ভাৰতৰ উত্তৰ-পূব দেশৰ উদ্ভাৱনৰ দৃশ্যপটত আটাইতকৈ কৌশলগতভাৱে গুৰুত্বপূৰ্ণ সীমা হিচাপে আত্মপ্ৰকাশ কৰাৰ লগে লগে অটল উদ্ভাৱন মিছন (এআইএম), নীতি আয়োগৰ দ্বাৰা আয়োজিত আঞ্চলিক এআইএম সমৱাদ-উত্তৰ-পূব সংস্কৰণ ২০২৬ –ৰ জৰিয়তে অসমৰ গুৱাহাটীত নীতি নিৰ্ধাৰক, ৰাজ্য চৰকাৰ, উদ্যোগ খণ্ডৰ কৰ্ণধাৰ, শিক্ষাবিদ, ইনকিউবেটৰ আৰু ষ্টাৰ্টআপ পৰিৱেশ তন্ত্ৰৰ বিকাশ কৰোঁতাসকলক আঠখন উত্তৰ-পূব ৰাজ্য অৰুণাচল প্ৰদেশ, অসম, মণিপুৰ, মেঘালয়, মিজোৰাম, নাগালেণ্ড, ছিকিম আৰু ত্ৰিপুৰাত উদ্ভাৱন-নেতৃত্বাধীন বিকাশৰ বাবে এক সহযোগিতামূলক পৰিকল্পনা প্ৰস্তুত কৰিবলৈ একত্ৰিত হৈছে।

দক্ষিণ-পূব এছিয়াৰ প্ৰৱেশদ্বাৰ হোৱৰ লগতে জৈৱ বৈচিত্ৰ্য, প্ৰাণৱন্ত সাংস্কৃতিক ঐতিহ্য, বাঁহৰ সম্পদ, পৰম্পৰাগত শিল্পকলা আৰু দ্ৰুতগতিত বৃদ্ধি পোৱা উদ্যোগী পৰিৱেশ তন্ত্ৰৰে সমৃদ্ধ অঞ্চল হিচাপে উত্তৰ-পূব ভাৰতে আত্মপ্ৰকাশ অব্যাহত ৰখাৰ পৰিপ্ৰেক্ষিতত এই সন্মিলনখনে বিশেষ গুৰুত্ব লাভ কৰিছে। এই অনন্য শক্তিক স্বীকাৰ কৰি, এআইএম-ৰ আঞ্চলিক কাম-কাজসমূহত ভাৰতৰ উদ্ভাৱন-নেতৃত্বাধীন বিকাশৰ পৰৱৰ্তী পৰ্যায়ৰ মূল চালিকা শক্তি আৰু ২০৪৭ চনলৈ বিকশিত ভাৰতৰ দৃষ্টিভংগীৰ বাবে এক অপৰিহাৰ্য অৱদানকাৰী হিচাপে অঞ্চলটোৰ স্থিতি পুনৰ নিশ্চিত কৰা হৈছে।

উদ্বোধনী অধিৱেশনত মুখ্য অতিথি হিচাপে নীতি আয়োগৰ সদস্য ড০ জোৰাম আনিয়া উপস্থিত থকাৰ লগতে অসম চৰকাৰৰ আয়ুক্ত আৰু সচিবে বিশেষ বক্তব্য ৰাখে। তেওঁৰ ভাষণত ড০ আনিয়াই উত্তৰ-পূবক "অষ্টলক্ষ্মী"-আঠখন ৰাজ্য হিচাপে গণ্য কৰা প্ৰধানমন্ত্ৰীৰ দৃষ্টিভংগীৰ প্ৰসংগ উত্থাপন কৰি কয় যে প্ৰত্যেকখন ৰাজ্যৰে অনন্য শক্তি আৰু ভাৰতৰ বিকাশৰ যাত্ৰাত অৰিহণা যোগোৱাৰ অপৰিসীম সম্ভাৱনা আছে। তেওঁ অঞ্চলটোৰ ওপৰত অভূতপূৰ্ব ৰাষ্ট্ৰীয় গুৰুত্ব সন্দৰ্ভত আলোকপাত কৰি এই গুৰুত্ব উত্তৰ পূবৰ মুখ্যমন্ত্ৰী আঠগৰাকীৰ সৈতে নিটি আয়োগৰ ধাৰাবাহিক সম্পৰ্ক আৰু আন্তঃগাঁথনি, সংযোগ আৰু অৰ্থনৈতিক উন্নয়নৰ দিশত কৰা গুৰুত্বপূৰ্ণ বিনিয়োগত প্ৰতিফলিত হয় বুলি উল্লেখ কৰে। "এক্ট ইষ্ট টু এক্ট ফাষ্ট" দৃষ্টিভংগীৰ পৰিৱৰ্তনশীল প্ৰভাৱৰ ওপৰত গুৰুত্ব আৰোপ কৰি তেওঁ উল্লেখ কৰে যে উত্তৰ-পূব আজি ভাৰতৰ উন্নয়নমূলক কাৰ্যসূচীৰ কেন্দ্ৰত অৱস্থান কৰাৰ লগতে উদ্ভাৱন, উদ্যোগশীলতা আৰু বহনক্ষম বিকাশৰ বাবে এক আন্তৰ্জাতিক কেন্দ্ৰ হ'বলৈ সাজু হৈ উঠিছে।

