লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী মখাদা লৈবা নেস্নেল রেনফেদ এরিয়া ওথোরিতী (এন.আর.এ.এ.) না "ইন-সিতু কঞ্জর্বেসন এন্দ মেনেজমেন্ত ওফ ৱাইল্দ রাইস (ওরিজা রুফিপোগোন) ইন সোনিৎপুর দিস্ত্রিক্ত ওফ অসাম" হায়না মিংথোনবা শেন্থং পীথবা প্রোজেক্তকী থোংদা ভারতকী ৱাইল্দ রাইস জেনেতিক রিসোর্সশিং ঙাক-শেন্দুনা থম্বদা মরু ওইবা মাইলস্তোন অমা ফংলে। প্রোজেক্ত অসি আই.সি.এ.আর.-নেস্নেল ব্যুরো ওফ প্লান্ত জেনেতিক রিসোর্সেস (আই.সি.এ.আর.-এন.বি.পি.জি.আর.), ন্যু দিল্লীনা অসাম স্তেত বাইওদাইভর্সিতী বোর্দকা খুৎশম্নদুনা ২০২২দগী পায়খৎলি।

আই.সি.এ.আর.-এন.বি.পি.জি.আর.গী সাইন্তিস্তকী কাংলুপ অমনা এন.আর.এ.এ.গী চিফ একজিক্যুতিব ওফিসর, আই.এ.এস., দোক্তর চন্দ্র শেখর কুমারগা উনখি অমসুং মঙোন্দা ৱাইল্দ রাইস জর্মপ্লাজমগী এক্সপ্লোরেসন, কঞ্জর্বেসন অমসুং কেরেক্তরাইজেসনদা প্রোজেক্ত অসিনা ফংলিবা মাই পাকপগী মতাংদা পাউদমখি। প্রোজেক্ত অসিগী মখাদা মশক খঙদোকখিবা অসামগী সোনিৎপুর দিস্ত্রিক্তকী বোর্জুলি সাইৎ অসি নেস্নেল বাইওদাইবর্সিতী ওথোরিতীনা বাইওদাইবর্সিতী হেরিতেজ সাইৎ অমা ওইনা নোতিফাই তৌখ্রে হায়না তীম অসিনা পাউদমখি। শকখঙবা অসিনা ভারতকী ইনাক খুল্লবা  ৱাইল্দ রাইস দাইভর্সিতী ঙাক-শেন্দুনা থম্নবা অমসুং ক্লাইমেৎ রেসিলেন্ত এগ্রিকলচর মপাঙ্গল কনখৎহন্নবগী মায়কৈদা অচৌবা খোঙথাং অমনি।

রিসর্চ তীমগী হোৎনরিবশিংবু থাগৎলদুনা, দোক্তর চন্দ্র শেখর কুমারনা হায়খি মদুদি ৱাইল্দ রাইস স্পেসিস অসি ক্লাইমেৎ রেসিলিয়েন্ত, হাই-য়েল্দিং অমসুং মচি ওইবা মচাকশিং ৱাংনা য়াওবা চেং ভেরাইতীশিং শেমগৎনবা জিনশিংগী মমল য়াম্লবা সোর্স অমনি। ভারতকী লৌউ-শিংউগী রেসিলিয়েন্সী, সস্তেনেবিলিতী অমসুং মতম শাংনা ফুদ সেক্যুরিতী হেনগৎহন্নবা লৈবাক শিনবা থুংনা অতোপ্পা মহৈ-মরোংশিংগা মরী লৈনবা ৱাইল্দ রিলেতিবশিংগীদমক কঞ্জর্বেসন ইনিসিএতিবশিং অসি অমুক হন্না পাংথোকপগী তঙাইফদবা অদু মহাক্না ফোংদোকখি।

মীফম অদু এন.আর.এ.এ.গী দিরেক্তর (এগ্রিকলচর অমসুং হোর্তিকলচর) দোক্তর পঙ্কজ কুমার শাহ অমসুং এন.আর.এ.এ.গী তেক্নিকেল এক্সপর্ত (ৱাতরশেদ মেনেজমেন্ত), দোক্তর অনিল কুমার মিশ্রানা শিনখি।

*****