২০২৬গী ফেব্রুৱারী ১৭তা, প্রধান মন্ত্রী নরেন্দ্র মোদী অমসুং রাস্ত্রপতি ইমানুএল মেক্রোননা লৈবাক অনিগী মরী অসি "স্পিসিএল গ্লোবেল স্ত্রেতেজিক পার্তনরশিপ" অমদা পুখৎখি অমসুং ২০২৬তা ভারত-ফ্রান্স ইন্নোবেসন ইয়ার পুন্না হৌদোকখি। মখোয়না আর্তিফিসিএল ইন্তেলিজেন্স, ইন্নোবেসন, রিসর্স, তেক্নোলোজী, দিজিতেল তেক্নোলোজী অমসুং সাইবর স্পেস, হকশেল, কলচর, ইকোনোমী, এজুকেসনেল লিঙ্ক অমসুং মীয়ামগী মরক্তা লৈনবা মরীগী লমশিংদা পাকথোক চাউথোকপা অমসুং মখল কয়াগী কোওপরেসন তৌনবা হায়খি।

হোরাইজন ২০৪৭ রোদমেপ অমসুং লৈবাক অনিগী শম্নবা ইন্নোবেসন খোঙচৎতা য়ুম্ফম ওইদুনা, ভারত অমসুং ফ্রান্সনা ইন্নোবেসনবু শেন্মিৎলোনগী রেসিলিয়েন্সী, সস্তেনেবল দিবেলপমেন্ত, স্ত্রেতেজিক ওতোনোমী, অমসুং তেক্নোলোজিকেল অমসুং ইন্দস্ত্রীএল সোভরিনিতীগী মরুওইবা দ্রাইভর অমা ওইনা শকখঙই। মপাঙ্গল কনখৎপা ইনোবেসন পার্তনরশিপ অমনা লৈবাক অনিগী ইনোবেসন পোতেন্সিএল মপুং ফানা থাদোকপদা মতেং পাংগনি অমসুং মালেমগী ওইবা শিংনবশিংগী সোলুসনশিংদা মতেং পাংগনি হায়না নাকল অনিমক্না য়ানখি।

ভারতকী ভিজন 'ভিক্সিৎ ভারত ২০৪৭' অমসুং ফ্রান্স ২০৩০গী মখাদা ফ্রান্সকী এম্বিসন অসিনা তুংলমচৎতা য়ুম্ফম ওইবা ইনোবেসন পার্তনরশিপ অমা শেমগৎপদা মপাঙ্গল কনবা কনভর্জেন্স অমা পীরি, মসিনা দিসরপ্তিব ইন্নোবেসনশিংদা অনৌবা ইনভেস্তমেন্তগী খুদোংচাবশিং ফংহন্নবা লম্বী য়াৎলি হায়না নাকল অনিমক্না য়ানখি। মরম অসিনা ভারত অমসুং ফ্রান্সনা ইন্দিয়া-ফ্রান্স ইনোবেসন রোদমেপ ২০৩০ অসি মরুওইবা অমসুং অনৌবা তেক্নোলোজীশিংদা পুন্না চাউখৎনবা, থাজবা য়াবা তেক্নোলোজী ইকোসিস্তেমশিং মপাঙ্গল কনখৎহন্নবা, একাদমিক অমসুং রিসর্স মোবিলিতী হেঙ্গৎহন্নবা অমসুং মীয়ামগীদমক, গ্রহ অসিগীদমক অমসুং পুন্না চাউখৎনবগীদমক্তা মপুং ওইবা মহৈশিং ফংহন্নবগীদমক্তা মখোয়গী পুন্না থবক তৌমিন্ননবা ফ্রেমৱার্ক অমা ওইনা শিজিন্নরি।

রোদমেপ অসিদা মখাদা পীরিবা মরুওইবা ইলিমেন্তশিং অসি য়াওরি:

