ভারতকী অৱাং-নোংপোক লমদম অসি লৈবাক অসিগী ইন্নোবেসন লেন্দস্কেপতা খ্বাইদগী মরু ওইবা মরুওইবা লমদম অমা ওইরকপগা লোয়ননা, অতল ইন্নোবেসন মিসন (AIM), NITI আয়োগনা শিনবা রিজনেল AIM SUMVAAD-নোর্থ ইস্ত চেপ্তর 2026না অসমগী গুৱাহাতিদা পোলিসী মেকরশিং, রাজ্য সরকারশিং, ইন্দস্ত্রীগী লুচিংবশিং, একাদেমিয়া, ইনক্যুবেতরশিং অমসুং স্তার্ত-অপ ইকোসিস্তেম ইনেব্লরশিং পুন্সিন্দুনা অৱাং-নোংপোক লমদমগী অরুনাচল প্রদেশ, আসাম, মণিপুর, মেঘালয়া, মিজোরাম, নাগালেন্দ, সিক্কিম অমসুং ত্রিপুরা হায়রিবা রাজ্য 8 অসিদা ইন্নোবেসনগী লমজিং মখাদা চাউখৎনবা কোলাবোরেতিব রোদমেপ অমা শেমখ্রে।

কনক্লেব অসিনা অৱাং নোংপোক লমদম অসি ভারতকী খা নোংপোক এসিয়াগী থোংজঙ ওইরক্লিবা অমসুং মখল কয়াগী বায়োদাইভর্সিতী, কলচরেল হেরিতেজ, বাম্বুগী রিসোর্সশিং, ত্রেদিস্নেল ক্রাফশিং অমসুং খোঙজেল য়াংনা চাউখৎলক্লিবা এন্ত্রপ্রেন্যুরিয়েল ইকোসিস্তেমগী লমদম অমা ওইরক্লিবা অসিদা অখন্নবা মরুওইবা অমা ওইনা লৌখি। অখন্নবা মপাঙ্গলশিং অসিবু শকখঙলদুনা, AIMগী লমদমসিগী ওইবা থৌদাং অসিনা লমদমসিগী ইন্নোবেসন-লেদ গ্রোথকী ভারতকী মথংগী ফেজকী মরুওইবা দ্রাইভর অমা ওইনা অমসুং বিক্সিত ভারত @2047কী ভিজনদা তঙাইফদবা কন্ত্রিব্যুতর অমা ওইনা অমুক হেন্না চেৎশিনহনখি।

হৌদোকপগী মীফম অদু অথোইবা মীথুংলেন ওইনা NITI আয়োগকী মেম্বর, দা. জোরম অনীয়া, আসাম সরকারগী কম্মিস্নর অমসুং সেক্রেতরীগা লোয়ননা অখন্নবা ৱারোল পীখি। মহাক্কী ৱারোলদা, দোক্তর অনীয়ানা অৱাং-নোংপোক লমদম অসিবু "অশতা লক্ষ্মী"-রাজ্য 8, হায়বা প্রধান মন্ত্রীগী মঙলান অদু অমুক হন্না ফোংদোকখি, রাজ্য খুদিংমক্তা অখন্নবা মপাঙ্গল অমসুং ভারতকী চাউখৎপগী ৱারীদা মতেং পাংনবা অচৌবা পোতেন্সিয়েল লৈরি। মহাক্না লমদম অসিদা মমাংদা অমুক্তা ওইখিদ্রিবা মওংদা লৈবাক পুম্বনা মীৎয়েং চংলি হায়না ফোংদোকখি। মসিনা NITI আয়োগনা মুখ্য মন্ত্রী নিপানগা লোয়ননা লেপ্পা লৈতনা থবক তৌরি অমসুং ইনফ্রাস্ত্রকচর, কনেক্তিবিতী অমসুং ইকোনোমিক দিবেলপমেন্তকী মায়কৈদা চাউনা শেল থাদরি। "এক্ত ইস্ত তু এক্ত ফাস্ত" এপ্রোচকী ত্রান্সফোর্মেতিব ইম্পেক্ত অদু পল্লদুনা মহাক্না হায়খি মদুদি অৱাং-নোংপোক লমদম অসি ঙসিদি ভারতকী দিবেলপমেন্ত এজেন্দাগী ময়াইদা লৈরে অমসুং ইন্নোবেসন,এন্ত্রপ্রেনরশিপ অমসুং সস্তেনেবল গ্রোথকী মালেমগী হব অমা ওইনবা শেম-শারি।

শরুক য়ারিবশিংবু তরাম্না ওক্লদুনা, NITI আয়োগকী অতল ইন্নোবেসন মিসনগী হেদ (ফাইনান্স) সুমিত গাখরনা রাজ্য সরকারশিং, ইন্নোবেসন ইন্সতিত্যুসনশিং, ইনক্যুবেতরশিং অমসুং ইকোসিস্তেম স্তেকহোল্দরশিংগী মরক্তা লমদম অসিগী ইন্নোবেসন পোতেন্সিয়েল অদু পুথোকপা ঙম্নবা তেংবাং পীনবা AIMগী অচেৎপা ফিরেপ অদু ফোংদোকখি।

