ওস্ত্রেলিয়াগী প্রধান মন্ত্রী, ইকাই খুম্নজরিবা এন্থোনী অলবেনিস এম.পি.গী চেবাউদা ভারতকী প্রধান মন্ত্রী, শ্রী নরেন্দ্র মোদীনা ২০২৬গী জুলাই ৮-১০ ফাওবদা অহুমশুবা ওস্ত্রেলিয়া-ইন্দিয়া চহিগী সম্মিৎকীদমক ওস্ত্রেলিয়াগী মেলবোর্নগী কুলিন নেসন্সকী ৱুরুন্দজেরী ৱোই-ৱুরুং অমসুং বুনুরোং/বুন ৱুরুং মীয়ামগী মৈহৌরোন্দগী লৈরক্লবা লমদম অমা ওইরিবা নার্মদা চৎখি।

পুৱারীদগী লৈরক্লবা মরীশিং, মীয়ামগী মরক্তা লৈনরিবা মরীশিং, অপুনবা স্ত্রেতেজিক ইন্তরেস্তশিং অমসুং অমগা অমগা ইকায় খুম্নবদা য়ুম্ফম ওইবা লৈবাক অনিগী মরক্তা মতম শাংনা লৈরক্লবা মরুপ-মপাং ওইবগী মরী অদু নীংশিংলদুনা লুচিংবা অনিনা ভারত-ওস্ত্রেলিয়া কম্প্রিহেন্সিব স্ত্রেতেজিক পার্তনরশিপ (সি.এস.পি.) গী ফিরেপ অমুক হন্না চেৎশিলহনবগা লোইননা পাকথোক চাউথোক্তুনা খোংজেল য়াংনা হৌগৎলক্লিবা মালেমগী অকোইবগী ফিভমশিং থেংননবা অমসুং শান্তি, তংদু লৈতাবা অমসুং চাউখৎমিন্নবদা য়ুম্ফম ওইদুনা নৌনা তেংবাং পীনবা য়াবা মফমশিং খন্নখি।

দিফেন্স অমসুং মেরিতাইম সেক্যুরিতী কোওপরেসন হেন্না চেৎশিলহনবা

নোংম-নোংমগী হেন্না লুবা স্ত্রেতেজিক এনভাইরনমেন্ত অমদা দিফেন্স অমসুং সেক্যুরিতী কোওপরেসনা তেংবাং পীনবগী য়ুম্ফম ওইরি হায়না প্রধান মন্ত্রীশিংনা অমুক হন্না ফোংদোকখি। মখোয়না দিফেন্স অমসুং সেক্যুরিতী কোওপরেসনগী মতাংদা জোইন্ত দিক্লারেসন লাওথোকখি। মসিনা বাইলেতরেল দিফেন্স অমসুং সেক্যুরিতীগী মরীগী অরুবা অমসুং এম্বিসনদা খোংজেল য়াংনা অহোংবা পুরকপা অমসুং রিজনেল পাঙ্গল অমসুং সেক্যুরিতীদা মতেং পাংববু উৎলি।

কন্সল্তেসন অমসুং কোওপরেসন হেঙ্গৎহন্নবা মেকানিজম অমা ওইনা চহিগী ওইনা দিফেন্স মিনিস্তরশিংগী মরক্তা দাইলোগ অমা লিংখৎপবু প্রধান মন্ত্রীশিংনা তরাম্না ওকখি। মখোয়না ম্যুচেল লোজিস্তিক সপোর্ত এরেঞ্জমেন্তকী মখাদা দিফেন্স এক্সর্সাইস অমসুং একচেঞ্জশিং অসি য়াম্না তোইনা অমসুং য়াম্না লুবা মওংদা পাংথোকপা হেনগৎলক্লিবা অসি থাগৎপা ফোংদোকখি। দিফেন্স পার্তনরশিপ অসিনা হীরম খুদিংমক্তা পাক শন্না শন্দোরকপা উবদা মখোয়না নুংঙাইবা ফোংদোকখি অমসুং মল্তিলেতরেল পার্তনরশিংগা লোইননা পুন্না চৎমিন্নবগী মতিক মগুন হেনগৎহনবগী মরুওইবা অদুদা মখোয়না মিৎয়েং থমখি।

প্রধান মন্ত্রীশিংনা শান্তি লৈবা, অচেৎপা অমসুং চাউখৎপা ইন্দো-পেসিফিক অমগীদমক মখোয়গী মান্নবা মিৎয়েংদা মেরিতাইম কোওপরেসনগী মরুওইবা অদু পনখি। লুচিংবশিংনা ভারত-ওস্ত্রেলিয়া মেরিতাইম সেক্যুরিতী কোলাবোরেসন রোদমেপকী খুত্থাংদা মেরিতাইম কোওপরেসন হেঙ্গৎহন্নবা য়ানখি। মসিগী খুত্থাংদা, ভারত অমসুং ওস্ত্রেলিয়ানা ইন্দো-পেসিফিক লমদমদা শান্তি অমসুং চাউখৎপা পুরক্নবগীদমক মখোয়গী শরুক য়ামিন্নবগী ফিরেপ অদু অমুক হন্না ফোংদোক্লি। মসিনা রিজনেল সেক্যুরিতীগীদমক মপাঙ্গল লৈরবা মেরিতাইম কোওপরেসন অসি তঙাইফদে হায়বা খঙলে। মখোয়না ইনফোর্মেসন শেয়র তৌবা, কেপাসিতী দিবেলপমেন্ত, কেপাসিতী বিল্দিং অমসুং ওপরেস্নেল কোওর্দিনেসনগী লমশিংদা মতেং পাংননবা য়ানখি। লুচিংবা অনিনা মেরিতাইম বোর্দর কমান্দ অমসুং ইন্দিয়ন কোস্ত গার্দকী মরক্তা শমুদ্রগী অকোয়বগী ফিবম ফগৎহন্নবা য়ান-ৱারোল অমা সাইন তৌনবদা তরাম্না ওকখি।

