেদ সর্বিসেস সেক্তর এন্তরপ্রাইজশিংগী চহিগী ওইবা সর্ভে হৌদোকপা অমসুং দিজিতেল এদমিনিস্ত্রেতিব দেতাবেজশিং পাকথোক চাউথোকহনবা, মসিনা হেন্না মপাঙ্গল লৈরবা এভিদেন্সতা য়ুম্ফম ওইবা পোলিসী শেম্বা ঙমহনগনি।

অসিগুম্বা রিফোর্মশিং অসিদা য়ুম্ফম ওইদুনা সরকারনা সর্ভিসেস সেক্তরগী থবকশিং পাংথোক্নবগীদমক্তা অনৌবা মেক্রোইকোনোমিক ইন্দিকেতর অমা ওইরিবা সর্ভিসেস প্রদক্সন ইন্দেক্স (আই.এস.পি.) আই.এস.পি. অসি সর্ভিস সেক্তরগী পোত্থোক চাংয়েং তৌবদা পুক্নিং চঙবা ভারতকী অহানবা হাই ফ্রিক্বেন্সি ইন্দিকেতরনি। মসিনা অকক্নবা বেজ চহি অমদা ফোর্মেল সর্ভিসেস সেক্তরনা পুথোকপা পোৎথোক্কী ভোল্যুমদা অতেনবা মতমগী অহোংবশিংবু ত্রেক তৌই।

ভারতকী শেন্মিৎলোনদা সর্ভিসশিংনা খ্বাইদগী চাউবা শরুক অমা ওইবনা, ISPনা শেন্মিৎলোনগী মোনিতরিং মপাঙ্গল কনখৎহল্লগনি, নেস্নেল একাউন্তশিংগী এষ্টিমেসন ফগৎহল্লগনি, অমসুং হেন্না খঙনা পোলিসীগী ৱারেপ লৌবদা মতেং পাংগনি হায়না পানরি।

অহানবা রিলিজ: সর্ভিস প্রদক্সনগী ত্রাইএল ইন্দেক্স

সরকারনা সর্ভিস সেক্তরগী ~ ৬০% কোনশিন্দুনা এপ্রিল ২০২৬কীদমক সব-সেক্তর ১৯গীদমক অহানবা সব-সেক্তর ত্রাইএল আই.এস.পি. ফোংখ্রে।

ইন্দেক্সকী মরুওইবা ফিচরশিং

আই.এস.পি. হৌদোকপগা লোইননা, ভারতনা মালেমগী থাক্তা লৈরিবা স্তেতিস্তিক সিস্তেম অসি মাংলোমদা চংশিল্লি। ইন্দেক্স অসিগী মরুওইবা মগুন খরগী মনুংদা মখাগীসি চল্লি:

• আই.এস.পি.গী বেজ চহি অসি ২০২৪-২৫ ওইনা খনখ্রে। মসি ২০২৪দা য়ুম্ফম ওইবা অনৌবা কঞ্জ্যুমর প্রাইস ইন্দেক্স (সি.পি.আই.) সেরিজ শীজিন্নরিবা অতোপ্পা সব-সেক্তরশিংগা য়াম্না চান্নৈ।
• ISPগী মরুওইবা য়ুজরশিংগী মনুংদা নেসনেল একাউন্তশিং, ইকোনোমিক মিনিস্ত্রীশিং অমসুং দিপার্তমেন্তশিং, রিসর্চ তৌবা মীওইশিং, অমসুং দোমেন এক্সপর্তশিং য়াওরি।
• চাং নাইবা থাগী চাংয়েং ইন্দেক্সশিং অসি নুমিৎ~ ৬০ কী লেগ অমগা লোয়ননা থাদোক্কনি। দেতা অসি থা খুদিংগী ২৯শুবা নুমিত্তা নত্ত্রগা করিগুম্বা ২৯শুবা নুমিত্তা ছুটি লৈরবদি মথংগী থবক তৌরিবা নুমিত্তা ফংলগনি।
• হৌজিক্কী ওইনা, ISP কম্পাইল তৌনবগীদমক্তা তোঙান তোঙানবা প্রাইস দিফ্লেক্তরশিং শীজিন্নরি।
• হোলসেল প্রাইস ইন্দেক্স (WPI) অসি হোলসেল ত্রেদকীদমক্তা শীজিন্নৈ।
• অতোপ্পা সেক্তর অয়াম্বগীদমক্তা, মরি লৈনবা কঞ্জ্যুমর প্রাইস ইন্দেক্স (CPI) নত্ত্রগা খ্বাইদগী নক্নবা চান্নবা CPI শিজিন্নৈ।
• সি.পি.আই. - জেনরেল অসি রিপেয়র অমসুং মেনতেন্সন, বেঙ্কিং অমসুং ইন্সুরেন্সতা শীজিন্নৈ
• CPI -  সর্ভিসেস অসি অখন্নবা CPI অমা ফংদ্রিবা সেক্তরশিংদা শিজিন্নৈ।

