প্রধান মন্ত্রী, শ্রী নরেন্দ্র মোদীনা ঙসি অঙনবদা সেবা তীর্থতা কেন্দ্র অমসুং রাজ্য সরকারশিংগী থবকশিং অমত্তা ওইনা পুনশিন্দুনা প্রো-এক্তিব গবর্নান্স অমসুং মতম চানা ইমপ্লিমেন্ত তৌবা হেনগৎহন্নবা পান্দম থম্লিবা ICT-শিজিন্নবা মল্তি-মোদল প্লেতফোর্ম, PRAGATIগী 52শুবা মীফমদা মবাই তাংবল লৌখ্রে।

মীফম অদুগী মনুংদা, প্রধান মন্ত্রীনা রাজ্য মরিদা চাউরাক্না লুপা করোর 30,000 চংগদবা রোদ, পাৱর, ইন্দস্ত্রীয়েল কোরিদোর অমসুং মেত্রো রেল সেক্তরগী মরুওইবা ইনফ্রাস্ত্রকচর প্রোজেক্ত মরি য়েংশিনখি। ইকোনোমিক গ্রোথ, রিজনেল কনেক্তিবিতী, ইন্দস্ত্রীয়েল দিবেলপমেন্ত অমসুং পব্লিক ৱেলফেয়রগীদমক মরুওইবা প্রোজেক্তশিং অসি মতমগী মতুং ইন্না, ইন্তর-এজেন্সী কোওর্দিনেসন, ইসু রিজোলুসন অমসুং মতম চানা লোইশিনবদা মীৎয়েং থমদুনা য়েংশিনখি।

ইনফ্রাস্ত্রকচর প্রোজেক্তশিংদা থেংথবনা মমল হেনগৎহনবতা নত্তনা, মতম চানা কান্নবা ফংহন্দনবা মীয়াম অমসুং ইন্দস্ত্রীশিংদা অৱাবা পীরি হায়না প্রধান মন্ত্রীনা ফোংদোকখি। মহাক্না মরী লৈনবা মন্ত্রালয়শিং অমসুং রাজ্য সরকারশিংদা মিসন মোদ মওংদা পন্থদুনা লৈরিবা ইসুশিং অসি কোকহন্নবা অমসুং অৱাংবা থাক্তা কুপ্না য়েংশিন্নবা খঙহনখি।

ইনফ্রাস্ত্রকচর প্রোজেক্তশিংগী ইফিয়েন্ত প্লান্নিং অমসুং মতম চানা ইমপ্লিমেন্ত তৌনবগীদমক PM গতিশক্তি নেস্নেল মাস্তর প্লান শীজিন্ননবা প্রধান মন্ত্রীনা অকনবা ৱাফম থমখি। পোর্তেল অসিদা প্রোজেক্তকী অকুপ্পা মরোলশিং, য়ুতিলিতীশিং, ইনফ্রাস্ত্রকচর লেয়রশিং, ক্লিয়রেন্সশিং অমসুং অতোপ্পা ফীলদগী থাক্তা লৈবা ঈ-পাউশিং চাং নাইনা অমসুং মতম চানা অপদেত তৌবগী তঙাই ফদবা অদুসু মহাক্না ফোংদোকখি। মহাক্না মখাতানা হায়খি মদুদি পন্দুনা লৈরিবশিং  অদুবু ঙন্না খঙদোক্নবা, এজেন্সীশিংগী মরক্তা কোওর্দিনেসন ফগৎহন্নবা অমসুং থাজবা য়াবা, রিয়েল-তাইম দেতাদা য়ুম্ফম ওইদুনা ৱারেপ লৌবা ঙম্নবা প্লেতফোর্ম অসিনা খ্বাইদগী নৌবা ফীভম অদু উৎকদবনি।

প্রধান মন্ত্রীনা TB মুক্ত ভারত অভিয়ান অমুক হন্না য়েংশিনখি অমসুং আর্তিফিসিয়েল ইন্তেলিজেন্স য়াওনা খ্বাইদগী নৌবা দিজিতেল তেক্নোলোজীশিং শীজিন্নবগী তঙাইফদবা অদুদা অকনবা ৱাফম থমখি। মহাক্না এৱেয়রনেস, পেসেন্ত ফোলো-অপ অমসুং কম্ম্যুনিতী মোবিলাইজেসনগীদমক NCC কেদেৎশিং অমসুং মাই ভারত ভোলুন্তিয়রশিংগী তীম অমা শেম্নবা ৱাফম থমখি।

প্রধান মন্ত্রীনা সাইবর ক্রাইম অমসুং দিজিতেল আরেস্তকা মরী লৈনবা গ্রিভান্সশিংসু য়েংশিনখি। মহাক্না নাগরিকশিংবু নমথাক তৌনবা দিজিতেল প্লেৎফোর্মশিং লান্না শিজিন্নবা হেনগৎলকপগী মতাংদা অৱাবা ফোঙদোকখি অমসুং  অসিগুম্বা ৱাফমশিং অসি মরী লৈনবা এজেন্সী পুম্নমক্না কোওর্দিনেৎ তৌদুনা, সেন্সিতিব ওইবা মওংদা অমসুং মতম চানা থবক লৌখৎপা মথৌ তাই হায়না মহাক্না ফোংদোকখি। নাগরিকশিংনা দিপার্তমেন্ত অমদগী নত্রগা এজেন্সী অমদগী অতোপ্পা দিপার্তমেন্ত নত্রগা এজেন্সী অমদা চত্থোক-চৎশিন তৌহল্ললোইদবনি হায়না মহাক্না পনখি। মহাক্না ময়েক শেংবা থৌদাং লৌবা, খোঙজেল য়াংনা পাউখুম পীনবা, লো এনফোর্সমেন্ত এজেন্সীশিং, বেঙ্কশিং অমসুং দিজিতেল প্লেৎফোর্মশিংগী মরক্তা হেন্না ফবা মওংদা কোওর্দিনেসন অমসুং হেন্না মপাঙ্গল কনবা মীয়ামগী ওইবা এৱেয়রনেস কেম্পেনশিং পাংথোকপগী তঙাইফদবা অদুসু পনখি।

সাইবর ফ্রোদকা মরী লৈনবা কেসশিংদা, শেল মাংহনবদগী ঙাকথোক্নবা অমসুং মীয়ামগী থাজবা অমুক হন্না থম্নবগীদমক মতম চানা থবক লৌখৎপা অসি য়াম্না মরু ওই হায়না প্রধান মন্ত্রীনা ফোংদোকখি। মহাক্না স্তেকহোল্দর পুম্নমকপু প্রিভেন্সন, রিপোর্তিং, ইনভেস্তিগেসন অমসুং গ্রিভান্স রিদ্রেসেল মেকানিজমশিং মপাঙ্গল কনখৎহন্নবা নক্না থবক তৌমিন্ননবা হায়খি। মহাক্না রাজ্যশিংদা সাইবর ফ্রোদকী কেসশিংদা রেজিস্ত্রেসন অমসুং রেস্পোন্স হেন্না থুনা পাংথোক্নবগীদমক রাজ্যশিংনা ই-জিরো FIR মেকানিজমশিং  শিজিন্নবা য়াহন্নবগী মাইকৈদা থবক পাইখৎনবা য়াম্না কন্না হায়খি।

***