• ଏହି ଅବସରରେ ପିଲାମାନଙ୍କୁ ପୋଲିଓ ବୁନ୍ଦା ଦେଇଛନ୍ତି ଗୃହ ମନ୍ତ୍ରୀ
• ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦୀର୍ଘକାଳୀନ ନୀତି ପ୍ରଣୟନ କରି, ସେଗୁଡ଼ିକର ନିରନ୍ତର ତଦାରଖ ସୁନିଶ୍ଚିତ କରି ଏବଂ ବାସ୍ତବ କ୍ଷେତ୍ରରେ ସେଗୁଡ଼ିକୁ ପ୍ରଭାବୀ ଢଙ୍ଗରେ କାର୍ଯ୍ୟକାରୀ କରି ସାମଗ୍ରିକ ଏବଂ ସମାବେଶୀ ବିକାଶକୁ ପୁନର୍ବାର ପରିଭାଷିତ କରିଛନ୍ତି
• ଜନ୍ମ ଏବଂ ମୃତ୍ୟୁ ପଞ୍ଜିକରଣ ତଥ୍ୟ ସହିତ ସମନ୍ୱିତ, ପିଏମ ଫ୍ୟାମିଲି କେୟାର ଟ୍ରାକର୍ ପ୍ରତ୍ୟେକ ପିଲାକୁ ଏକ ଅନନ୍ୟ ଆଇଡି ପ୍ରଦାନ କରିବ, ଯାହା ସୁନିଶ୍ଚିତ କରିବ ଯେ ସରକାରୀ ଯୋଜନାର ଲାଭ ସ୍ୱୟଂଚାଳିତ ଏବଂ ସମୟୋଚିତ ଭାବରେ ସେମାନଙ୍କ ନିକଟରେ ପହଞ୍ଚିବ
• ପିଏମ ଫ୍ୟାମିଲି କେୟାର ଟ୍ରାକର୍ ହିତାଧିକାରୀ ଚିହ୍ନଟ, ସରକାରୀ ପ୍ରସାର ଏବଂ କଲ୍ୟାଣକାରୀ ଯୋଜନାର ପ୍ରଭାବଶାଳୀ ବିତରଣ ଭଳି ପ୍ରମୁଖ ଆହ୍ୱାନର ସମାଧାନ କରିବ
• ଏକ ସମନ୍ୱିତ ନିରୀକ୍ଷଣ ବ୍ୟବସ୍ଥା ମାଧ୍ୟମରେ, ପିଏମ ଫ୍ୟାମିଲି କେୟାର ଟ୍ରାକର୍ ଆବଶ୍ୟକ କରୁଥିବା ଲୋକଙ୍କୁ ସରକାରୀ କଲ୍ୟାଣକାରୀ ଯୋଜନାର ଲାଭର ପ୍ରଭାବଶାଳୀ ବିତରଣ ସୁନିଶ୍ଚିତ କରିବ
• ପ୍ରତ୍ୟକ୍ଷ ଲାଭ ହସ୍ତାନ୍ତର ମାଧ୍ୟମରେ ମୋଦୀ ସରକାର ଗରିବଙ୍କ ପାଇଁ ସ୍ୱଚ୍ଛ ଏବଂ ଫଳପ୍ରଦ କଲ୍ୟାଣମୂଳକ କାର୍ଯ୍ୟ ପାଇଁ ଏକ ନୂତନ ଢାଞ୍ଚା ପ୍ରତିଷ୍ଠା କରିଛନ୍ତି
• ମାତ୍ର ୧୨ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ପିଢ଼ି ପରେ ପିଢି ଧରି ଗରିବ ପରିବାରକୁ ପ୍ରଭାବିତ କରୁଥିବା ଅନେକ ଦୀର୍ଘସ୍ଥାୟୀ ସମସ୍ୟାର ସମାଧାନ କରିଛନ୍ତି

କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି ଗୁଜରାଟର ଗାନ୍ଧୀନଗରରେ 'ପିଏମ ଫ୍ୟାମିଲି କେୟାର ଟ୍ରାକର୍' ପାଇଲଟ ପ୍ରକଳ୍ପକୁ ଉଦଘାଟନ କରିଛନ୍ତି। ଏହି ଅବସରରେ ଗୁଜରାଟ ମୁଖ୍ୟମନ୍ତ୍ରୀ ଶ୍ରୀ ଭୂପେନ୍ଦ୍ର ପଟେଲ, କେନ୍ଦ୍ର ଗୃହ ସଚିବ ଶ୍ରୀ ଗୋବିନ୍ଦ ମୋହନ ଏବଂ ଅନ୍ୟ ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।

କେନ୍ଦ୍ର ଗୃହ ତଥା ସମବାୟ ମନ୍ତ୍ରୀ ଶ୍ରୀ ଅମିତ ଶାହ ତାଙ୍କ ଅଭିଭାଷଣରେ କହିଥିଲେ ଯେ ଯେତେବେଳେ କେହି ସ୍ୱାଧୀନତା ପରେ ଭାରତର ୧୦୦ ବର୍ଷର ଇତିହାସ ଲେଖିବେ, ସେହି ଇତିହାସର ଦୁଇଟି ଭାଗ ରହିବ। ପ୍ରଥମ ଭାଗ ୨୦୧୪ ପୂର୍ବର ଭାରତ ହେବ ଏବଂ ଦ୍ୱିତୀୟ ଭାଗ ୨୦୧୪ ପରର ଭାରତ ହେବ। ୨୦୧୪ ନିର୍ବାଚନରେ ଭାରତର ଲୋକମାନେ ଗୁଜରାଟର ତତ୍କାଳୀନ ମୁଖ୍ୟମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀଙ୍କୁ ଦେଶର ପ୍ରଧାନମନ୍ତ୍ରୀ ଭାବେ ନିର୍ବାଚିତ କରିଥିଲେ। ସେ କହିଥିଲେ ଯେ ୨୦୧୪ ମସିହା ପରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀଙ୍କ ନେତୃତ୍ୱରେ ଦେଶର ପ୍ରତ୍ୟେକ କ୍ଷେତ୍ରରେ ବ୍ୟାପକ ପରିବର୍ତ୍ତନ ଆସିଛି। ପ୍ରଧାନମନ୍ତ୍ରୀ ମୋଦୀ ରାଷ୍ଟ୍ରର ବ୍ୟାପକ ଏବଂ ସର୍ବବ୍ୟାପୀ ବିକାଶର ଏକ ନୂତନ ସଂଜ୍ଞା ସୃଷ୍ଟି କରିଛନ୍ତି। ଶ୍ରୀ ଶାହ କହିଥିଲେ ଯେ ମୋଦୀ ସରକାର କେବଳ ପ୍ରତ୍ୟେକ କ୍ଷେତ୍ରରେ ଦୀର୍ଘକାଳୀନ ନୀତି ପ୍ରଣୟନ କରିନାହାନ୍ତି, ବରଂ ସେଗୁଡ଼ିକର ତଦାରଖ ମଧ୍ୟ କରିଛନ୍ତି ଏବଂ ବାସ୍ତବ କ୍ଷେତ୍ରରେ ସେଗୁଡ଼ିକର ପ୍ରଭାବୀ କାର୍ଯ୍ୟକାରିତାକୁ ସୁନିଶ୍ଚିତ କରିଛନ୍ତି। ଦେଶର ସୁରକ୍ଷାକୁ ସୁଦୃଢ଼ କରିବା, ଏହାର ସଂସ୍କୃତିକୁ ସଂରକ୍ଷିତ କରିବା, ଶିକ୍ଷା ନୀତିକୁ କାର୍ଯ୍ୟକାରୀ କରିବା, ଅର୍ଥବ୍ୟବସ୍ଥାକୁ ପ୍ରୋତ୍ସାହନ ଦେବା, ଭିତ୍ତିଭୂମିର ବିକାଶ କରିବା, ଆତ୍ମନିର୍ଭରଶୀଳତା ଦିଗରେ ଆଗକୁ ବଢ଼ିବା ଏବଂ ପ୍ରତ୍ୟେକ କ୍ଷେତ୍ରରେ ନୀତି ପ୍ରସ୍ତୁତ କରିବା ସହିତ ସମୟୋଚିତ ଉନ୍ନତି ଆଣିବା ପାଇଁ ମଧ୍ୟ କାର୍ଯ୍ୟ କରାଯାଇଛି।

