স্বর সাধনা, মনোকামনা, আরাধনা - অসিগুম্বা য়াইফরবা খোঙহৌ অসিগী মতুংদা, অদোমগী থৌরম অসি মখা তানা চত্থরম্লবদি য়াম্না নীংথিরমগদবনি। ময়াম পুম্নমক্কী মফমদা য়াইফ পাউজেল পীজরি।

রিপুব্লিক তিভি নেতৱর্ককী ভিউৱর খুদিংমক্তা ঐনা ইকায় খুম্নবা উৎচরি, মসি হৌজিক লোল কয়া অমদা শন্দোক্লি। সম্মিৎ অসিদা শরুক য়ানবা লেঙবিরক্লিবা মরূপ পুম্নমকপুসু ঐহাক্না তরাম্না ওকচরি। পুং ২৪ শন্দোকপা পাউগী চেনেলশিংদা, ব্রেকিং ন্যুজনা য়াম্না মরু ওইবা মফম কল্লি। অদুগা হৌজিক্কী মতমদা, অদোম্না মালেমগী মফম অমা হেক্তদা য়েংবা মতমদা, মালেম পুম্বা ব্রেকিং ন্যুজ মোদতা লৈরিবগুম উগনি। অসিগুম্বা খোঙজেল য়াংনা চৎনবা মতম অসিদা, অদোম্না সম্মিৎ অসি পাঙথোক্লি অমসুং শরুক য়ারি, মদুগীদমক অদোমবু অখন্ননা থাগৎপা ফোঙদোকফম থোকই। হন্দক্তি, অদোমগী ৱারী শানবগী থিম অসিশু য়াম্না মরু ওই: গ্রেত পৱার ইন্দিয়া: নেসন ফর্স্ত।

মরূপশিং,

ঐখোয়গী শাস্ত্রদা হায়রি: যতো ধর্মস্ততো জয়ঃ! - মসিনা হায়বদি, মায় পাকপা অমসুং মপাঙ্গলগী মরু অদু ধর্মনি। অমসুং ধর্ম হায়বদি থৌদাংনি, ধর্ম হায়বদি অচুমবা ৱায়েলনি, ধর্ম হায়বদি থোং মান্নবনি, ধর্ম হায়বদি ৱারী শানবনি, ধর্ম হায়বদি মীনুংশিনি। হায়রিবা ৱাখল্লোন অসিমক নেসন ফর্স্তকী য়ুম্ফমদা য়াওরি। ভারতনা মশাগী মপাঙ্গল অসি মীৎয়েঙ অসিদগী য়েংলি, পথাপ অসিদা চাং ওল্লি।

মরূপশিং,

ভারতকী অতোপ্পা তোপ তোপ্পা মতিং অমা লৈরি, মসি হৌজিক মালেম অসিনা মশক খঙনরক্লে। ঐখোয় ঙাইহাক্কী ওইবা থৌদোক ৱাথোকশিংদা ৱাখল খন্থদনা থবক তৌবা লৈবাক অমা নত্তে। ঐখোয় অসি চাওখৎপা অমসুং অমাঙ অতাগী ফীভম অনিমক উদুনা লাক্লবা, অদুগুম্বা ফীভমশিং অদু খাঙদুনা লাক্লবা লৈবাক অমনি। ঐখোয় অসি ঐখোয়গী ৱাখল্লোন্দা চহি লিশিং কয়াগী মেমোরী চিপ য়াওবা লৈবাক অমনি - চহি লিশিং কয়াগী মেমোরী চিপ লৈবা লৈবাক অমনি। মরম অদুনা ঙসি ভারতনা তৌরিবা থবক অসিনা – অদুগা ঐনা মসি থৌদাং চপ চানা লৌদুনা হায়জরি - ঙসি ভারতনা তৌরিবা থবক অসিনা লাক্কদৌরিবা চহি লিশিং অমগী তুংলমচৎ অসি ইগদৌরিবনি। মসি মালেমগী মফমদা ভারতকী খ্বায়দগী চাউবা গরেন্তী অমনি। ভারত অসি খোঙজেল য়াংশিন্না চাউখৎলক্লিবা ইকনমী খক্তা নত্তে, মসি থাজবা য়াবা ইকনমী অমশুনি। মচিন তুমখৎলক্লিবা মপাঙ্গল অমা ওইরকপগা লোয়ননা – অদুগা অদোম্নদি দিক্সনরী অসি হেন্না পাকথোক চাউথোকহন্দুনা সুপরপৱার হায়না ফাওবা কৌবিরি - ঐনা থাজবগা লোয়ননা হায়জগে মদুদি ভারত অসি থাজবা য়াবা মপাঙ্গল অমনি। নুমিৎ খরনিগী মমাঙদা, ঐনা G7 সম্মিৎতগী হল্লকখি, অমসুং লুচিংবা খুদিংমক, লৈবাক খুদিংমক্না য়াম্না মুন্না খঙই মদুদি ঙসিগী ভারতকীদমক, 'নেসন ফর্স্ত' হায়বসিনা খ্বায়দগী চাউবা লাইৱানি, খ্বায়দগী ৱাংবা পরম্নি।