ভারতকী ই.এস.পি. ফ্রেমৱার্ক শেমগৎপা

স্তেতিস্তিক্স অমসুং প্রোগ্রাম ইমপ্লিমেন্তেসন মন্ত্রালয় (এম.ও.এস.পি.আই.) না আই.এস.পি.গী ৱাখল্লোন অমসুং পাম্বৈগী ফ্রেমৱার্ক শেমগৎনবা মে ২০২৫দা তেক্নিকেল এদভাইজরী কমিতী (তি.এ.সি.) অমা শেমখি। TAC অসিদা একাদমিক, ইন্দস্ত্রী এসোসিএসনশিং, মিনিস্ত্রীশিং অমসুং সর্ভিস সেক্তরগী দিপার্তমেন্তশিংদগী এক্সপর্তশিং য়াওরি। প্রোপোজ তৌরিবা ফ্রেমৱার্ক অসি ইন্তর্নেস্নেল বেস্ত প্রেক্তিসতা রিফরেন্স তৌদুনা শেমগৎখ্রে।

ইন্দেক্স ওফ সর্ভিসেস প্রদক্সন (2007) গীদমক ও.সি.ই.দি. কম্পাইলেসন মেনুএল অসি ISP কম্পাইলেসনগী খ্বাইদগী মপুং ফাবা গাইদলাইনশিংগী সেত অমনি। য়ুরোপিয়ন য়ুনিয়নগী স্তেতিস্তিক ওফিস, য়ুরোস্তাত অসি ISPশিংগী অতোপ্পা মরু ওইবা মালেমগী গাইদ অমনি।

মরুওইনা, ফ্রান্স, স্পেন অমসুং স্লোভেনিয়াগুম্বা চাউখৎলবা ইকোনোমী কয়ানা ISP নত্ত্রগা মান্নবা ইন্দিকেতরশিং চাং নাইনা ফোঙই। EUগী মপান্দা, খা কোরিয়ানা থাগী ওইবা সর্ভিস ইন্দস্ত্রী এক্তিবিতী ইন্দেক্স অমা ফোঙই অদুগা য়ুনাইতেদ কিংদমনা কম্পাইল তৌরিবা সর্ভিসকী মোন্তেল ইন্দেক্স অসি মপুং ফাদবনি।

সর্ভিস প্রদক্সন ইন্দেক্সকী সেক্তরেল কভরেজ

ISPনা অহানবদা থাজবা য়াবা, অৱাংবা ফ্রিক্বেন্সিগী দেতা ফংলিবা সর্ভিস সব-সেক্তরশিং কোনশিল্লি।

দেতা ইকোসিস্তেম পাৱরিং ISP

ISP কম্পাইল তৌবদা মরুওইবা দেতা সোর্স অহুম শিজিন্নৈ- এদমিনিস্ত্রেতিব দেতা, GST অমসুং ASISSE-

• এয়র ত্রান্সপোর্ত, রেলৱে ত্রান্সপোর্ত, বেঙ্কিং অমসুং ইন্সুরেন্সকী ISPগী এদমিনিস্ত্রেতিব/সেকেন্দরী দেতা।
• হেল্থ অমসুং এজুকেসন (গবর্নমেন্ত নত্তনা) সেক্তরশিংগী এ.এস.আই.এস.ই.এস.ই. দেতা (মতম অমদা ফংলবা মতুংদা) ২০২৬গী এপ্রিলদা হৌদোকখিবা অসিনা ইন্কোর্পোরেতেদ সর্ভিস সেক্তরগী মপুং ফাবা দেতাবেজ অমা শেমগৎনবা পান্দম থম্লি।

হোলসেল ত্রেদ, রিতেল ত্রেদ, রিপেয়র অমসুং মেনতেন্সন, লৈফম অমসুং চিঞ্জাক, লম্বীদা চৎথোক-চৎশিন তৌবা, ঈশিংগী লম্বীদা চৎথোক-চৎশিন তৌবা, পোৎ-চৈ থম্নবা অমসুং ত্রান্সপোর্তেসনগী সপোর্তকী থবকশিং, পোস্তেল অমসুং কোরিয়র, তেলিকম্ম্যুনিকেসন, ইনফোর্মেসন অমসুং ব্রোদকাস্তিং, রিয়েল ইস্তেত, ইনফোর্মেসন অমসুং কম্প্যুতরগা মরী লৈনবা সর্ভিসশিং, আর অমসুং দি য়াওনা প্রোফেস্নেল, সাইন্তিফিক অমসুং তেক্নিকেল সর্ভিসশিং, এদমিনিস্ত্রেতিব অমসুং সপোর্ত সর্ভিসশিং অমসুং আর্তশিং, এন্তর্তেন্মেন্ত অমসুং রিকরেসন, অসিনচিংবগী জি.এস.তি.

করিগীদমক্তা ISPনা মরু ওইরিবনো?

