কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতী নির্মলা সিতারমন ঙসি ফ্রান্সতা ওফিসিএল ওইবা খোঙচৎ অমদা চৎখ্রে। মহাক্না ভারত-ফ্রান্স স্ত্রেতেজিক পার্তনরশিপ মখা তানা মপাঙ্গল কনখৎহন্নবা, ইকোনোমিক কোওপরেসন হেনগৎহন্নবা অমসুং ইনভেস্তমেন্ত, তেক্নোলোজী কোলাবোরেসন অমসুং ইন্নোবেসন প্রমোৎ তৌনবা পান্দম থম্লিবা অৱাংবা থাক্কী বাইলেতরেল এঙ্গেজমেন্তশিংদা শরুক য়াগনি।

খোঙচৎ অসিগী মনুংদা মরুওইবা এঙ্গেজমেন্ত অসি  এক্স-এন-প্রোভান্সতা পাংথোক্কদবা ভারত-ফ্রান্স ইকোনোমিক এন্দ ফাইনান্সিএল দাইলোগ (ই.এফ.দি.)দা শ্রীমতি সিতারমন অমসুং সোভরেন্তী ওফ ফ্রান্সকী ইকোনোমী, ফাইনান্স অমসুং ইন্দস্ত্রীএল অমসুং ইনর্জীগী মন্ত্রী, মিস্তর রোলেন্দ লেস্ক্যুরনা কো চিয়র তৌবা অসি ওইগনি। ই.এফ.দি.গী শরুক অমা ওইনা, লৈবাক অনিমক্না তোঙান তোঙানবা সেক্তরশিংদা হেন্না চাউনা নাকল অনিগী ওইবা মতেং পীনবগী ওইথোকপা য়াবা লমশিং অমসুং ভারত অমসুং ফ্রান্সকী মরক্তা লৈরিবা শেন্মিৎলোনগী মরীশিং মখা তানা হেনগৎহন্নবা খন্ন-নৈনগনি।

খোঙচৎ অসিগী মনুংদা, কেন্দ্রগী শেল-থুম মন্ত্রীনা মালেমগী সি.ই.ও.শিংগা লোয়ননা ৱান-তু-ৱান মীফমশিং পাংথোক্কনি অমসুং ভারতকী মপাঙ্গল কনবা মেক্রোইকোনোমিক ফন্দামেন্তেলশিং, চত্থরিবা স্ত্রকচরেল রিফোর্মশিং, ইনভেস্তমেন্তগী খুদোংচাবশিং পাকথোক চাউথোকহনবা অমসুং মতম শাংবা গ্রোথ প্রোস্পেক্তিবশিং উৎনবগীদমক মমিং লৈরবা বিজিনেস একজিক্যুতিবশিংগা লোয়ননা রাউন্দ তেবলদা শরুক য়াগনি।

এফ.এম. শ্রীমতী সিতারমননা মালেমগী ইকোনোমিক অমসুং পব্লিক পোলিসীগী ইসুশিংদা দাইলোগ তৌনবা য়ুরোপকী মকোক থোংবা চহিগী ওইবা ফোরম অমা ওইরিবা লেস রেনকোন্ত্রেস ইকোনোমিকস দি এক্স-এন-প্রোভেন্সতা হীরম অসিগী মতাংদা পেনেল দিস্কসন্দা শরুক য়াগনি। লে সর্কেল দেস ইকোনোমিস্তসনা শিন্দুনা ফোরম অসিনা হৌজিক্কী মতমগী শেন্মিৎলোনগী শিংনবশিংগী মতাংদা খন্ন-নৈনবগীদমক্তা সরকারগী মকোক থোংবশিং, মন্ত্রীশিং, সেন্ত্রেল বেঙ্করশিং, বিজিনেস লুচিংবশিং, ইকোনোমীস্তশিং, একাদেমিকশিং অমসুং মালেম শিনবা থুংবদগী ইন্তর্নেস্নেল ওর্গানাইজেসনশিংগী মীহুৎশিংবু পুনশিল্লি।

কেন্দ্রগী শেল-থুম মন্ত্রীনা কাদরাচেদা লৈবা ইন্তর্নেস্নেল থর্মোন্যুক্লিয়র এক্সপরিমেন্তেল রিএক্তর (আই.তি.ই.আর.)দা চৎকনি। আই.তি.ই.আর. অসি ন্যুক্লিয়র ফ্যুজন ইনর্জীদা পার্তনর লৈবাক ৩০ হেনবনা শরুক য়াবা, ভারত অমসুং ফ্রান্স য়াওনা মালেমগী খ্বাইদগী চাউবা ইন্তর্নেস্নেল সাইন্তিফিক কোলাবোরেসনশিংগী মনুংদা অমনি। মহাক্না সাইবর সেক্যুরিতী ইন্নোবেসন, রিসর্চ, স্কিল দিবেলপমেন্ত অমসুং সরকার, ইন্দস্ত্রী অমসুং একাদেমিয়াগী মরক্তা কোলাবোরেসনগীদমক কৎথোকপা ফ্রান্সকী নেস্নেল হব কেম্পস সাইবরদসু চৎকনি। খোঙচৎ অসিনা সাইবর রেসিলিয়েন্স মপাঙ্গল কনখৎহন্নবা অমসুং দিজিতেল ইকোনোমীদা ইন্নোবেসন পুক্নিং থৌগৎপদা এক্সপরিয়েন্স অমসুং খ্বাইদগী ফবা থৌওংশিং এক্সচেঞ্জ তৌবদা মতেং পাংগনি হায়না পানরি।

এফ.এম. শ্রীমতী সিতারমননা প্রোভেন্স-আল্পস-কোৎ দি'জুর (পি.এ.সি.এ.) রিজনগী প্রসিদেন্ত রেনোদ মুসিলিয়রগা উনদুনা ইনভেস্তমেন্ত, ইন্নোবেসন, ক্লিন ইনর্জী, তেক্নোলোজী অমসুং রিজনেল ইকোনোমিক পার্তনরশিপ য়াওনা নাকল অসিগী কান্নগদবা লমশিংদা তেংবাং পীনবা হেনগৎহন্নবা লম্বীশিং খন্নখি।

কেন্দ্রগী শেল-থুম মন্ত্রীনা মহাক্কী ওফিসিএল খোঙচৎ অদু ইন্দিয়ন দাইস্পোরাগী মীহুৎশিংগা লোয়ননা কম্ম্যুনিতীগী থৌরম অমা পাংথোক্তুনা লোইশিনগনি।

****