ક્રમાંક

શીર્ષક

સંક્ષિપ્ત વર્ણન

1

ભારતના સંરક્ષણ મંત્રાલય અને ન્યૂઝીલેન્ડ ડિફેન્સ ફોર્સ વચ્ચે દરિયાઈ સહયોગ અંગેની વ્યવસ્થાનું મેમોરેન્ડમ

સંવાદ, સંકલન, માહિતીનું આદાન-પ્રદાન અને સંયુક્ત પ્રવૃત્તિઓ દ્વારા ઈન્ડો-પેસિફિકમાં ઉન્નત દરિયાઈ સહયોગ માટે એક માળખું સ્થાપિત કરે છે.

2

ભારત અને ન્યૂઝીલેન્ડ વચ્ચે હાઇડ્રોગ્રાફી અને નોટિકલ કાર્ટોગ્રાફીની બાબતોમાં સહયોગ સંબંધિત અમલીકરણ વ્યવસ્થા

નેવિગેશનલ ચાર્ટ્સના સંયુક્ત ઉત્પાદન, હાઇડ્રોગ્રાફિક ડેટા શેરિંગ, તાલીમ અને ક્ષમતા નિર્માણ દ્વારા હાઇડ્રોગ્રાફિક સહયોગને મજબૂત બનાવે છે.

3

ભારતીય નૌકાદળ અને ન્યૂઝીલેન્ડ ડિફેન્સ ફોર્સ વચ્ચે પરસ્પર લોજિસ્ટિક્સ સપોર્ટ પૂરો પાડવા સંબંધિત વ્યવસ્થા

મંજૂર પ્રવૃત્તિઓ અને કામગીરી દરમિયાન ભારતીય નૌકાદળ અને ન્યૂઝીલેન્ડ ડિફેન્સ ફોર્સ વચ્ચે પરસ્પર લોજિસ્ટિક્સ સપોર્ટની સુવિધા આપે છે.

4

ભારત અને ન્યૂઝીલેન્ડ વચ્ચે કાઉન્ટર-ટેરરિઝમ પર સંયુક્ત કાર્યકારી જૂથની સ્થાપના અંગેની વ્યવસ્થા

આતંકવાદનો મુકાબલો કરવા માટે સહયોગ મજબૂત કરવા, માહિતીનું આદાન-પ્રદાન કરવા અને પ્રયત્નોનું સંકલન કરવા માટે કાઉન્ટર-ટેરરિઝમ પર એક સંયુક્ત કાર્યકારી જૂથની સ્થાપના કરે છે.

5

ભારતના રાષ્ટ્રીય આપત્તિ વ્યવસ્થાપન સત્તામંડળ અને ન્યૂઝીલેન્ડની નેશનલ ઇમરજન્સી મેનેજમેન્ટ એજન્સી (NEMA) વચ્ચે સહકારનું મેમોરેન્ડમ

ભૂકંપ સ્થિતિસ્થાપકતા, સુનામી સજ્જતા, દરિયાકાંઠાના જોખમોના શમન, જ્ઞાનનું આદાન-પ્રદાન, નીતિ સંવાદ અને ક્ષમતા નિર્માણ પર ભાર મૂકવાની સાથે આપત્તિ જોખમ વ્યવસ્થાપનમાં સહયોગને પ્રોત્સાહન આપે છે.

6

ભારતના મત્સ્યોદ્યોગ, પશુપાલન અને ડેરી મંત્રાલય અને ન્યૂઝીલેન્ડના પ્રાથમિક ઉદ્યોગોના મંત્રાલય વચ્ચે પશુપાલન અને ડેરીના ક્ષેત્રોમાં સહકારનું મેમોરેન્ડમ

તકનીકી સહયોગ, જ્ઞાનનું આદાન-પ્રદાન અને શ્રેષ્ઠ પદ્ધતિઓ દ્વારા પશુપાલન અને ડેરી ક્ષેત્રે ઉન્નત સહયોગ માટે એક માળખું બનાવે છે.

