संरक्षण मंत्रालय
ओमानजवळ एका व्यापारी जहाजावर झालेल्या हल्ल्यानंतर,भारतीय तटरक्षक दल आणि ओमानच्या अधिकाऱ्यांच्या समन्वयित प्रयत्नांच्या माध्यमातून 24 भारतीय नाविकांची सुरक्षितपणे सुटका करण्यात यश
प्रविष्टि तिथि:
09 JUN 2026 6:31PM by PIB Mumbai
नवी दिल्ली, 9 जून 2026
भारतीय तटरक्षक दलाच्या मुंबई येथील सागरी बचाव समन्वय केंद्राला (एमआरसीसी) दिनांक 08 जून 2026 रोजी दुपारी सुमारे 2 वाजून 20 मिनिटांनी ओमान मधील मसिरा बंदरावर नांगरलेल्या आणि कर्मचारी दलात 24 भारतीय नाविकांचा समावेश असलेल्या, एमटी मॅरीव्हेक्स या पलाऊचा ध्वज असलेल्या जहाजावर क्षेपणास्त्राचा हल्ला झाल्याची माहिती मिळाली.त्यानुसार, या केंद्राने ओमानच्या सागरी शोध आणि बचाव केंद्राशी (ओएमएससी) संपर्क साधला आणि परिस्थितीवर लक्ष ठेवण्यासाठी तसेच कर्मचाऱ्यांची सुरक्षितता सुनिश्चित करण्यासाठी ओएमएससीसह निकटचा समन्वय राखला. संध्याकाळी 5 वाजण्याच्या सुमाराला, ओमानच्या नौदलाच्या हेलिकॉप्टर्सनी सर्व 24 भारतीय नाविकांची सुरक्षित सुटका केल्याची खात्रीलायक बातमी ओमानच्या ओएमएससीने दिली. बचावलेले सर्व कर्मचारी सुरक्षित आहेत, कोणतीही जीवितहानी अथवा कोणालाही दुखापत झालेली नाही अशी माहिती देण्यात आली आहे. हे जहाज अजूनही ओमानच्या मसिरा बंदराजवळ नांगरलेले आहे.
(1)0L85.jpeg)
ही यशस्वी बचाव कार्यवाही, आंतरराष्ट्रीय सागरी सहकार्याची परिणामकारकता तसेच या क्षेत्रातील सागरी बचाव संस्थांदरम्यान असलेल्या सशक्त समन्वय यंत्रणा अधोरेखित करते. तसेच ती भारतीय नाविकांना सुरक्षित राखण्याप्रती आणि सागरी आपत्कालीन स्थितीदरम्यान वेळेवर मदत उपलब्ध करून देण्याप्रती भारतीय तटरक्षक दलाच्या बांधिलकीला देखील अधोरेखित करते.
निलीमा चितळे/संजना चिटणीस/प्रिती मालंडकर
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(रिलीज़ आईडी: 2270844)
आगंतुक पटल : 35