প্রধান মন্ত্রীশিংনা দিফেন্স ইন্দস্ত্রী, রিসর্স অমসুং মেতরিএল কোওপরেসনগী মরুওইবা অদু খঙখি। লুচিংবা অনিনা দিফেন্স আর্তিকলশিং অমসুং দিফেন্স সর্বিসশিং পীনবগীদমক য়ানা ৱারোল অমা শেমগৎনবা হৌজিক পায়খৎলিবা থবকশিং অমসুং ওস্ত্রেলিয়া অমসুং ভারতকী দিফেন্স ইন্দস্ত্রীশিংগী মরক্তা মরী লৈনহন্নবা হোৎনরিবশিং, ভারততা ওস্ত্রেলিয়াগী অহানবা দিফেন্স ত্রেদ মিসন অমসুং ওস্ত্রেলিয়া-ইন্দিয়া দিফেন্স ইন্দস্ত্রী রাউন্দতেবল য়াওনা লুচিংবা অনিনা তরাম্না ওকখি।

প্রোফেস্নেল মিলিতরী এজুকেসন, জোইন্ত রিসর্স, ৱারগেমিং অমসুং তুংলমচৎকীদমক শেম-শারিবা মিলিতরী পর্সোনেলশিংগীদমক কেপাসিতী বিল্দিং ইনিসিয়েতিবশিংগী মরুওইবা অদু খঙলদুনা, প্রধান মন্ত্রীশিংনা প্রোফেস্নেল মিলিতরী এজুকেসনগী মতাংদা মতেং পীনবা হেনগৎহন্নবা হৌজিক পায়খৎলিবা থবকশিং অদু পনখি। লুচিংবশিংনা লৈবাক অনিগী মিলিতরী এজুকেসন ইন্সতিত্যুসনশিংগী মরক্তা লৈনরিবা মরী অসি মখা তানা চেৎশিলহন্নবা পুক্নিং থৌগৎখি। লুচিংবা অনিমক্না ২০২৮-২০২৯দা ভারতকী ভিজিতিং মিলিতরী ইন্সত্রক্তর অমা ওস্ত্রেলিয়া দিফেন্স কোলেজদা থম্বগী থাজবা থমখি। মখোয়না জেনরেল রাৱত ইন্দিয়া-ওস্ত্রেলিয়া য়ং ওফিসরশিং একচেঞ্জ প্রোগ্রামগী মরিশুবা ইতরেসনগী ওস্ত্রেলিয়াগী লাক্কদৌরিবা হোস্তিংবু তরাম্না ওকখি।

লৈবাক অনিগী ইকোসিস্তেমশিং শম্নহন্নবা অমসুং সরকারশিং, ইন্দস্ত্রী, একাদেমিয়া অমসুং রিসর্স ইন্সতিত্যুসনশিংগী মরক্তা তেংবাং পীনবা খন্ননবা লৈবাক অনিগী ইনোবেসন ফ্রেমৱার্ক অমা শেম্নবা প্রধান মন্ত্রীশিংনা ৱাশক লৌখি। মখোয়না অৱাংবা থাক্কী কেপাসিতী প্রাইওরিতিশিংদা ইন্নোবেতিব সোলুসনশিং প্রমোৎ তৌনবা অনৌবা লমশিংদা দিফেন্স সাইন্স অমসুং তেক্নোলোজী রিসর্স কোওপরেসন পাকথোক চাউথোকহনবগী মরুওইবা অদু ফোংদোকখি।

শেন্মিৎলোনগী সেক্যুরিতী অমসুং চাউখৎপা হেনগৎহনবা

প্রধান মন্ত্রীশিংনা ইন্দিয়া-ওস্ত্রেলিয়া ইকোনোমিক কোওপরেসন অমসুং ত্রেদ এগ্রীমেন্ত (ই.সি.তি.এ.) গী মখাদা লৈবাক অনিমক্কী ললোন-ইতিক মখা তানা হেঙ্গৎলকপা অমসুং নন-তারিফগী অথিংবা হন্থরকপবু তরাম্না ওকখি। মসিনা লৈবাক অনিমক্কী ললোন-ইতিক অমসুং কঞ্জ্যুমরশিংগীদমক অচৌবা কান্নবা ফংলগনি হায়না মখোয়না ফোংদোকখি। মখোয়না লৈবাক অনিগী মরক্তা লৈনরিবা শেনমিৎলোনগী মরীগী অপুনবা পোতেন্সিএল অদু ফংহন্নবা অমসুং লৈবাক অনিমক্কী চাউখৎপা হেনগৎহন্নবগীদমক এম্বিসিওস, বেলেন্স তৌরবা অমসুং ম্যুচেল বেনিফিসরি কমপ্রেহেন্সিভ ইকোনোমিক কোওপরেসন এগ্রীমেন্ত (সি.ই.সি.এ.) প্রধান মন্ত্রীশিংনা শেল থাদবা হেনগৎহনবগী মরুওইবা অদুসু পনখি অমসুং লৈবাক অনিগী মরী লৈনবা ইন্সতিত্যুসনশিংগী মরক্তা শেল থাদবগী মপাঙ্গল কনখৎহনবা য়াওনা প্রাইবেৎ সেক্তরগী ইনভেস্তরশিংগী মরক্তা শরুক য়াবা হেনগৎহনবদা মতেং পাংখি।