7

ભારતના પ્રવાસન મંત્રાલય અને ન્યૂઝીલેન્ડના બિઝનેસ, ઇનોવેશન અને એમ્પ્લોયમેન્ટ મંત્રાલય વચ્ચે પ્રવાસન ક્ષેત્રે વ્યવસ્થાનું મેમોરેન્ડમ

આર્થિક સંબંધોને મજબૂત કરવા, પ્રવાસીઓનો પ્રવાહ વધારવા અને દરેક દેશની સંસ્કૃતિની પરસ્પર સમજણને વધારવા માટે પ્રવાસનમાં સહયોગને પ્રોત્સાહન આપે છે.

8

રમતગમત પર ભારત-ન્યૂઝીલેન્ડ સંયુક્ત કાર્ય યોજના

ઉચ્ચ-પ્રદર્શન રમતગમત, રમતગમત વિજ્ઞાન, સ્પોર્ટ્સ મેડિસિન અને એથ્લેટ વિકાસ સહિત રમતગમતમાં સહયોગ માટે એક માળખું પૂરું પાડે છે

9

NMHC અને ન્યૂઝીલેન્ડ મેરિટાઇમ મ્યુઝિયમ વચ્ચે ગુજરાતમાં લોથલ ખાતે નેશનલ મેરિટાઇમ હેરિટેજ કોમ્પ્લેક્સ (NMHC) ના વિકાસ માટે વ્યવસ્થાનું મેમોરેન્ડમ

સહયોગ અને પરસ્પર સંમત પ્રોજેક્ટ્સ દ્વારા લોથલ ખાતે NMHC વિકસાવવામાં સહકાર માટે એક માળખું પૂરું પાડે છે.

10

ભારતના સંસ્કૃતિ મંત્રાલય અને ન્યૂઝીલેન્ડના સંસ્કૃતિ અને હેરિટેજ મંત્રાલય વચ્ચે સાંસ્કૃતિક સહયોગ અંગેની વ્યવસ્થા

પરસ્પર સમજણ અને લોકો વચ્ચેના સંબંધોને મજબૂત કરવા માટે કળા, હેરિટેજ અને સાંસ્કૃતિક પહેલોમાં આદાન-પ્રદાન દ્વારા સાંસ્કૃતિક સહયોગને પ્રોત્સાહન આપે છે.

ક્રમાંક

શીર્ષક

સંક્ષિપ્ત વર્ણન

1

ભારત-ન્યૂઝીલેન્ડ વ્યૂહાત્મક ભાગીદારી અને 2030 સુધીનો રોડમેપ

ભારત અને ન્યૂઝીલેન્ડે તેમના સંબંધોને વ્યૂહાત્મક ભાગીદારીમાં પરિવર્તિત કર્યા છે, જે વેપાર, સંરક્ષણ, દરિયાઈ સુરક્ષા, પ્રવાસન, સંસ્કૃતિ, રમતગમત, એગ્રી-ટેક, લોકો વચ્ચેના સંબંધો તેમજ ઈન્ડો-પેસિફિક પ્રાથમિકતાઓ અને બહુપક્ષીય મુદ્દાઓ પર સંકલનને મજબૂત બનાવે છે. રોડમેપ ટૂ 2030 આગામી ચાર વર્ષ માટે સંબંધિત મંત્રાલયો અને હિતધારકોમાં ભારત-ન્યૂઝીલેન્ડ વ્યૂહાત્મક ભાગીદારીના સુવ્યવસ્થિત અમલીકરણને માર્ગદર્શન આપવા માટે એક વ્યૂહાત્મક રોડમેપ પૂરો પાડે છે.

2

2030 સુધીમાં દ્વિપક્ષીય વેપાર બમણો કરીને 7 બિલિયન ન્યુઝીલેન્ડ ડોલર અથવા 35,000 કરોડ રૂપિયા કરવાનો

મુક્ત વેપાર કરાર હેઠળ, બંને પક્ષો આર્થિક સંબંધોને મજબૂત કરવા અને બજારની પહોંચ વધારવા માટે 2030 સુધીમાં તેમના વેપારને બમણો કરીને 7 બિલિયન ન્યુઝીલેન્ડ ડોલર (₹35,000 કરોડ) કરવાનો લક્ષ્ય રાખે છે.