 ଶ୍ରୀ ଅମିତ ଶାହ କହିଥିଲେ ଯେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀଙ୍କ ନେତୃତ୍ୱରେ ଭାରତର କୋଟି କୋଟି ଗରିବ ଲୋକଙ୍କ ଜୀବନଧାରଣ ମାନ ଉନ୍ନତ କରିବା ପାଇଁ ବ୍ୟାପକ ପ୍ରୟାସ କରାଯାଇଛି। ଆଜି, ପ୍ରଧାନମନ୍ତ୍ରୀ ମୋଦୀ ଜୀ ଦେଶର ଗରିବଙ୍କ ପାଇଁ ଯେତେ ଟଙ୍କା ପଠାନ୍ତି, ସମ୍ପୂର୍ଣ୍ଣ ରାଶି ସିଧାସଳଖ ସେମାନଙ୍କ ନିକଟରେ ପହଞ୍ଚେ। ମୋଦୀ ସରକାର ପ୍ରତ୍ୟକ୍ଷ ଲାଭ ହସ୍ତାନ୍ତର (ଡିବିଟି) ପ୍ରବର୍ତ୍ତନ କରି ଗରିବଙ୍କ କଲ୍ୟାଣର ଏକ ନୂତନ ଯୁଗ ଆରମ୍ଭ କରିଛନ୍ତି। ମାତ୍ର ୧୨ ବର୍ଷ ମଧ୍ୟରେ ନରେନ୍ଦ୍ର ମୋଦୀ ସରକାର ଘର, ବିଜୁଳି, ପାଇପ୍‍ ଯୋଗେ ପାଣି, ଶୌଚାଳୟ, ଗ୍ୟାସ୍ ସିଲିଣ୍ଡର୍, ୫ କିଲୋ ମାଗଣା ଖାଦ୍ୟଶସ୍ୟ, ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା, ଏବଂ ସାରା ଦେଶର କୋଟି କୋଟି ଗରିବ ଲୋକଙ୍କ ପାଇଁ ୯୦ ପ୍ରତିଶତ ସୁଲଭ ମୂଲ୍ୟର ଔଷଧର ବ୍ୟବସ୍ଥା କରିଛନ୍ତି।

କେନ୍ଦ୍ର ଗୃହ ମନ୍ତ୍ରୀ କହିଥିଲେ ଯେ ସ୍ୱାଧୀନତା ପରଠାରୁ ସ୍ୱାଧୀନ ଭାରତରେ ନିଜର ଅଧିକାର ଦାବି କରିବାକୁ ଉଦ୍ୟମ କରୁଥିବା କୋଟି କୋଟି ଲୋକଙ୍କୁ ନରେନ୍ଦ୍ର ମୋଦୀ ସରକାର ନିଜର ଯଥାର୍ଥ ଯଥାର୍ଥ ଅଧିକାର ପ୍ରଦାନ କରିଛନ୍ତି। ସେ କହିଥିଲେ ଯେ ଦେଶର କୋଟି ଲୋକଙ୍କ ମଧ୍ୟରେ ପିଢ଼ି ପରେ ପିଢ଼ି ଲାଗି ରହିଥିବା ସମସ୍ୟାଗୁଡ଼ିକର ସମାଧାନ ପ୍ରଧାନମନ୍ତ୍ରୀ ମୋଦୀ ମାତ୍ର ୧୨ ବର୍ଷ ମଧ୍ୟରେ କରିଛନ୍ତି।

