ਸਰਕਾਰ ਨੇ ਕੀਮਤ ਸਥਿਰਤਾ ਬਫਰ ਲਈ ਪਿਆਜ਼ ਦੀ ਖਰੀਦ ਕੀਮਤ ਵਿੱਚ 13 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਹੈ, ਜੋ ਕਿ 1,875 ਰੁਪਏ ਪ੍ਰਤੀ ਕੁਇੰਟਲ ਤੋਂ ਵਧ ਕੇ 2,125 ਰੁਪਏ ਪ੍ਰਤੀ ਕੁਇੰਟਲ ਹੋ ਗਈ ਹੈ। ਸੋਧੀ ਹੋਈ ਖਰੀਦ ਕੀਮਤ 4 ਜੁਲਾਈ, 2026 ਤੋਂ ਲਾਗੂ ਹੈ। ਸਰਕਾਰ ਦੇ ਕੀਮਤ ਸਥਿਰਤਾ ਬਫਰ ਲਈ NAFED ਅਤੇ NCCF ਰਾਹੀਂ ਪਿਆਜ਼ ਦੀ ਖਰੀਦ ਜਾਰੀ ਹੈ। ਸੋਧੀ ਹੋਈ ਖਰੀਦ ਕੀਮਤ ਪਿਆਜ਼ ਕਿਸਾਨਾਂ ਨੂੰ ਬਿਹਤਰ ਲਾਭ ਪ੍ਰਦਾਨ ਕਰੇਗੀ ਅਤੇ ਨਾਲ ਹੀ ਬਫਰ ਖਰੀਦ ਯਤਨਾਂ ਦਾ ਵੀ ਸਮਰਥਨ ਕਰੇਗੀ।

ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਦੇ 2025-26 ਦੇ ਦੂਜੇ ਪੇਸ਼ਗੀ ਅਨੁਮਾਨ ਦੇ ਅਨੁਸਾਰ, ਪਿਆਜ਼ ਦਾ ਉਤਪਾਦਨ 307.37 ਲੱਖ ਮੀਟ੍ਰਿਕ ਟਨ (LMT) ਹੋਣ ਦਾ ਅਨੁਮਾਨ ਹੈ, ਜੋ ਕਿ 2024-25 ਦੇ 307.67 ਲੱਖ ਮੀਟ੍ਰਿਕ ਟਨ ਦੇ ਉਤਪਾਦਨ ਦੇ ਲਗਭਗ ਬਰਾਬਰ ਹੈ। ਉਤਪਾਦਕ ਅਨੁਮਾਨਾਂ ਨੂੰ ਦੇਖਦੇ ਹੋਏ, ਹਾਲੇ ਪਿਆਜ਼ ਦੀ ਕੁੱਲ ਉਪਲਬਧਤਾ ਚਿੰਤਾ ਦਾ ਵਿਸ਼ਾ ਨਹੀਂ ਹੈ, ਹਾਲਾਂਕਿ ਕੀਮਤਾਂ ਵਿੱਚ ਆਮ ਮੌਸਮੀ ਉਤਰਾਅ-ਚੜ੍ਹਾਅ ਦੇ ਅਨੁਸਾਰ ਮਾਮੂਲੀ ਵਾਧੇ ਦੀ ਉਮੀਦ ਕੀਤੀ ਜਾ ਸਕਦੀ ਹੈ।

ਮਹਾਰਾਸ਼ਟਰ, ਮੱਧ ਪ੍ਰਦੇਸ਼ ਅਤੇ ਗੁਜਰਾਤ ਵਿੱਚ ਪਿਆਜ਼ ਦਾ ਕਾਫੀ ਸਟਾਕ ਹੈ। ਵਰਤਮਾਨ ਵਿੱਚ, ਸਟੋਰ ਕੀਤੇ ਪਿਆਜ਼ ਦੀ ਕਮੀ ਦੇ ਕੋਈ ਸੰਕੇਤ ਨਹੀਂ ਹਨ।

ਆਲ ਇੰਡੀਆ ਪੱਧਰ 'ਤੇ ਰੋਜ਼ਾਨਾ ਮੰਡੀ ਵਿੱਚ ਆਮਦ 50,000 ਮੀਟ੍ਰਿਕ ਟਨ ਤੋਂ ਵੱਧ ਬਣੀ ਹੋਈ ਹੈ, ਜਦਕਿ ਮਹਾਰਾਸ਼ਟਰ ਵਿੱਚ ਇਹ ਆਮਦ 30,000 ਮੀਟ੍ਰਿਕ ਟਨ ਤੋਂ ਵੱਧ ਹੈ, ਅਤੇ ਔਸਤ ਪ੍ਰਚੂਨ ਕੀਮਤ ਲਗਭਗ 18 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ। ਬਿਹਤਰ ਗੁਣਵੱਤਾ ਵਾਲਾ ਸਟਾਕ ਭੰਡਾਰ ਵਿੱਚ ਬਣਿਆ ਹੋਇਆ ਹੈ ਅਤੇ ਮੰਦੀ ਦੌਰਾਨ ਇਸ ਦੇ ਜਾਰੀ ਹੋਣ ਦੀ ਉਮੀਦ ਹੈ। ਆਲ-ਇੰਡੀਆ ਔਸਤ ਰੀਟੇਲ ਕੀਮਤ 31 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ।