মরূপশিং,

নুমিৎ খরনিগী মমাঙদা, ঐখোয়গী লৈঙাক অসি চহি ১২ মপুং ফাখ্রে। অর্নবনা অদোমবু মসিগীদমক খুবাক ফাওবা খুহনখি। হৌখিবা চহি ১২ গী মায় পাকপশিং অসি অদোমনা চাংদম্নরগা য়েংলবদি, ৱারেপ খুদিংমক, খোঙথাঙ খুদিংমক, অমসুং হোৎনজমন খুদিংমক্কী মরুমদা 'নেসন ফর্স্ত' হায়বা ৱাখল্লোন অসি য়াওবা অদোম্না থেংনগনি। স্বচ্ছ ভারত অভিয়ানদগী মেক ইন ইন্দিয়া ফাওবা, খাদিদা মিৎয়েং থম্লকপদগী লমদমসিদা পুথোকপা পোৎলমশিং য়োকখৎপা ফাওবা – থৌশিলশিং অসি মায় পাকপগী মরমদি লৈবাক অসিগী মীয়াম্না লৈবাক অসিবু অতৈ পুম্নমক্তগী অৱাংবা থাক্তা থমদুনা মখোয়গী থৌদাং মপুং ফানা পাঙথোকপনি। ঐনা লৈবাক অসিগী মীয়ামদা ইকায় খুম্নবা উৎচরি।

মরূপশিং,

ঐখোয়গগী ইরক্তা ঐখোয়গী মরূপ শ্রী শ্রীধর ভেম্বু জি লৈরি। ঐখোয়গী ওন্ত্রপ্রিনরশিংনা নেসন ফর্স্তকী ৱাখল্লোনগা লোয়ননা চৎপা মতমদা, লৈবাক অসিগী মথৌ তাবশিং অদু খঙদুনা মখোয়গী পান্দমশিং লেপ্পা মতমদা, ইন্সতিত্যুসনশিং শেমগৎলি অমসুং লৈবাক অসি চাউখৎলি। শ্রী ভেম্বু জিগী থবক্কী মরমদা মফম অসিদা কয়া য়াম্না খন্নখিবনো ঐ খঙদে, অদুবু ঐহাক্না হন্দক্তা ফ্রান্সকী ভিভাতেক্তা চৎখি। মফম অদুদা নহা মীওই লাখ ১.৫ দগী ২ রোম লৈরমখি। ঐ অমসুং ফ্রান্সকী রাস্ত্রপতিগা লোয়ননা নহাশিংগী ইনোভেসনশিং য়েংনবগীদমক তোঙান-তোঙানবা স্তোলশিংদা চৎপা মতমদা, ঐখোয় জোহো স্তোলদা লাকখি। অনৌবা শেমগৎলিবসিগী মরমদা খঙনবগীদমক মফম অদুদা য়ুরোপকী নহাশিং তিল্লমবা অদু উরগা ঐ ঙকখি অমসুং ঐ ইশাবু চাউথোকচবা ফাওখি। ভারত্তা মসিগী মরমদা থোয়দোক্না খন্নরমদবদি য়াই, অদুবু ফ্রান্সতা ঐনা উখিবা অদুদি অঙকপনি। মসিগীদমক অদোমগী মফমদা নুংঙাইবা ফোঙদোকচরি।

মরূপশিং,

লৈঙাক্কী নীতি অমসুং ৱারেপশিংদা নেসন ফর্স্টকী শাফু অদু ঐখোয়গী ত্রাইবেল লমদমশিংদা উবা ফংই। ঐ মফমসিদা ৱাংউলোনগী মরমদা ঙাংনবগীদমক লাকপা নত্তে, অদুবু থবকশিং অদু করম্না পাঙথোকপগে হায়বা অদোম্না খঙবা ঙম্নবগীদমক ঐনা খুদম খরা অদোমদা থমজগে। ঐনা ত্রাইবেল লমদমশিংগী মরমদা - করোর ১০ হেনবা মীশিং লৈবা ত্রাইবেল সোসাইতী অসিগী মরমদা ঙাংলি। দেকেদ কয়া মাওবাদীগী অকিবা অসি মফম অদুদা তাশিন্দুনা লৈরমখি হায়বা ঐখোয় পুম্নমক্না খঙই। ২১ শুবা চহিচা অসিদশু, তেরোরিস্তশিং অসিনা মফম অদুগী মীয়ামদা খুদোংচাবা অমা ফাওবা ফংহন্নবা লম্বী পীদে। লৈঙাক্কী গারী অমত্তা মফম অদুদা চৎপা ঙম্লমদে; মখোয় মফমদুদা চৎলুবদা নোংমৈ মরুনা মখুল মখুল হোগনি। লৈঙাক কয়া অমা লাকখ্রে অমসুং চৎখ্রে, মীরোল কয়া হৌখ্রে, অমসুং অসিগুম্বা হাৎন-শুনবগী ফীভম অসি মতম পুম্বদা লৈরগনি হায়না খল্লমখি। অদোম্না খল্লমবা য়াই - ২০০৪ অমসুং ২০১৪ গী মরক্তা, চহি তরা অদুগী মনুংদা, মাওবাদীগী অকিবনা মরম ওইরগা, হাৎন-শুনবগী থৌদোক ১৭,০০০ হেন্না থোকখি, অমসুং মীওই ৭,০০০ রোমগী পুন্সি মাঙখ্রে।

মরূপশিং,

অদোমগীদমক, ঙসিগী মেদীয়াগী হেদলাইন নত্ত্রগা পুংখায় অমগী তিভি দিবেৎনা মাওবাদীগী অকিবা অসি লোইশিনখ্রে হায়বা ওইরমবা য়াই। অদুবু থবকশিং অসি অদুগুম্না পাঙথোকখিবদি নত্তে। মসিগীদমক কন্না হোৎনবা মথৌ তাই, অমসুং মরম অদুননি ঐনা খঙহন্নবা হোৎনরিবা। হৌজিক্কী মতমদা, মীওই খরনা সংবিধান অসি হায়দুনা চৎলি, অদুবু মখোয়না লৈঙাক্তা লৈবা মতমদা, নক্সলনা অপনবা পীবা মফমশিংদা, 'সংবিধান' হায়বা ৱাহৈ অসি ঙাংবফাওবা অদোমবু নোংমৈনা কাপ্লকপা য়াই। অদুগুম্বা মতমদুগী লৈঙাক অসিনা তুমিন্না লৈখি, মখোয়গী খুৎসু নিকখি, সংবিধানবু ৱাংনা থাঙ্গৎপা ঙম্লমদে। কংগ্রেসনা অসিগুম্বা অৱাবা ফীভম অদুনা কংগ্রেসকী মফমদা করিসু নাচুংহল্লমদে।

মরূপশিং,

২০১৪গী মতুংদগী, অসিগুম্বা ফীভম অসি ওন্থোক্নবগীদমক ঐখোয়না 'নেসন ফর্স্ট'কী ৱাখল্লোনগা লোয়ননা মাঙলোমদা চঙশিল্লকখি। ঐখোয়না ৱাজাও খক্তা ঙাঙখিদে, লাউথোকপা খক্তা নত্তে, ঐখোয়না থবক তৌখি। ঐখোয়না নকসল-মাওবাদ অসি মরু ফংনা ফুক্তোক্নবা ফিরেপ লৌখি, অমসুং ঙসি লৈবাক পুম্বনা মসিগী মহৈ উবা ফংলি। ভারত্তা লৈরিবা মাওবাদীগী অকিবা অসি হৌজিক অরোয়বা নীংশা হোল্লি।

অদুগা মরূপশিং,

অরোয়বা মহৈ অসি য়াম্না চাউবা অমসুং মরু ওইবনা মসিগী মরুমদা তৌখিবা থবকশিং অদুদি হেক হেক উনদে। রিপব্লিক তিভি য়েংলিবা মীয়ামদা ঐনা মসিগী মরমদা অখন্ননা হায়জনিংই।

মরূপশিং,

নক্সলনা অপনবা পীবা মফমশিংদুগী মরমদা – নুংথিল ফাওবদা চত্থোকপদা অকিবা লৈরম্বা মফমদুদা – ফাখিগদ্রা, শেল লৌখিগদ্রা নৎত্রগা মুনখিগদ্রা হায়বগী অকিবা লৈরম্বা – চাওখৎপগী মরমদা ৱা ঙাঙবা ফাওবা ওইথোক্লমদবা মফমদুদা  ঐখোয়না চাওখৎপগী ৱাশক অমা লৌদুনা মাঙলোমদা চঙশিনখি। হৌখিবা চহি ১২ অসিদা, ঐখোয়গী লৈঙাক অসিনা অসিগুম্বা মফমশিংদা কিলোমীতর ১২,০০০ হেনবা লম্বী শেমগৎলে। ঐখোয়গী শেমগৎ-শাগৎপগী খুৎলায়শিং মৈ কয়ারক থাদোকখি, কন্ত্রেক্তরশিংবু তান্থোকখি। লম্বী অমগীদমক মীওই ২৫ না থবক তৌবদা, থবক অদু মখা চৎথনবগীদমক পুলিসকী মীওই ২০০ না ঙাক শেনখি। মসি পুম্নমক অসি ঐখোয়না তৌখি মরমদি মসি তৌনবগী ৱারেপ ঐখোয়না লৌরম্মি।

মরূপশিং,

ঐখোয়না মোবাইল তৱার ৯,৫০০ হেন্না খিনখ্রে। হান্নদি তৱার অমা ফাওবা খিনবা ঙম্লমদে, অমসুং খিল্লবসু, মদু থুগায়রম্মি। মরমদি মখোয়না মতম পুম্বদা অশাওবা য়োক্তুনা থম্বা পাম্লম্মি। ঐখোয়না খুঙ্গং ৪৫,০০০ রোমদা মোবাইল কনেক্তিবিতী লৈহনখি। নকসলনা শোকহল্লবা দিস্ত্রিক্তশিংদা, বেঙ্ককী ব্রেঞ্চ ১,৮০০ হেন্না হাংদোকখি। বেঙ্ককী কোরেস্পোন্দেন্ত ৭৫,০০০ অমসুং অনৌবা পোস্ত ওফিস ৬,০০০ হেন্না শেমগৎখি। ঐখোয়না বোম, নোংমৈ অমসুং মরূ খক্দা থাজবা থম্লমদে, মরূপশিং - ঐখোয়না তাইবঙ মপুনা পীবিবা মপাঙ্গল পুম্নমক মীয়ামগী থমোয় খুদুম চন্নবা শীজিন্নখি।