ইন্দস্ত্রীনা লুচিংবা এঙ্গেজমেন্তকী মরুওইবা অদু পল্লদুনা, প্রধান মন্ত্রীশিংনা খোঙচৎ অদুগী মনুংদা সি.ই.ও. ফোরম পাংথোকপবু তরাম্না ওকখি অমসুং বিজিনেসকী মরক্তা মপাঙ্গল কনখৎহনবা ঙম্নবা মখোয়গী মতেং পাংনবা অমুক হন্না ফোংদোকখি। লুচিংবশিংনা 'মেক ইন ইন্দিয়া' অমসুং 'ফ্যুচর মেদ ইন ওস্ত্রেলিয়া'গী মরক্তা লৈরিবা মরীশিং অমসুং মেন্যুফেকচরিং, তেক্নোলোজী অমসুং ইনভেস্তমেন্তকী লমদা হেন্না চেৎশিল্লবা কোওপরেসনগী লমদা লৈরিবা খুদোংচাবশিং অদু খঙমিন্নখি। লুচিংবশিংনা ভারতকা লোয়ননা ওস্ত্রেলিয়াগী ইকোনোমিক এনগেজমেন্তকীদমক অনৌবা রোদমেপ অমা মখা তানা ইমপ্লিমেন্ত তৌবগীদমক থাগৎপা ফোংদোকখি অমসুং ২০২৬গী মে থাদা সিদনিদা পাংথোকখিবা হৌদোকপগী ত্রেক ১.৫ দাইলোগনা পাকথোক চাউথোক্লবা কোওপরেসনগীদমক থবক ওইনা পাংথোকপা য়াবা পাম্বৈশিং শেমগৎপদা পীরিবা কন্ত্রিব্যুসনশিংবু তরাম্না ওকখি।

মরুওইবা মিনরেলশিংদা মতেং পীননবা মখোয়গী ফিরেপ অদু প্রধান মন্ত্রীশিংনা অমুক হন্না ফোংদোকখি। ভারত অমসুং ওস্ত্রেলিয়াগী সরকারগী এজেন্সীশিং, পব্লিক অমসুং প্রাইবেৎ কম্পেনীশিং অমসুং রিসর্স ইন্সতিত্যুসনশিংগী মরক্তা পার্তনরশিপকী মরুওইবা অদু মখোয়না ইনভেস্তমেন্ত প্রমোৎ তৌনবা, মতম শাংনা সপ্লাই অমসুং ওফতেক এরেঞ্জমেন্তশিং সেক্যুর তৌনবা অমসুং প্রোসেসিং অমসুং ভেল্যু এদিসন কেপাসিতীশিং দিবেলপ তৌবদা মতেং পাংনবা ফোংদোকখি। লুচিংবশিংনা ত্রান্সপরেন্ত, সেক্যুর অমসুং রেসিলিয়েন্ত সপ্লাই চেনশিং অসি ঐখোয়গী ইকোনোমিক সেক্যুরিতীগী মরুওইবা অমনি হায়না ফোংদোকখি। নাকল অনিগী ওইবা থৌরাংশিং অমসুং মল্তিলেতরেল ফোরমশিংগী খুত্থাংদা, মরুওইনা ইনর্জী অমসুং মরুওইবা মিনরেলশিংগীদমক সপ্লাই চেনগী মতেং পীনবগীদমক পুন্না থবক তৌমিন্নবগী মরুওইবা অদু মখোয়না খঙখি।

ইনর্জী, ক্লাইমেৎ, স্পেস অমসুং তেক্নোলোজী কোলাবোরেসন দ্রাইভিং

প্রধান মন্ত্রীশিংনা ঐখোয়গী ইকোনোমীশিংদা ইনর্জী সেক্যুরিতী অমসুং রিসোর্স কোলাবোরেসনগী মরুওইবা হেনগৎলক্লিবা অসিগী মতাংদা ৱাফম থমনখি। মখোয়না ইনর্জী ত্রাঞ্জিসন য়াঙখৎহনবা, ইনর্জী সেক্যুরিতী মপাঙ্গল কনখৎহনবা অমসুং মতম শাংনা শেন-থুমগী চাউখৎপা পুরকপদা রিন্যুএবল ইনর্জী অমসুং ইলেক্ত্রিফিকেসনগী মরুওইবা থৌদাং অদু শকখঙদুনা, থাজবা য়াবা, মমল হোংবা অমসুং তুং কোইনা চৎনগদবা ইনর্জী সপ্লাইদা মতেং পাংনবা তেংবাং পীনবগীদমক তেংবাং পীনবা মখোয়গী অচেৎপা ফিরেপ অমুক হন্না ফোংদোকখি। মসিগী মতাংদা মখোয়না ইনর্জী সেক্যুরিতীগী মতাংদা জোইন্ত স্তেতমেন্ত অদু তরাম্না ওকখি।