ଶ୍ରୀ ଅମିତ ଶାହ କହିଥିଲେ ଯେ ଆଜି ଏଠାରେ ସମସ୍ତଙ୍କ ପାଇଁ ଶାସନ ଉପରେ ନଜର ରଖିବାର ଏକ ବ୍ୟବସ୍ଥା ଫଳପ୍ରଦ ଭାବେ ଆରମ୍ଭ ହୋଇଛି। ଆଜି, ପିଲାମାନଙ୍କୁ ପୋଲିଓ ମାତ୍ରା ଦିଆଯାଇଥିଲା, ଏବଂ ପୁଷ୍ଟିକର କିଟ୍ ମଧ୍ୟ ବଣ୍ଟନ କରାଯାଇଥିଲା। ଏହି ସମ୍ପୂର୍ଣ୍ଣ ଡାଟାବେସ୍ କୁ ସମନ୍ୱିତ କରି ଏବଂ ଏହାକୁ ଜନ୍ମ ଏବଂ ମୃତ୍ୟୁ ତଥ୍ୟ ସହିତ ସଂଯୋଗ କରି, ପ୍ରତ୍ୟେକ ପିଲାକୁ ଏକ ଆଇଡି ଏବଂ ଏକ ଅନନ୍ୟ ନମ୍ବର ପ୍ରଦାନ କରିବାର କାର୍ଯ୍ୟ ପିଏମ୍ ଫ୍ୟାମିଲି କେୟାର ଟ୍ରାକର୍ ମାଧ୍ୟମରେ କରାଯିବ। ଏହି ପ୍ଲାଟଫର୍ମ ଜରିଆରେ ସମସ୍ତ ସରକାରୀ ଯୋଜନାର ଲାଭ ପ୍ରଦାନ କରାଯିବ। ପିଏମ ଫ୍ୟାମିଲି ଟ୍ରାକର୍ ଏକ ସମନ୍ୱିତ ମନିଟରିଂ ସିଷ୍ଟମ ସୃଷ୍ଟି କରିବ, ଯାହା ଅଧୀନରେ ଅଭାବୀ ବ୍ୟକ୍ତିମାନଙ୍କୁ ଚିହ୍ନଟ କରାଯିବ ଏବଂ ସେମାନଙ୍କ ପ୍ରତି ବିଶେଷ ଧ୍ୟାନ ଦିଆଯିବ।

କେନ୍ଦ୍ର ଗୃହ ମନ୍ତ୍ରୀ କହିଥିଲେ ଯେ ପ୍ରଧାନମନ୍ତ୍ରୀ ମୋଦୀ ଜୀ ଦେଶର ସ୍ୱାସ୍ଥ୍ୟ କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିଥିଲେ। ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦେଶର ସ୍ୱାସ୍ଥ୍ୟସେବା ଆବଶ୍ୟକତା ଅନୁରୂପ ଅନେକ ପଦକ୍ଷେପ ଆରମ୍ଭ କରିଛନ୍ତି, ଯେଉଁଥିରେ ଡାକ୍ତରଙ୍କ ଉପଲବ୍ଧତା ବୃଦ୍ଧି, କୋଟି କୋଟି ନାଗରିକଙ୍କୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ପ୍ରଦାନ, ସୁଲଭ ମୂଲ୍ୟର ଔଷଧ ଉପଲବ୍ଧ କରାଇବା, ସ୍ୱାସ୍ଥ୍ୟ ଭିତ୍ତିଭୂମିକୁ ସୁଦୃଢ଼ କରିବା ଏବଂ ଆୟୁଷ ମାଧ୍ୟମରେ ଭାରତର ପାରମ୍ପାରିକ ସ୍ୱାସ୍ଥ୍ୟସେବା ବ୍ୟବସ୍ଥାକୁ ପୁନର୍ଜୀବିତ କରିବା ଅନ୍ତର୍ଭୁକ୍ତ। ଏହି ସମସ୍ତ ପଦକ୍ଷେପ ଉପରେ ନଜର ରଖିବା ପାଇଁ ଆଜି 'ପିଏମ ଫ୍ୟାମିଲି କେୟାର ଟ୍ରାକର୍ ’ ର ଶୁଭାରମ୍ଭ କରାଯାଇଛି।

HS