NITI আয়োগকী অতল ইন্নোবেসন মিসনগী মিসন দাইরেক্তর, দীপক বাগলানা হায়খি, "নোংপোক লমদম অসি অশতা লক্ষ্মীনি হায়না প্রধান মন্ত্রীনা ফোঙদোকখ্রে, মসিগী লমদম অসি মশিং য়াম্লবা তেলেন্ত, কলচরেল রিচনেস, নেচরেল রিসোর্স অমসুং এন্ত্রপ্রেনরশিপ স্পিরিৎনা বিক্সিত ভারত @2047 খোঙচত্তা মরুওইবা থৌদাং লৌগনি। অতল ইন্নোবেসন মিসনগী মখাদা, ঐখোয়না ভিজন অসিবু খুদোংচাবদা ওন্থোক্নবা থবক পায়খৎলি। মসিদা ইন্নোবেতরশিং শেমগৎপা, ইনক্যুবেসন ইকোসিস্তেমশিং মপাঙ্গল কনখৎহনবা অমসুং অৱাং নোংপোক লমদমদগী ভারত অমসুং মালেমগীদমক্তা সোলুসনশিং শেমগৎনবা নহা ওইরিবা এন্ত্রপ্রেনরশিংদা খুদোংচাবা পীরি। ইন্নোবেসন অসি লোকেলগী মপাঙ্গলদা য়ুম্ফম ওইবা অমসুং সবকা প্রয়াসনা শক্তি পীবা মতমদা, অৱাং-নোংপোক লমদম্না ভারতকী গ্রোথ ৱারীদা শরুক য়াবতা নত্তনা লমজিংবদা মতেং পাংগনি।

 “কনক্লেব অসিদা সাইন্স অমসুং তেক্নোলোজী দিপার্তমেন্ত (DST), বায়োতেক্নোলোজী দিপার্তমেন্ত (DBT), অতল ইনক্যুবেসন সেন্তরশিং (AICশিং), অমসুং অতল কম্ম্যুনিতী ইন্নোবেসন সেন্তরশিং (ACICশিং)গা লোয়ননা অৱাং নোংপোক্কী রাজ্য কাউন্সিল 8গী মীহুৎশিংনা "রিজনেলদা ইন্নোবেসন ইকোসিস্তেম স্তেকহোল্দরশিং মোবিলাইজ তৌবা" হায়বা হীরমদা রাউন্দ তেবলগী খন্ন-নৈনবদা হকথেংননা শরুক য়াখি। খন্ন-নৈনবা অদুদা মতেং পাংনদুনা অনৌবা পুথোকপগী খোঙজেল য়াংখৎলকপা উবা ফংখি অমসুং নেস্নেল ইনিসিয়েতিবশিং অসি লমদমগী ওইবা আশাশিংগা চান্নহন্নবগী মরুওইবা অদুদা অকনবা ৱাফম থমখি।

নুমিৎ চুপ্পগী পাংথোকপা থৌরম অসিদা স্তেত ইন্নোবেসন ইনিসিয়েতিবশিংদা অখন্নবা সেসনশিং অমসুং অৱাং নোংপোক লমদমদা মশক থোকপা কম্পিতিতিব এদভান্তেজ লৈবা সেক্তরশিংদা মীৎয়েং থমদুনা থীমেতিক দিস্কসন্দা শরুক য়াখি। নোর্থ ইস্ত কেন অমসুং বেম্বু দিবেলপমেন্ত কাউন্সিল (NECBDC)গী সেনিয়র সাইন্তিস্ত অমসুং কন্সল্তেন্ত, দা. তিলক চন্দ্র ভুয়াননা বেম্বু অমসুং বায়ো-রিসোর্স ভেল্যু চেনশিং কমর্সিয়েলাইজ তৌবগী মতাংদা ইনসাইতশিং পীখি। PRIME মেঘালয়াগী প্রোজেক্ত লিদ, MBMAগী মিনহা রিয়াজ খাননা তেক্নোলোজী-ইনেবল ওইবা সস্তেনেবল ইকো-তুরিজমদা লৈরিবা খুদোংচাবশিং অদু পনখি। রোয়ল গ্লোবেল য়ুনিভর্সিতীগী এন্ত্রপ্রেনরশিপ অমসুং ইন্নোবেসনগী দাইরেক্তর, মার্গদর্শক এদভাইজরীগী কো-ফাউন্দর অমসুং NEHHDCগী হান্নগী এদভাইজর শ্রীপর্না ভুয়ান বরুৱানা ত্রেদিস্নেল হেন্দলুম অমসুং হেন্দিক্রাফ ক্লেস্তরশিংদা ইন্নোবেসনগী খুত্থাংদা গ্রাসরুৎকী পুন্সি মহিং মপাঙ্গল কনখৎহন্নবা খন্ন-নৈনখি।