প্রধান মন্ত্রী অনিমক্না ক্লাইমেৎ চেঞ্জ থেংননবা থবক য়াঙখৎপগী মরুওইবা অদু অমুক হন্না ফোংদোকখি। মখোয়না পেরিস এগ্রীমেন্ত অসি তোঙান-তোঙানবা জাতিগী থাক্তা য়েংলগা ইক্যুইতি অমসুং কম্মন অদুবু দিফরেন্স তৌরবা রেস্পোন্সিবিলিতি অমসুং মরী লৈনবা কেপাসিতীশিংগী প্রিন্সিপল অদু উৎনবগীদমক ইমপ্লিমেন্ত তৌগনি হায়না খঙখি। মখোয়না সি.ও.পি.৩১গী নেগোসিএসনগী প্রসিদেন্ত ওইনা ওস্ত্রেলিয়াগী লুচিংবা অদু তরাম্না ওকখি। লুচিংবশিংনা পেসিফিক অমসুং ভারত মহাসাগরদা লৈরিবা লৈবাকশিংগুম্বা অপীকপা ইথৎশিং অমসুং অতোপ্পা চাউখৎলক্লিবা লৈবাকশিং অসি অইং-অশা হোংলকপগী শাফুদা অখন্ননা শোকহল্লিবা অদু খঙখি। মালেমগী অইং-অশা হোংলকপগী থবকশিংদা খোঙজেল য়াংনা চংশিনবগী তঙাই ফদবা অদু অমুক হন্না ফোংদোকখি অমসুং অইং-অশা হোংলকপগী ফাইনান্সিং, তেক্নোলোজী ত্রান্সফর অমসুং কেপাসিতী বিল্দিং সপোর্তকী মরুওইবা অদু অমুক হন্না ফোংদোকখি। লুচিংবা অনিনা ভারত-ওস্ত্রেলিয়া রিন্যুএবল ইনর্জী পার্তনরশিপকী মখাদা চাউখৎলক্লিবা অসিসু খঙখি। মসিগী মনুংদা রুফতোপ সোলর একাদেমী লিংখৎপা অমসুং মথৌ তৌবা হৌহনবা অসিসু য়াওরি।

প্রধান মন্ত্রী অনিনা তুংগী গ্রোথ থৌগৎনবা অমসুং সেয়র তৌরবা শিংনবশিং কোকহন্নবা তেক্নোলোজি অমসুং ইনোবেসন শিজিন্নবগী মরুওইবদা অকনবা ৱাফম থমখি, অমসুং তেক্নোলোজিগী মতেং পিনবা অমসুং চাওখৎ-থৌরাংগী মখা পোল্লিবা অচেৎপা মীয়াম-মীয়ামগী মরি অদু শকখঙখি। লুচিংবা অনিনা মরুওইবা তেক্নোলোজিশিং, শপ্লাই চেন দাইবর্সিফিকেসন, সাইবর সেক্যুরিতি, দিজিতেল এম্পাৱরমেন্ত, অমসুং দিফেন্স রিসর্চকি মতাংদা ঐখোয়গী মরি অসিগী এম্বিসন হেনগৎহন্নবা ওস্ত্রেলিয়া-ইন্দিয়া পার্ত্নরসিপ ওন সাইবর, কৃতিকেল তেক্নোলোজি অমসুং শপ্লাই চেনশিং (পি.এ.সি.তি.)দা য়ানবা পুরকখি। লুচিংবশিংনা ওস্ত্রেলিয়া-ক্নাদা-ইন্দিয়া তেক্নোলোজি অমসুং ইনোবেসন (এ.সি.আই.তি.আই.) পার্ত্নরসিপ মেমোরেন্দম ওফ অন্দরস্তেন্দিং খুৎয়েক পিনবদসু নুংঙাইবা ফোঙদোকখি, মসিনা মরুওইবা অমসুং থোরক্লিবা তেক্নোলোজিশিংদা পুন্না থবক তৌমিন্নবগী য়ুম্ফম ওইনা থাজবা য়াবা পার্ত্নরসিপশিংদা মখোয়গী সেয়র তৌরবা ৱাশক অদু অমুক হন্না চেৎশিলহল্লি।

ইন্দস্ত্রী-তু-ইন্দস্ত্রী পার্তনরশিপ য়াওনা স্পেস কোওপরেসন মপাঙ্গল কনখৎহন্নবগী মরুওইবা অদু প্রধান মন্ত্রীশিংনা ফোংদোকখি। লুচিংবা অনিনা ভারতকী গগনয়ান হ্যুমেন স্পেস ফ্লাইৎ প্রোগ্রামদা ওস্ত্রেলিয়াগী মখা তানা মতেং পাংলিবা অদু তরাম্না ওকখি। মসিগী মনুংদা কোকোস কিলিং ইথৎশিংদা মতম খরগী ওইনা স্পেস ত্রেকিং তর্মিনেল অমা শেম্বা য়াওরি। মখোয়না ইন্দিয়ন স্পেস রিসর্স ওর্গনাইজেসন (আই.এস.আর.ও.) অমসুং ওস্ত্রেলিয়াগী স্পেস এজেন্সী (এ.এস.এ.) গী মরক্তা মখা তানা মতেং পীনবগী আশা তৌখি।