I. ইনোবেসন পার্তনরশিপকী সেন্ত্রেল পিল্লর অমা ওইনবা 'ত্রস্তেদ এ.আই.'গীদমক পার্তনরশিপ: ২০২৫গী ফেব্রুৱারীদা আর্তিফিসিএল ইন্তেলিজেন্সকী মতাংদা ইন্দিয়া-ফ্রান্স দিক্লারেসন অমসুং মথংশিৎনা ২০২৫ অমসুং ২০২৬দা ফ্রান্স অমসুং ভারতনা য়ুম্বু ওইদুনা পাংথোকখিবা এ.আই. এক্সন অমসুং ইম্পেক্ত সমিৎশিংদা য়ুম্ফম ওইদুনা, লৈবাক অনিমক্না মখোয়গী ইনোবেসন পার্তনরশিপকী সেন্ত্রেল পিল্লর অমা ওইনবা 'ত্রস্তেদ এ.আই.' শেম্নবা লৈবাক অনিনা য়ানখি।

● সেফ, সেক্যুর অমসুং থাজবা য়াবা এ.আই. সিস্তেমশিং: নাকল অনিমক্না সেফ, সেক্যুর অমসুং থাজবা য়াবা এ.আই. সিস্তেমশিং প্রমোৎ তৌনবা পুন্না থবক তৌমিন্নগনি। মখোয়শিং অসি দেমোক্রেতিক ভেল্যুশিং অমসুং হ্যুমেন রাইতশিংগা মান্নগনি। মখোয়শিং অসিনা খেন্নবা মীৎয়েং অমসুং অরানবা পাউ শন্দোকপা থিংগনি অমসুং সস্তেনেবল দিবেলপমেন্তকী এজেন্দা ২০৩০দা মতেং পাংগনি। মখোয়না ইনোবেসন অমসুং নেস্নেল দিবেলপমেন্ততা থিন্থহল্লোইদবা, ঙমখৈ অমসুং জেনরেতিব মোদেলশিং য়াওনা, AI গবর্নান্সকীদমক ইন্তরওপরেবল, রিস্কদা য়ুম্ফম ওইবা এপ্রোচশিং খুমাং চাউশিলহন্নবা রেগ্যুলেতরশিং, স্তেন্দার্দ বোদীশিং অমসুং তেক্নিকেল এক্সপর্তশিংগী মরক্তা তেংবাং পীনবা পুক্নিং থৌগৎকনি।

● মখোয়গী এ.আই. পার্তনরশিপকী প্রাইওরিতী অমা ওইনা চাইল্দ সেফতী ওনলাইনদা কোওপরেসন: দিজিতেল এনভাইরনমেন্তদা মরুওইনা অঙাংশিংদা এ.আই.-ইনেবল সর্বিসশিংনা খুদোংথীবা থোকহনবা য়াবা রিস্কশিং খঙলদুনা, ভারত অমসুং ফ্রান্সনা মখোয়গী এ.আই. পার্তনরশিপকী প্রাইওরিতী অমা ওইনা চাইল্ড সেফতী ওনলাইনদা মখোয়গী কোওপরেসন হেন্না চেৎশিলহন্নবা য়ানরে। এ.আই. ইম্পেক্ত সমিৎ ২০২৬তা কৌখিবা এ.আই. অমসুং চাইল্দ সেফতীগী এক্সপর্ত এনগেজমেন্ত গ্রুপ অমসুং ওনলাইনদা অঙাংশিংগী সেফতীগী মতাংদা ভারতনা শেমগৎলিবা তেক্নো-লিগেল ফ্রেমৱার্কতা য়ুম্ফম ওইদুনা নাকল অনিমক্না প্রাইভেসী ঙাকপা চহিগী এশুরেন্স, সেফতী-বাই-দিজাইন আর্কিতেকচর অমসুং অঙাংশিংগা মরী লৈনবা এ.আই. সিস্তেমশিংগীদমক্তা ফলদা য়ুম্ফম ওইবা সেফতী স্তেন্দর্দশিং য়াওনা মখোয়গী হৌজিক চৎথরিবা খোংথাংশিংগী মরক্তা কংক্রিৎ সিনর্জিশিং শেমগৎকনি।

