وزیر اعظم جناب نریندر مودی، فرانس کے صدر عزت مآب جناب  ایمنیوئل میکرون نے آج پیرس میں ویوا ٹیک 2026 میں شرکت کی، جو یورپ کی سب سے بڑی ٹیکنالوجی اور اسٹارٹ اپ ایونٹ ہے۔

ٹیک انٹرپرینیورز، اسٹارٹ اپس، سرمایہ کاروں اور کاروباری لیڈروں کے اجتماع سے خطاب کرتے ہوئے، وزیر اعظم نے انسان پر مبنی اے آئی اور فرنٹیئر ٹیکنالوجیز کے لیے بھارت کے وژن اور ابھرتی ہوئی ٹیکنالوجیز میں بھارت-فرانس کے تعاون کے بڑھتے ہوئے وسعت کو اجاگر کیا۔ انہوں نے نوٹ کیا کہ ٹیکنالوجی نے بھارت میں تبدیلیوں کو قابل بنایا ہے، ڈیجیٹل ادائیگیوں سے لے کر،اے آئی نے زرعی ترقی کو جدید ترین خلائی ایپلی کیشنز تک پہنچایا۔ کلیدی خطاب کے بعد، وزیر اعظم مودی اور صدر میکرون نے بھارتیہ سٹارٹ اپس اور اختراع کاروں کے ساتھ بات چیت کی جو صنعت، صحت کی دیکھ بھال، پائیداری اور نقل و حرکت کے لیے فرنٹیئر ٹیکنالوجیز اور عملی حل دکھا رہے ہیں۔

بھارت ویوا ٹیک 2026 میں اے آئی کنٹری پارٹنر ہے۔ویوا ٹیک میں یہ بھارت کی اب تک کی سب سے بڑی موجودگی ہے جس میں مصنوعی ذہانت، ڈیجیٹل پبلک انفراسٹرکچر، ہیلتھ ٹیک، کلین ٹیکنالوجیز، موبلٹی، ایڈوانس کمپیوٹنگ، وغیرہ میں اپنے اختراعی ماحولیاتی نظام کو ظاہر کرنے کے لیے پویلین قائم کیے گئے ہیں۔

ویواٹیک میں وزیر اعظم کی شرکت سے بھارتیہ اور فرانسیسی ٹیکنالوجی کے ماحولیاتی نظاموں کے درمیان شراکت داری کو مزید گہرا کرنے کی امید ہے۔ بھارت کی ویواٹیک کے ساتھ کئی سالوں میں بڑھتی ہوئی مصروفیت رہی ہے: وزیر اعظم جناب نریندر مودی نے 2021 میںویواٹیک میں کلیدی خطاب کیا۔ بھارت 2022 میں ویواٹیک میں سال کا پہلا ملک تھا؛ اور ویواٹیک نے حال ہی میں بنگلورو ٹیک سمٹ کے ساتھ باضابطہ تعاون کیا ہے۔ اس سال بھارت کی شرکت اہمیت کی حامل ہے کیونکہ دونوں ممالک 2026 کو بھارت-فرانس سال اختراع کے طور پر منا رہے ہیں۔

***

(ش ح۔اص)

UR No 8848