نوجوانوں کے امور اور کھیلوں کے مرکزی وزیر ڈاکٹر منسکھ مانڈوِیا نے  بھارت کی مرد و خواتین کی ہاکی ٹیموں کو، جاپان میں حال ہی میں اختتام پذیر ہوئے انڈر-18 ایشیا کپ میں ان کی شاندار کارکردگی کے لیے، پیر کے روز اسپورٹس اتھارٹی آف انڈیا (ایس اے آئی) کے صدر دفتر میں اعزاز سے نوازا۔

مردوں کی بھارتی انڈر-18 ہاکی ٹیم، جس کی قیادت کپتان کیتن کشواہا نے کی،  نے جمعہ کے روز کاکامیگاہارا میں کھیلے گئے فائنل مقابلے میں جاپان کو 4-1 سے شکست دینے کے بعد انڈر-18 ایشیا کپ 2026 کا خطاب اپنے نام کیا۔

کھیلوں کے مرکزی وزیر نے مردوں کی ٹیم کو 61.5 لاکھ روپے کا چیک  دیا۔

دوسری جانب، بھارت کی انڈر-18  خواتین ہاکی ٹیم، جس کی قیادت کپتان سویٹی کُجور نے کی، نے کانسے کے تمغے کے لیے کھیلے گئے مقابلے میں کوریا کے خلاف 3-0 سے شاندار فتح حاصل کرنے کے بعد انڈر-18 ایشیا کپ میں کانسے کا تمغہ جیتا۔

ڈاکٹر مانڈوِیا نے حوصلہ افزائی کے طور پر خواتین کی ٹیم کو 21 لاکھ روپے کا چیک دیا۔

ڈاکٹر مانڈوِیا نے  دونوں یعنی مرد و خواتین کی ٹیموں کی حوصلہ افزائی  کرتے ہوئے کہا: ’’ میں دونوں ٹیموں کو مبارکباد دینا چاہوں گا کہ انہوں نے ملک کا نام روشن کرنے کے لیے جو محنت کی ہے۔ پوری قوم کو آپ پر فخر ہے۔ میں آپ کو بتانا چاہوں گا کہ یہ صرف شروعات ہے۔ محنت کا کوئی متبادل نہیں ہے۔ جس نے 13 گول کیے ہیں اسے 15 یا اس سے زیادہ گول کرنے کے بارے میں سوچنا چاہیے۔ جس نے 10 گول روکے ہیں اس کا مقصد یہ ہونا چاہئے مخالفین ایک بھی گول نہ کر پائیں۔ چاہے آپ پڑھائی کریں یا کھیل کھیلیں، مکمل عزم ہونا چاہیے۔ اپنی بہترین صلاحیتوں کے مطابق کارکردگی کا مظاہرہ کرتے رہیں اور اپنے والدین اور خیر خواہوں کو خوش رکھیں، یہی آپ کا مقصد ہونا چاہیے۔‘‘

ڈاکٹر مانڈوِیا نے کہا کہ حکومت ہند بھارت کو کھیل کود کی سوپر پاور بنانے کے لیے پابند عہد ہے جس کا تصور عزت مآب وزیر اعظم نریندر مودی نے پیش کیا ہے۔

کھیلوں کے وزیر نے مرد و خواتین کی ٹیموں کی جانب سے سب سے زیادہ گول کرنے والے کھلاڑیوں آشیش تانی پورتی اور نوشین ناز، اور بہترین گول کیپر آیوش راجک کو بھی اعزاز سے نوازا، جس نے مقتدر ٹورنامنٹ میں 10 گول بچائے۔

کھیلوں کے وزیر نے بھارتی ہاکی ٹیم کے سابق کپتانوں رانی رامپال اور سردار سنگھ کو بھی اعزاز سے نوازا، جو انڈر-18 ایشیا کپ کے لیے بالترتیب بھارتی خواتین اور مردوں کی ٹیموں کے لیے کوچنگ کے فرائض انجام دے رہے ہیں۔

**********

 (ش ح –ا ب ن)

U.No:8135

(रिलीज़ आईडी: 2270479) आगंतुक पटल : 6