સ્વાસ્થ્ય અને પરિવાર કલ્યાણ મંત્રાલય
azadi ka amrit mahotsav

16મી CCHFW બેઠકમાં કેન્દ્રીય સ્વાસ્થ્ય મંત્રી શ્રી જે.પી. નડ્ડા એનીમિયા મુક્ત ભારત અભિયાન - ઓપરેશનલ ગાઈડલાઈન્સ જાહેર કરશે


એનીમિયા ઘટાડવાની ગતિ વધારવા માટે નવી ગાઈડલાઈન્સ 7x7x7 વ્યૂહરચના, T4 અભિગમ અને દેશવ્યાપી જન ભાગીદારી અભિયાન શરૂ કરશે

એનીમિયા મુક્ત ભારત વધુ વ્યાપક, લોક-કેન્દ્રિત અને ટેકનોલોજી-સક્ષમ અભિગમ સાથે એનીમિયા મુક્ત ભારત અભિયાનમાં પરિવર્તિત થશે

प्रविष्टि तिथि: 28 JUN 2026 1:44PM by PIB Ahmedabad

એનીમિયા સામે લડવાના ભારતના પ્રયાસોને વેગ આપવા તરફના એક ઐતિહાસિક પગલામાં, કેન્દ્રીય સ્વાસ્થ્ય અને પરિવાર કલ્યાણ મંત્રી, શ્રી જે.પી. નડ્ડા, 29 જૂન 2026ના રોજ વિજ્ઞાન ભવન, નવી દિલ્હી ખાતે યોજાનારી સેન્ટ્રલ કાઉન્સિલ ઓફ હેલ્થ એન્ડ ફેમિલી વેલ્ફેર (CCHFW)ની 16મી બેઠક દરમિયાન એનીમિયા મુક્ત ભારત (AMB) અભિયાન – ઓપરેશનલ ગાઈડલાઈન્સ (કાર્યકારી માર્ગદર્શિકા) જાહેર કરશે.

આ લોન્ચિંગ એનીમિયા સામેની ભારતની લડાઈમાં એક મહત્વપૂર્ણ સીમાચિહ્નરૂપ સાબિત થશે કારણ કે આ કાર્યક્રમ એનીમિયા મુક્ત ભારતમાંથી એનીમિયા મુક્ત ભારત અભિયાનમાં પરિવર્તિત થઈ રહ્યો છે, જે તેના વધુ વ્યાપક, લોક-કેન્દ્રિત અને ટેકનોલોજી-સક્ષમ પહેલ તરીકેના વિકાસને દર્શાવે છે. આ લોન્ચિંગ કાર્યક્રમના પરિવર્તનને ઔપચારિક પણ બનાવશે, જે તેના એક સર્વગ્રાહી અભિગમ તરીકેના વિકાસને પ્રતિબિંબિત કરે છે જે આયર્ન સપ્લીમેન્ટેશન (પૂરવણી) થી આગળ વધીને ટેસ્ટિંગ (પરીક્ષણ), થેરાપ્યુટિક મેનેજમેન્ટ (ઉપચારાત્મક સંચાલન), ઈટિંગ રાઈટ (સાચો ખોરાક ખાવો), ડિજિટલ ટ્રેકિંગ અને જન ચેતના દ્વારા સામુદાયિક ભાગીદારીને સમાવિષ્ટ કરે છે.

આ ગાઈડલાઈન્સ સાતમો લાભાર્થી જૂથ, સાતમો હસ્તક્ષેપ (ઇન્ટરવેન્શન) અને સાતમી સંસ્થાકીય પ્રણાલી દાખલ કરીને હાલની 6x6x6 વ્યૂહરચનાનો 7x7x7 ફ્રેમવર્કમાં વિસ્તાર કરશે. જીવનના પ્રારંભિક તબક્કાથી જ એનીમિયાને સંબોધવાના મહત્વને સ્વીકારીને, ઓછા વજનવાળા જન્મતા (LBW) બાળકો (0-6 મહિના) ને સાતમા લાભાર્થી જૂથ તરીકે સામેલ કરવામાં આવશે.