● প্রাইভেসী ঙাক্লিবা দেতা শেয়রিং ফ্রেমৱার্কশিংগী সেন্ত্রেলিতী: ভারত অমসুং ফ্রান্সনা প্রাইভেসী ঙাক্লিবা দেতা শেয়রিং ফ্রেমৱার্কশিংগী সেন্ত্রেলিতীবু খঙই। মসিনা এ.আই. অমসুং দেতা-দ্রিবন ইন্নোবেসনগী অপুনবা পোতেন্সিএল অদু ফংহল্লগনি অমসুং ফন্দামেন্তেল রাইটশিং ঙাক্লগনি। ভারতকী দেতা এমপৱারমেন্ত অমসুং প্রোতেক্সন আর্কিতেকচর (দি.ই.পি.এ.) অমসুং ফ্রান্সকী থাজবা য়াবা দেতা স্পেসশিং অমসুং হেল্থ দেতা প্লেতফোর্মশিংদা পায়খৎলিবা থবকশিং অসিনা রিসর্স, হেল্থকেয়র অমসুং পব্লিক সর্ভিসশিংগীদমক সেক্যুর, কন্সেন্ততা য়ুম্ফম ওইবা দেতা ফ্লোগা মতেং পাংবা ঙম্বা মপাঙ্গলশিং পীরি।

II. একাদেমিক মোবিলিতীগী খুত্থাংদা মী অমগা মী অমগগী মরক্তা তেংবাং পীনবা হেনগৎহন্নবা পার্তনরশিপ: হোরাইসন ২০৪৭ ফ্রেমৱার্ককী মখাদা শেয়র তৌরিবা পান্দমশিং অদুগী মতুং ইন্না, STEM এজুকেসন, রিসর্চ পার্তনরশিপ, তেলেন্ত মোবিলিতী, অমসুং ইন্সতিত্যুস্নেল কোলাবোরেসনদা ইনভেস্তমেন্ত তৌবনা মালেমগী ওইবা শিংনবশিং থেংননবা তুংগী চারোন-শুরোনশিং শেম-শাবদা মরু ওইবা থৌদাং অমা লৌগনি হায়না নাকল অনিমক্না য়ানখি। মসিগী মতাংদা, নাকল অনিমক্না ২০৩০ ফাওবদা ভারতকী মহৈরোই ৩০,০০০ তরাম্না ওক্নবা ফ্রান্সকী পান্দমগী মরুওইবা অদু খঙখি অমসুং লৈবাক অনিগী মরক্তা লৈরিবা মরী অসি মপাঙ্গল কনখৎহন্নবা মখোয়গী ফিরেপ অদু অমুক হন্না ফোংদোকখি। মতাং অসিদা নাকল অনিমক্না মখাগী খোংথাংশিং অসি তরাম্না ওক্লি:

•  ক্বালিফিকেসনশিংগী ম্যুচেল রিকগনিসন (এম.আর.ক্যু.): মতম শাংনা ইনোবেসন পার্তনরশিপশিং থম্নবদা মোবিলিতী অমসুং একাদমিক ইন্তিগ্রেসনগী মরুওইবা থৌদাং অদু শকখঙলদুনা, নাকল অনিমক্না হায়র এজুকেসন অমসুং প্রোফেস্নেল ক্বালিফিকেসনশিংগী ম্যুচেল রিকোগনিসন ফ্রেমৱার্কশিং মপাঙ্গল কনখৎহনবগী মরুওইবা অদু অমুক হন্না ফোংদোকখি। ২০১৮দা ফ্রান্সনা ভারতকা লোয়ননা ম্যুচুএল রিকোগনিসন ওফ ক্বালিফিকেসন (এম.আর.ক্যু.) গী এগ্রীমেন্ত অমা লোইশিনখিবা অহানবা লৈবাক ওইখিবগী মতাংদা নীংশিংলদুনা, নাকল অনিমক্না একাদমিক দিসিপ্লিনশিং, রিগুলেতেদ প্রোফেসনশিং, অমসুং অনৌবা তেক্নোলোজীগী লম কয়া অমা কোনশিন্দুনা পাকথোক চাউথোক্লবা অমসুং অনৌবা ফ্রেমৱার্ক অমগী মায়কৈদা থবক তৌনবা মখোয়গী অপাম্বা ফোঙদোক্নখি। অসিগুম্বা তেংবাং পীনবা অসিনা একাদমিক মোবিলিতী হেঙ্গৎহনগনি, দবল দিগ্রী প্রোগ্রামশিং অমসুং দোক্তরেল কো-সুরপোজেল এরেঞ্জমেন্তশিং লায়থোকহল্লগনি অমসুং ভারত অমসুং ফ্রান্সকী মরক্তা মতম শাংনা লৈরিবা তেলেন্ত অমসুং নোলেজ পার্তনরশিপ মপাঙ্গল কনখৎহনবদা চাউনা মতেং ওইরগনি।
   
