প্রধান মন্ত্রী, শ্রী নরেন্দ্র মোদীনা ঙসি ফ্রান্সকী ইভিয়নদা পাংথোকপা G7 সমিত্তা “রিভাইবিং এ বেলেন্স, শেয়র্দ এন্দ স্তেনেবল ইকোনোমিক গ্রোথ ফোর ওল” হায়বা হিরম অসিগী মতাংদা পাংথোকখিবা মীফমদা ৱা ঙাংখ্রে।

মীফম অসিনা শেবর্দ অমসুং সস্তেনেবল গ্রোথতা অকন্নবা মীৎয়েং থম্লিবা অসিদা প্রধান মন্ত্রীনা থাগৎপা ফোংদোক্লদুনা মহাক্না মালেম অসিদা তম্বা ঙমদবা থৌদোক কয়ানা শোক্ল্লবা শোকহল্লবা মতম অসিদা সস্তেনেবল গ্রোথকী পাউজেল অসিবু মালেম শিনবা থুংনা য়াম্না ৱাহন্থোক লৈনা লৌরগনি হায়না ফোংদোকখি। মহাক্না হায়খি মদুদি গ্রোথ অসি GDP নত্রগা ত্রেদ নম্বরশিং খক্তদা নত্তনা ইনক্লুজন অমসুং মীয়ামগী য়াইফ-থৌরাংদা অচুম্বা ইথিল পীগদবনি। মসিগী মতাংদা, মহাক্না “সবকা সাথ, সবকা বিকাস, সবকা বিশ্বাস, সবকা প্রয়াস” [পুম্নমক্কা লোয়ননা, পুম্নমক্কীদমক চাউখৎপা, পুম্নমক্কী থাজবা অমসুং পুম্নমক্না হোৎনবা]গী ৱাখল্লোনশিংদা য়ুম্ফম ওইদুনা ভারতকী ইনক্লুসিব গ্রোথ স্তোরিগী মতাংদা পনখি।

প্রধান মন্ত্রীনা হায়খি মদুদি ভারতকী ইনক্লুসিব গ্রোথকী মন্ত্র অসিনা G 20গী প্রসিদেন্সীদা "ৱান আর্থ, ৱান ফেমিলী, ৱান ফ্যুচর"গী মোতোগা লোয়ননা ইন্তর্নেস্নেল এঙ্গেজমেন্তশিংদা লমজিংখি। মহাক্না মখা তারদুনা হায়খি মদুদি অসিগুম্বা থৌওং অসিগা মান্নবা ৱাখল্লোন অমনা সপ্লাই চেনশিং মপাঙ্গল কনখৎহন্নবা, ইনভেস্তমেন্ত অমসুং থবক ফংহন্নবা খুদোংচাবশিং শেম্নবা অমসুং ইনোবেসন পুক্নিং থৌগৎনবা ইন্দিয়া মিদল ইস্ত য়ুরোপ ইকোনোমিক কোরিদোর [IMEC]গী ৱাখল্লোন শেমগৎপদা লমজিংখি। ক্রাইসিস অমসুং কনফ্লিক্না গ্লোবেল সাউথতা শাথীবা শাফু অমা পীরি হায়না পল্লদুনা মহাক্না মখোয়গী চৈথেং হন্থহন্নবা ইন্তর্নেস্নেল সোলিদরিতীদা হায়খি। মালেমগী শেন-থুমগী ইন্সতিত্যুসনশিংনা চাউখৎলক্লিবা লৈবাকশিংদা শেন্মিৎলোনগী মপাঙ্গল হাপ্পা ঙম্বা সপোর্ত মেকানিজমশিং শেমগৎকদবনি হায়না মহাক্না ফোংদোকখি। মহাক্না IMECগী মতুং ইন্না আফ্রিকা, লেতিন অমেরিকা অমসুং পেসিফিক্লী ইথৎকী লৈবাকশিংগা শম্নহন্নবা কনেক্তিবিতী প্রোজেক্তশিং খন্ননবা হায়খি। মসিগী ভিজন অসিবু মঙফাওনহন্নবা, প্রধান মন্ত্রীনা কনেক্তিবিতী অমসুং ত্রেদ নত্রগা IMPACT হেনগৎহহন্নবগীদমক ইন্তর্নেস্নেল মোবিলাইজেসন পার্তনরশিপ অমা শেম্নবা ৱাফম থমখি। মসিদা G7গী কেপিতেল, ভারতকী তেলেন্ত অমসুং গ্লোবেল সাউথকী ওনরশিপ পুন্সিনবা য়াই।

প্রধান মন্ত্রীনা স্তেবল, থাজবা য়াবা অমসুং চাউখৎপা মালেমগী শেন্মিৎলোন অমগীদমক ভারতকী অচেৎপা ফিরেপ অদু অমুক হন্না ফোংদোকখি। মহাক্না হায়খি মদুদি ইন্তিগ্রেসন, পার্তনরশিপ অমসুং শরুক য়ামিন্নবা প্রোগ্রেসতা ভারতকী থাজবনা G7 মেম্বরশিং অমসুং অতোপ্পা লৈবাক কয়াগা লোইননা ললোন-ইতিক্কী য়ানচে তৌনবা ইথিল পীরি।

*****