ਮੌਨਸੂਨ ਦੇ ਆਉਣ ਵਿੱਚ ਦੇਰੀ ਅਤੇ ਕੁਝ ਖੇਤਰਾਂ ਵਿੱਚ ਸਧਾਰਣ ਤੋਂ ਘੱਟ ਬਾਰਿਸ਼ ਕਾਰਨ ਵਪਾਰੀਆਂ ਦੇ ਇੱਕ ਵਰਗ ਦੁਆਰਾ ਸੱਟੇਬਾਜ਼ੀ ਦੇ ਅਧਾਰ ‘ਤੇ ਖਰੀਦਦਾਰੀ ਕੀਤੀ ਜਾ ਰਹੀ ਹੈ, ਹਾਲਾਂਕਿ ਪ੍ਰਮੁੱਖ ਉਪਭੋਗਤਾ ਕੇਂਦਰਾਂ ਵਿੱਚ ਮੌਜੂਦਾ ਕੀਮਤਾਂ 'ਤੇ ਕੋਈ ਮਹੱਤਵਪੂਰਨ ਮੰਗ ਨਹੀਂ ਹੈ। ਖਪਤਕਾਰ ਬਜ਼ਾਰਾਂ ਵਿੱਚ ਸਕਾਰਾਤਮਕ ਮਾਹੌਲ ਦੇ ਬਾਵਜੂਦ, ਨਾਸਿਕ ਅਤੇ ਮੱਧ ਪ੍ਰਦੇਸ਼ ਦੇ ਕੁਝ ਹਿੱਸਿਆਂ ਜਿਵੇਂ ਕਿ ਉਤਪਾਦਨ ਕੇਂਦਰਾਂ ਵਿੱਚ ਸੱਟੇਬਾਜ਼ੀ ਦੀਆਂ ਗਤੀਵਿਧੀਆਂ ਦੇਖੀਆਂ ਜਾ ਰਹੀਆਂ ਹਨ ਜੋ ਕਿ ਮਜ਼ਬੂਤ ​​ਅਸਲ ਮੰਗ ਦੀ ਬਜਾਏ ਭਵਿੱਖ ਵਿੱਚ ਬਜ਼ਾਰ ਵਿੱਚ ਸੁਧਾਰ ਦੀਆਂ ਉਮੀਦਾਂ ‘ਤੇ ਅਧਾਰਿਤ ਹਨ।

ਪਿਆਜ਼ ਦਾ ਨਿਰਯਾਤ ਆਮ ਹੈ, ਜੂਨ 2026 ਦੌਰਾਨ ਲਗਭਗ 1.50 ਲੱਖ ਮੀਟ੍ਰਿਕ ਟਨ ਪਿਆਜ਼ ਦਾ ਨਿਰਯਾਤ ਹੋਇਆ। ਹਾਲਾਂਕਿ, ਵਪਾਰੀਆਂ ਨੂੰ ਉਮੀਦ ਹੈ ਕਿ ਪਿਆਜ਼ ਦੇ ਨਿਰਯਾਤ ਦੀ ਗਤੀ ਥੋੜ੍ਹੇ ਸਮੇਂ ਲਈ ਹੌਲੀ ਹੋ ਸਕਦੀ ਹੈ, ਮੁੱਖ ਤੌਰ 'ਤੇ ਇਸ ਲਈ ਕਿਉਂਕਿ ਪਾਕਿਸਤਾਨ ਅਤੇ ਚੀਨ ਤੋਂ ਤਾਜ਼ੀਆਂ ਫਸਲਾਂ ਖਾੜੀ ਦੇਸ਼ਾਂ, ਸ੍ਰੀਲੰਕਾ ਅਤੇ ਦੂਰ-ਦੁਰਾਡੇ ਪੂਰਬ ਵਰਗੇ ਪ੍ਰਮੁੱਖ ਨਿਰਯਾਤ ਸਥਾਨਾਂ ਵਿੱਚ ਮੁਕਾਬਲੇ ਵਾਲੀਆਂ ਦਰਾਂ 'ਤੇ ਉਪਲਬਧ ਹਨ।

ਜਿੱਥੇ ਮਹਾਰਾਸ਼ਟਰ ਦੇ ਨਾਸਿਕ ਖੇਤਰ ਵਿੱਚ ਖਰੀਫ ਦੀ ਬਿਜਾਈ ਵਿੱਚ ਲਗਭਗ 15 ਦਿਨਾਂ ਦੀ ਦੇਰੀ ਦਰਜ ਕੀਤੀ ਗਈ ਹੈ, ਉੱਥੇ ਹੀ ਕਰਨਾਟਕ ਦੇ ਚਿੱਤਰਦੁਰਗ ਅਤੇ ਚੱਲਾਕੇਰੇ ਖੇਤਰਾਂ ਵਿੱਚ ਬਿਜਾਈ ਦੀ ਪ੍ਰਗਤੀ ਸਧਾਰਣ ਪੱਧਰ ਤੋਂ ਲਗਭਗ 60 ਪ੍ਰਤੀਸ਼ਤ ਹੋਣ ਦਾ ਅਨੁਮਾਨ ਹੈ।

To strengthen farmer welfare, the Government has increased the onion procurement rate in Maharashtra from ₹1875 per quintal to ₹2125 per quintal under PSF for creating the National onion buffer stock. The new rate, which is around 13% higher than the previous rate, is effective… pic.twitter.com/o2kWKxotkt

— Consumer Affairs (@jagograhakjago) July 4, 2026

*****

ਆਰਟੀ/ਐੱਸਬੀ/ਏਆਰਸੀ /ਏਕੇ