ওস্ত্রেলিয়ানা ন্যুক্লিয়র শপ্লাইয়র্স গ্রুপতা ভারতকি মেম্বরসিপতা অকনবা শৌগৎপা অমুক হন্না ফোঙদোকখি, অমসুং ওস্ত্রেলিয়া-ইন্দিয়া ন্যুক্লিয়র কোওপরেসন এগ্রীমেন্ততা য়ুম্ফম ওইদুনা, প্রধান মন্ত্রী অনিনা শান্তিগী ওইবা পান্দমশিংগীদমক অমসুং আই.এ.ই.এ.গী সেফগারদকি মখাদা ভারত্তা মতম শাংনা ওস্ত্রেলিয়াগী য়ুরেনিয়ম এক্সপোরৎ তৌবা ঙমগদবা এদমীনিস্ত্রেতিব এরেঞ্জমেন্তশিং লোয়শিনবা অমসুং খুৎয়েক পিনবদা তরাম্না ওকখি।

এজুকেসন, স্কিলশিং অমসুং মীগা মীগা লৈনরিবা মরীশিং মপাঙ্গল কনখৎহনবা

প্রধান মন্ত্রীনা হায়খি মদুদি পার্তনরশিপ অসিগী ময়াইদা মীওইশিং লৈরি। মহাক্না হায়খি মদুদি ওস্ত্রেলিয়াদা লৈরিবা ভারত মচাশিংনা হৌজিক ওস্ত্রেলিয়াগী খ্বাইদগী চাউবা মপান লমদা পোকপা মীওইশিং ওইরে। লুচিংবশিংনা ওস্ত্রেলিয়াগী মতিং লৈরবা, মল্তি-কলচরেল খুন্নাইদা ভারতকী মচা ওইরবা ওস্ত্রেলিয়ন কম্ম্যুনিতীনা লৌরিবা মরুওইবা থৌদাং অদু থাগৎখি অমসুং ইকোনোমিক কোলাবোরেসন অমসুং মীয়ামগা মীয়ামগা মরী হেন্না চেৎশিলহন্নবা সেন্তর ফোর ওস্ত্রেলিয়া-ইন্দিয়া রিলেসনসকী মাইত্রি গ্রান্তকীদমক মিলিয়ন ১০গী অয়াবা অদু তরাম্না ওকখি। মহৌশানা অৱাংবা থাক্তা অমসুং মিনিস্তরেল এঙ্গেজমেন্ততা য়ুম্ফম ওইদুনা, প্রধান মন্ত্রীশিংনা ওস্ত্রেলিয়াগী পার্লিয়ামেন্ততা পার্লিয়ামেন্তরী ফ্রেন্দস ওফ ইন্দিয়া গ্রুপকী মতৌগুম্না ভারতকী লোক সভাদা ওস্ত্রেলিয়াগা পার্লিয়ামেন্তরী ফ্রেন্দস ওফ ইন্দিয়া গ্রুপ অমা লিংখৎপা, পার্লিয়ামেন্তরী এঙ্গেজমেন্ত মপাঙ্গল কনখৎহনবগী ৱাফমসু খঙখি। পার্লিয়ামেন্ত য়াওনা দেমোক্রে তিক ইন্সতিত্যুসনশিংগী মরক্তা তেংবাং পীনবা মখা চত্থগদবনি হায়না প্রধান মন্ত্রী অনিমক্না য়ানখি।

ভারত্তা ওস্ত্রেলিয়াগী য়ুনিভর্সিতী কেম্পস মশিং হেনগৎলকপা নৎত্রগা মসিগীদমক অয়াবা পীরকপা অসিনা উৎলিবা এজুকেসন কোলাবোরেসন পাকথোক চাউথোকহনবগী মতাংদা প্রধান মন্ত্রীশিংনা ফোংদোকখি। বেঙ্গালুরুদা ফ্লিন্দরস য়ুনিভর্সিতীগী কেম্পস লিংখৎনবগীদমক য়ুনিভর্সিতী গ্রান্ত কম্মিসন (য়ু.জি.সি.) না লেতর ওফ ইন্তেন্ত (এল.ও.আই.) পীখিবা অমসুং গুরুগ্রামদা ভিক্তোরিয়া য়ুনিভর্সিতীগী কেম্পস লিংখৎনবগীদমক লেতর ওফ এপ্রুবেল (এল.ও.এ.) ওস্ত্রেলিয়াদা লৈরিবা ভারতকী মহৈরোইশিং অসি ওস্ত্রেলিয়াগী ক্লাসরুমশিং, কেম্পসশিং অমসুং কম্ম্যুনিতীশিংগী শিংথানিংঙাই ওইবা মেম্বরশিংনি হায়না প্রধান মন্ত্রী অলবেনেসনা অকনবা ৱাফম থমখি। লুচিংবশিংনা ভুবনেশ্বর, ওরিশাদা লৈবা নেস্নেল স্কিল ত্রেনিং ইন্সতিত্যুৎতা ভোকেসনেল এজুকেসন অমসুং ত্রেনিংগী মতেং পীনবা মওংদা স্কিলিংগী নেস্নেল সেন্তর ওফ এক্সেলেন্স অমা লিংখৎনবা ৱেস্তর্ন ওস্ত্রেলিয়া সরকার অমসুং ভারত সরকারগী মরক্তা য়ানখিবা অদুসু তরাম্না ওকখি।