3

દરિયાઈ સુરક્ષા સંવાદ સ્થાપિત કરવો

ભારત અને ન્યૂઝીલેન્ડ સહયોગ, સંકલન અને માહિતીના આદાન-પ્રદાનને મજબૂત કરવા માટે દરિયાઈ સુરક્ષા સંવાદ સ્થાપિત કરવા સંમત થયા છે.

4

ન્યૂઝીલેન્ડ ઇન્ડો-પેસિફિક ઓશન્સ ઇનિશિયેટિવ (IPOI) હેઠળ દરિયાઈ સુરક્ષાને અગ્રતાના સ્તંભ તરીકે નામાંકિત કરે છે

IPOI ના સાત સ્તંભો હેઠળ, ન્યૂઝીલેન્ડ ગેરકાયદે, અણનોંધાયેલ અને અનિયમિત (IUU) માછીમારીનો મુકાબલો કરવા પર કેન્દ્રિત ચોક્કસ સહયોગ પ્રવૃત્તિઓ હાથ ધરવા માટે દરિયાઈ સુરક્ષા સ્તંભમાં જોડાયું છે.

5

ન્યૂઝીલેન્ડ વૈશ્વિક બાયોફ્યુઅલ એલાયન્સમાં જોડાયું

ન્યૂઝીલેન્ડનું ગ્લોબલ બાયોફ્યુઅલ એલાયન્સમાં જોડાણ સ્વચ્છ ઊર્જા સંક્રમણ માટે ટકાઉ બાયોફ્યુઅલના વિકાસ અને અપનાવવાની પ્રક્રિયાને ઝડપી બનાવવા માટે આંતરરાષ્ટ્રીય સહયોગને મજબૂત બનાવે છે.

6

કીવીફ્રુટ એક્શન પ્લાનનો પ્રારંભ અને નાગાલેન્ડ અને ઉત્તરાખંડમાં કીવીફ્રુટ માટે 2 સેન્ટર્સ ઓફ એક્સેલન્સની સ્થાપના

મુક્ત વેપાર કરાર હેઠળ કૃષિ ઉત્પાદકતા ભાગીદારી અંતર્ગત, ઉત્પાદકતા વધારવા માટે શિક્ષણ, કૌશલ્ય વિકાસ અને કૃષિ નવીનતામાં સહયોગ દ્વારા સમર્થિત નાગાલેન્ડ અને ઉત્તરાખંડમાં બે સેન્ટર્સ ઓફ એક્સેલન્સની સ્થાપના સાથે કીવીફ્રુટ એક્શન પ્લાન શરૂ કરવામાં આવી રહ્યો છે.

7

નેશનલ સેન્ટર ફોર પોલર એન્ડ ઓશન રિસર્ચ (NCPOR), ગોવા અને યુનિવર્સિટી ઓફ કેન્ટરબરી, NZ વચ્ચે એમઓયુ

એન્ટાર્કટિક સંશોધનમાં સહયોગ માટે એક માળખું સ્થાપિત કરે છે. તેનો ઉદ્દેશ્ય સંયુક્ત સંશોધન, શૈક્ષણિક આદાન-પ્રદાન, ક્ષમતા નિર્માણ અને અન્ય પરસ્પર ફાયદાકારક વૈજ્ઞાનિક અને શૈક્ષણિક પ્રવૃત્તિઓને પ્રોત્સાહન આપીને ભાગીદારીને મજબૂત કરવાનો છે.

8

નેશનલ ઇન્સ્ટિટ્યૂટ ઓફ ફૂડ ટેક્નોલોજી, આંત્રપ્રિન્યોરશિપ એન્ડ મેનેજમેન્ટ, કુંડલી (NIFTEM-K) અને મેસી યુનિવર્સિટી, ન્યૂઝીલેન્ડ વચ્ચે એમઓયુ

સંશોધન, શૈક્ષણિક આદાન-પ્રદાન, વિદ્યાર્થીઓની ગતિશીલતા (સ્ટુડન્ટ મોબિલિટી) અને અન્ય પરસ્પર સંમત શૈક્ષણિક પ્રવૃત્તિઓમાં સહકાર માટે એક માળખું સ્થાપિત કરે છે.