• মখা তানা, ভারত অমসুং ফ্রান্সকী ইন্সতিত্যুসন কয়া অমনা মহৈরোইশিং এক্সচেঞ্জ অমসুং রিসর্স কোলাবোরেসনগী থোংদা একাদমিক মোবিলিতীদা মতেং পাংননবা য়ানখ্রে [এনেক্সরদা য়াওরিবা এম ও য়ুশিংগী লিস্ত] ।

III. তেক্নোলোজিকেল সোভরিনিতী অমসুং ইন্নোবেসনগীদমক পার্তনরশিপ অসিনা ইন্দস্ত্রী অমসুং একাদেমিয়াগী মরক্তা মরী লৈনহন্দুনা চাউখৎপা পুরক্লি। লৈবাক অনিমক্না গবর্নমেন্ত, ইন্দস্ত্রী, স্তার্ত-অপশিং, য়ুনিভর্সিতীশিং, রিসর্চ ইন্সতিত্যুসনশিংগী মরক্তা নকশিন্ননা তেংবাংমিন্নবা অসি ইন্নোবেসনগী লমজিং মখাদা চাউখৎপা পুরক্নবা অমসুং স্ত্রেতেজিক সেক্তরশিংদা রেসিলিয়েন্ত অমসুং থাজবা য়াবা সপ্লাই চেনশিং শেমগৎপদা য়াম্না মরু ওই হায়না খঙনরি। মসিগী মতাংদা, নাকল অনিমক্না মখাগীশিং অসি শকখঙই:

● ইনোবেসন অমসুং স্ত্রেতেজিক ওইনা মরী লৈনবা তেক্নোলোজীশিং পুন্না চাউখৎহনবা অমসুং পাকথোক চাউথোকহনবদা অহেনবা মীৎয়েং থমদুনা, বাইলেতরেল সাইন্তিফিক কোওপরেসনগী ফ্লেগশিপ ইন্সত্রুমেন্ত অমা ওইরিবা, ইন্দো-ফ্রেঞ্চ সেন্তর ফোর প্রমোসন ওফ এদভান্স রিসর্চ (সি.ই.এফ.আই.পি.আর.এ.) গী ময়াই ওইবা থৌদাং।

● ইন্দিয়া-ফ্রান্স ইনোবেসন নেৎৱার্ক (আই.এফ.আই.এন.) গী মরুওইবা, ইন্দিয়া-ফ্রান্স ইনোবেসন ইয়ারগী মরুওইবা এচিবমেন্ত অমা ওইনা অমসুং লৈবাক অনিগী ইনোবেসন ইকোসিস্তেমশিং শম্নহন্নবা শক্তি লৈরবা খুৎলাই অমা ওইনা। লৈবাক অনিমক্না আই.এফ.আই.এন.গী গবর্নান্সকীদমক অপুনবা ইন্দো-ফ্রেঞ্চ স্তিয়রিং কমিতী অমা লিংখৎপা য়াবগী ওইথোকপা য়াওনা মসিগী অশাংবা মতমগী ওইবা মপাঙ্গল হেনগৎহনবদা মতেং পাংনবা অচেৎপা ৱাফম থম্লি।।

● ফ্রেঙ্কো-ইন্দিয়ন কেম্পস ইন লাইফ সাইন্স ফোর হেল্থ (এফ.আই.সি.-এল.এস.ঐচ.) অসি বাইওমেদিকেল সাইন্স অমসুং হেল্থ ইনোভেসনদা মতেং পাংনবা হৌজিক লৈরিবা প্লেৎফোর্ম অমা ওইনা মরু ওই। অমসুং হেল্থ সেক্তরদা বাইওমেদিকেল সাইন্স, একাদমিক কোলাবোরেসন, অমসুং ইনোভেসন পার্তনরশিপশিংদা মসিগী কন্ত্রিব্যুসনবু মপাঙ্গল কনখৎহন্নবা লম্বীশিংদা মখা তানা খন্ন-নৈনবগী অপাম্বা ফোঙদোক্লি।

