ಕೇಂದ್ರ ಸಚಿವ ಸಂಪುಟವು 05.05.2026 ರಂದು ತುರ್ತು ಕ್ರೆಡಿಟ್ ಲೈನ್ ಗ್ಯಾರಂಟಿ ಯೋಜನೆ (ECLGS) 5.0 ಅನ್ನು ಅನುಮೋದಿಸಿದೆ. 2026ರ ಜೂನ್ 9ರ  ವೇಳೆಗೆ, ಯೋಜನೆಯಡಿಯಲ್ಲಿ ನೀಡಲಾದ ಒಟ್ಟು ಗ್ಯಾರಂಟಿಗಳ ಸಂಖ್ಯೆ ಅಧಿಕೃತವಾಗಿ 1 ಲಕ್ಷ ಗಡಿಯನ್ನು ದಾಟಿದೆ, ಒಟ್ಟು ಗ್ಯಾರಂಟಿಗಳ ಮೊತ್ತ 48,484.26 ಕೋಟಿ ರೂಪಾಯಿಗಳಾಗಿದ್ದು, ಇದು ಸಾಲದಾತರಿಗೆ ವ್ಯಾಪಕ ಪ್ರಮಾಣದ ಸಾಲ ರಕ್ಷಣೆಯನ್ನು ವಿಸ್ತರಿಸಲಾಗಿದೆ ಎಂಬುದನ್ನು ತೋರಿಸುತ್ತದೆ. ಒಟ್ಟು ವ್ಯಾಪ್ತಿಯಲ್ಲಿ, ಸಂಖ್ಯೆಯಿಂದ ನೀಡಲಾದ ಗ್ಯಾರಂಟಿಗಳಲ್ಲಿ ಶೇ. 96 ಮತ್ತು ಒಟ್ಟು ಗ್ಯಾರಂಟಿ ಮೊತ್ತದ ಶೇ 86ರಷ್ಟು ಎಂಎಸ್ ಎಂಇ ವಲಯಕ್ಕೆ ಸೇರಿವೆ. ಸಾರ್ವಜನಿಕ ವಲಯದ ಬ್ಯಾಂಕುಗಳ ದೊಡ್ಡ ಭಾಗವಹಿಸುವಿಕೆಯು, ಶೇ. 96 ರಷ್ಟು ಖಾತರಿಗಳನ್ನು ಹೊಂದಿದ್ದು, ಈ ಯೋಜನೆಯ ತ್ವರಿತ ಸ್ವೀಕಾರವನ್ನು ಖಚಿತಪಡಿಸಿದೆ.

MSME ಮತ್ತು MSME ಅಲ್ಲದ ವಲಯಗಳಿಗೆ ಕ್ರಮವಾಗಿ ಶೇ.100 ಮತ್ತು ಶೇ.90 ಖಾತರಿ ವ್ಯಾಪ್ತಿಯನ್ನು ಒದಗಿಸುವ ಮೂಲಕ, ಹಣಕಾಸು ಸಂಸ್ಥೆಗಳು ಸಾಲವನ್ನು ಆಕ್ರಮಣಕಾರಿಯಾಗಿ ವಿಸ್ತರಿಸಲು ಪ್ರೋತ್ಸಾಹಿಸಿವೆ, ಲಿಕ್ವಿಡಿಟಿ ಹೆಚ್ಚು ಅಗತ್ಯವಿರುವ ವಲಯಗಳಿಗೆ ಹರಿಯುವಂತೆ ನೋಡಿಕೊಳ್ಳುತ್ತದೆ. ಪಶ್ಚಿಮ ಏಷ್ಯಾದ ಬಿಕ್ಕಟ್ಟಿನಿಂದ ಉಂಟಾಗುವ ಲಿಕ್ವಿಡಿಟಿ ಸವಾಲುಗಳನ್ನು ಎದುರಿಸಲು ಅಸ್ತಿತ್ವದಲ್ಲಿರುವ ಸಾಲಗಾರರಿಗೆ 2,55,000 ಕೋಟಿ ರೂಪಾಯಿ ಹೆಚ್ಚುವರಿ ಸಾಲವನ್ನು ತುಂಬುವ ಗುರಿಯನ್ನು ಈ ಯೋಜನೆ ಹೊಂದಿದೆ.

