وزیر اعظم نے 18 جون 2026 کو پیرس میں ہندوستانی برادری کے ایک بڑے اجتماع سے خطاب کیا ، جہاں پہنچنے پر ، وزیر اعظم کا پرتپاک اوروالہانہ استقبال کیا گیا ، جس سےمادر وطن کے لیے تارکین وطن کی گہری محبت کی عکاسی ہوتی ہے ۔

وزیر اعظم نے اپنے خطاب میں فرانس کے متنوع شعبوں میں ہندوستانی برادری کے اہم تعاون پر روشنی ڈالی ۔ انہوں نے ہندوستانی اختراعات اور نظریات کو عالمی منڈیوں سے جوڑنے اور ہند-فرانس خصوصی عالمی اسٹریٹجک شراکت داری کو آگے بڑھانے میں ان کے کلیدی کردار کو بھی تسلیم کیا ۔ انہوں نے کہا کہ ہندوستانی طلبہ ، پیشہ ور افراد اور سیاحوں کی بڑی تعداد فرانس کو اپنی سیاحت کی منزل بنانے کے ساتھ ہندوستان اور فرانس کے درمیان عوام سے عوام کے تعلقات میں توسیع ہوئی ہے ۔ انہوں نے لوگوں کی نقل و حرکت کو آسان بنانے کے لیے کئے جانے والے اقدامات کی تعریف کی ۔ فرانس میں یو پی آئی کے اثرات کو بڑھانے کے بارے میں بات کرتے ہوئے انہوں نے کہا کہ اس سے دونوں ممالک کے درمیان سیاحت کے بہاؤ کو فروغ ملے گا ۔

وزیر اعظم نے ہندوستان میں ہونے والی انقلابی تبدیلیوں،جامع ترقی اور خواتین کی قیادت میں ترقی سے لے کر انسانوں پر مرکوز اے آئی اور فرنٹیئر ٹیکنالوجیز کے شعبوں میں ترقی تک کے بارے میں بات کی ۔  انہوں نے اس بات پر روشنی ڈالی کہ پچھلے 12 سالوں میں ہندوستان نے 25 کروڑ لوگوں کو غربت سے باہر نکالا ہے ۔  انہوں نے کہا کہ برطانیہ اور یورپی یونین کے ساتھ طے پانے والے تجارتی معاہدوں سے ہندوستانی مزدوروں ، کسانوں ، اختراع کاروں اور دیگر کے لیے نئے مواقع کھلیں گے ۔فرانس کے شہر  نیس میں بھارت انوویٹس 2026 اور پیرس میں ویوا ٹیک 2026 میں ہندوستان کی شرکت کاذکر کرتے ہوئے ، انہوں نے اس بات پر زور دیا کہ ہندوستان عالمی برادری کے لیے ٹیکنالوجی کے شعبے میں پسندیدہ شراکت دار بن رہا ہے ۔  بھارت انوویٹس کی کامیابی پر بات کرتے ہوئے انہوں نے کہا کہ یہ پلیٹ فارم اختراعی سفارت کاری کا نمونہ ہے ۔  ایویان میں جی 7 سربراہی اجلاس میں اپنی شرکت کے بارے میں تفصیل بتاتے ہوئے انہوں نے کہا کہ ہندوستان اعتماد پر مبنی بین الاقوامی شراکت داری کے لیے مضبوطی سے کھڑا ہے ، جہاں گلوبل ساؤتھ کو مساوی شراکت دار کے طور پر دیکھا جاتا ہے ۔  وزیر اعظم نے کہا کہ ہندوستان کی صلاحیت ، ہنر مندی اور اختراع سے دنیا کو ڈیجیٹل دور میں چیلنجوں کا حل نکالنے میں مدد مل رہی ہے ۔  انہوں نے تارکین وطن کو ہندوستان کی ترقی میں کردار ادا کرنے اور وکست بھارت کے سفر میں شراکت دار بننے کی دعوت دی ۔

اس بات چیت سے ہندوستان اور فرانس کے درمیان عوام سے عوام کے گہرے تعلقات کی عکاسی ہوتی ہے  اور دنیا بھر میں اپنے تارکین وطن کی فلاح و بہبود اور مشغولیت کے لیے ہندوستان کے مسلسل عزم کی تصدیق ہوتی ہے ۔

*****

ش ح۔ م ش ع  ۔ ص ج

U. No-8867