ভারতকী শেন্মিৎলোন অসি হৌখিবা চহী তরাগী খুজিং খরা অসিদা মশক থোকপা স্ত্রকচরেল ত্রান্সফোর্মেশন অমা থোকখ্রে। মসিনা শেন্মিৎলোনগী রিফোর্মশিং, তেক্নোলোজিগী খুমাং চাওশিল্লকপা অমসুং মালেমগী কৈথেলশিংগা লোয়ননা পুন্সিনবা হেনগৎলকপদগী লাকপনি। সর্ভিস সেক্তর অসি শেন্মিৎলোন চাউখৎপা অমসুং থবক পীবগী মরুওইবা মওংদা ওইরক্লি।

• মসিনা ভারতকী জি.দি.পি.দা খ্বাইদগী চাউনা মতেং পাংলি। ২০১৩-১৪দগী হৌদুনা অপুনবা ভেল্যু এদেদ (জি.ভি.এ.) গী ৫০% হেন্না মতেং পাংলি। ২০২৪-২৫দা, সর্ভিসশিংগী জি.ভি.এ.গী শরুক অসি ৫২.৯%রোম ওইখি।
• সেক্তর অসিনা ভারত শিনবা থুংনা অপুনবা ইমপ্লোয়মেন্তকী চাউরাক্না ৩০% ওইরি অমসুং হৌখিবা চহি তরুক অসিদা চাউরাক্না থবক মিলিয়ন ৪০ পুথোকখ্রে।
• ভারতকী সর্ভিস এক্সপোর্ত অসি এফ.ৱাই. ২০২৬-২৭দা মপাঙ্গল কন্না লৈখি। এপ্রিল-জুন ২০২৬-২৭ ফাওবদা সর্ভিস এক্সপোর্ত অসি দোল্লর বিল্লিয়ন ১০৩.৪১ ওইগনি হায়না পানরি, মসি চহী অমদা চাদা ৬.১৬ হেনগৎলগনি।
• সরকারনা ২০৪৭ ফাওবদা মালেমগী সর্বিসশিংদা চাদা ১০গী শেয়র লৈহন্নবা পান্দম থমদুনা সর্বিসশিংদা ভারতপু মালেমগী লুচিংবা অমা ওইনা থম্নবা পান্দম থম্লি।

সর্ভিস সেক্তর অসি ভারতকী গ্রোথকী সেন্ত্রেল ওইবনা মসিগী পর্ফোমেন্স ত্রেক তৌনবা অতেনবা মতমগী ইন্দিকেতর অমা শেম্বা অসি তঙাইফদে। ইন্দস্ত্রিএল প্রদক্সন (আই.আই.পি.) গী ইন্দেক্সনা ইন্দস্ত্রিএল এক্তিবিতী খক্তমক মেৎলি অমসুং সর্ভিস সেক্তরদা অতেনবা মতমগী ওইবা ত্রেন্দশিং য়াওদে। মসিগী অৱাবা অসি কোকহন্নবা, সরকারনা ISP হৌদোক্লে।

ভারতকী শেন্মিৎলোনদা অনৌবা মাইলস্তোন অমা

আই.এস.পি. হৌদোকপা অসিনা ভারতনা য়াম্না থুনা চাউখৎলক্লিবা শেন্মিৎলোনগা চুনবা মওংদা স্তেতিস্তিক ফ্রেমৱার্ক মোদর্নাইজ তৌনবা হোৎনরিবা অদু উৎলি। হাই ফ্রিক্বেন্সি দেতা অমসুং মপাঙ্গল লৈরবা মেথোদোলোজী পুন্সিন্নদুনা, আই.এস.পি.না ভারতকী খ্বাইদগী চাউবা শেন্মিৎলোনগী সেক্তরদা মতম চানা ইনসাইৎ পীরি। থাগী ওইবা ইন্দিকেতর অমা ওইনা, মসিনা ইকোনোমিক মোনিটরিংবু মপাঙ্গল কনখৎহল্লি, পোলিসি রেস্পোন্সশীং ফগৎহল্লি অমসুং ভারতকী গ্রোথ ত্রেজেক্তরীগী মতাংদা হেন্না খঙহল্লি।

রিফরেন্সশিং

স্তেতিস্তিক্স অমসুং প্রোগ্রাম ইমপ্লিমেন্তেসনগী মন্ত্রালয়

https://www.pib.gov.in/PressReleasePage.aspx? PRID=2284450&reg=48&lang=1

https://www.pib.gov.in/PressReleasePage.aspx? PRID=2277392&reg=3&lang=1

https://www.pib.gov.in/PressReleasePage.aspx? PRID=2255933&reg=3&lang=1

https://www.pib.gov.in/PressReleasePage.aspx? PRID=2269286&reg=48&lang=1

https://www.pib.gov.in/PressReleasePage.aspx? PRID=2249336&reg=3&lang=1

কম্মর্স অমসুং ইন্দস্ত্রী মন্ত্রালয়

https://www.pib.gov.in/PressReleasePage.aspx? PRID=2284139&reg=3&lang=1

পি.আই.বি. আর্কাইব

https://www.pib.gov.in/PressNoteDetails.aspx? NoteId=157804&ModuleId=3&reg=48&lang=2

pdf য়েংনবগীদমক মফমসিদা নমবীয়ু

 ***