ہندوستان کی انسانی حقوق سے متعلق قومی کمیشن نے ایک میڈیا رپورٹ کا ازخود نوٹس  لیا ہے، جس کے مطابق 8 جون 2026 کو آندھرا پردیش میں راشٹریہ اسپات نگم لمیٹڈ کے وشاکھاپٹنم اسٹیل پلانٹ میں ایک دھماکے کے بعد آٹھ مزدور ہلاک اور کم از کم چھ دیگر شدید طور پر جھلس گئے۔ مبینہ طور پر، مزدوروں کی یونین نے الزام لگایا ہے کہ مینجمنٹ نے حفاظتی قوانین کو نظر انداز کیا تھا۔

کمیشن نے اس بات کا مشاہدہ کیا ہے کہ میڈیا رپورٹ کے مندرجات اگر سچ ہیں، تو یہ انسانی حقوق کی خلاف ورزی کا سنگین معاملہ ہے۔ لہٰذا، کمیشن نے آندھرا پردیش کے چیف سکریٹری کو نوٹس جاری کرتے ہوئے دو ہفتوں کے اندر اس معاملے پر تفصیلی رپورٹ طلب کر لی ہے۔اس نے ہدایت کی ہے کہ اس رپورٹ میں زخمی مزدوروں کی صحت کی موجودہ صورتحال اور ہلاک ہونے والے مزدوروں کے لواحقین کوامدادی رقم کی ادائیگی کی صورتحال شامل ہونی چاہیے۔

9 جون 2026 کو شائع ہونے والی میڈیا رپورٹ کے مطابق، یہ واقعہ پلانٹ کے فولاد پگھلانے والے حصے میں اس وقت پیش آیا جب تقریباً 1600 ڈگری سیلسیس درجہ حرارت پر قریباً 150 ٹن پگھلا ہوا اسٹیل لے جانے والا ایک بڑا کنٹینراچانک پھٹ گیا اور پگھلا ہوا اسٹیل پورے فرش پر پھیل گیا، جس کی وجہ سے وہاں کام کرنے والے مزدور شدید طور پر جھلس گئے۔

***

ش ح ۔ ع ح۔ ج

uno-8269