ಈ ಕೆಳಗಿನ ಮಧ್ಯಸ್ಥಿಕೆಗಳು ಯೋಜನೆಯ ವ್ಯಾಪಕ ಸ್ವೀಕಾರಕ್ಕೆ ಕಾರಣವಾಗಿವೆ:

•  ಸಂಸ್ಥೆಗಳ ವ್ಯಾಪಕ ಭಾಗವಹಿಸುವಿಕೆ: ಈ ಯೋಜನೆಯು PSU ಬ್ಯಾಂಕುಗಳು, ಖಾಸಗಿ ವಲಯದ ಬ್ಯಾಂಕುಗಳು, ಪ್ರಾದೇಶಿಕ ಗ್ರಾಮೀಣ ಬ್ಯಾಂಕುಗಳು (RRBಗಳು), ಸಣ್ಣ ಹಣಕಾಸು ಬ್ಯಾಂಕುಗಳು (SFBಗಳು) ಮತ್ತು NBFCಗಳು ಸೇರಿದಂತೆ ಸಾಲದಾತರ ವೈವಿಧ್ಯಮಯ ಜಾಲವನ್ನು ಬಳಸಿಕೊಳ್ಳುತ್ತದೆ, ಇದು ವಿಶಾಲ ಭೌಗೋಳಿಕ ಮತ್ತು ವಲಯ ವ್ಯಾಪ್ತಿಯನ್ನು ಖಚಿತಪಡಿಸುತ್ತದೆ.

• ಯೋಜನೆಯ ಪ್ರಯೋಜನಗಳನ್ನು ಪಡೆಯಲು ವೆಬ್‌ಸೈಟ್, ಇಮೇಲ್‌ಗಳು, SMS ಇತ್ಯಾದಿಗಳ ಮೂಲಕ ಗ್ರಾಹಕರನ್ನು ಸಂಪರ್ಕಿಸಲು ಸದಸ್ಯ ಸಾಲ ನೀಡುವ ಸಂಸ್ಥೆಗಳ (MLIs) ನಿರಂತರ ಪ್ರಯತ್ನಗಳು.

• DFS, SLBC ಗಳ ಮೂಲಕ ಒಂಬತ್ತು ಸ್ಥಳಗಳಲ್ಲಿಜನಸಂಪರ್ಕ (ಔಟ್ರೀಚ್) ಕಾರ್ಯಕ್ರಮಗಳನ್ನು ಸುಗಮಗೊಳಿಸಿತು, ಇದರಲ್ಲಿ NCGTC ಮತ್ತು PSB ಅಲೈಯನ್ಸ್ ತಂಡವು ರಾಜ್ಯ MSME ಮತ್ತು ವಾಣಿಜ್ಯ ಇಲಾಖೆ, ಬ್ಯಾಂಕುಗಳು, ಕೈಗಾರಿಕಾ ಸಂಘಗಳು ಮತ್ತು ಉದ್ಯಮಗಳಂತಹ ಪಾಲುದಾರರೊಂದಿಗೆ ಭಾಗವಹಿಸಿತು. ಔಟ್ರೀಚ್ ಕಾರ್ಯಕ್ರಮದ ಹಂತ 2 ಸಕ್ರಿಯ ಪರಿಗಣನೆಯಲ್ಲಿದೆ.

ಈ ಸಾಧನೆಯು ಸಾಲದ ನೆರವಿನ ವಾತಾವರಣವನ್ನು ಬೆಳೆಸುವ ಸರ್ಕಾರದ ಬದ್ಧತೆಯನ್ನು ಒತ್ತಿಹೇಳುತ್ತದೆ. ECLGS 5.0 ವಿಕಸನಗೊಳ್ಳುತ್ತಲೇ ಇರುವುದರಿಂದ, ವ್ಯವಹಾರಗಳಲ್ಲಿ ಆರ್ಥಿಕ ಸ್ಥಿರತೆಯನ್ನು ಖಚಿತಪಡಿಸಿಕೊಳ್ಳಲು ಇದು ಪ್ರಮುಖ ಸಾಧನವಾಗಿ ಉಳಿದಿದೆ.

*****