● রিসর্স লেবোরেতরীশিং, সি.ই.এফ.আই.পি.আর.এ., জোইন্ত সাইন্স এন্দ তেক্নোলোজী কমিতী, স্তেসন-এফ, ফ্রীন্দ-এক্সতা স্তার্ত-অপ কোলাবোরেসন অমসুং ইন্দিয়া-ফ্রান্স ইন্নোবেসন নেতৱর্ক হৌদোকপগী খুত্থাংদা লৈবাক অনিমক্না মখোয়গী তেক্নোলোজিকেল সোভরিনিতী ঙাক্নবা অমসুং মথংগী মীরোলগী রিসর্সরশিং অমসুং ইন্ত্রপ্রিনরশিংনা মালেমগী ওইবা শিংনবশিং অসি নীংথিনা থেংননবা হোৎনবদা অচেৎপা ৱাফম থম্লি।

মখা তানা, নাকল অনিমক্না মখাগী খোংথাংশিং অসিদা য়ানখি:

● এযরোনেতিক্স ত্রেনিং অমসুং কেরিয়রগীদমক ফ্রাঙ্কো-ইন্দিয়ন কেম্পস: ফ্রান্স অমসুং ভারতনা এম.এস.দি.ই.গা খুৎশম্নদুনা কানপুরদা এরোনেতিক্স ত্রেনিং কেম্পস অমা লিংখৎলগনি। মসিনা মরুওইবা অমসুং স্ত্রেতেজিক সেক্তর অসিদা মখোয়গী ত্রেনিংগী খুদোংচাবশিং শেমগৎলগনি।

● ভারত-ফ্রান্স ইনোএক্সচেঞ্জ ব্রিজ: লৈবাক অনিগী মরক্তা অখন্নবা রিসর্স অমসুং এন্ত্রিপ্রেন্যুওরশিপ কোরিদোর অমা লিংখৎনবা পান্দম থম্লিবা বাইলেতরেল স্তার্তঅপ অমসুং ইনোবেসন একচেঞ্জ ইনিসিয়েতিব অমা ওইনা ভারত-ফ্রান্স ইনোএক্সচেঞ্জ ব্রিজগী ওইথোকপা য়াবশিং অদু নাকল অনিমক্না য়ানখি। হৌজিক লৈরিবা বাইলেতরেল ইনিসিএতিবশিংদা য়ুম্ফম ওইদুনা, ইনোএক্সচেঞ্জ ব্রিজ অসিনা লৈবাক অনিমক্তা রিসর্স লেবোরেতরীশিং, তেক্নোলোজী প্লেতফোর্মশিং, ইন্নোবেসন ক্লস্তরশিং, ইনভেস্তরশিং অমসুং স্তার্ত-অপ ইকোসিস্তেমশিংদা স্ত্রকচর তৌরবা অমসুং রিসর্স এক্সেস ফংহনগনি। মসিনা স্তার্ত-অপশিং অমসুং ইন্নোবেতরশিংদা রিসর্স রেসিদেন্সীশিং, কোলাবোরেতিব ইন্নোবেসন ইমর্সন অমসুং কোলাবোরেসন প্রোগ্রামশিং অমসুং জুরিসদিক্সন অনিমক্তা কোম্না লেন্দিং তৌবা য়াহল্লগনি।

● ইনোবেসন, এমপ্লোইমেন্ত অমসুং ইনক্লুসিব ইকোনোমিক গ্রোথ থোরকপদা অপীকপা অমসুং মেদিয়ম ইন্তর্প্রাইজশিংগী মরুওইবা থৌদাং অদু শকখঙলদুনা, নাকল অনিমক্না এস.এম.ই. ইকোসিস্তেমশিংগী মরক্তা মখা তানা মরী লৈনবগী পাম্বৈশিং থিজিনবা পাম্লি।