স্পোর্তস অসি শরুক য়ামিন্নবগী পুক্নিং চিংশিনবখক্তা নত্তে হায়না প্রধান মন্ত্রীশিংনা খঙখি। মসি ঐখোয়গী নাকল অনিগী ওইবা মরীগী মরুওইবা শরুক অমনি অমসুং মসিনা ললোন-ইতিক, তুরিজম অমসুং ইনবেস্তমেন্ত হেঙ্গৎহনবদা মতেং পাংই। লুচিংবা অনিনা ওস্ত্রেলিয়া অমসুং ভারতকী মরক্তা স্পোর্তস কোওপরেসন হেন্না চেৎশিলহন্নবা ভারত-ওস্ত্রেলিয়া স্পোর্তস কোওপরেসন রোদমেপ অদু তরাম্না ওকখি। ওস্ত্রেলিয়া অমসুং ভারতনা ২০৩২দা ব্রিসবেনদা ওলিম্পিক্স অমসুং পেরালিম্পিক্স অমসুং ২০৩০দা অহমেদাবাদতা কমনৱেল্থ গেম্স পাংথোক্নবা শেম-শারিঙৈদা মরুওইবা স্পোর্তসকী থৌরমশিং য়াওনা।

কলচরেল কোওপরেসন অমসুং কলচরেল হেরিতেজ ঙাক-শেনবগী মরুওইবা অদুদা অকনবা ৱাফম থম্লদুনা প্রধান মন্ত্রী অনিনা ভারত্তা পাঙথোকখিবা ফার্স্ত নেসন্সকি ইপা-ইপুশিংবু ইশানা য়ানা অমসুং কন্দিসন লৈতনা রিপেত্রিয়েসনগী প্রোগ্রেশ অদু তরাম্না ওকখি, অমসুং তোঙান্না, তেলুগু অসি ওস্ত্রেলিয়াদগী রিপেত্রিয়েন্ত তৌবগী থৌওং অদু তরাম্না ওকখি। প্রধান মন্ত্রী মোদীনা প্রধান মন্ত্রী অলবানিজবু ওস্ত্রেলিয়াগী কলেক্তিং ইন্সতিত্যুসনশিংদা থম্লম্বা কলচরেল আর্তিফেক কয়া অমা মশানা য়ানা ভারত্তা হন্দোকপিরকপগীদমক্তা থাগৎপা ফোঙদোকখি।

শান্তি লৈবা, তংদু লৈতাবা অমসুং নুংঙাই-য়াইফবা ইন্দো-পেসিফিক অমা য়োকখৎপা

প্রধান মন্ত্রী অনিনা ওপন অমসুং নিয়মশিংদা য়ুম্ফম ওইবা ইন্দো-পেসিফিক অমগীদমক মখোয়গী সেয়র তৌরবা ৱাশক অদু অমুক হন্না চেৎশিলহনখ্রে। মখোয়না ইন্তর্নেস্নেল লোগী মতুং ইন্না হকশিং অমসুং ফ্রীদমশিং শিজিন্নবা ঙম্বগী মরুওইবা অদু ফোঙদোকখি, মরুওইনা য়ুনাইতেদ নেসন্স কনভেন্সন ওন দি লো ওফ সি (য়ু.এন.সি.এল.ও.এস.)গী মতুং ইননা, নেভিগেসন অমসুং ওভরফ্লাইৎকি ফ্রীদম য়াওনা, অমসুং ৱাথোকশিং অসি ইন্তর্নেস্নেল লোগী মতুং ইন্না শান্তি ওইনা লোয়শিনগদবনি হায়না অকনবা ৱাফম থমখি। মখোয়না স্তেতস ক্বোদা অহোঙবা পুরক্কদবা অমসুং লম-লমগী শান্তি অমসুং তংদু লৈতাবদা অকায়বা পিগদবা তংদু লৈতাদবা নত্রগা য়ুনিলেতেরেল এক্সন অমত্তা কন্না য়ানিংদবা ফোঙদোকখি।

প্রধান মন্ত্রীশিংনা সেয়র তৌরবা শিংনবশিং কোকহন্নবা রিজনেল অমসুং মল্তিলেতরেল ইন্সতিত্যুসনশিংগী খুত্থাংদা তেংবাং পিনবা মপাঙ্গল কনখৎহন্নবা মখোয়গী ৱাশক অদু অমুক হন্না ফোঙদোকখি। মখোয়না ইন্দো-পেসিফিক্কীদমক চৎন-কাংলোনগী ওইবা অমসুং অকক্নবা ফলশিং ফংহনবা ঙম্বা পার্ত্নরসিপ অমা ওইনা ক্বেদকি মরুওইবা অদু অমুক হন্না ফোঙদোকখি অমসুং ২০২৬কি মে থাদা নই দিল্লীদা ক্ব্বেদকি মপান থৌরম পুবা মন্ত্রীশিংনা য়ানখিবা সব্সতেন্তিব আওতকমশিং অদু তরাম্না ওকখি।

