కేంద్రీయ విద్యాలయాలకు నిర్వహించిన ‘36వ జాతీయ యువజన పార్లమెంటు పోటీ.. 2025-26’ బహుమతుల ప్రదాన కార్యక్రమాన్ని న్యూఢిల్లీ పార్లమెంట్ భవన సముదాయం, పార్లమెంట్ లైబ్రరీ బిల్డింగ్‌లో భాగంగా ఉన్న జీఎంసీ బాలయోగి ఆడిటోరియంలో ఈ నెల 25న మధ్యాహ్నం 3 గంటలకు ఏర్పాటు చేశారు.
ఈ కార్యక్రమానికి కేంద్ర చట్ట, న్యాయ శాఖ సహాయ మంత్రి (స్వతంత్ర హోదా), పార్లమెంటరీ వ్యవహారాల శాఖ సహాయ మంత్రి శ్రీ అర్జున్ ‌రామ్ మేఘ్‌వాల్ అధ్యక్షత వహించడంతో పాటు, పోటీలో విశిష్ట ప్రదర్శనను కనబరిచి బహుమతులను గెలుచుకున్న విద్యార్థులకు, విద్యాలయాలకు బహుమతులను అందిస్తారు. బహుమతి ప్రదానోత్సవం సందర్భంగా.. కేంద్రీయ విద్యాలయాలకు నిర్వహించిన ‘36వ జాతీయ యువజన పార్లమెంటు పోటీ.. 2025-26’లో ప్రథమ స్థానంలో నిలిచిన ‘‘డాక్టర్ రాజేంద్ర ప్రసాద్ కేంద్రీయ విద్యాలయ, ప్రెసిడెంట్ ఎస్టేట్, న్యూఢిల్లీ (ఢిల్లీ రీజియన్, నార్త్ జోన్)’’ విద్యార్థులు తమ యువజన పార్లమెంటు సమావేశాల సన్నివేశాన్ని మరో సారి ప్రదర్శించనున్నారు.

గత 38 సంవత్సరాలుగా కేంద్రీయ విద్యాలయాలకు యువజన పార్లమెంటు పోటీలను పార్లమెంటరీ వ్యవహారాల శాఖ నిర్వహిస్తోంది. కేంద్రీయ విద్యాలయాలకు జాతీయ యువజన పార్లమెంటు పోటీ పథకంలో భాగంగా, ఈ వరుసలో 36వ పోటీని 2025-26 లో నిర్వహించారు. దీనిలో దేశవ్యాప్తంగా 25 ప్రాంతాల్లో విస్తరించిన కేంద్రీయ విద్యాలయ సంఘటన్‌కు చెందిన 200 విద్యాలయాలు పాల్గొన్నాయి.
యువజనులలో స్వీయ క్రమశిక్షణ, వివిధ రకాలైన అభిప్రాయాలను మన్నించడం, ఆలోచనలను నిష్పక్షపాతంగా తెలియజేయడం, ప్రజాస్వామిక జీవన శైలితో ముడిపడిన ఇతర గుణాలను అలవరచడమే యువజన పార్లమెంటు పథకం ధ్యేయం. దీనికి తోడు, ఈ పథకం చట్టసభల విధివిధానాలు, ప్రక్రియలు, చర్చలకు సంబంధించిన మెలకువలను విద్యార్థులకు పరిచయం చేయడంతో పాటు వారిలో ఆత్మవిశ్వాసాన్ని, నాయకత్వ సామర్థ్యాన్ని, ప్రభావవంతమైన వాగ్ధాటిని నేర్పుతుంది.  
పోటీలో జాతీయ స్థాయిలో ప్రథమ స్థానాన్ని గెలిచినందుకు ‘‘డాక్టర్ రాజేంద్ర ప్రసాద్ కేంద్రీయ విద్యాలయ, ప్రెసిడెంట్ ఎస్టేట్, న్యూఢిల్లీ (ఢిల్లీ రీజియన్, నార్త్ జోన్)’’కు ‘‘సర్దార్ వల్లభ్‌భాయి పటేల్ రన్నింగ్ పార్లమెంటరీ షీల్డు’’తో పాటు ట్రోఫీని అందిస్తారు. దీనికి అదనంగా, జోన్ల స్థాయిలో ప్రథమ స్థానాన్ని గెలిచిన ఈ కింద పేర్కొన్న 4 కేంద్రీయ విద్యాలయాలకు జోనల్ విజేత ట్రోఫీలను కూడా ప్రదానం చేస్తారు:-

దీనికి అదనంగా, మంత్రి.. పోటీలో ప్రాంతీయ స్థాయిలో ప్రథమ స్థానాన్ని గెలిచిన ఈ కింద ప్రస్తావించిన 20 కేంద్రీయ విద్యాలయాలకు ప్రాంతీయ విజేతలకు ఇచ్చే ట్రాఫీలను ప్రదానం చేయనున్నారు: