প্রধানমন্ত্রীগী লোইশঙ
প্রধান মন্ত্রীনা পঞ্চিমবঙ্গাল দিবসনা লাকপদা য়াইফ-পাউজেল পীখ্রে, দা. শ্যামা প্রসাদ মুখর্জীনা শরুক তমখিবা অদু নীংশিংখ্রে
प्रविष्टि तिथि:
20 JUN 2026 8:30AM by PIB Imphal
প্রধান মন্ত্রী, শ্রী নরেন্দ্র মোদীনা নোংচুপ বেঙ্গলগী মীয়ামদা পঞ্চিমবঙ্গাল দিবসকী থৌরমনা লাকপদা নুংঙাইবা ফোংদোকখ্রে।
প্রধান মন্ত্রীনা হায়খি মদুদি নুমিৎ অসি ভারতকী পুৱারীদা সাহিত্য, ঈশৈ-নোংমাই, কলা, স্পিরিচুএলিতি, বিজ্ঞান, ললোন-ইতিক অমসুং কম্মর্স, সোসিএল রিফোর্ম অমসুং অতোপ্পা লমশিংদা মহাক্কী থৌদাং কয়াগী খুত্থাংদা চাউনা শাফু পীখিবা রাজ্য অমগী কুহ্মৈনি। মহাক্না পনখি মদুদি নোংচুপ বেঙ্গলনা ভারতকী নেস্নেল কন্সিয়স্নেস অসি মশীং লাকঙমদ্রবা মওং কয়া অমদা মপাঙ্গল কনখৎহল্লি।
শ্রী মোদীনা হায়খি মদুদি জুন ২০ অসি নোংচুপ বেঙ্গলগী পুৱারীদা য়াম্না মরু ওই, মরমদি মসি নোংচুপ বেঙ্গলবু ভারতকী শরুক অমা ওইহন্নবা পাংথোকখিবা নুমিৎনি। প্রধান মন্ত্রীনা হায়খি মদুদি মসিগী মতাংদা দা. শ্যামা প্রসাদ মুখর্জীগী থৌদাং অসি য়াম্না মরু ওই অমসুং ২০২৬ অসি দা. মুখর্জীগী ১২৫শুবা মপোক কুমওন তারি।
প্রধান মন্ত্রীনা হায়খি মদুদি কেন্দ্র সরকারনা মীয়ামগী মঙলান অমসুং অপাম্বশিং মপুং ফাহন্নবগীদমক নোংচুপ বেঙ্গল সরকারগা লোয়ননা থবক তৌমিন্নগনি।
শ্রী মোদীনা নোংচুপ বেঙ্গলনা চাউখৎপা ওইনবা অমসুং মাগী মীয়ামগী য়াইফনবা থৌনিখি।
প্রধান মন্ত্রীনা এক্সতা ইখি;
“পঞ্চিমবঙ্গাল দিবসকী থৌরমনা লাকপদা নোংচুপ বেঙ্গলগী ঐহাক্কী ইচিল-ইনাওশিংদা নুংঙাইবা ফোংদোকচরি।
নুমিৎ অসিনা ভারতকী পুৱারীদা তোঙান-তোঙানবা লমশিং হায়বদি সাহিত্য, ঈশৈ-নোংমাই, আর্ত, স্পিরিচুএলিতি, বিজ্ঞান, ললোন-ইতিক অমসুং কম্মর্স, সোসিএল রিফোর্ম অমসুং অতোপ্পা কয়াদা শরুক তমদুনা চাউনা মশক তাকখিবা রাজ্য অমগী কুহ্মৈনি। নোংচুপ বেঙ্গলনা ভারতকী নেস্নেল কন্সিয়স্নেসপু মশীং লাকঙমদ্রবা মওংদা হন্না হন্না মপাঙ্গল কনখৎহল্লি।
ঙসিগী জুন ২০ অসি নোংচুপ বেঙ্গলগী পুৱারীদা য়াম্না মরু ওই। মসি নোংচুপ বেঙ্গলবু ভারতকী অপুনবা শরুক অমা ওইদুনা লৈহন্নবা থৌরাং তৌখিবা নুমিৎনি। দা. শ্যামা প্রসাদ মুখর্জী অসিসু মসিদা য়াম্না মরু ওইবা অমা ওইখি। ২০২৬ অসিদা, ঐখোয়না দা. মুখর্জীগী ১২৫শুবা মপোক কুমওন পাংথোক্কনি।
কেন্দ্র সরকারনা মীয়ামগী মঙলানশিং অমসুং অপাম্বশিং মপুং ফাহন্নবগীদমক নোংচুপ বেঙ্গল সরকারগা লোয়ননা থবক তৌমিন্নগনি। ঐহাক্না নোংচুপ বেঙ্গলগী চাউখৎপা অমসুং মাগী মীয়ামগী য়াইফনবা থৌনিজরি।”
***
(रिलीज़ आईडी: 2275810)
आगंतुक पटल : 9
इस विज्ञप्ति को इन भाषाओं में पढ़ें:
Malayalam
,
Marathi
,
English
,
Urdu
,
हिन्दी
,
Assamese
,
Bengali
,
Gujarati
,
Odia
,
Tamil
,
Telugu
,
Kannada