মরূপশিং,

ঐখোয়না অচেৎপা ফিরেপকা লোয়ননা, নক্সলনা শোকহল্লবা মফমশিংদা মীয়ামগী থাজবা অমসুং অপাম্বশিং অদু মপুং ফাহন্নবগীদমক চৎখি। অদোম ঙক্লমগনি - করোর কয়াগী মনা লৈবা অকিবা পোক্লবা নক্সল অমা, মহাক্কী মমানা অহানবা ওইনা ঐখোয়দগী রাসন কার্দ অমা ফংখি। মহাক্কী মচানুপানা মহাক্কী তেররগী লৈঙাক অদু চৎথনবগীদমক মহাক্না মদু ফংবা পম্লমখিদে। অসিগুম্বা মশিং থিঙমদ্রবা থৌদোক কয়া লৈরি। ঐ ঙকখি। অমসুং মতমদুগী লৈঙাক অদুনা সংবিধানবু হন্না য়েংদনা তুমিন্না লৈরমখি। অদুবু অসুম্না হোৎনখিবা পুম্নমক্কী মহৈ অদু মীয়ামগী মরক্তা থাজবগী অনৌবা ইহুল অমা ওইরকখি। ঙসি বস্তারদা য়েংবিয়ু - বোম অমসুং নোংমৈগী মহুত্তা, বস্তার ওলিম্পিক অসি ইচঙ থৌনা ঐখোয়না পাঙথোক্লি। ইদিসন অনিরক পাঙথোকখ্রে। অহানবদা, নহা লাখ ১.৫ হেন্না শরুক য়াখি, অমসুং অনিশুবদা, নহা লাখ ৪ রোম শরুক য়াখি। মতম অমদা অকিবা লৈরমবা মফম অদুদা, ঙসি হৈ-শিংবা নহাশিংগী খুদোংচাবা ফংলি, অমসুং শান্ন-খোৎনবগী থৌওং চাওখৎলক্লি।

মরূপশিং,

সেবা তৌবগী হৌখিবা চহি ১২ অসিদা ফংবা অতোপ্পা অচৌবা মায় পাকপা অমদি-  নীংবা কায়বদগী থোরক্তনা মঙলান অমসুং অনিংবা অপাম্বনা থল্লবা ভারত অমা শেমগৎপা অসিনি।

মরূপশিং,

নক্সলবাদ অসি মফম খরদা খক্তা তাশিল্লগা লৈরম্বা য়াই, অদুবু মসিগী অৱাবা অদুদি ভারতকী লমদম খুদিংমক্তা ফাওরম্মি। অমসুং নক্সলবাদ অসি লোইশিল্লক্লে হায়বগী পাউ শন্দোরকপা মতমদা, থাজবগী ৱাখল্লোন অদু অৱাবা তারিবা লমদমশিংদা খক্তা নত্তে - মসি লৈবাক পুম্বদা শন্দোকখি। ২০১৪গী মমাংগী চহি তরা অদুদা, কংগ্রেস লৈঙাক্কী মখাদা, লৈরমবা পেন্দবা অদু লৈঙাক্কী খক্তা নত্তে। নীংবা কায়বা অদু মরা চেৎনা তারমখি। লৈবাক অসিনা থাজবা মাঙখি। করিগুম্বা অমতা ওন্থোকপা ঙম্লোয়, ফীভম অমত্তা ফগৎপা ঙম্লোই হায়না মীয়াম্না খল্লমখি।

মরূপশিং,

হৌখিবা চহি ১২ অসিদা, ভারতনা নীংবা কায়বগী ফীভমদগী থাজবা অমসুং অপাম্বনা থল্লবা ভারত অমা ওইরকখি, অমসুং মসিনা ঐঙোন্দা খ্বায়দগী চাউবা নুংঙাইবা পী। ঙসি, মীওই খুদিংমক্তা খল্লি মদুদি খরগা হেন্না হোৎনবনা, করিগুম্বা অমা ফংবা ঙমগনি। “মসি পাঙথোকপা ঙম্লোই, মসি পাঙথোকপা ঙম্লোই” হায়না খক্তা ঙাংনরম্বা মতমশিং অদু চৎখ্রে। অদুগুম্বা মতম অদু লোইশিনখ্রে। ঙসিদি, “মসি পাঙথোকপা ঙমগনি” হায়বা ৱাখল্লোন অসিদা চৎলি। অনৌবা থাজবা অসি ভারতকী তশেংবা মায় পাকপনি, অমসুং মসিদি অশেংবা মপাঙ্গলনি। শিংনবশিং লৈরি অমসুং মতম পুম্বদা লৈগনি। শিংনবশিং শক্লোন হোংদুনা লাকই। অদুবু মখোয় লৌনিংবা শক্লোন লৌরবসু, ঐখোয়না থেংনগনি অমসুং ঐখোয়না মায় পাক্কনি। “মসি তৌবা য়াই অমসুং ঐখোয়না মসি তৌগনি” হায়বা থাজবা অদুগা লোয়ননা লৈবাক অসি মাঙলোমদা চৎপা মতমদা, মঙলানশিং অদু মঙফাওনগনি।

