جھارکھنڈ سے زرعی برآمدات کے شعبے میں ایک اہم پیش رفت کے طور پر وزارتِ تجارت و صنعت کے تحت زرعی و عمل شدہ غذائی مصنوعات کی برآمدات کے فروغ کے ادارے (اے پی ای ڈی اے) نے ریاست سے برطانیہ کے لیے تازہ آموں کی پہلی تجارتی کھیپ روانہ کی۔ اس سلسلے میں پرچم کشائی کی تقریب 4 جون 2026 کو کولکاتا میں منعقد ہوئی۔

یہ کھیپ 1.5 میٹرک ٹن تازہ امرپالی آموں پر مشتمل ہے جو جھارکھنڈ کے ضلع سمڈیگا کے بانو بلاک میں واقع بیورا فارمر پروڈیوسر کمپنی لمیٹڈ سے حاصل کیے گئے ہیں۔ یہ مکمل طور پر خواتین کی قیادت والی ایک کسان پیداکار کمپنی (ایف پی سی) ہے۔ مذکورہ کھیپ میسرز جے جی بی ایگروفریش پرائیویٹ لمیٹڈ، کولکاتا کی جانب سے لندن، برطانیہ کو برآمد کی جا رہی ہے۔

یہ برآمد اے پی ای ڈی اے کی جانب سے 5 مئی 2026 کو ضلع سمڈیگا کی کسان پیداکار کمپنیوں (ایف پی سیز)، کسان پیداکار تنظیموں (ایف پی اوز) اور ترقی پسند کسانوں کے لیے منعقد کیے گئے برآمدات پر مبنی صلاحیت سازی پروگرام کے بعد عمل میں آئی۔ اس پروگرام میں برآمدی تقاضوں، کوالٹی کے معیارات اور بین الاقوامی منڈیوں میں دستیاب مواقع پر خصوصی توجہ دی گئی تھی۔

بعد ازاں اے پی ای ڈی اے نے بیورا فارمر پروڈیوسر کمپنی لمیٹڈ اور میسرز جے جی بی ایگروفریش پرائیویٹ لمیٹڈ کے درمیان رابطہ قائم کیا تاکہ ضلع سے برآمدی معیار کے آموں کی خریداری ممکن بنائی جا سکے۔ موجودہ برآمدی کھیپ اسی اقدام کا نتیجہ ہے۔

اس اشتراک کے ذریعے کسان پیداکار کمپنی کو برآمدی قدر کی زنجیر میں براہِ راست شمولیت کا موقع ملا ہے اور اس کے رکن کسانوں کو بین الاقوامی منڈیوں تک رسائی حاصل ہوئی ہے۔ اس ایف پی سی سے وابستہ کسانوں نے اپنی پیداوار کے لیے مقامی منڈی میں رائج قیمتوں کے مقابلے میں بہتر اور زیادہ منافع بخش قیمت حاصل کی ہے۔

اس اقدام سے توقع ہے کہ خطے کے کسان گروہوں میں معیاری پیداوار کے طریقوں کو اپنانے، بعد از برداشت نظم و نسق (بعد از کٹائی نظم و نسق) کو بہتر بنانے اور بین الاقوامی معیاروں کی پابندی کو فروغ ملے گا۔

جھارکھنڈ باغبانی کی کاشت کے لیے موزوں زرعی و موسمی حالات کا حامل ہے۔ ریاست میں پیدا ہونے والی امرپالی قسم کے آم اپنے اعلیٰ معیار اور منڈی میں وسیع قبولیت کے لیے معروف ہیں۔ اس برآمدی کھیپ کے ساتھ جھارکھنڈ بھی اُن ریاستوں کی فہرست میں شامل ہو گیا ہے جو تازہ پھل بین الاقوامی منڈیوں کو برآمد کرتی ہیں۔

زرعی و عمل شدہ غذائی مصنوعات کی برآمدات کے فروغ کے ادارہ (اے پی ای ڈی اے) بازاروں کی ترقی، صلاحیت سازی کے پروگراموں، معیار میں بہتری کے اقدامات، سراغ رسانی کے نظام (ٹریس ایبلٹی سسٹمز) اور برآمدات کے فروغ سے متعلق سرگرمیوں کے ذریعے زرعی اور عمل شدہ غذائی مصنوعات کی برآمدات کو سہولت فراہم کرتا ہے۔

یہ ادارہ خواتین کی قیادت والی اور قبائلی پیداوار کار تنظیموں سمیت مختلف کسان اجتماعی اداروں کی زرعی برآمدات میں شمولیت کی بھی حوصلہ افزائی اور معاونت کرتا ہے۔

جھارکھنڈ سے تازہ آموں کی پہلی تجارتی برآمدی کھیپ کی روانگی ریاست کی کسان پیداکار تنظیموں کو بین الاقوامی منڈیوں سے جوڑنے کی سمت ایک اہم سنگِ میل ہے، جو مستقبل میں زرعی برآمدات کے مزید مواقع پیدا کرنے اور کسانوں کی آمدنی میں اضافے کا باعث بن سکتی ہے۔

 

Local Goes Global का सशक्त उदाहरण...

झारखंड के सिमडेगा की महिला किसान उत्पादक कंपनी द्वारा उगाए गए आम्रपाली आम यूनाइटेड किंगडम पहुंचने वाले हैं। @APEDADOC के निरंतर प्रयासों से किसानों को बेहतर मूल्य, महिलाओं को नई पहचान और भारत के कृषि निर्यात को नई गति मिल रही है। pic.twitter.com/9afvfc2lMB

— Piyush Goyal (@PiyushGoyal) June 6, 2026

 

***

ش ح۔ ش ا ر۔ ول

Uno-8074

(रिलीज़ आईडी: 2269983) आगंतुक पटल : 12