অংশগ্ৰহণকাৰীসকলক আদৰণি জনাই নীতি আয়োগৰ অটল উদ্ভাৱন মিছনৰ মুৰব্বী (বিত্ত) সুমিত গখাৰে অঞ্চলটোৰ উদ্ভাৱনৰ সম্ভাৱনা মুকলি কৰিবলৈ ৰাজ্য চৰকাৰ, উদ্ভাৱনী প্ৰতিষ্ঠান, ইনকিউবেটৰ তথা পৰিৱেশ তন্ত্ৰৰ অংশীদাৰসকলৰ মাজত সহযোগিতা শক্তিশালী কৰাৰ বাবে এআইএমৰ প্ৰতিশ্ৰুতিৰ ওপৰত গুৰুত্ব আৰোপ কৰে।

অটল উদ্ভাৱন অভিযান, নীতি আয়োগৰ অভিযান সঞ্চালক দীপক বাগলাই কয়, "মাননীয় প্ৰধানমন্ত্ৰীয়ে উত্তৰ-পূবক অষ্টলক্ষ্মী বুলি বৰ্ণনা কৰিছে-উত্তৰ পূব এনে এক অঞ্চল যাৰ অপৰিসীম প্ৰতিভা, সাংস্কৃতিক সমৃদ্ধি, প্ৰাকৃতিক সম্পদ আৰু উদ্যোগশীলতাৰ মনোভাৱে ২০৪৭ চনলৈ বিকশিত ভাৰতৰ দিশত দেশৰ যাত্ৰাত এক নিৰ্ণায়ক ভূমিকা পালন কৰিব। অটল উদ্ভাৱন অভিযানত, আমি উদ্ভাৱকসকলক সমৰ্থন কৰি, ইনকিউবেচন পৰিৱেশ তন্ত্ৰ শক্তিশালী কৰাৰ উপৰি ভাৰত আৰু বিশ্বৰ উপযোগীকৈ উত্তৰ-পূবৰ পৰা সমাধান গঢ়ি তুলিবলৈ যুৱ উদ্যোগীসকলক সক্ষম কৰি এই দৃষ্টিভংগীক সুযোগলৈ ৰূপান্তৰিত কৰাৰ বাবে কাম কৰি আছো। যেতিয়া উদ্ভাৱনৰ মূল স্থানীয় শক্তিৰ ওপৰত নিৰ্ভৰ কৰে আৰু 'সবকা প্ৰয়াস'ৰ দ্বাৰা চালিত হয়, তেতিয়া উত্তৰ-পূৰ্বাঞ্চলে কেৱল ভাৰতৰ বিকাশৰ যাত্ৰাত অংশগ্ৰহণ কৰাই নহয়, বৰঞ্চ দেশত নেতৃত্ব দিয়াত সহায় কৰিব।

"এই সন্মিলনখনত বিজ্ঞান আৰু প্ৰযুক্তি বিভাগ (ডিএছটি), জৈৱ প্ৰযুক্তি বিভাগ (ডিবিটি), অটল ইনকিউবেচন চেণ্টাৰ (এআইচি) আৰু অটল কমিউনিটি ইনোভেচন চেণ্টাৰ (এচিআইচি) ৰ লগতে আঠখন উত্তৰ-পূব ৰাজ্যিক পৰিষদৰ প্ৰতিনিধিয়ে সক্ৰিয় অংশগ্ৰহণ কৰে। আলোচনাসমূহে সহযোগিতামূলক উদ্ভাৱনৰ আঁৰৰ বৰ্ধিত গতি প্ৰতিফলিত কৰাৰ লগতে আঞ্চলিক আকাংক্ষাৰ সৈতে ৰাষ্ট্ৰীয় পদক্ষেপসমূহক একত্ৰিত কৰাৰ গুৰুত্ব শক্তিশালী কৰিছে।