মরূপশিং,

ভারতকী দিস্ত্রিক্ত ১০০ হেন্না অমসুং ব্লোক ৫০০ হেনবগী মরমদা ঐনা মফম অসিদা ঙাংজনিংই। চাওখৎপগী চাং অমত্তদা মখোয় অসি শোত্থরগা লৈহৌখি, অমসুং হান্নগী লৈঙাকশিংনা মখোয়বু “শোত্থহৌরবা দিস্ত্রিক্ত” অমসুং “শোত্থহৌরবা লমদম” হায়না মিংথোল্লম্মি। ঐখোয়না চাওখৎপগী অৱাপা অসিদগী চাউরবা লমদমশিং অসি পুথোরক্তুনা অমসুং চাওখৎপগী অনিংবা অপাম্বশিং থৱায় হাপ্পা ঙমখি। অহানবদা, ঐখোয়না মখোয়গী শক্তম ওন্থোকখি। ঐখোয়না হায়খি মদুদি মখোয়শিং অসি “এস্পিরেস্নেল দিস্ত্রিক্ত”নি, মখোয়শিং অসি “এস্পিরেস্নেল ব্লোক”নি। ঐখোয়না এস্পিরেস্নেল দিস্ত্রিক্ত অমসুং এস্পিরেস্নেল ব্লোক্কীদমক প্রোগ্রামশিং শেমগৎখি, অমসুং লৈঙাক অসিনা চাওখৎপগী চাং খুদিংমক্তা চেকশিন্না থবক তৌবা হৌরকখি। দিস্ত্রিক্ত খুদিংমক্তা, ঐখোয়না মপাঙ্গল লৈহন্নবা লম ৩ খনবদা অতোপ্পা খরদা লম ৬ খনখি, অমসুং মসিগী মথক্তা মীয়ামগী পুক্নিং চংলকখি। ঙসিদি, এস্পিরেস্নেল দিস্ত্রিক্ত অমসুং ব্লোকশিং অসি স্তেতশিংগী অপুনবা চাওখৎপা অদু থৌদুনা চৎলি। হান্নদি, মখোয়না চাওখৎপগী খোঙজেল থিন্থহল্লম্মি। হায়রিবা দিস্ত্রিক্তশিং অসিদা লায়রবা অমসুসং চাকথুং-ফিথুংদ্রবা মীশিং য়াম্না লৈরমখি। হৌখিবা চহি খরসিদা, লায়রবগী মীওই করোর ২৫ রোম্না লাইরববু মায়থিবা পীখ্রে, অমসুং মসিদা এস্পিরেস্নেল দিস্ত্রিক্তশিংনা চাউরবা থৌদাং অমা লৌরকপনি।

মরূপশিং,

ঐখোয় উবা ফংই মদুদি মীওই অমনা নাবা ফবা মতমদা, মীওই অদু খক্তা নত্তে - ইমুং পুম্বনা নুংঙাইবা ফাওই। চপ মান্ননা, নুপা নত্ত্রগা নুপী অমনা করিগুম্বা অমা ফংলকপা মতমদা, মদু মখোয়গী মায় পাকপা খক্তা নত্তে, মদু ইমুং পুম্বনা চাউথোকচবা অমসুং থাজবনা মপুং ফানা থল্লি। চপ মান্নবা মওংদা, কনাগুম্বা অমনা লায়রবগী ফীভমদগী থোরকপা মতমদা, খুন্নাই পুম্বনা কান্নবা ফংই, লৈবাক অসিনা কান্নবা ফংই। মীওই করোর ২৫ না লায়রবগী ফীভমদগী থোরক্লগা নিও-মিদ্দল ক্লাসতা চঙলকপা মতমদা, কান্নবা অদু ইমুং অদুগী খক্তদা নত্তে। মিদ্দল ক্লাসশিংনসু কান্নবা ফংই, মরমদি মখোয়শিং অসি ইকনমী অসি শেন্মিৎলোনবু মথৌ হাপ্লিবা অনৌবা কঞ্জ্যুমরশিংনি, মদুনা অরোয়বদা মিদ্দল ক্লাসকীদমক খুদোংচাবশিং শেমগৎলি। মরম অদুনা, লায়রবগী ফীভম হন্থহনবা অসি সেবা তৌবগী ৱাফম খক্তা নত্তে - মসি খুদোংচাবশিং শন্দোকপগী ৱাফম অমনি, অনৌবা অপাম্বশিংগী হৌরকফম অমনি।

মরূপশিং,

হৌখিবা চহি ১২ অসিদা লৈবাক অসিদা মপুং ফানা শেমগৎলকপা চাউরবা মিদ্দল ক্লাস অসি লৈঙাক্কী অৱাংবা থাক্কী পান্দম ওইদুনা লাক্লি। মিদ্দল ক্লাসকী ইজ ওফ লিভিংগীদমক লৈঙাক অসিনা থাক খুদিংমক্তা থবক তৌরি। মশাগী ওইবা য়ুম অমা লৈনবগী মঙলান অদু খনবিয়ু। মিদ্দল ক্লাসকী ইমুং খুদিংমক মশাগী ওইবা য়ুম অমা লৈনবা অপাম্বা লৈ। ২০১৪দা, ইমুং অমনা য়ুম অমা লৈনবা হোৎনবদা, হোম লোন্না দবল দিজিতকী ইন্তরেস্ত রেৎ লৈরম্মি। ঙসিদি, বেঙ্কতগী ইন্তরেস্ত চাদা ৭-৮ দা লোন ফংই। হান্নদি, লোন অমা ফংবা অসি লান অমা মায় পাকপগুম্মি, মসিগীদমক কন্না হোৎনবা মথৌ তাই। ঙসিদি, অদোমগী য়ুমদা ফম্লগা লোন ফংবা য়ারে। দিল্লি-এন.সি.আর.দা, অর্বান মিদ্দল ক্লাসকী য়ুম লিশিং কয়া অদু লোইশিনবা ঙমদনা লৈরি হায়বা অসি মীয়াম্না খঙই। ইমুংশিংনা মখোয়গী পুন্সিগী তুংশিঞ্জরকপা শেন্ফম পুম্নমক বিল্দরশিংদা পীখি, মখোয়না মমিং লৈবা পমফ্লেতশিং অমসুং মঙলানশিং উৎখি, অদুবু য়ুমশিং অদু অমুক্তা পীখিদে। ইমুংশিংনা মখোয়গী য়ুম ঙাইনা ঙাইনা লোইনাইদবা ভরা থিদুনা লৈ। মসি য়াম্না অকিবা ফীভম অমনি। অসিগুম্বা পন্দুনা লৈরিবা প্রোজেক্তশিং অদু মপুং ফাহন্নবগীদমক, ঐখোয়না লুপা করোর ২৫,০০০ গী স্পিসিএল ফন্দ অমা শেমগৎখি। লৈবাক পুম্বদা চহি কয়া পন্দুনা লৈরম্লবা য়ুম ৬০,০০০ রোম ঙসিদি ফংহল্লে হায়বা অসি খঙলবদি অদোম নুংঙাইগনি।