● স্পেসকী লমদা লৈবাক অনিগী মরক্তা লৈরিবা মপাঙ্গল কনবা পার্তনরশিপ অদু ইন্সতিত্যুস্নেলগী থাক্তা অমসুং ফ্রেঞ্চ অমসুং ইন্দিয়ন প্রাইবেৎ স্পেস ইকোসিস্তেমশিংগী মরক্তা মপাঙ্গল কনখৎহন্নবা ফ্রান্স অমসুং ভারতনা লেপ্পা লৈতনা হোৎনরি। ভারত অমসুং ফ্রান্সনা চয়োল অমগী মনুংদা ইন্তর্নেস্নেল স্পেস ইভেন্ত অনি পাংথোক্কনি: বেঙ্গলোরদা সেপ্তেম্বর ৭-৯দা বেঙ্গলোর স্পেস এক্সপো (বি.এস.এক্স.) অমসুং পেরিসতা সেপ্তেম্বর ৯-১০দা ইন্তর্নেস্নেল স্পেস সমিত। মরুওইবা থৌরমশিং অসিনা ফ্রান্সকী জিরো-জি কেপাবিলিতী অমসুং এক্সপর্সিতীগা মরী লৈনবা জোইন্ত এক্তিবিতীশিং অমসুং লো আর্থ ওরবিৎতা লৈবা ভারতকী তুংগী স্পেস স্তেসনগা মরী লৈনবা অমসুং ফ্রান্স অমসুং ভারতকী ইকো-সিস্তেমশিং পুন্সিন্নবা য়াওনা পৃথীবিগী ওবজর্বেসন অমসুং হ্যুমেন এক্সপ্লোরেসনগী লমশিংদা ঐখোয়গী বাইলেতরেল স্পেস কোওপরেসন হেঙ্গৎহন্নবা স্ত্রকচর তৌরবা কম্মন এম্বিসন অমগী য়ুম্ফম থম্বদা মতেং পাংগনি।

IV. হকশেলগী লমদা মালেমগী ওইবা শিংনবশিংগীদমক্তা AI অমসুং রিসর্চদা য়ুম্ফম ওইবা সোলুসন শেমগৎনবা পার্তনরশিপ

● অয়াবদা য়ুম্ফম ওইবা দেতা শেয়র তৌবা: ভারতকী আই.সি.এম.আর. অমসুং ফ্রান্সকী হেল্থ দেতা হব (ঐচ.দি.ঐচ.) য়াওবা পাইলোত প্রোজেক্তগুম্বা হৌজিক চৎথরিবা কোলাবোরেসনশিংদা য়ুম্ফম ওইদুনা নাকল অনিমক্না অয়াবাদা য়ুম্ফম ওইবা আর্কিতেকচরশিংদা থবক তৌগনি। মসিনা নেস্নেল লিগেল ফ্রেমৱার্কশিং ঙাক্না চৎলগনি। মসিনা স্কেল তৌবা, অহেনবা সেক্তরশিংদা চান্নহনবা অমসুং গ্লোবেল সাউথ য়াওনা পাম্লিবা পার্তনরশিংগা শরুক য়ামিন্নবা ঙমগনি। ভারত অমসুং ফ্রান্সনা মখোয়গী দেতা ইন্তরমিদিয়রীশিং, তেক্নিকেল স্তেন্দর্দ বোদীশিং অমসুং রেগ্যুলেতরশিংগী মরক্তা অপুনবা থবক পায়খৎনবা পুক্নিং থৌগৎকনি।

● ভারত অমসুং ফ্রান্সনা রোদমেপ অসিবু পারস্পরিক থাজবা, শরুক য়ামিন্নবা দেমোক্রে সি ভেল্যুশিং, স্ত্রেতেজিক ওতোনোমী অমসুং থাজবা থম্বা, ওপন, ইনক্লুসিব অমসুং হ্যুমেন-সেন্ত্রিক ইনোবেসনগীদমক অপুনবা কম্মিতমেন্তনা লমজিংবা পার্তনরশিপ অমা ওইনা চৎথগনি।

ভারত-ফ্রান্স ইনোবেসন রোদমেপ ২০৩০গী এনেক্স

 ***