দিনজোৰা কাৰ্যসূচীত ৰাজ্যিক উদ্ভাৱন পদক্ষেপ সন্দৰ্ভত বিশেষ অধিৱেশন আৰু উত্তৰ-পূৰ্বাঞ্চলত বিশিষ্ট প্ৰতিযোগিতামূলক সুবিধা থকা খণ্ডসমূহৰ ওপৰত কেন্দ্ৰীভূত বিষয়গত আলোচনা অনুষ্ঠিত হয়। উত্তৰ-পূব বেত আৰু বাঁহ উন্নয়ন পৰিষদৰ (এন ই চি বি ডি চি) জ্যেষ্ঠ বিজ্ঞানী তথা পৰামৰ্শদাতা ডাঃ তিলক চন্দ্ৰ ভূঞাই বাঁহ আৰু জৈৱ-সম্পদ মূল্য শৃংখলৰ বাণিজ্যিকীকৰণৰ ওপৰত মত বিনিময় কৰে। প্ৰাইম মেঘালয়, এম বি এম এ-ৰ প্ৰকল্প নেতৃত্ব মিনহা ৰিয়াজ খানে প্ৰযুক্তি-সক্ষম বহনক্ষম পৰিৱেশ-পৰ্যটনৰ সুযোগৰ ওপৰত আলোকপাত কৰাৰ বিপৰীতে ৰয়েল গ্ল’বেল ইউনিভাৰ্চিটিৰ উদ্যোগশীলতা আৰু উদ্ভাৱনৰ সঞ্চালক, সহ-প্ৰতিষ্ঠাপক, মাৰ্গদৰ্শক উপদেষ্টা আৰু এন ই এইচ এইচ ডি চি-ৰ প্ৰাক্তন উপদেষ্টাই পৰম্পৰাগত হস্ততাঁত আৰু হস্তশিল্প ক্লাস্টাৰত উদ্ভাৱনৰ জৰিয়তে তৃণমূল পৰ্যায়ৰ জীৱিকা শক্তিশালী কৰা সন্দৰ্ভত আলোচনা কৰে।

অঞ্চলটোৰ ইনকিউবেচন পৰিৱেশ তন্ত্ৰ শক্তিশালী কৰাটো এই সন্মিলনৰ আন এক গুৰুত্বপূৰ্ণ কেন্দ্ৰবিন্দু আছিল। এআইচি-চেলকো ফাউণ্ডেশ্যনৰ সহযোগী সঞ্চালক ৰচিতা মিশ্ৰৰ দ্বাৰা পৰিচালনা কৰা এখন পেনেলে আই আই টি গুৱাহাটীৰ গ্ৰুপ চিইঅ’ কৰ্ণেল প্ৰবীৰ সেনগুপ্ত, মাইৰিয়াড এ আই আৰু গ' বিলিয়নৰ প্ৰতিষ্ঠাপক তথা চিইঅ’ ৰোশন ফাৰহান, এছ এন এল শক্তি সমাধানৰ প্ৰতিষ্ঠাপক আৰু পৰিচালন সঞ্চালক মইৰাংথেম শেঠ আৰু অটল উদ্ভাৱন মিছনৰ প্ৰগ্ৰেম লিড প্ৰতীক দেশমুখক ষ্টাৰ্টআপক ধাৰণাৰ পৰা পৰিসৰলৈ উন্নীত কৰিবলৈ সক্ষম স্থিতিস্থাপক ইনকিউবেচন পৰিৱেশ তন্ত্ৰ গঢ়ি তোলাৰ কৌশলৰ বিষয়ে আলোচনা কৰিবলৈ একত্ৰিত কৰে।

