ভাৰত চৰকাৰৰ ভাৰতীয় কৃষি গৱেষণা পৰিষদ (আইচিএআৰ) আৰু ছেচিলছ গণৰাজ্যৰ মীনপালন, কৃষি আৰু নীলা অৰ্থনীতি মন্ত্ৰালয়ৰ কৃষি বিভাগে প্ৰধানমন্ত্ৰীৰ ছেচিলছ গণৰাজ্য ভ্ৰমণৰ সময়ত কৃষি গৱেষণা আৰু শিক্ষাৰ ক্ষেত্ৰত দ্বিপাক্ষিক সহযোগিতা শক্তিশালী কৰাৰ বাবে এক বুজাবুজিৰ চুক্তিত স্বাক্ষৰ কৰে।

দুয়োখন দেশৰ মাজত কৃষি গৱেষণা, শিক্ষা, ক্ষমতা নিৰ্মাণ আৰু প্ৰযুক্তিৰ হস্তান্তৰত সহযোগিতা বৃদ্ধিৰ বাবে এই বুজাবুজিৰ চুক্তিত স্বাক্ষৰ কৰা হয়। ই যৌথ গৱেষণা কাৰ্যসূচীৰ প্ৰচাৰ, বিজ্ঞানী, গৱেষক আৰু শিক্ষাৰ্থীসকলৰ বিনিময় আৰু উন্নত কৃষি প্ৰযুক্তি তথা সৰ্বশ্ৰেষ্ঠ অনুশীলনৰ আদান-প্ৰদানৰ বাবে এক পৰিকাঠামো প্ৰদান কৰে।

চুক্তিখন কাৰ্যকৰী কৰিবলৈ দুয়োপক্ষই পাঁচ বছৰীয়া কাৰ্য্য পৰিকল্পনা (২০২৬-২০৩১) ত স্বাক্ষৰ কৰে। এই কাৰ্য্য পৰিকল্পনাত জলবায়ু-স্মাৰ্ট কৃষি, উদ্যানপালন, শস্য চপোৱাৰ পিছৰ ব্যৱস্থাপনা, পশুধনৰ বিকাশ আৰু বহনক্ষম খাদ্য আৰু পুষ্টি সুৰক্ষাকে ধৰি মূল ক্ষেত্ৰসমূহৰ ওপৰত গুৰুত্ব আৰোপ কৰা হৈছে।

এই সহযোগিতাৰ লক্ষ্য হৈছে জলবায়ু পৰিৱৰ্তন আৰু খাদ্য সুৰক্ষাৰ দৰে উদীয়মান প্ৰত্যাহ্বানৰ মোকাবিলা কৰাৰ লগতে প্ৰতিষ্ঠানিক সংযোগ শক্তিশালী কৰা, কৃষি উৎপাদনশীলতা উন্নত কৰা, কাৰিকৰী ক্ষমতা গঢ়ি তোলা, বহনক্ষম কৃষি উন্নয়নত সহায় কৰা. যুটীয়া গৱেষণা কাৰ্যসূচীৰ প্ৰচাৰ কৰা, বিজ্ঞানী, গৱেষক আৰু শিক্ষাৰ্থীসকলৰ বিনিময়, উন্নত কৃষি প্ৰযুক্তি আৰু সৰ্বশ্ৰেষ্ঠ অনুশীলনসমূহৰ আদান-প্ৰদান কৰা।

সমগ্ৰ বিশ্বৰ অংশীদাৰ প্ৰতিষ্ঠানসমূহৰ সৈতে ১০০ৰো অধিক বুজাবুজিৰ চুক্তিত স্বাক্ষৰিত হোৱাৰ লগে লগে আইচিএআৰ-এ ভাৰতৰ গোলকীয় কৃষি অংশীদাৰিত্বৰ সম্প্ৰসাৰণ অব্যাহত ৰাখিছে। ছেচিলছৰ সৈতে হোৱা এই বুজাবুজি চুক্তিয়ে গোলকীয় দক্ষিণৰ সৈতে ভাৰতৰ সম্পৰ্ক আৰু আন্তঃৰাষ্ট্ৰীয় সহযোগিতা, কৃষি প্ৰযুক্তি আৰু সৰ্বশ্ৰেষ্ঠ অনুশীলনৰ জৰিয়তে বহনক্ষম কৃষি, উদ্ভাৱন আৰু গোলকীয় খাদ্য তথা পুষ্টি সুৰক্ষাক আগুৱাই নিয়াৰ প্ৰতিশ্ৰুতিক অধিক শক্তিশালী কৰে।

*****

RC/MS/MK