প্রধান মন্ত্রীশিংনা ভারতকি চেয়রমেন্সিপকি মখাদা ইন্দিয়ন ওশিন রিম এসোসিএসন (আই.ও.আর.এ.)গী খুত্থাংদা ইন্দিয়ন ওশিন রিজন্দা তেংবাং পিনবা হেন্না চেৎশিলহনবগী মরুওইবা অদুদা অকনবা ৱাফম থমখি অমসুং রিজনেল ইনিসিয়েতিবশিংগী মখাদা মখা তানা এঙ্গেজমেন্ত তৌবদা তরাম্না ওকখি। জুন থাদা চেন্নাইদা মেরিতাইম রেসক্যু কোওরদিনেসন সেন্তর (এম.আর.সি.সি.)দা ওস্ত্রেলিয়া অমসুং ভারতনা পুন্না পাংথোকখিবা আই.ও.আর.এ.গী মেম্বর লৈবাকশিংগী সর্চ অমসুং রেসক্যু ত্রেনিং অমসুং ওস্ত্রেলিয়ানা জুন থাদা পর্ত্তা মেরিতাইম সেফতী এন্দ সেক্যুরিতীদা আই.ও.আর.এ. ৱর্কিং গ্রুপকী তরুকসুবা মীফম পাংথোক্কদৌরি। মখোয়না ইন্দো-পেসিফিক ওশিন ইনিসিয়েতিব (আই.পি.ও.আই.)গী মখাদা হৌজিক চত্থরিবা তেংবাং পিনবগী থবক থৌরমশিং তরাম্না ওকখি। লুচিংবা অনিনা ওস্ত্রেলিয়া-ইন্দিয়া-ইন্দোনেসিয়া ত্রাইলেতরেল মেকানিজমগী খুত্থাংদা মখা তানা তেংবাং পিনবদা তরাম্না ওকখি, মসিদা মেরিতাইম দোমেন এৱেয়রনেস, মেরিন পোলুসন, ব্লু ইকোনোমী, অমসুং রিজনেল ইন্সতিত্যুসনশিংগী খুত্থাংদা খুদোংচাবশিং থিজিনবা য়াওরি।

প্রধান মন্ত্রী অনিনা পেসিফিক আইলেন্দস ফোরম (পি.আই.এফ.), মসিগী ২০৫০গী স্ত্রেতেজি ফোর এ ব্লু পেসিফিক অসিদা মখোয়গী ৱাশক অদু অমুক হন্না চেৎশিলহল্লে অমসুং পেসিফিক রিজনগী অপুনবা মরু ওইবশিং অদু ফোঙদোক্লিবা পার্ত্নরসিপকি মরুওইবা অদু খঙখি। প্রধান মন্ত্রী অলবানিজনা ফোরম ফোর ইন্দিয়া-পেসিফিক আইলেন্দ কোওপরেসন (এফ.আই.পি.আই.সি.) ফ্রেমৱার্ক্কী খুত্থাংদা পেসিফিক আইলেন্দগী লৈবাকশিংগা চাওখৎ-থৌরাংগী পার্ত্নরসিপশিং পাকথোক-চাওথোকহনবদা ভারতকি থৌদাং অদু খঙখি। প্রধান মন্ত্রীশিংনা এসিয়ান সেন্ত্রেলিতি অমসুং এসিয়ান্না লুচিংবা রিজনেল আর্কিতেকচরদা মখোয়না শৌগৎপা অদু অমুক হন্না ফোঙদোকখি অমসুং ইন্দো-পেসিফিক (এ.ও.আই.পি.)গী মতাংদা এসিয়ান আওতলুক ইম্প্লিমেন্ত তৌবদা লেপ্পা লৈতনা শৌগৎপা ফোঙদোকখি।

প্রধান মন্ত্রী অনিনা মিদল ইস্ততা তেন্সন নৌনা হেনগৎলকপগী মতাংদা ৱাখল ৱাবা ফোঙদোকখি অমসুং পার্তি খুদিংমকপু ঙাকপী-শেনবিবা, তেন্সন হন্থহনবা, অমসুং সিভিলিয়নশিং অশোই অঙাম য়াওহন্দবদা নত্তনা ইনর্জি শপ্লাইশিং অমসুং কম্মর্সকি অথিংবা লৈতনা চত্থোক-চৎশিন তৌনবা তকশিনখি। মখোয়না লানফম অসি শান্তি ওইনা অমসুং লেংদবা ৱারোয়শিন পুরক্নবা ৱারি শান্নবা, দিপ্লোমেসি, অমসুং ইন্তর্নেস্নেল লো ঙাক্না চৎপগী মরুওইবা অদু অমুক হন্না ফোঙদোকখি। প্রধান মন্ত্রী অনিনা য়ুক্রেনগী লানগী মতাংদসু ৱাখল্লোনশিং ফোংদোক্নখি, মীওইবা জাতিগী অৱাবা তারিবশিং অসিগী মতাংদা ৱাখল ৱাবা ফোঙদোকখি অমসুং লানফম অসি শান্তি ওইনা লোয়শিন্নবা হায়নখি। মখোয়না ম্যন্মারগী ফীভম অমসুং মসিনা লমদম অসিদা পিরিবা শাফু অসিগী মতাংদা ৱাখল ৱাবা ফোঙদোকখি অমসুং ফাইব-পোইন্ত কন্সেন্সস য়াওনা এসিয়ান্না লুচিংবা হোৎনরিবশিংদা মখোয়না শৌগৎপা অদু অমুক হন্না ফোঙদোকখি।

