চৰকাৰে ২০২৬ চনৰ ৩০ জুনৰ বিয়লিৰ পৰা কাৰ্যকৰী হোৱাকৈ বৰ্তমান সেনা বাহিনীৰ ভাইচ চীফ হিচাপে কাৰ্যনিৰ্বাহ কৰি থকা লেফটেনেণ্ট জেনেৰেল ধীৰাজ শেঠ, পিভিএছএম, ইউৱাইএছএম, এভিএছএমক সেনাৰ  পৰৱৰ্তী  মুৰব্বী হিচাপে নিযুক্তি দিছে।বৰ্তমানৰ সেনাৰ সেনাধ্যক্ষ জেনেৰেল উপেন্দ্ৰ দ্বিৱেদী, পিভিএছএম, এভিএছএময়ে একেদিনাই সেৱাৰ পৰা অৱসৰ গ্ৰহণ কৰিব।জেনেৰেল উপেন্দ্ৰ দ্বিৱেদীৰ ঠাইত কাৰ্যভাৰ গ্ৰহণ কৰিব লেফটেনেণ্ট জেনেৰেল ধীৰাজ শেঠে।

লেফটেনেণ্ট জেনেৰেল ধীৰাজ শেঠ ৰাষ্ট্ৰীয় প্ৰতিৰক্ষা একাডেমী, খাদকৱাছলাৰ প্ৰাক্তন ছাত্ৰ আৰু  তেওঁ ১৯৮৬ চনৰ ডিচেম্বৰ মাহত আৰ্মাড কৰ্পছত কমিছন লাভ কৰিছিল। প্ৰায় চাৰি দশকজুৰি বিশিষ্ট সামৰিক কেৰিয়াৰত তেওঁৰ কাৰ্যকৰী, কৌশলগত, সামৰ্থ্য বিকাশ আৰু প্ৰতিষ্ঠানিক ক্ষেত্ৰত বিস্তৃত অভিজ্ঞতা আছে, যিয়ে ভাৰতীয় সেনাৰ যুদ্ধ ফলপ্ৰসূতা তথা দীৰ্ঘম্যাদী ৰূপান্তৰত সহায় কৰিছে।

বিষয়াগৰাকীয়ে বিভিন্ন কাৰ্য্যকৰী পৰিৱেশত প্ৰতিটো স্তৰতে নেতৃত্ব বহন কৰি আহিছে। তেওঁ  নেতৃত্ব বহন কৰা ক্ষেত্ৰসমূহৰ ভিতৰত আছে ডেজাৰ্ট ছেক্টৰত আৰ্মাৰ্ড ৰেজিমেণ্ট, ৱেষ্টাৰ্ণ থিয়েটাৰত আৰ্মাৰ্ড ব্ৰিগেড, জম্মু আৰু কাশ্মীৰত কাউণ্টাৰ ইনছাৰ্জেন্সি ফৰ্চ। লেফটেনেণ্ট জেনেৰেল হিচাপে তেওঁ ভাৰতীয় সেনাৰ অন্যতম প্ৰধান ষ্ট্ৰাইক ফৰ্মেচন সুদৰ্শন চক্ৰ কৰ্পছৰ কমাণ্ডাৰ আছিল। ইয়াৰ পিছত তেওঁ দিল্লী অঞ্চলৰ জেনেৰেল অফিচাৰ কমাণ্ডিং হিচাপে কাৰ্যনিৰ্বাহ কৰিছিল। তেওঁ লগতে  গুৰুত্বপূৰ্ণ ৰাষ্ট্ৰীয় তথা  আন্তঃৰাষ্ট্ৰীয় দায়িত্বসমূহৰ তদাৰক কৰিছিল।

আৰ্মী কমাণ্ডাৰ পদত উন্নীত হোৱাৰ লগে লগে বিষয়াজনে দক্ষিণ পশ্চিম কমাণ্ড আৰু চাউদাৰ্ণ কমাণ্ডৰ নেতৃত্ব বহন  কৰিছিল। তেওঁ দুটা অপাৰেচনেল আৰ্মী কমাণ্ডৰ নেতৃত্ব বহন কৰাৰ লগতে ডেৰ-দুবছৰতকৈ অধিক সময়ৰ বাবে জটিল ক্ষেত্ৰসমূহত কৌশলগত তদাৰকী প্ৰদান কৰাৰ বিৰল গৌৰৱ অৰ্জন কৰিছিল। তেওঁ কেইবাটাও  কৌশলগত নিযুক্তি লাভ কৰিছে যিয়ে কাৰ্য্যকৰী পৰিকল্পনা, বাহিনী ব্যৱস্থাপনা আৰু সামৰ্থ্য বিকাশত যথেষ্ট প্ৰভাৱ পেলাইছে।

সেনা বাহিনীৰ আধুনিকীকৰণৰ ক্ষেত্ৰত অৱদানৰ বাবে ব্যাপকভাৱে স্বীকৃতিপ্ৰাপ্ত সাধাৰণ বিষয়াগৰাকীয়ে সেনাৰ মুখ্য কাৰ্যালয়ৰ কৌশলগত পৰিকল্পনা আৰু সামৰ্থ্য বিকাশৰক্ষেত্ৰত অৰিহণা যোগাইছে। বাহিনীটোৰ আধুনিকীকৰণ, সামৰ্থ্যৰ পৰিকল্পনা  আৰু দীৰ্ঘম্যাদী পদক্ষেপসমূহ গঢ় দিয়াত তেওঁ সহায় কৰিছে। তেওঁৰ অৱদানসমূহে উদীয়মান প্ৰযুক্তি আৰু ভৱিষ্যতৰ যুদ্ধক্ষেত্ৰৰ আৱশ্যকতাৰ সৈতে কাৰ্য্যকৰী প্ৰয়োজনীয়তাসমূহক একত্ৰিত কৰাত সহায়ক হৈছে।

এগৰাকী নিপুণ সামৰিক  লেফটেনেণ্ট জেনেৰেল ধীৰাজ শেঠে পেছাদাৰী সামৰিক শিক্ষাত ধাৰাবাহিকভাৱে পাৰদৰ্শিতা প্ৰদৰ্শন কৰিছে । হাইয়াৰ কমাণ্ড কোৰ্চ আৰু নেচনেল ডিফেন্স কলেজৰ পৰা স্নাতক ডিগ্ৰী লাভ কৰা শেঠে  পেৰিছৰ সন্মানীয় কমাণ্ড এণ্ড ষ্টাফ কোৰ্চতো অংশগ্ৰহণ কৰি সমসাময়িক সামৰিক বিষয়ৰ প্ৰতি তেওঁৰকৌশলগত দৃষ্টিভংগী তথা বুজাবুজিক সমৃদ্ধ কৰিছে।

***

VK/Savvy/DM