প্রধানমন্ত্রীগী লোইশঙ
ডা: শ্যামা প্রসাদ মুখর্জীগী বিলিদান দিবসতা মহাক্কী মফমদা প্রধান মন্ত্রীনা ইকায়খুম্নবা উৎখ্রে, সংস্কৃত সুভাসিতম সিয়ার তৌখ্রে
प्रविष्टि तिथि:
23 JUN 2026 3:39PM by PIB Imphal
ডা: শ্যামা প্রসাদ মুখর্জীগী বিলিদান দিবসতা মহাক্কী মফমদা প্রধান মন্ত্রী শ্রী নরেন্দ্র মোদীনা ইকায়খুম্নবা উৎখ্রে অমসুং লৈবাক শেমগৎপদা মহাক্না লৌখিবা অচৌবা থৌদাং নিংশিংখ্রে।
ডা: শ্যামা প্রসাদ মুখর্জী ভারত চাউখৎনবা মহাক্কী পুন্সি কৎথোকখিবা শক্নাইরবা মরৈবাক নিংবা মীওই অমনি, পন্দিৎ অমসুং রাজনিতিৱালা অমনি হায়না প্রধান মন্ত্রীনা শিংথাখি। প্রধান মন্ত্রীনা হায়খি মদুদি ডা: শ্যামা প্রসাদ মুখর্জীগী হোংবা লৈত্রবা থাজবা, মীয়ামগী থবক তৌবগী থৌনা অমসুং লৈবাক্কী য়াইফনবা অচেৎপা ফিরেপনা মখা তানা মীরোল কয়াদা ইথিল পীগনি। লৈবাক অসিগী অপুনবা নিংশিংবদা ডা: শ্যামা প্রসাদ মুখর্জীগী কৎথোকপা হক্তুনা লৈরে।
ডা: শ্যামা প্রসাদ মুখর্জীদা ইকায়খুম্নবা উৎলদুনা, প্রধান মন্ত্রীনা হায়খি মদুদি মশাগী ওইজবা থিদনা লৈবাক অমসুং খুন্নাইগী থবক তৌনবা মহাক্না মহাক্কী পুন্সি কৎথোকখি। ডা: শ্যামা প্রসাদ মুখর্জীগী ফজবা ৱাখল্লোনশিং অমসুং অচুম্বা ফিদমশিংনা ইমা লৈবাক্কীদমক থবক তৌনবা লৈবাক অসিগী মীরোল খুদিংমক্ত মখা তানা ইথিল পীগনি।
থৌরম অসিদা, প্রধান মন্ত্রীনা সংস্কৃত সুভাসিতম অমসু সিয়ার তৌখি:
“ন কর্মণা ন প্রজয়া ধনেন ত্যাগেনৈকে অমৃতত্বমানশুঃ।
পরেণ নাকং নিহিতং গুহায়াং বিভ্রাজতে যদ্ যতয়ো বিশন্তি॥”
সুভাসিতম অসিনা হায়রি মদুদি থবকশিং, লন-থুম নত্ত্রগা পারি-পুরিনা লোম্বা নাইদবা পুন্সি ফংদে অদুবু কৎথোকপা অমসুং অচুম্বা ফিদমশিংদা মপুংফানা চঙজবনা লোম্বা নাইদবা ফংই। লৈবাক্কী, খুন্নাইগী অমসুং অচুম্বগীদমক মখোয়গী মশাগী ওইজবা থাদোকখিবা শেংলবা থৱায়শিং মীয়ামগী থম্মোয়শিংদা কাউবা ঙমদে, মতমগী ইরোন্নুংদা লুপ্পা ঙমদে।
প্রধান মন্ত্রীনা এক্সতা হায়খি;
“মহাক্কী বলিদান নুমিত্ত, ভারত চাউখৎনবা মহাক্কী পুন্সি কৎথোকখিবা শক্নাইরবা মরৈবাক নিংবা মীওই অমা, পন্দিৎ অমসুং রাজনিতিৱালা, ডা: শ্যামা প্রসাদ মুখর্জীদা ঐনা ইকায়খুম্নবা উৎলি। মহাক্কী হোংবা লৈত্রবা থাজবা, মীয়ামগী থবক তৌবগী থৌনা অমসুং লৈবাক্কী য়াইফনবা অচেৎপা ফিরেপনা মখা তানা মীরোল কয়াদা ইথিল পীগনি। মহাক্কী অরোইবা মতম ফাওবদা মহাক্না চেনখিবা গুনশিং অমসুং পাংথোকখিবা থবকশিংনা লমজিংদুনা, মপাঙ্গল কনবা অমসুং চাউখৎলবা ভারত অমা শেমগৎনবা ঐখোয়না অমুক হন্না ৱারেপ লৌরে”।
“মহাক্কী বলিদান নুমিত্ত, মশাগী ওইজবা থিদনা লৈবাক অমসুং খুন্নাইগী থবক তৌনবা মহাক্না মহাক্কী পুন্সি কৎথোকখিবা ডা: শ্যামা প্রসাদ মুখর্জীদা ইকায়খুম্নবা উৎলি।
“ন কর্মণা ন প্রজয়া ধনেন ত্যাগেনৈকে অমৃতত্বমানশুঃ।
পরেণ নাকং নিহিতং গুহায়াং বিভ্রাজতে যদ্ যতয়ো বিশন্তি॥”
***
(रिलीज़ आईडी: 2277172)
आगंतुक पटल : 9
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Gujarati
,
Odia
,
Tamil
,
Telugu
,
Kannada