প্রধান মন্ত্রী অনিনা তেরোরিজম অমসুং হিংশাগী এক্সত্রিমীজমগী মওং মতৌ অমসুং মশক খুদিংদা অকনবা মওংদা য়ানিংদবা ফোঙদোকখি। মখোয়না লৈবাক খুদিংমক্না তেরোরিজমগী চৈথেং অসি মপূঙ ফানা অমসুং লেপ্পা লৈতনা থেংনবগী মরুওইবা অদু ফোঙদোকখি অমসুং য়ু.এন. প্রধান মন্ত্রীশিংনা তেরোরিজম থেংনবগী খুদোংচাদবশিং ইফেক্তিব ওইনা থেংন্নবা তেংবাং পিনবা হেনগৎহনবগী মথৌ তাবা অদু শকখঙখি। মখোয়না রেদিকেলাইজেসন থেংনবদা হেন্না তেংবাং পিনবগী খুদোংচাবশিং থিজিন্নবা ৱাশকখি, মসিদা ঐখোয়গী লমদম অসিদা তেরোরিস্তশিংগী চৈথেংশিংগী মতাংদা ইনফোরমেসন সেয়র তৌবা অমসুং ওনলাইন রেদিকেলাইজেসন থেংনবা, তেরোরিজমদা মতেং পাংলিবা হিংশাগী এক্সত্রিমীজম, অমসুং তেরোরিস্তকি ফাইনান্সিং য়াওনা অনৌবা অমসুং থোরক্লিবা তেক্নোলোজিশিং তেরোরিস্তকি পান্দমশিংদা সিজিন্নবা, অমসুং মরুওইবা ইনফ্রাস্ত্রকচর অমসুং শমুদ্রগী লমদা চৈথেং পিবা য়াওরি। পহলগাম অমসুং বোন্দিগী শমুদ্র খোংবান্দা থোকখিবা অকিবনা থল্লবা থৌদোকশিং য়াওনা তেরোরিস্তশিংগী এতেক্তশিং অদু মখোয়না অমুক হন্না য়ানিংদবা ফোঙদোকখি।

প্রধান মন্ত্রীশিংনা য়ুনাইতেদ নেসন্স সেক্যুরিতি কাউন্সিল (য়ু.এন.এস.সি.)দা খুদক্কী ওইবা রিফোর্মগী মথৌ তাবা অদুদা অকনবা ৱাফম থমখি, মসিদা মতম অসিগী জিওপোলিতিকেল রিএলিতিশিং হেন্না ফজনা উৎনবা হেন্না পরমেনেন্ত অমসুং নন-পর্মনেন্ত রিপ্রজেন্তেসন য়াওরি। মল্তিলেতরেলিজম অমসুং য়ুনাইতেদ নেসন্সতা ভারতনা মতম শাংনা কন্ত্রিব্যুসন পিখিবা অদু য়েংলগা, ওস্ত্রেলিয়ানা য়ু.এন.গী সেক্যুরিতি কাওন্সিলদা পর্মেনেন্ত সিৎ অমা ফংনবা ভারতনা কেন্দিদেত ওইনা শৌগৎপা অদু অমুক হন্না ফোঙদোকখি। লুচিংবা অনিনা য়ু.এন.গী সেক্যুরিতি কাওন্সিলগী নন-পর্মেনেন্ত কেন্দিদেতশিং, ২০২৮-২০২৯গী তর্মগীদমক ভারত অমসুং ২০২৯-২০৩০গী তারমগীদমক ওস্ত্রেলিয়াদা অমনা অমগী নন-পর্মেনেন্ত কেন্দিদেতশিংদা মখোয়গী মরক্তা মতেং পাংনবা অমুক হন্না ফোঙদোকখি। মখোয়না ওর্গনাইজেসন অসিগী ইফিসিএন্সি অমসুং ইফেক্তিবনেস হেঙ্গৎহন্নবা অপুনবা য়ু.এন.গী রিফোর্মশিংগী মথৌ তাবদসু অকনবা ৱাফম থমখি।

প্রধান মন্ত্রী অনিনা নাকল অনিগী মরিদা খুমাং চাওশিনবদা হরাওবা ফোঙদোকখি অমসুং নাকল অনিমক্কী কান্নবা অমসুং নীংতম্বা, অমুক্তং, নিয়মশিংদা য়ুম্ফম ওইবা, শান্তি লৈবা, অমসুং য়াইফবা ইন্দো-পেসিফিক অমা ওইনবগীদমক কম্প্রেহেন্সিব স্ত্রেতেজিক পার্ত্নরসিপকি মথংগী তাঙ্কক খঙদোক্নবা মখোয়গী ৱাশক অদু অমুক হন্না চেৎশিলহল্লে।

 ***