মরূপশিং,

অতোপ্পা পুন্সি হিংনবগী ফীভমদা শাফু পীবা ৱাফম অমদি কনেক্তিবিতী অমসুং ত্রান্সপোর্তনি। ঙসি, অদোম্না সোসিএল মেদীয়া য়েংলবদি, মালেম পুম্বদগী লাকপা তুরিস্টশিংনা ঐখোয়গী মেত্রো সিস্তেম অসি উরগা অঙকপা ফাওই।

মরূপশিং,

২০১৪ দা, নুমিৎ খুদিংগী মেত্রোদা ত্রাভেল তৌবা মীযওই করোর ২.৮ রোম লৈরম্মি। ঙসিদি, নুমিৎ খুদিংগী মেত্রোদা ত্রাভেল তৌবা মীওই করোর ১২.৮ রোম লৈরে। হৌজিক বন্দে ভারত, নমো ভারত, অমসুং অমৃত ভারতকুম্বা হায়-স্পীদ ত্রেনশিংনা লৈবাক অসি শম্নহল্লি। লম্বী-থোঙ ফগৎলকপনা অমসুং হায়ৱেশিংনা চৎথোক-চৎশিনগী মতম তেনশিলহনবা খক্তা নত্তে, গারী মেনতেনেন্সকী চাদিংশু হন্থখ্রে। হৌখিবা চহি খরসিদা, এয়রপোর্তশিংগী মশিং শরুক অনি হেনগৎলে। মসিনা তোঙান-তোঙানবা অপিকপা সহরশিংদা লৈবা মিদ্দল ক্লাসশিংবু অহানবা ওইনা প্লেন তোংদুনা পাইবা ঙম্নবগী খুদোংচাবা পীখ্রে।

মরূপশিং,

হৌখিবা চহি ১২ অসিদা, ভারতনা মিদ্দল ক্লাসকী শেন্থোক খক্তা হেনগৎহনখিবা নত্তে, মখোয়গী শেল তুংশিনবগী চাংসু হেনগৎহনখ্রে। ২০১৩-১৪ দা, লুপা লাখ ২ ফাওবগী শেন্থোক অসি তেক্স তৌবা য়াই, অমসুং মিদ্দল ক্লাসনা মসিগী অৱাবা অদু মায়োক্নখি। ঙসিদি, লুপা লাখ ১২ ফাওবগী শেন্থোক অসি তেক্স লৈতনা ফংই। অতোপ্পা ৱাহৈদা হায়রবদি, তেক্স লৈতবা শেন্থোক শরুক কয়া হেনগৎলে।

মরূপশিং,

জি.এস.তি. রিফোর্মশিং অসিনসু মিদ্দল ক্লাসকীদমক চাউরবা খুদোংচাবা অমা পুরকপা ঙম্লে। তেক্স ফাইল তৌবা অসি হেন্না লায়থোক্লে, মসিনা মতম অমসুং শেল অনিমক কনবা ঙম্লে। ইনকম তেক্স রিতর্নশিং অসি হৌজিক ইশাগী য়ুমদগী ফাইল তৌবা য়াই, অমসুং তেক্স সেত্তলমেন্তগী অৱাবশিং ফাওবা ফেসলেস ওইবা মওংদা পাঙথোক্লে।

মরূপশিং,

মিদ্দল ক্লাসকী ইমুংশিংগী ওইনা অচৌবা চাদিংশিংগী মরক্তা দাইবেতিস অমসুং পুন্সি মহিংগা মরী লৈনবা ফীভমশিং লায়েংবা অসিনি। জন ঔষধি কেন্দ্রশিংদা, অসিগুম্বা হিদাক লাংথকশিং অসি চাদা ৮০ ফাওবগী দিস্কাউন্ততা ফংই।  হান্না অদোমনা লুপা ১,০০০ চাদিং তৌরম্লবদি, ঙসিদি অদোমনা লুপা ২০০ খক্তা চাদিং তৌদুনা, লুপা ৮০০ কনবা ঙম্লি। চহি কয়া অসিদা, মসিনা মশিং খঙদনা লৈরিবা ইমুংশিংগী ওইনা লুপা করোর ৪০,০০০ রোমগী শেনফম কনবা ঙম্লে। মিদ্দল ক্লাসকী বজেতকী অতোপ্পা চাউরবা শরুক অমদি অহল ওইরবা মীওইশিংগী হকশেলগীদমক শীজিন্নবা অসিনি। ঙসিদি, চহি ৭০ দগী মথক্তা লৈবা মীওই খুদিংমক্না লুপা লাখ ৫ ফাওবগী লেম্না লায়েংনবগী হক লৈরে।

মরূপশিং,

খুদোংচাবশিং অসি নীংথিনা চাং নাইনা ফংলকপা মতমদা মমাংগী অৱাবশিং অদু কাউথোকপা অসি মীওইবগী মচৎনি। মমাংদা, অদোম্না লুপা লাখ ২ গী শেন্থোক্কী মথক্তা তেক্স পীরম্মি; হৌজিক্তি লুপা লাখ ১২ ফাওবগী শেন্থোক অসি তেক্স লৈতনা ফংই। অদুবু নিংশিংহল্লবা মতমদা খক্তা খুবাক খুরকই, থাগৎনরকই। নাকল অমর,মদা, বস নত্ত্রগা ত্রেন অমনা মতম চাদনা লাকপা মতমদা, ৱাকৎ থাঙ্গৎনরকই। মসি খ্বায়দগী খোঞ্জেল থোকপা থাক্নি।