রিজন অসিগী ইনক্যুবেসন ইকোসিস্তেম মপাঙ্গল কনখৎহনবা অসি কনক্লেবকী অতোপ্পা মরু ওইবা মীৎয়েং অমা ওইখি। AIC-সেলকো ফাউন্দেসনগী এসোসিয়েৎ দাইরেক্তর, রচিতা মিশ্রানা মোদরেৎ তৌখিবা পেনেল অমদা  IIT গুৱাহাতিগী গ্রুপ CEO কর্নেল প্রবীর সেনগুপ্তা; মাইরিআদ AI অমসুং গোবিলিয়নগী ফাউন্দর অমসুং CEO রোশন ফারহান; SNL ইনর্জী সোলুসনসকী ফাউন্দর অমসুং মেনেজিং দাইরেক্তর মোইরাংথেম সেথ; অমসুং অতল ইন্নোবেসন মিসনগী প্রোগ্রাম লিদ, প্রতীক দেশমুখনা স্তার্ত-অপশিংবু ৱাখল্লোনদগী হৌরগা পাকথোক চাউথোক চাউথোকহনবদা মতেং পাংবা ঙম্বা রেজিলিয়েন্ত ইনক্যুবেসন ইকোসিস্তেম শেমগৎনবা থৌরাংশিংগী মতাংদা খন্ন-নৈননবা পুনখি।

অতোপ্পা পেনেল অমদা, AIC SMU TBIগী CEO, দা. তেজ চিংথামনা অৱাং নোংপোক লমদমগী স্তার্ত-অপশিংগীদমক ফাইনান্স, কোর্পোরেত পার্তনরশিপ অমসুং মার্কেত লিঙ্কিংগী খুদোংচাবা কয়াগী মতাংদা খন্নখি। খন্ন-নৈনবদা HDFC বেঙ্ককী সেনিয়র ভাইস প্রসিদেন্ত-II অমসুং ন্যু ইকোনোমী গ্রুপকী হেদ, আশীশ আগরৱাল; নুমালিগর রিফাইনরী লিমিতেদকী কর্পোরেৎ প্লান্নিং অমসুং স্ত্রাতেজীগী হেদ, প্রান্তা প্রতীম সিংঘা;  NEDFiগী মেনেজর সিদ্দার্থ পি. লহকর অমসুং মাইক্রোফাইনান্স অমসুং লাইবলিহুদ সেন্তর, তাতা ফাউন্দেসনগী জেনরেল মেনেজর কৌতিল্যা বসুমতারিনা লমদম অসিদা হৌগৎলক্লিবা এন্ত্রপ্রেনরশিংগীদমক শেল-থুম অমসুং ইন্সতিত্যুস্নেল সপোর্ত ইকোসিস্তেম মপাঙ্গল কনখৎহন্নবা খন্নখি।

থৌরম অদু রচিতা মিশ্রানা লুচিংদুনা এন্তরপ্রাইজশিং অমসুং লোকেল দিবেলপমেন্তকীদমক রেজিলিয়েন্ত ইন্নোবেসন ইকোসিস্তেম শেমগৎপগী সেসন অমগা লোয়ননা লোইশিনখি। ERESকী ফাউন্দর অমসুং CEO ফজলে ইলাহি অমসুং এদুসেন্তরগী ফাউন্দর অমসুং দাইরেক্তর সেয়লেজো পুৎসুরেনা থৌরম অসিদা শরুক য়াখি। মসিগী মতুংদা NITI আয়োগকী অতল ইন্নোবেসন মিসনগী প্রোগ্রাম দাইরেক্তর প্রতীক দেশমুখনা থাগৎ ৱাহৈ ফোংদোকখি।

অৱাং, খা, ময়াই অমসুং নোংপোক লমদমশিংদা মায়পাক্না থবক পায়খৎলবা মতুংদা, রিজনেল AIM SUMVAAD – নোর্থ ইস্ত চেপ্তর 2026না SUMVAAD সিরিজকী খ্বাইদগী স্ত্রেতেজিক ওইবা মরু ওইবা চেপ্তরশিংগী মনুংদা অমা ওইখি। পোলিসী মেকরশিং, রাজ্য সরকারশিং, ইনক্যুবেতরশিং, ইন্দস্ত্রীগী লুচিংবশিং, ইনভেস্তরশিং, একাদেমিয়া অমসুং এন্ত্রপ্রেনরশিংবু অমত্তা ওইবা প্লেৎফোর্ম অমদা পুনশিন্নদুনা, কনক্লেব অসিনা লৈবাক অসিগী মফম খুদিংদা য়ৌগদবা ইন্নোবেসন ইকোসিস্তেম অমা শেমগৎনবা অতল ইন্নোবেসন মিসনগী অচেৎপা ফিরেপ অদু মপাঙ্গল কনখৎহনখি। অৱাং-নোংপোক্কী অখন্নবা মপাঙ্গলশিংদা য়ুম্ফম ওইদুনা অমসুং কোলাবোরেসন, ইন্নোবেসন অমসুং এন্ত্রপ্রেনরশিপনা থৌনা পীদুনা, খোঙথাং অসিনা বিক্সিত ভারত @2047কী মায়কৈদা ভারতকী খোঙচৎ শেমগৎপদা লমদম অসিগী চাউখৎলক্লিবা থৌদাং অদু অমুক হন্না ফোংদোক্লি।

***