"ઈટિંગ રાઈટ" અભિગમ, જે દૈનિક આદત તરીકે આયર્ન-યુક્ત અને વૈવિધ્યસભર આહારના નિયમિત સેવનને પ્રોત્સાહન આપશે, તેને સાતમા હસ્તક્ષેપ તરીકે રજૂ કરવામાં આવશે, જ્યારે ડિજિટલ ટ્રેકિંગ દ્વારા સમર્થિત મજબૂત મોનિટરિંગ અને ઈવેલ્યુએશન ફ્રેમવર્ક સાતમી સંસ્થાકીય પ્રણાલી તરીકે સેવા આપશે.

આ અભિયાનનું એક મુખ્ય લક્ષણ T3 અભિગમ (ટેસ્ટ, ટ્રીટ, ટોક) માંથી T4 અભિગમ (ટેસ્ટ, ટ્રીટ, ટોક અને ટ્રેક)માં પરિવર્તન હશે. સુધારેલી વ્યૂહરચના સઘન હિમોગ્લોબિન ટેસ્ટિંગ, રાષ્ટ્રીય એનીમિયા મેનેજમેન્ટ પ્રોટોકોલ અનુસાર આયર્નની ઉણપથી થતા એનીમિયાની સારવાર, રેફરલ અને ફોલો-અપ માટે લાભાર્થીઓના વ્યવસ્થિત ટ્રેકિંગ અને તંદુરસ્ત આહાર પદ્ધતિઓને પ્રોત્સાહિત કરવા માટે લક્ષિત કાઉન્સેલિંગ પર ભાર મૂકશે.

ગર્ભવતી અને સ્તનપાન કરાવતી મહિલાઓમાં ગંભીર એનીમિયા અને સારવારનો પ્રતિભાવ ન આપનારાઓના સંચાલન માટે, ફેરિક કાર્બોક્સિમાલ્ટોઝ (FCM) અને આયર્ન સુક્રોઝનો ઉપયોગ કરીને ઇન્ટ્રાવેનસ આયર્ન થેરાપી (નસ દ્વારા આયર્નની સારવાર) ને એક મહત્વપૂર્ણ ક્લિનિકલ હસ્તક્ષેપ તરીકે સામેલ કરવામાં આવશે.

આ ગાઈડલાઈન્સ વિવિધ લાભાર્થી જૂથોમાં એનીમિયા સેવાઓની દેખરેખ માટે એક મજબૂત ડિજિટલ ઇકોસિસ્ટમ પણ સ્થાપિત કરશે. ગર્ભવતી મહિલાઓ માટે હિમોગ્લોબિન ટેસ્ટિંગના રેકોર્ડ્સ જનની (JANANI) પોર્ટલ દ્વારા મેપ કરવામાં આવશે, જ્યારે બાળકોના રેકોર્ડ્સ RBSK અને U-WIN પોર્ટલ દ્વારા મેળવવામાં આવશે. આ પ્લેટફોર્મ્સ એકીકૃત AMB અભિયાન પોર્ટલમાં ભળી જશે, જે વ્યાપક દેખરેખ, વિશ્લેષણ અને પુરાવા-આધારિત આયોજનને સક્ષમ બનાવશે.

16મી CCHFW બેઠક દરમિયાન ઓપરેશનલ ગાઈડલાઈન્સની જાહેરાત પોષણ તથા માતા અને બાળકના સ્વાસ્થ્યને મજબૂત કરવા માટે સરકારની સતત પ્રતિબદ્ધતાને પુનઃપુષ્ટ કરશે અને વધુ સ્વસ્થ અને એનીમિયા મુક્ત ભારત તરફની પ્રગતિને વધુ વેગ આપશે.

 

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad   Image result for facebook icon /pibahmedabad1964    /pibahmedabad  pibahmedabad1964[at]gmail[dot]com


(रिलीज़ आईडी: 2278593) आगंतुक पटल : 63
इस विज्ञप्ति को इन भाषाओं में पढ़ें: English , Urdu , Marathi , हिन्दी , Bengali , Bengali-TR , Punjabi , Tamil , Malayalam