মরূপশিং,

ঐনা হান্নসু হায়খ্রে, মীয়াম্না মমাংগী অৱাবশিং অদু কাউথোকপা অসি মীওইবগী মচৎনি। দ্রাইভিং লাইসেন্স নত্ত্রগা পাসপোর্ত ফংনবা হোৎনবদা মমাংদা মায়োক্নরম্বা অৱাবশিং অদু অদোম্না হৌজিক নিংশিংলমদবসু য়াই। হান্নদি, মসি অচৌবা অৱাবা অমা ওইরম্মি। ঙসিদি, দ্রাইভিং লাইসেন্স ফংবা অসি হেন্না লায়থোক্লে, অমসুং পাসপোর্তশিং অদু নুমিৎ হুম্নিগী মনুংদা ফংহল্লি।

মরূপশিং,

লৈঙাক অসিনা থবক তৌরিবা মওং-মতৌনা মীয়ামগী অপাম্বশিং অদু হেনগৎহল্লে। মীয়ামগী অপামবা ৱাফম অমা মপুং ফংলবা মতমদা, মখোয়না হেন্না ফবা অমা অমুক তাল্লকই। হান্নগী তাল্লিবা ৱাফম অদু লম্বী অনৌবা অমা শেম্নবগী ওইরবদি, মদু শেম্লবা মতুংদা লাকপা ৱাহং অদুদি: মেত্রো অসি করম্বা মতমদা লাক্কনি? হান্নদি, ত্রেনশিং মতম চানা লাকপা অমসুং লু-নানবা ফমফম ফংবা হায়না খন্নরম্মি। ঙসি তাল্লিবা ৱাফম অদুদি: ঐখোয়গী লম্বীদা বন্দে ভারত অসি করিগীদমক চেনদ্রিবনো?

মরূপশিং,

মীওই খরনা মসিবু পেন্দবনি হায়না খল্লি, অদুবু মসিদি অনিংবা অপাম্বা অদুনি। তশেংনা হায়রবদি, কংগ্রেস পার্তী ফাওবনা মতম পুম্বদা হায়রি, “মোদী জী, মসি ওইগদবনি, মদু ওইগদবনি।” মখোয়না থাজৈ মদুদি পাঙথোকপা ঙমগদবা মীওই অদুদি লৈঙাক অসিনি হায়না।

মরূপশিং,

মীয়াম্না মঙলানশিং অদু মঙফাওনগনি হায়না থাজবা লৈবা মফমদা খক্তা অপাম্বশিং অদু থোরকই। মসি ভারতকী নহাশিং, লায়রবশিং অমসুং মিদ্দল ক্লাসকী অপাম্বনি। ঙসি, মসি বিজেপি-এন.দি.এ. লৈঙাকশিংবু মথৌ হাপ্লিবা ইনর্জীনি।

মরূপশিং,

নাকল অমদা, লৈবাক অসিগী চাউরবা শরুক অমদি অপাম্বা লৈরি। অতোপ্পা নাকল অমদনা, পুন্সিগী লাইৱা “মতম পুম্বদা মায়োক্নবা” হায়বসিনা ওইরবা রাজনিতীগী কাংলুপ অমা লৈরি। কাংলুপ অসি পেনবা নাইদবগী ফীভম্না থন্না লৈ। রিপব্লিক তিভি য়েংলিবশিংনা মখোয়বু খঙবা ঙম্নবগীদমক ঐনা লাইওং খরা থমজগে। মখোয়না হায়গনি, “মফম অসিদা করিগী পুং ২৪ মৈ ফংদ্রিবনো?” অদুবু মথংগী নুমিত্তা, মখোয়না দাম, সোলার পার্ক, থের্মল প্লান্ত, নত্ত্রগা ন্যুক্লিয়র প্রোজেক্তশিংগী মায়োক্তা ঈহৌ হৌগনি। নোংমনা মখোয়না মৈ ফংদবগী মরম হংই, অতোপ্পা নুমিৎ অমদনা মখোয়না মৈ পুথোকপদা অপনবা পী। মসি মমাংদা মিনরেল মাইন তৌবদা অপনবা পীরম্বা মীওইশিং অসিনি, অদুবু ঙসি মখোয়না ভারতকী রিয়ার আর্থ মিনরেল রিজর্ব অমসুং সপ্লাই চেনশিং কদায়দা চৎখ্রে, অমসুং ভারতনা অতোপ্পা লৈবাকশিংগুম্বা ইভি ইকোসিস্তেম লৈত্রিবা করিগীনো হায়না হংই। মখোয়না মমাংদা “দেতাগা মোইদা”গগী মরমদা মরৈ য়েৎনরম্মি, অদুগা হৌজিক্না ভারতনা এআইদা করি তৌরে হায়বসি হংলি। মখোয়না নিংশা অমা হোনবদা এআই অসি হেন্না চাওখৎহনগদবনি হায়গনি, অদুগা থংনবা নিংশাদনা মখোয়না সোসিএল মেদীয়া, তিভি দিবেৎ, অমসুং পাউ-চেশিংদা অশোয়বা অরানবা কয়া পুথোক্তুনা দেতা সেন্তর অমসুং সেমিকন্দক্তর প্লান্তশিংগী ময়োক্তা লেপ্পি।

মরূপশিং,

মখোয়না ভারতকী মালেমগী মফম কয়াগী শেঞ্জা থুমজাগী ইন্দাইসশিং পুরক্তুনা ভারতপু দোক্তা লেপহল্লি। মখোয়গী ইকোসিস্তেমগী মেদীয়ানা মসি ২৪/৭ শন্দোক্লি। অদুবু শেঞ্জা থুমজাগী মথক্তা থবক তৌবা মতমদা, মখোয়না অহানবা ওইনা য়ানিংদবা ফোঙদোক্লি, রেদ অমসুং ইনভেস্তিগেসন অদু অৱাবা পীবনি হায়না ফোঙদোকই। মখোয়না হংই করিগী হৌজিক থবক লৌখৎলিবনো, করিগী মমাংদা তৌদে, করিগী A গী মথক্তা অমসুং B গী মথক্তা তৌদে হায়না। মসি মখোয়গী কুমহৈনি।

মরূপশিং,

লৈবাক অসিনা মখোয়গী মওং মতৌ অদু খঙবা অসি য়াম্না তঙাইফদবা অমনি। খ্বায়দগী মরু ওইনা ঐখোয়গী নহা ওইরিবশিং, অমসুং জেন জি-শিংনা অখন্ননা মখোয়বু থুনা খঙদোকপা মথৌ তাই। নত্ত্রবদি, ঐনা হায়জরিবা অদুগুম্না, “সূর্যবংশী লাক্লে,” হায়না মহাক্না থুনা খঙহল্লক্কনি।

মরূপশিং

মখোয়না আর্ম ফোর্সশিং অদুদা মনিং তমবা অমসুং খুৎলায় ৱাৎলি হায়না ফোঙদোকই। অদুবু লৈঙাক অসিনা দিফেন্স দীল অমা তৌবা নত্ত্রগা মখল অনৌবা খুৎলায় লৈবা মতমদা, মখোয়না হান্না ৱাহং হংলক্কনি। মখোয়না মালেম পুম্বদা ভারতকী দিপ্লোমেসী অদুদা শিংনৈ, অদুবু ভারতনা দিপ্লোমেসী অমসুং ঙাক-শেনগীদমক ইনফ্রাস্ত্রকচর প্রোজেক্তশিং শেমগৎপা মতমদা মখোয়না অকনবা মওংদা প্রতেস্ত তৌই।

মরূপশিং,

ঐখোয়গী লৈবাক অসিগী লুরবা তান্ফম অসিদা, ভারতনা মখোয়গুম্বা মীওইশিং অসি খঙদোকপা, মখোয়গী অরানবা ৱাখল্লোনশিং অদু খঙজিনবা অমসুং চেকশিন্না লৈবা মথৌ তাই। অৱাবদি ঙসি মপুং ওইরিবা ওপোজিসন পার্তী কংগ্রেস অসি অসিগুম্বা মীওইশিংনা পায়শিনখ্রে। গান্ধি জীগী মতমদা হায়রম্বা অদুগুম্না, কংগ্রেসনা লৈবাক অসিনা মাঙদা থম্বগী ৱাফম হায়রক্কনি হায়বসি হৌজিক্তি ওইথোক্লরোইদবা মঙলান অমনি।

মরূপশিং,

ঙসি মালেম অসিনা হান্নদগী চৎনরকপা মওং-মতৌশিং অদুবু শিংনরি, অমসুং অয়েৎ-অপনগী চাংসু য়াম্না ৱাংই। অদুবু শিংনবশিং অসিদগী অনৌবা খুদোংচাবশিংসু থোরকই। ভারতকী নহা, ওন্ত্রপ্রিন্যুর, ইনোভেতর, অমসুং স্তার্তঅপ খুদিংমক্না খুদোংচাবশিং অসিদা পুক্নিং চংগদবনি। লৈঙাক অসিনা লৈবাক অসিনা মাঙদা থম্লগা মীয়ামগা মপুং ফানা লেপমিন্নরি। ভারতনা হৌজিক রিফোর্ম এক্সপ্রেস তোংদুনা চৎলি। খোঙজেল অসি মখা তানা য়াঙখৎলকখিগনি। রিপব্লিক তিভিগী মফম অসিদগী, ঐনা অমুক হন্না হায়জরি: ঐখোয়গী মঙলানশিং অসি চাউই, অমসুং ঐখোয়না হোৎনরিবশিংসু চপ মান্ননা চাউগনি। ভারত মচা করোর ১৪০ না পুন্না হোৎনমিন্নবনা চাওখৎবা ভারত অমা শেমগৎলক্কনি। অমসুং ঐনা অদোমদা থাজবা পীরি, অদোম্না অদোমগী মীৎমক্না চাওখৎপা ভারত অসি উবা ফংগনি। মসিবু তুংগী মীরোলশিংনা ঙাইদুনা লৈহৌনবা তৌরোই। থাজবা অসিগা লোয়ননা, ঐনা রিপব্লিক তিভি, মসিবু য়েংলিবশিং, অমসুং ময়াম পুম্নমক্তা অমুক হন্না য়াইফ-পাউজেল পীজরি। থাগৎচরি!

দিসক্লেমর – মসি প্রধান মন্ত্রীগী ৱারোলগী চাউরাকপা ৱাহন্থোক্নি। অশেঙবা ৱারোলদি হিন্দীদা পীখিবনি।

***