এআইচি এছএমইউ টিবিআইৰ চিইঅ’ ডাঃ তেজ চিংথামে পৰিচালনা কৰা আন এখন পেনেলে সমগ্ৰ উত্তৰ-পূবত ষ্টাৰ্টআপৰ বাবে বিত্তীয়, কৰ্পোৰেট অংশীদাৰিত্ব আৰু বজাৰৰ সংযোগ মুকলি কৰাৰ পথ অন্বেষণ কৰে। এইচডিএফচি বেংকৰ নিউ ইকনমি গ্ৰুপৰ জ্যেষ্ঠ উপাধ্যক্ষ আৰু মুৰব্বী আশীষ আগৰৱাল, নুমালীগড় ৰিফাইনাৰী লিমিটেডৰ কৰ্পোৰেট পৰিকল্পনা আৰু কৌশলৰ মুৰব্বী প্ৰান্ত প্ৰতিম সিংহ, এনইডিএফআইৰ মেনেজাৰ সিদ্ধাৰ্থ পি লহকৰ আৰু টাটা ফাউণ্ডেশ্যনৰ চেন্টাৰ ফৰ মাইক্ৰ’ ফাইনেন্স এণ্ড লাইভলিহুডৰ জেনেৰেল মেনেজাৰ কৌটিল্য বসুমতাৰীয়ে অঞ্চলটোত উদীয়মান উদ্যোগীসকলৰ বাবে বিত্তীয় আৰু প্ৰতিষ্ঠানিক সমৰ্থন পৰিৱেশ তন্ত্ৰ শক্তিশালী কৰা সন্দৰ্ভত আলোচনা কৰে।

ৰচিতা মিশ্ৰই পৰিচালনা কৰা উদ্যোগ আৰু স্থানীয় উন্নয়নৰ বাবে স্থিতিস্থাপক উদ্ভাৱন পৰিৱেশ তন্ত্ৰ গঢ়ি তোলা সন্দৰ্ভত এখন অধিৱেশনৰ সৈতে কাৰ্যসূচীৰ সামৰণি পৰে, য’ত ই আৰ ই এছ-ৰ প্ৰতিষ্ঠাপক আৰু চি ই অ’ ফজলে ইলাহী আৰু এড্যুচেণ্টাৰৰ প্ৰতিষ্ঠাপক আৰু সঞ্চালক ছেইলেজো পুটচুৰে অংশগ্ৰহণ কৰে। পৰৱৰ্তী সময়ত নিটি আয়োগৰ অটল উদ্ভাৱন মিছনৰ প্ৰগ্ৰেম সঞ্চালক প্ৰতীক দেশমুখে সকলোৰে শলাগ লয়।

উত্তৰ, দক্ষিণ, মধ্য আৰু পূব অঞ্চলসমূহত সফল সম্পৰ্কৰ পাছত, আঞ্চলিক এআইএম সমৱাড-উত্তৰ-পূব সংস্কৰণ ২০২৬, সমৱাড শৃংখলাৰ আটাইতকৈ কৌশলগতভাৱে গুৰুত্বপূৰ্ণ সংস্কৰণসমূহৰ ভিতৰত অন্যতম হিচাপে পৰিগণিত হৈছে। নীতি নিৰ্ধাৰক, ৰাজ্য চৰকাৰ, ইনকিউবেটৰ, উদ্যোগ খণ্ডৰ কৰ্ণধাৰসকল, বিনিয়োগকাৰী, শিক্ষাবিদ আৰু উদ্যোগীসকলক এক উমৈহতীয়া মঞ্চত একত্ৰিত কৰি এই সন্মিলনখনে দেশৰ প্ৰতিটো কোণত উপনীত হোৱা এক সৰ্বাত্মক উদ্ভাৱন পৰিৱেশ তন্ত্ৰ গঢ়ি তোলাৰ বাবে অটল উদ্ভাৱন মিছনৰ প্ৰতিশ্ৰুতিক শক্তিশালী কৰিছে। উত্তৰ-পূবৰ অনন্য শক্তিৰ আধাৰত আৰু সহযোগিতা, উদ্ভাৱন তথা উদ্যোগশীলতাৰ দ্বাৰা পৰিচালিত, এই পদক্ষেপটোৱে ২০৪৭ চনলৈ বিকশিত ভাৰতৰ দিশত ভাৰতৰ যাত্ৰাক গঢ় দিয়াৰ ক্ষেত্ৰত অঞ্চলটোৰ বৰ্ধিত ভূমিকাক পুনৰ নিশ্চিত কৰিছে।

***

MJPS/SS/PRK/DD